بدع وأكاذيب.....متجدد بإذن الله

وجزاكم الله خيرا

البدعة ليس فى الادعيه ذاتها......فيمكننا ان ندعى بها او بغيرها فى أى وقت وعلى أى نحو

ولكن البدعة فى ربطها بموقف او حادثه معينه.....وربطها ايضا بوقت معين.....هنا تأتى البدعة

السلام عليكم ورحمة الله وبركاته

نكمل بإذن الله تعالى


حقيقة الصورة المزعومة لقبر الرسول صلى الله عليه وسلم

قبل أن نبدأ هذه هي الصورة



إنتشرت هذه الصورة في الأنترنت ... وعبر المجموعات البريدية .. تحت مسمى قبر الرسول ...
ولكن في الحقيقه هذا ليس قبر الرسول عليه الصلاة والسلام ...
فالرسول عليه السلام لم يوضع في تابوت بل دفن في لحد تحت الأرض في غرفة عائشة رضي الله عنها في المسجد النبوي ...
ثانيا : قبر الرسول عليه الصلاة والسلام .. قد صب عليه الرصاص في زمن نور الدين زنكي ...
ولايمكن أن يفتح عنه أو تؤخذ له صورة ..
ثالثا : من زار المسجد النبوي يعرف أن هذه الصورة لاتمت له بصله ... فجدران المسجد النبوي يغلب عليها الون الأخضر .
وقد وضع على قبر الرسول عليه السلام ... حاجز خشبي .. بالونين الأخضر والذهبي ..
ولايمكن النظر له إلا من خلال ثقوب في ذلك الحاجز ..
هذا القبر هو لأحد علماء الشيعة ... ولكن بعض ضعفاء النفوس نشرها على أنها صورة لقبر الرسول .. والله المستعان .

لـكـل مـن يـهـمـه الأمـر
لاتتردد في نشر هذه الصورة مع التوضيح ... لكل من تعرفه ...

ولعل الكثيرين منكم قد رآها وشاهدها في مكان ما
وقد قام الكثيرون في بلاد المسلمين بتعليقها في منازلهم ومجالسهم للتبرك بها ( والعياذ بالله (
وقد انتشرت هذه الصورة منذ فترة طويلة في الإنترنت بشكل كبير
وحقيقة الأمر أن هذه الصورة ليست لقبر الرسول عليه الصلاة والسلام ، ويخشى على من يزعم ذلك من الكذب والبهتان العظيم .

ما هي حقيقة الصورة ..؟؟

هذه الصورة هي لقبر جلال الدين الرومي ( وهو أحد الصوفيين المشهورين ، قد أنشأ الطريقة المولوية في تركيا .
وقد توفي "جلال الدين الرومي" في ( 5 من جمادى الآخرة 672 هـ ) الموافق ( 17 من ديسمبر 1273م ) عن عمر بلغ نحو سبعين عامًا
ودُفن في ضريحه المعروف في "قونية" في تلك التكية التي أنشأها لتكون بيتًا للصوفية، والتي تُعد من أنفس العمائر وأكثرها زخرفه وثرياتها الثمينة.

وقد كتب على القبر بيت من الشعر يخاطب به جلال الدين الرومي زائره قائلا :-
يا من تبحث عن مرقدنا بعد شدِّ الرحال .... قبرنا يا هذا في صدور العارفين من الرجال

بالنسبه لموضوع ادعيه الامتحانات
انا مش فاهم حاجه
ومعلش استحملني شويه اصلي فهمي تقيل وصعب شويه
يعني الادعيه موردتش في السنه يعني مش صحيحه
ويعني كل دعاء موردش عن النبي صلي الله عليه وسلم ميصحش اننا ندعي بيه ربنا
يعني لوعجبني دعاء للشعراوي رحمه الله وحبيت ادعو به الله يبقي انا اذنبت
لو انا بقول اذكار الصباح والمساء يوميا يبقي انا خصصت دعاء معين بزمن معين
ومش لازم مع المذاكره قريت حاجه وحبيت احفاظها وبعد حفظها قولت
"اللهم إني استودعتك ما قرأت وما حفظت, فرده علي عند حاجتي إليه, إنك على ما تشاء قدير, وحسبنا الله ونعم الوكيل
يبقي انا وقعت في محظور شرعي

وفيها ايه لما ادخل الامتحان وادعي
رب أدخلني مدخل صدق وأخرجني مخرج صدق واجعل لي من لدنك سلطانا ً نصيرا
او مش فاكر اجابه ودعيت ر او سؤال صعب وقولت
لا اله إلا أنت سبحانك إني كنت من الظالمين
ايه المشكله يعني؟
وبعدين انت كتبت في النهايه انه لا يجوز اختراع أدعية ونسبتها للشرع
طيب السبع ادعيه اللي حضرتك ذكرتهم كلهم مخترعين واتنسبو للشرع
لو انا مدعيش وانا داخل الامتحان هدعي امتي

salah كتب:
بالنسبه لموضوع ادعيه الامتحانات
انا مش فاهم حاجه
ومعلش استحملني شويه اصلي فهمي تقيل وصعب شويه
يعني الادعيه موردتش في السنه يعني مش صحيحه
ويعني كل دعاء موردش عن النبي صلي الله عليه وسلم ميصحش اننا ندعي بيه ربنا
يعني لوعجبني دعاء للشعراوي رحمه الله وحبيت ادعو به الله يبقي انا اذنبت

