اكتشاف جديد قد يقود زويل لنوبل الثانيه

ما شاء الله , الراجل ده عبقرى و الله

بس تفكيره برضه طلع قاصر شوية

يعني شوف ده بقي لو كان فضل عندنا موش كان زمانه دلوقت مدرس أول فيزياء أو موجهه كبير أوى بوزارة التربية و التعليم ,
و كان زمانه قاعد يدى دروس خصوصية و يلعب بالفلوس لعب

لكن تعمل إيه بقي في الناس إللي مخها علي أدها و ما بتبصش إلا تحت رجليها

قال علم قال و إكتشافات و كلام فاضي !!! يا شيخ روح هو فيه أحلي من حضن الحكومة الإلكترونية و الحكمة الكبيرة الكبيـــرة أوى

و مضيع وقته و قاعد يصور إلكترون و بروتون و نيترون ما كان فضل قاعد هنا أحسنله كان زماانه دلوقت ركب الفيل حنطور و وقف النمل طابور

يالله , هو الخسران و بكرة يندم

مشكـــــــــــــــــــــور و الله يا محمود بك

و نسأل الله سبحانه و تعالي أن ينير بصائرنا و أن يعلمنا ما ينفعنا و ينفعنا بما علمنا

الموضوع منقول بالرد بتاعة يا شباب
صراحة الرد عجبنى اكتر من الموضوع
بس نقلت الموضوع يمكن نستفاد
سبحانك لا علم لنا الا ما علمتنا انك انت العليم الحكيم