نقطة ومن أول السطر عودة للحياة

حلو جدا اننا نكون عايشين وقلوبنا مع الحبيب
ونرجو جوارة
أكيد ده هيصلح فينا حاجات كتييييييييييير
وهيزيد الصله بينك وبينه

فهو معك على قدر ما أنت معه

فلينظر كل منا أين مكانه وأين مقداره؟؟؟؟؟؟؟؟؟




نقطة ومن أول السطر عودة للحياة..........

يقول الشعراوى رحمة الله:


من لا يأكل من منبت فأسه لا يملك قرارة من رأسه

يعنى اى انسان لازم يكون مالك نفسه وهو اللى بيتحكم فى تصرفاته ومش اى حد تانى

لانه لما يكون كده هايعرف صح ياخد قرار وهياخد القرار ده عن اقتناع وفهم

اما لو كان حد متحكم فيه اكيد مش هايعرف ياخد القرار السليم من نفسه وهايستنى الشخص ده علشان يقرر له لانه ببساطه مش فاهم حاجة وهايمشى وراه كده وخلاص

يعنى بمعنى اصح عايش عالة على الاخرين هما اللى بيفكروا وهو عليه التنفيذ

صح كده ياريهان ولا ايه؟؟

نقطة ومن أول السطر عودة للحياة..........

بيقول صلاح جاهين:

ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!

ربنا يكرمك ياشيماء

صح

يعنى لازم كل واحد فينا يشتغل بجد ويعمل اللى علية عشان يكون هو سيد نفسة
وميمشيش كده ورا حد أو يساق كالأنعام

الحال اللى احنا فيه دلوقت هو اننا مش بنشتغل ومش بننتج
وبالتالى ازاى هنقدر ناخد القرار أو هنبقى احنا المتحكمين فى نفسنا

احنا اللى نقرر هنعمل اية وهنرفض اية

كل ده مش موجود عشان احنا بننتظر من يخطط لنا ويعمل لنا وبالتالى نتوجه خلفة مثلما يقول دون أدنى تفكير
لأنى لا أمتلك القدرة على الاختيار لأنى ببساطة معنديش أى معرفة

وكما يقول الحسن البصرى
علمت أن عملى لن يقوم به غيرى فاشتغلت به وحدى

يعنى عملك انت لوحدك اللى المفروض تعمله وتشتغل بيه ومتستناش حد يساعدك أو يجبلك الخلاصة لحد عندك
حتى لو عمل معاك ده
مش هتكون بنفس الدرجة من الاتقان والدراية عندك اللى لو أنت قومت بالشى ء بنفسك

والا اية رأيكو فى السطر ده...........

برده سبحان الله تاني وتالث وعدد لا نهائي من المرات

من شوية لسة قارئ موضوع وقولت سبحان الله كان فعلا لازم اقرأه ساعتها

والسطر الأخير ده برده لازم يتقرأ دلوقتي

على فكرة ربنا يبارك فيكم كلكم ويرحمنا كلنا برحمته

ربنا هوا ولينا

والمفروض ان الذي له ولي ميكونش قلقان من اي حاجة

تخيل كده انت مستريح وقاعد وربنا هو اللي بيخلي كل خلية في جسمك تقوم بواجبها

طب ياترى لو شوية خلايا كده اتفقوا مع بعض من ضمن مليارات الخلايا اللي عندك

انهم يبطلوا شغل نص ساعة راحة كده يعني

ايه اللي هيحصل لجسمك

تخيل كمية التعب اللي هتكون فيها

ده بالنسبة لكده

طب مش بقا المفروض بعد ما عرفنا ازاي ربنا حافظنا وحامينا نقوم ونبدأنسعى وراء ارزاقنا

يعنى هوا ربنا لو عاوز يدمر حد فينا بأعماله لازم يجيبله طيارة تقع فوق دماغه

ولا يخليه يعمل حادثة بالعربية اللي وا راكبها

يكفيه وله المثل الأعلى ان يأمر خلية واحده على الاقل انها متقومش بشغلها

ووريني بقا ياشاطر هتعمل ايه دلوقتي

يبقى من المفروض انك فعلا متبقاش عايش على غيرك

انت عايش ليييييييييه؟

عايش عشان ربنا

عشان نفسي اقوله يارب انا كنت انسان بسيط وعلى قد لقمة عيشي

بس انا عرفت ان نبيك قال فيما معناه " من أكل من عمل يده بات مغفورا له"

ودي يارب الحاجة اللي كنت قادر اعملها

وان شاء الله اكيد ربنا هيقدر صدق النية اللي انت فيها

............................

اللهم انا نسألك الفردوس الأعلى جيرانا لحبيبنا النبي في الجنة

واثق الخطوات يمشي ملكا

كلما كان لحياتك مهجا صحيحا وسليما

كلما بعدت بقد المستطاع عن الهاوية

من يومن بالله ويعبده حسن العبادة
فانة يمشي في الطريق الصحيح واثق من نفسة
وبذلك يكون ملك وسيبعد عن الهاوية

بل كن كالمثل القائل

سيد القوم خادمهم

وليس آمرهم

بصراحة ياجماعة الكلام كله رائع

بس الفكرة ياريت نعلق على كل مقوله عشان نستفيد منها أكتر

ونسيبها فترة وبعدين نحط مقولة تانية
عشان تكون خدت حقها فى المناقشة

علي فكره ياريهان "ما خرج من القلب وصل الي القلب
وما خرج من اللسان لم يتعدي الاذان" دي تكمله المناقشه مش مقوله جديده يعني قصدي ان صدق الكلام وايتغاء وجه الله فيه وان النصح يكون لله مع الالتزام باداب الحديث اهم بكتير من اضفاء جو فلسفي ليه وده اللي فهمته
وزي مقالو زمان " رائي خطا يحتمل الصواب ورائي غيري صواب يحتمل الخطا" يعني المسائله مسئله اراء

ربنا يكرمك يادكتور

أسفة بس مكنتش واضحة

وأنا تفق مع حضرتك فى هذا الرأى

يعنى الكلام مش لازم يكون فيه فلسفة
بالعكس كلما كان الكلام بدرجة بسيطة بنلقية بيوصل أسرع ويأثر فى الناس أكتر
وده طبعا ميمنعش ان الفلسفة مهمه ومطلوبه
لكن لى سؤال
يعنى ايه الفلسفة فى الكلام أصلا ؟؟؟
وياترى امتى تكون مطلوبة؟؟؟

لا تكون سبورة توضع لك النقطة وتفرض عليك النهاية

بعتبرها انا المبدأ الأساسي لعلم فلسفة الكلام

ياشباب علشان من توهش من بعضنا ممكن حد يفهمنا يعني ايه فلسفه ؟
ويعني ايه علم فلسفه الكلام؟

الفلسفه هى علم الكلام هكذا سميت قديما عند العرب

الفلسفة فديما عند الفلاسفة
هى البحث خلف الافكار المختلفة (سياسية ,علمية,........)
ومناقشتها