فضفضة..........(فى حب الله)

يااااااااااااارب ملناش غيرك يارب احنا بجد ضعفاء اوى اوى ومن غيرك ولا حاجه

بنغلط كتير وبتسامحنا وبتسمح لنا نقف على بابك ونقف بين ايديك واحنا كلنا ذنوب ومعاصى

يارب خذنا اليك منا.........يارب خذنا اليك منا

من غيرك مانقدرش نتغلب على نفسنا وعلى الشيطان مهما عملنا ومهما قربنا منك عمرنا مش هانوفى حقك ابدا

مهما عملنا مش هايجى نقطه فى بحر فى كل نعمك علينا وكرمك وسترك الخفى

سترك اللى بجد من غيره كان النسا احتقرونا ولو فعلا كان للذنوب رائحه ماكناش اصلا قدرنا نعيش

يارب تب علينا لنتوب ........يارب ورينا الصح والغلط فين خلينا نعرف نفرق بين الحق والباطل

يارب الواحد خايف اوى ان كل اللى بيعمله يطلع فى الاخر هباءا منثورا بس والله يارب ده مش قنوط من رحمتك هو بس خوف انك ماتكونش راضى علينا اهم وأحلى حاجه الواحد يحس بيها هو رضاك علينا وعفوك واانا نحس اننا فعلا فى رعايتك وامانك

يارب لازم نكون عندنا حسن ظن فيك انك ابدا مش هاتضيعنا وانت عالم بقلوبنا واكتر حد حاسس بينا بجد انت ادرى بيا من نفسى بجد ملناش غيرك ......بتعاملنا وبتحن علينا من غير حتى مانتكلم وبتفهمنا سبحانك ياربى

يارب نفسى ترضى عننا .........يارب نعوذ بك ان تصبح كل اعمالنا هباءا منثورا

يارب الخوف مسيطر علينا اوى بس اكيد لازم نرجو رحمتك ونحاول على قد ما نقدر نقرب منك

بس يارب اظهر لنا علامه انك راضى عننا يارب بين لينا احنا ماشيين صح ولا غلط يارب أرنا الحق حقا وارزقنا اتباه وارنا الباطل باطلا وارزقنا اجتنابه

ياااااااااااااااااااارب تقبل منا انك انت السميع العليم وتب علينا انك انت التواب الرحيم

يارب اعملنا ترفع اليك فى هذا الشهر ياترى كل اعمالنا السنه اللى فاتت قبلتها ولا لأ

يارب تكون قبلتها وراضى عننا فيها يارب اكيد كان فيها تقصير يارب اجبر تقصيرنا وتب علينا

يارب بارك لنا فى شعبان وبلغنا رمضان وتسلمه منا متقبلا

يارب املنا فيه كبير وطعم القرب منك حلو اوى وبنحس بطمأنينه وراحه بالقرب منك وحلاوة ما بعدها حلاوة يارب ماتحرمناش منها وتقبل منا يارب

يارب تقبل منا.........يارب تقبل منا..........يارب تقبل منا

يارب خلى حبك وحب نبيك هو اللى فى قلبنا خليه هو افضل حاجه عندنا

يارب خلينا نقدم رضاك وحبك على رضانا وحبنا

يارب مهما اتكلمنا مش هانقدر نقول ولا نوفى حقك انت العظيم الكريم انت علام الغيوب

نفسى بس تطمنا يارب طمنا وريح قلبنا يارب يارب رضينا عنك وارضى عننا

يارب مايكونش بنتكلم وخلاص خلى كلامنا فعل وتطبيق

يارب قدرنا اانا ننصر نبيك يارب املأ قلوبنا بحبك وحب نبيك صلى الله عليه وسلم

وصلى الله وسلم وبارك على سيدنا ومولانا وحبيبنا محمد وعلى اله وصحبه وسلم تسليما كثيرا