ورشة عمل..*(الصحبة الحلوة)*..

ان شاء الله اسماء الله الحسني ممكن انا ودكتور صلاح نمسكها

وماله اهو على الأقل نبقى وزعنا المهم

فكل واحد يقوم بواجبه على اكمل وجه

لو حضرتك يادكتور عايز تكون معانا فى السيرة ياريت وممكن نقسم الاجزاء علينا

لان احنا بنلخصه وبنزله على المنتدى وبعدين بنشرحه فى اجتماع يوم السبت فى الجمعية

ممكن ان شاء الله ريهان تقسم الفصل ونلخصه كلنا ان شاء الله

ايه رأى حضرتك؟

جزاك الله كل خير يا دكتور

ونسعد جدا بلقاء حضرتك

وخصوصا اننا تشوقنا لمعرفتك بعد موضوع نحب نتعرف

بالنسبة بقا لتوزيع المهم

فمع احترامي لأرآئكم بس انا شايف ان المفروض كل واحد ياخد مجاله وبس

يعني انا الآنسة ريهان والآنسة شيماء في السيرة

والدكتور صلاح وامجد في أسماء الله الحسنى

على الأقل هيكون فيه تركيز من كل عضو على مجاله

مع العلم اني مش بعترض على حاجة يعني هيا مش هتفرق اوي

لو اتلخبطت شوية

بس للنظام وعشان الناس لما تدخل وتشوف تبقى فاهمة مين متخصص في دي ومين متخصص في دي

دا كان القصد من كلامي

وتقبلوا مني خالص احترامي

أخوكم:- محمود

مع حضرتك يابشمهندس

بس الفكرة كلها زى ما دكتور صلاح بيقول طالما ظروفنا تسمح بالمشاركة خلاص

كمان احنا عوزين الناس كلها تشارك معانا
فى السيرة
عشان نشجع بعض أكتر
يعنى ان شاء الله باقى الأعضاء لما تلقينا عدد كبير وكل واحد محضر حاجة حتى لو كان جزء بسيط
ان شاء الله هم كمان يتشجعوا ويبتدوا يشاركوا بجد

و كمان نخلصها بسرعة ونبتدى فى حاجة جديدة

دى بس كانت الفكرة

فاية رأيكو؟؟؟؟؟؟؟؟؟؟؟؟

اوكشن

على بركة الله

خلاص ان شاء الله كده ممكن مدام الواحد ظروفة سامحة يبقى يعمل اللي علي

ومحدش عارف بكرة الظروف ايه

اية أخباركم ياجماعة؟؟؟؟؟؟؟؟

ياترى جاهزين والا لسه؟؟؟؟؟؟؟

وعوزة أعرف بقى مين مع مين ؟؟؟

وهتحددوا ازاى؟؟؟؟؟؟؟؟؟

السلام عليكم

ياجماعة عوزين بقى نقسم الفصل الجديد فى السيرة
عشان نبدأ نحضرة

يلا مستنية رأيكوا؟؟؟؟؟؟


تانى حاجة نتكلم شوية فى النادى الاجتماعى

عوزين نجيب حاجة فى أول جلسة تكون مرتبطة ببعضها
قصدى كل اللجان تقدر تشتغل فيع وتربطه ببعض
وكمان ياريت يكون ليها علاقة بالرياضة
ياترى تقترحوا موضوع ايه؟؟؟؟؟؟؟

انا بعتذر عن عدم تقديمي اسم الله المؤمن الاسبوع ده علي المنتدي وياريت زي ماريهان سألت وان كمان بسأل هو مين بقي مع مين علشان انه باين الباشمهندسين مشغولين الايام دي ربنا يكون في العون

هم الظاهر فعلا ان الناس مشغولة فلو حضرتك يادكتور محتاج حد معاك فى اسماء الله الحسنى انا مستعدة ان شاء الله

وبالنسبة للسيرة ياريهان انا ان شاء الله هاخد الفصل الجديد اللى هو(حياة النبوة والرسالة والدعوة

لغاية اقسام الوحى وانتى ان شاء الله كملى بعدى لغاية الاخر

واظن اننا هانتكلم فى الاجتماع عن الجزء الاول بس علشان الوقت

وممكن حضرتك يادكتور لو حابب تلخص السيرة وتنزلها على المنتدى فى موضوع اعرف نبيك يبقى جزاك الله خيرا
لكن لو حضرتك مشغول خلاص ممكن احنا ننزلها ان شاء الله

