ورشة عمل..*(الصحبة الحلوة)*..

:sla2:
كل عام والصحبه الحلوه بخير

ان شاء الله سيتم تجميع لحوم الأضاحى وتوزيعها على الفقراء والأيتام من أسر الجمعيه

كما سيتم تجميع جلود الأضاحى حيث يخصص العائد من الجلود لصالح دار الرحمه لرعايه الأيتام

لذوى الأحتياجات الخاصه بالبتانون

التجميع هيكون من أول يوم العيد ان شاء الله من الساعه 10 الى الساعه 5

دور المتطوعين

1-الاستقبال

دور الا ستقبال يتلقى التبرعات سواء لحمه أو جلود وكمان هيكون على اتصال بالمندوب

والاستقبال من الساعه10 الى الساعه5 والتركيز كله على أول يومين

احنا محتاجين على الأقل اتنين من المتطوعين يكونوا استقبال ولو لمده ساعتين يعنى كل

واحد يشوف فاضى امته ويبلغنى بالميعاد بس ياريت يكون ملتزم بيه

2- تجميع الجلود
ان شاء الله سوف يتم تأجير عربيتين لجمع الجلود من البتانون وشبين من خلال عناوين

المتبرعين الأستاذ ابراهيم هيكون معاكم



والتفاصيل أكتر هتكون فى الاجتماع الجاى يوم الخميس الساعه 2

طبعا مستنيه مشاركتكم ويارب دايما متجمعين على الخير

جزاكي الله خير يارشا

وان شاء الله متواجدين يوم الخميس عشان نعرف باقي التفاصيل بالظبط

وربنات يقدرنا على عمل الخير

جزاكى الله خيرا
وان شاء الله نتقابل يوم الخميس ونوضح كل حاجةونتفق

اوك يوم الخميس نتفق وبلغكم هبقى هكون موجود امته وكل عيد وانت طيبيبين يا معيدين
مااااااااااااااااااااااااااااااااااااااااااااااااااااااااء

:sla2:
ربنا يوفقكم كلكم ويجزيكم كل خير

بس أنا كنت نسيت أقولكم حاجه

احنا محتاجين نعمل دعايه بالنسبه للحمه وللجلود

يعنى لو فى عضو من أعضاء المنتدى هيضحى أو حد من معارفه أوجيرانه ياريت يبلغه بالموضوع ده ولو فى حد عنده النيه انه يتبرع ياريت يعرف عنوانه ورقم تليفونه ويسجله علشان بس نعرف نوصله لأن الجلود هيكون دخلها لصالح الأيتام كمان عايزين نوزع لحمه على أسر الجمعيه


واللى مش عايز يضحى بخروف العيد ياريت يضحى بوقته ويجى الجمعيه يساعدنا فى التوزيع


وكل عام وانتم الى الله أقرب وعلى الطاعه أدوم وعن النار أبعد

ربنا يكرمك يارشا
وشكرا على مجهودك بجد

وربنا يجعله فى ميزان حسناتك

وان شاء الله ربنا ييسر ونعمل اللى نقدر علية

:sla2:
ايه يا جما عه أخر الأخبار ياترى عملتوا ايه فى الاجتماع
أنا عرفت من ريهان اننا احنا اللى هنقطع اللحمه يعنى كده نعمل حسبنا نجيب معانا بقى سكاكين وساطور

ومين هيحضر الدبح وهيقطع معانا اللحمه وكمان مين اللى هيوزع اللحمه؟

ماشاء الله عليكي يآ آنية شيماء جمعتي كل حاجة في اختصار شديد جدا

ربنا يعينا يا أحلى صحبة اننا نعمل الخير

وكلمة يا أحلى صحبة في الدنيا

احنا عاوزين الدكتورة اسلام بالذات تحس وتوقن كويس من جواها انها مش لوحدها اللي عليها الحمل كله

ربنا معاها قبلنا وبعد ربنا سبحانه وتعالى كلنا موجودين

والحاضر يسد مكان الغايب

نحن لها نحن لها

مش برده احنا الصحبة الحلوة

اللي مصدر قوتها ربنا سبحانه وتعالى

يعني مفيش احسن من كده

شدوا حيلكوا يا أحلى صحبة في الدنيا

أعنانا الله وواياكم

يا أحلى صحبة الواحد شافها في حياته

ياريت اللي يعرف إيه النظام بكرة يبقى يقول

ضروري جدا

يقول بقا التواجد فين بالظبط من الساعة كام؟؟؟
وهنعمل ايه إن شاء الله؟؟؟

:sla2:
هو فعلا زى ما قالت شيماء هنتجمع فى الدار الساعه 10 وما تخافوش حنخلص بسرعه ان شاء الله لأن العدد الى فاضل بسيط وكمان عندنا اجتماع بعدها علشان هنشوف هنعمل ايه فى الحفله وامته حنتجمع وكده وكمان نزور أطفال الدار ونعيد عليهم وكمان بالمرة نزور المسنين وبالذات الحاجه أمينه علشان وحشتنى أوى