لم أقل كذلك أخى الكريم الأكبر........الحكايه مش تحريم الدعاء نفسه وأنا قولت كده......قولت فقط المناسبه اللى بنستخدمه فيها....وأقصد بالمناسبه يعنى المداومة عليه لحاجه معينه......يعنى مثلا كل لما أخلص مذاكرة أقول ((اللهم انى استودعك ما قرأت))...ولكن لى أن أقول الدعاء عادى فى أى وقت آخر وبصورة غير دائمة وغير مرتبطة بموقف معين.......وكمان احنا ممكن ندعى بأى حاجه مفيش مشكله لأن دى كلام مننا الى ربنا خالقنا فى محنه او حتى فى سراء...اقصد اننا ندعى بأى شىء عادى جدا.....ونلفت النظر هنا انه من الافضل هنا ايضا اتباع الرسول فى أدعيته.....ننظر متى كان يدعى ولماذا كان يدعى وصورة دعائه.....الخلاصة....ان الاختلاف هو المداومه على شىء ليس أصلا من السنه((لأن المداومة على شىء تجعله سنه.......وهذا الدعاء بهذه الصورة ليس من السنة))

لو انا بقول اذكار الصباح والمساء يوميا يبقي انا خصصت دعاء معين بزمن معين

أخى الكريم...الأذكار ليس شأنها شأن الأدعية....لأنها ثابته عن رسول الله....لذلك لا يوجد أى علاقه بينها وبين الدعاء الخاص بشىء معين......حتى وان على كلام حضرتك انى خصصت الصباح بالذكر....فده اتباع لسنه الرسول صلى الله عليه وسلم.....ونحن على نهجه لا نحيد عنه.

ومش لازم مع المذاكره قريت حاجه وحبيت احفاظها وبعد حفظها قولت
"اللهم إني استودعتك ما قرأت وما حفظت, فرده علي عند حاجتي إليه, إنك على ما تشاء قدير, وحسبنا الله ونعم الوكيل
يبقي انا وقعت في محظور شرعي

اشمعنى بقى الدعاء ده فى الوقت ده((دى الحكايه والله)) مش حكايه الدعاء نفسه....وهل تعلم حضرتك أصلا أصل هذا الحديث انه مناسب لهذه المناسبه.....ام اننا نأخذ معناه الظاهرى فقط...فهناك الكثير من الأدعيه التى قالها الانبياء فى مواقف معينه.....هل هذا يعنى اننا نستخدها فى اى موقف نظرا لمعناها السطحى ام اننا نبحث عن تفسيرها وسبب قولها؟؟

وردا على سؤال حضرتك......هنبقى كده عملنا بدعة ...يعنى شىء لم يفعله الرسول.......طب ما الصحابه كانوا بيتعلموا وكانوا بيدرسوا..هل ورد عنهم انهم لما بيخلصوا مذاكره فقه او اى علم أخر بيقولوا كده؟؟........الخلاصة....لنا أن ندعى بما نشاء دون تخصيص دعاء معين فى وقت معين.....يعنى فيها ايه لما نخلص مذاكرة ونقول...((الحمد لله))...او مثلا ((اللهم باركلى فيه)) او اى شىء من هذا القبيل.....وبرده ليس بصورة دائمة وبدون ربط هذا الدعاء بالمذاكرة


وفيها ايه لما ادخل الامتحان وادعي
رب أدخلني مدخل صدق وأخرجني مخرج صدق واجعل لي من لدنك سلطانا ً نصيرا

فيها ان الدعاء اصلا مش للأمتحان...شوف حضرتك فى التفسير ايه سبب الدعاء ده.....وده مقصدى اننا بناخد المعنى السطحى للحاجه....لازم نشوف الدعاء ده لما قيل....وزى ما قووووووولت.....الحكايه مش فى الدعاء خاااااااااالص.......الحكايه فى زمنه.....كمان ايه علاقة اللجنة بدخول((رب أدخلنى مدخل صدق)) اشمعنى يعنى؟؟........فقط سمعنا ورددنا

او مش فاكر اجابه ودعيت ر او سؤال صعب وقولت
لا اله إلا أنت سبحانك إني كنت من الظالمين
ايه المشكله يعني؟

كمان مرة....ايه علاقة الدعاء ده بالسؤال الصعب؟؟.....والله احنا اللى اتعودنا على كده...دى الحكايه بس.......طب ما تقول((اللهم ذكرنى ما نسيت...او يارب فكرنى بالاجابه...او اى شىء مثل ذلك..وبرده دون المداومة على ذلك وربطها بالموقف ده))