خلاص ماشى ياريهان انا ممكن اخد جزء صغير ونبدأ فيه لغاية استاذ احمد ما يجى

بالنسبة للنادى الاجتماعى موضوع عن ايه يعنى؟

يعنى قصدى اللجنة الدينية والثقافية هتبتدى ازاى؟؟؟؟؟؟؟؟

بصى هو أنا كنت بقول بما ان اليوم هيكون رياضى

فممكن نعلق مثلا على الكابتن أبو تريكة وان كل لما يحصل حاجة يسجد شكر له
ومن هنا ندخل ليهم بحاجة دينيه
واننا لازم نشكر ربنا الأول على كل شىء ونحب ربنا
وهكذا يعنى

أما الثقافى فممكن نكمل على الكلام ده
واننا نحكيلهم شويه عن فوائد الرياضة
وهكذا
مثلا دى تصور مبدئى
ايه رأيك؟؟؟؟؟؟؟؟؟؟؟؟

اه انا كنت بفكر فعلا ان اعرف ازاى الاسلام حثنا على الرياضة واهميتها اننا نتكلم فيها

وكمان الرسول عليه الصلاة والسلام لما تسابق مع السيدة عائشة
وهكذا

انا هاحاول ان شاء الله اجمع شوية حاجات كده ونكلمهم فيها

شكرا ياشيماء وشكرا ياريهان علي العرض الطيب وروح التعاون الجميله
المشكله عندي انا مبفضاش علشان احضر اي موضوع غير يوم الثلاثاء او الاربعاء فلو حصل فيهم اي ظرف او ان شغلت باي اي حاجه طارئه بيضيع علي بقيت الاسبوع فالليحب يشارك معي في اسماء الله الحسني فاهلا وسهلا بيه ام السيره فانا حابب اشترك فيها بس اظبط نفسي لاني بصرحه مش عارف اقولكم انا حياتي اتغيرت قد ايه وخصوصا النت بالنسبه لي من ساعه ما الدكتوره اسلام عرفتني بالمنتدي فجزاه الله عني كل خير
اما بالنسبه لحضور ي معكم الاجتماع فانا والله متشوق جدا اتعرف عليكم واشاركم ان مكانش في نشاط الجمعيه الخيري فعلي الاقل في اي نشاط تاني بس انا يوم السبت عندي شغل الساعه 5 مساء وانتم اجتمعكم من 2\1 و1 وانا بصحي من النوم متاخر يوم السبت لانه اجازه وانا بطبعي للاسف كسولللللللللللللللللل جدا لكن ان شاء الله هحاول اجي السبت الجاي او اللي بعده حتي ولو متاخر وابقي اطلع من عندكم علي الشغل
اما رائي ومقتراحتي بالنسبه للنادي الاجتماعي فانا احب افهم الوضوع كويس علشان اقدر ابدي رائي

يكون ليا الشرف اني اوضح الصورة بتاعت النادي الإجتماعي

كصورة مبسطة عنه احنا والحمد لله من واحنا ضغيرين كان لينا اهلنا اللي بيقولنا ده صح وده غلط

يعني الحمد لله كان فيه اهتمام بينا دا غير ان والحمد لله محدش كان حالته المادية متعسرة

على عكس ناس تانية اللي هما الأطفال اللي بنتعامل معاهم منهم ناس كتير اهلهم مش ليهم دعوة بيهم اصلا

يمكن حتى لا قدر الله لو ماتوا ولا حصلهم مكروه ساعتها بس يفتكروا ان كان عندهم ابن

كل الهم الأول والأخير الفلوس وازاي نقدر نجيبها ولو حتى على حساب ان الولد يخرج من المدرسة ويشتغل بره

فطبعا لو حصل وسكتنا عن الوضع ده معلش الدنيا كده هتخرب

وهيكون حسابنا عند ربنا كبيييير اوي اانا كنا قادرين نعمل ومعملناش وبجد هنتحاسب حساب عسير جدا

فطبعا جزاه الل خير الأستاذ احمد والدكتورة اسلام انهم نظموا الموضوع وطرحوه علينا والحمد لله جزاهم الله خيرا الأعضاء الكرام واحلى صحبة حلوة شوفتها في حياتي ويارب ميحرمنيش منها ابدا

كان التقبل واضح جدا والحماس باين عليهم كلهم

وبدأ التنفذ بإن الأطفال منهم ناس جت الجمعية المرة يوم الجمعة اللي فات وكان مجرد لقاء تعارف بينا وبينهم وان شاء الله كون خير ووزعنا عليهم استمارات الإشتراك في النادي ربنا يبارك فيهم ان شاء الله

وان شاء الله هيكون فيه يوم ليهم كده يوم الجمعة الجاية بإذن الله في الإستاد لإن احنا قولنا انه هكون يوم رياضي كبداية ليهم