وان شاء الله هوفى بوعدى وهجيب معايا المشروب الرسمى بتاع الصحبه الحلوه

:sla2:
اعذرينى يا شيماء والله أنا طول النهار فى الجمعيه مع سماح علشان الاستقبال وتجميع الجلود والحمد لله جمعنا كميه النهارده والأستاذ ابراهيم ومحمد ربنا يكرمهم يارب تعبوا أوى النهارده فى تجميع الجلود والحمد لله بعناها كلها لتاجر

ها يا اهالي الصحبة الحلوة

مين جاي بكرة ان شاء الله ياريت كل واحد لو هيدخل يقول مين جاي معاه ان شاء الله

ومتكسفوناش

ربنا يقدرنا على عمل الخير ان شاء الله

لالالالالالالالالالالالالالالالالالالالالالالالالالالا

ودي اصلا فيها كلام

دنا بيتهيقلي كده ان شاء الله الواحد ممكن يكون خد شوية دعاوي يكفوه باقي العمر والله مش بهرج

بصراحة بقا كده انا اصلا جاي النهارده مخصوص عشان عاوز اقول لنفسي واثبت لنفسي ان ان شاء الله انا لسه فيا خير

لإن الليلة اللي قبلها امبارح يعني كنت جالي كده احساس مش لذيذ خالص يعني ملخصه ان الواحد حتى لو اجتمع مع مين برده مش يطمر فيه

فده كان السبب الأساسي اللي جابني النهاردة

والحمد لله مع الدعاء الواحد حس انه النهارده ربنا استجاب دعائه اللهم لك الحمد

طبعا بعد شوية الشغل الشاق اللي كان الصبح دول جت الزياره

الصراحة اني كنت رايحها بالروح اللي انتم سيبتوها في الجمعية من كلامكم على زيارتكم الأولى

وبرده اهو الواحد بيشوف حاجة جديده

بس بصراحة انا في قمة الفرحة انا بجد شايلكم كلو يوم والتاني جمايل لا تعد ولا تحصى

والله دا عمل الخير ده لما تسبقه نية كويسه بيكون من اورع ما يشعر به الإنسان

الحمد لله انا كنت بجد عاوز افضل شوية بس عمل ايه بقا

بعد ما مسشيتوا روحت انا ومروان على بيت الأستاذ حسام الجندي وجبنه من عنده جلد بقرتين وخروف

كانت حاجة بصراحة يعني ........

ربنا ما يوريكوا

وكان فيه حواي 7 كيلو لحمة معاهم

بس الحمد لله

يا جماعة المعادلة بتقول

كل ما تحس انك بتيجي على نفسك اكتر ان شاء الله حسناتك تكون اكتر

اللهم استخدمنا ولا تستبدلنا ابدا ما حيينا

يا جماعة عمل الخير ده جميييييييييييييييييييييييييييل اوييييييييييييييييييييييي اويييييييييييييييييييييييييي

شكرا جدا يا آنسة شيماء بجد خلتيني اطلع اللي جوايا اوي اوي

جزانا الله واياكم جوار النبي في الفردوس الأعلى

يارب الدعوات دى كلها تكون من نصيبنا يارب
وربنا يرزقنا جميعا الاخلاص فى القول والعمل

المفروض اننا نشكر ربنا ليل ونهار على انه سمح لنا اننا الحمد لله نعمل حاجة

ياربى لك الحمد كما ينبغى لجلال وجهك ولعظيم سلطانك

والله فعلا

ياربي لك الحمد كما ينبغي لجلال وجهك وعظيم سلطانك

الحمد لله خلصنا الاسبوع ده علي خير وكان اسعد عيد قضيته في حياتي واول مره اقضي عيد بالطريقه الروعه دي وفعلا اول مره احس اني عيدت وكنت فعلا محتاج اسبوع زي ده علشان اغير بيه جو بعد اسبوع الميدترم وقبل ما ندخل في الفاينال
لو تشوفوني قبل الاسبوع ده كنت عامل زي السجين بالظبط بالظبط
كانت الكئابه عندي في كل حاجه حتي علي وشي دقن مش محلوقه وشعر ي طول بدرجه فظيعه سجين فعلا بس الحمد لله اسبوع في الجون

