فضفضة..........(فى حب الله)

رباه
ها انا ذا خلصت من الهوى
واستقبل القلب الخلي هواك
وتركت انسي بالحياه ولهوها
ولقيت كل الانس في نجواك
ونسيت حبي واعتزلت احبتي
ونسيت نفسي خوف ان انساك
ذقت الهوى مراً ولم اذق الهوى
يا رب حلواً قبل ان اهواك
يا غافر الذنب العظيم
وقابلا للتوب قلبٌ تائبٌ ناجاك

يارب اهدينا وخد بأيدينا واقبلنا على ما كان منا
يارب سامحنا على تقصيرنا فى حقك

احنا المذنبين المعترفين بأخطأنا يارب مالناش غيرك

احنا عارفين انك كريم وعظيم اوى وحليم علينا ودايما فاتح لينا بابك وبتقربنا منك ولو بعدنا شويه بتبعتلنا اللى ياخد بأيدينا

يارب طهر قلوبنا وأيقظها ونورها بنورك الذى يملأ اركان عرشك ويملأ السموات والارض

يارب حبنا وارضى عننا ورضينا عنك

بقالنا كتير مش بنفضفض

يارب مالناش غيرك

يارب مهما ضاقت علينا الدنيا حاسين برده برحمتك علينا وبرحمتك بكل الناس لانك اصلا بتحبنا من زماااااااااااان أوى وبتدلنا على كل خير واكيد حابب لينا الخير حتى لو كان فى ظاهره شر

لكن انت الحكيم تعلم ما تفعل ولا تسأل عما تفعل وعمرنا ما هانقدر نعرف حكمتك حتى لو توصلنا لجزء منها بس المفروض علينا اننا نرضى بقضاءك ونبقى عارفين انه مهما كان فى حكمه وانك عالم بينا اكتر من نفسنا

ونحن أقرب اليه من حبل الوريد

يارب خلينا نشوف ونحس صفاتك فى الدنيا اجعلنا نعبدك كأننا نراك

اى حاجه نشوفها نحس صفاتك وقدرتك فيها وننسى قدرة الخلق لانهم تراب لا حول لهم ولا قوة

يارب أنت المستعان

يارب علمنا وفهمنا وخلينا نحس بالمنعم فى كل نعمه انعمت بيها علينا ولا تجعلنا ننشغل بالنعمه عن المنعم

كتير بنفرح بالحاجه اللى جت وممكن احينا كمان ننسى نشكر ربنا

زى مثال حلو أوى

لو دلوقتى الباب عندكم خبط والنبى عليه الصلاة والسلام جه ولقيت معاه موبايل أحدث موديل

للاسف ناس كتير هاتفرح بالموبايل أوى وتجرى عليه وتنسى اصلا هو مين اللى جاب له الموبايل ده

يااااااااااااااااااااااااااااخبر ...........ده النبى عليه الصلاة والسلام هو اللى جابلك الهديه دى وانت نسيته خالص ياه ده انت وحش اوى

ولله المثل الاعلى

كتيييييييييييير بننسى مش كده؟؟؟؟؟؟؟؟؟؟؟

بننسى المنعم وننشغل بالنعمه

والمنعم فضله كتير علينا اوى

عايزين اى حاجه ربنا يبعتها لينا نفتكره على طول وان كل شئ بأمره جل فى علاه

زى حد بيعطى لواحد حاجه وبيقوله

خد لا لك..........قاله هات لا منك

وصلت الفكره؟؟؟؟؟

خد يعنى انا اصلا مش عملها ليك انا بعملها لله

قاله هات وانت اصلا مش بشطارتك يعنى بتديهالى ده من عند ربنا المنعم مش منك

سبحان الله

عايشين وشايفين المنعم فى كل لحظه فى حياتهم

بجد احساس رائع لما تشعر بصفات ربنا فى حياتك وتستشعر انك شايفه فى كل حركه وفى كل مكان طبعا رؤية صفات لاننا مش هانشوف ربنا الا فى الاخرة ان شاء الله

ربنا يرزقنا النظر الى وحهه الكريم فى غير ضراء مضرة ولا فتنة مضله

ربنا يحبكم ويسعدكم يارب