اهو عشان يتشجعوا ويحسوا انهم هيستفيدوا بحجات تانية احسن من الاول

معلش نسيت اوضح النقطة دي

احنا في الجمعية قسمنا نفسنا للجان

رياضية
ثقافية
دينية
اجتماعية
فنية

بحيث ان اللجان دي لما تجتمع مع بعضها تعمل عمل جماعي متكامل ورائع ان شاء الله

فده كان ملخص الحوار

المطلوب بقا دلوقتي اننا نقسم نفسنا بحيث ان اليوم الرياضي ده يكون مفعم من جواه برده بحجات دينية وثقافية وغيرها في نفس الوقت

وعلى هذا يدور النقاش

اتمنى اني اكون وضحت الصورة لحضرتك وطبعا منتظرين افكار حضرتك النيرة معانا

دلوقتي انا فوق وضحت صورة النادي

أنا هطرح عليكم اللي في دماغي ومنتظرمنكم مقاشاتكم فيه عشان نكمله كلنا

بصوا بقا

احنا يوم الجمعة الجاي ان شاء الله هيكون للجنة الرياضية دور هام جدا في غرس حجات جميه في الأولاد من اولها

زي مثلا دعاء هندعيه كلنا قبل اللعب وبرده بعد اللعب ان شاء الله

وطبعا مش عاوزين يكون اليوم كله لعب وبس يعني هنيجي في الآخر ونبدأ نتكلم معاهم في حبة حجات دينية

مثلا زي منتم قولتم ابو تريكة مثلا أو غيره

وبقترح اانا في الآخر نوزع على الفريق الفائز حبة قصص من قصص الأنبياء المصورة البسيطة دي

وبكده ننهي اليوم الأول على سبيل المثال ميكونش مضغوط اوي ونعمل فيه كل حاجة

في نفس الوقت احنا سيبنا حته كده جوا الأطفال (طب ياترى المرة الجاية هيكون ايه)

لعل تكون الصورة وضحت عند الجميع
ويمر كمان اسبوع

طبعا خلال بقا الأسبوعين دول اللجنة الفنية شغاله على اكمل وجه في تظبيط الغرفة اللي جوة اللي كان فيا شنطة رمضان

عشان نتجمع بالأطفال فيها

يعني بيعلقوا ورق حائط وصور وحجات جميله ان شاء الله

وهيكون فيه مكتبة كده صغيرة شوية فيها حبة قصص وكتب مفيده ومرحة زي مجلة ماجد او ميكي او ماشابه

اللي في دماغي بقا للإسبوع التاني ان شاء الله ان اكيد انتم عارفين لعبة كنز المعلومات الإسلامية

اللي هيا قصة كده في الأول وراجل بقا عمال يمشي ويغامر في صحاري وحجات كتيير وكل حته بيعديها بسؤال

بقترح لو ينفع الكمبيوتر يدخل جوه الغرفة بتاعتنا ونشغل لهم اللعبة دي

اكيد احنا هنستفيد وهما كمان هيستفيدوا جامد

وطبعا بقا هيكون فيه يومها جوايز للفريق الكسبان (في حالة اننا قسمنام فريقين مثلا)

وهكذا..........

ده التصور المبدأي اللي في دماغي ياريت تقرأوه كويس عشان عاوز منكم تكملوه انا اكيد عندي حجات فلتت مني

ولكم مني جزيل الشكر

الافكار دى جميلة جدا
واحب اكون لي دور مهم فيها
ودلوقتى انا عرفت انت عايز اللعبة لية

ربنا يكرمك يابشمهندس

بس لو ممكن توضح حضرتك أكتر شويه

يعنى دلوقت فيه دعاء قبل وبعد اللعب
طب ايه هو؟؟؟؟؟؟؟

تانى حاجة دور اللجنة الدينية والثقافية هيكون ازاى؟؟؟؟؟؟؟؟

هو ممكن اللجنة الدنية تكون سهل شويه
يعنى تتكلم فى البداية خالص وسهل تختار اى موضوع
أما اللجنة الثقافية هو دورها بس اللى مش فهماه؟؟؟؟؟؟؟؟؟؟؟
ومش عارفة دورنا هيكون ازاى؟؟؟؟؟؟؟؟؟

الموضوع بسيط جدا يا جماعة والله

اللجنة الديني اللي هيقوم بعملها هما احنا والدعاء ده عند امجد لإن هوا اللي كان بيروح تمارين وتدريب وكده يعني

والحجات دي كان بيعملها على طول

يبقى كده الرياضية والدينية اشتغلوا

الثقافية هيكون دورها في القصة اللي لسة محدتهاش بس هتتقال في الآخر ان شاء الله

وبرده في كتيبات قصص الانبياء اللي هتتوزع على الفريق الفائز بإذن الله

وعاوز بقا اشوف اقتراحتكم

ايه يا جماعة

هوا محدش ناوي يشارك ولا ايه

فين آرئكم النيرة اللي متعودين عليها دايما