ده غير كده الاسبوع ده غيرني بصوره كبيره عن الصوره اللي فاتت واكيد عند ناس كتيره بتحس الاحساس ده لأن اول مره نعمل شغل بالطريقه دي وبالكمية دي وبالانجاز ده وبعد ده كله يفيض كمان يعني الحمد لله كان تعاون 10علي10

وانا عن نفسي كنت عاوز يبقوا اسبوعين تلاته اربعه كتير يعني بس نعمل ايه عادي

اما ةبقي بالنسبه للمعرض اولا وسط الاسبوع مقدرش اديكوا كلمه اني هاجي يعني ممكن تقولوا اني مش هاقدر اجي لأن كل يوم ورايا محاضرات وسكاشن من 9 لحد 3 العصر وبروح كده علي 5 يعني يكون اليوم خلص واخر الاسبوع ممكن ان شاء الله الجمعه او السبت اجي
ده غير ان الامتحانات خلاص فاضلها 2 اسبوعين ونبدا العملي وبعديها علطول النظري
بس ان شاء الله البركه فيكوا

وبرضه علشان بكره انا بعتذر جدااااا جداااا جدااااا اني مش هاقدر اجي علشان انا من الصبح ان شاء الله لازم اكون في البلد مش في بركة السبع لأ في البلد علشان في حاجات كده بابا عاوزني فيها هناك فمعلشي والبركه في الشباب بكره

وبقدم شكر خااااااااااااااااااااااص جداااااا لكل شخص ساهم في انه يحسسنس ويحسس المجموعه كلها بالسعاده اللي انا حاسس بيها دلوقتي واكيد انتوا كمان ويارب يعيد علينا العيد بخير ان شاء الله ونكون متجمعين زي العيد ده ونكون اكتر من كده واحسن من كده كمان علشان نقدر نساعد ناس اكتر مش في البتانون بس لأ في المنوفيه كلها ويارب في مصر كلها ويارب في العالم كله يارب

شكر خاص بقي للدكتوره اسلام واستاذ احمدوالاستاذ ابراهيم علي المجهود الجبار ليهم والله والاستاذه رشا شكر واعتذار هي بقي عارفه ليه وماما رشا والانسه هبه اكيد
ولمروه عصام علي القرص اللي كانت جايه في وقتها وعلي الشمعدان اللي مش عارف مين اللي جابه

ولكل افراد الجمعيه اللي اشتركوا معنا والليب ما اشتركوش معانا برضه ويار ب يجمعنا كده في الاخره مع بعض في الجنه بجوار الرسول عليه افضل الصلاة والسلام

ايه يا جماعة كلامكم كده بيقول اننا خلاص افترقنا وبنقول الواداااااااع

قالي الوداع ؟؟؟ قلت اشطة

عادي يعني احنا لسة والله عايشين والحياة حلوة

احساسي بقا محدش يضحك عليه انا دايما كده غريب

حايي ان ربنا خلى كل طاقات الكون الحو منها والجميل والرائع والحماسي والمخلص و.....

بصوا كل ما يمكن ان تتخيلوا من حجات جميله

المم كلها متجمعة كده وعاملة زي خيط مبرووووم على بعضة وداخل ومحبوس جوه صدري من جوه

امبارح كنت عاوز والله اروح وانا في الدار ويكون على شمالي خوخة وعلى يميني سلووووومه الجمييييييل

عارفين والله كنت حاسس اني بحضر فرح اخويا والله

او انا خلاص كبرت وبقا عندي ابن زي اسلام ولما شوفته بيضحك كنت طاير من الفرحة

حجات كتيييير فعلا زي مالآنسة شيماء بتقول بس هنعمل ايه

الأسبوع خلص والحمد لله بس والله كان ولا اروع وولا اجمل وكل حاجة

دعواتنا معاكم دايما على طوووول واكييييييد دعواتكم معانا يا أحلى صحبة انا نفسي اغمض عين وافتحها الاقيني خلصت امتحانات خلاص عشان افضى بقا كده شوية ونرجع نهد روحنا تاني مع أحلى حاجة الواحد عملها

دا عمل الخير ده من اروع ما وجد في هذه الدنيا

وطبعا مش اي حاجة دا اللي بيشجعك مش اي حد دي الصحبة الحلوة

ربنا يثبتنا كلنا ونتقابل على باب الجنة وجوه الجنة

ويجعل اعمالنا كلها خلصه لوجهه

اللهم آآآآآآآآآمين