وبعدين انت كتبت في النهايه انه لا يجوز اختراع أدعية ونسبتها للشرع
طيب السبع ادعيه اللي حضرتك ذكرتهم كلهم مخترعين واتنسبو للشرع
لو انا مدعيش وانا داخل الامتحان هدعي امتي

يااااااااااااااااااااااااااااااااااااااااااااااااااااااااا أأأأأأأأأأأأأأأأأأأأأخى الكرييييييييييييييييييييييم والكبير قدرا

انا مقولتش مندعيش والله..قولت مندعيش بالطريقه دى

هو فيه أحسن من الدعاء أخى الكريم.....دا الدعاء ده نعمه كبيره جدا جدا

ياريت تكون توضيحى وصل لحضرتك

وياريت لو حضرتك اقتنعت ترد بأنك اقتنعت......واتفضل الورده دى ((تقريبا ورده بلدى..صح؟؟))

استودعكم الله

السلام عليكم ورحمه الله وبركاته
اخي الكريم د/ احمد
اولا هديه مقبوله
ثانيا لازم نتفق اننا مهما اختلفنا بيقي حبل الود بينا موصول لان اختلفنا مش اختلاف علي دنيا يورث في القلب ضغائن او كره نعوذ بالله من هذا
ونتفق ايضا ان الاختلاف بينا والحمد لله مش في صميم العقيده
ولااني ادني واجهل من اني اناقش احد في صحه حديث او في رائي فقهي
ولااني كمان تعبت من المناقشات الغير مجديه اللي بتودي الي جدال فضلت اني مردش
بس لما حضرتك اعتبرت اني سكوتي رضا واقتناع وانا مش مقتنع حبيت ارد
اولا انا اعلم انه لايجوز تخصيص دعاء معين في وقت معين ان لم يكن سنه عن النبي صلي الله عليه وسلم ده كلام سليم منختلفش عليه وانه فيه ادعيه اوقات وادعيه احوال
ثانيا انا شايف ان الموضوع ابسط من كده خالص وان فيه قضايا مواضيع تانيه اهم من كده وده مش تقليل من شان الموضوع لان الموضوع علي اهميه كبيره لكن .........
ببساطه خالص انا بعترض علي ايه
هو حضرتك وكل السلفين خيفين من الدعاء ليه علشان موردش عن رسول الله او السلف الصالح وانه الناس تعتقد انه ورد عنهم ويعتبروها سنه
هو فعلا موردش بس ببساطه هل معني الدعاء فيه خطا شرعي او يمس العقيده في شئ اني ادعي ربنا واقوله انه يحفظ لي ماقرائته وحفظته وهو خير الحافظين او اني بتبارك بالدعاء ده
وباقي الادعيه لو احنا فعلا فهمنها غلط واو وخدين المعني الظاهري ليه فقط كان الاولي بحضرتك تفهمنا الاول معني الدعاء وبعدين نشوف انه ينفع يتقال في الموقف ده ولا لا
وايه المشكله وانا في موقف صعب زي الامتحان دعيت وقولت اللهم لا اله الاانت سبحانك اني كنت من الظالمين ولا لازم اكون في بطن الحوت علشان يصح الدعاء "مع ان ركوبنا داللوقتي اتوبيس من بتوعنا هي اضيق من الحوت"
يا اخي العزيز انا بتفق معك ان فيه بدع كتيرو ا كاذيب الناس بتوقع فيها واحاديث كتيره موضوعه وضعيفه وادعيه اختراعها الصوفيه بها من الاخطاء مايمس العقيده واوراد التزمو بيها لم تذكر عن النبي صلي الله عليه وسلم
وانا شايف ان حضرتك قبل ماكنت تقول اوتبحث هل الحديث ضعيف ولا موضوع كان الاولي تعرفنا انواع الحديث وايه الضعيف والقوي ويعني ايه احاديث الاحاد وامتي يكون الحديث ضعيف ولكنه مقبول بعد كده هتلقي الناس من نفسها بدور علي صحه الحديث من ضعفه
والله ياخي مشكله الاسلام انه يقع بين افراط وتفريط وما اكثر المفرطين امثالي مع انه دين الوسطيه في كل شئ
ياخي الاسلام والسنه الشريف بيتعرضو الي هجمات شرسه من تنصير وتشيع ومتصوفه فهمو الزهد غلط
يبقي فيه حاجات كتير اهم من دعاء بيتقال في امتحان نخشي انه يتحول الي سنه ولا عادات و اشياء كتيره ما انزل الله بها من سلطان والناس بتتعبد بيها وفاكرين انهم كده بيتقربو بيها الي الله
ومعذره اني اكون طولت عليك وبقولك في النهايه اني احبك في الله

salah كتب:

اولا انا اعلم انه لايجوز تخصيص دعاء معين في وقت معين ان لم يكن سنه عن النبي صلي الله عليه وسلم ده كلام سليم منختلفش عليه وانه فيه ادعيه اوقات وادعيه احوال

وبقولك في النهايه اني احبك في الله

أحبك الله الذى أحببتنى فيه

كفايه بس جمله أولا بتاعت حضرتك.......توضح أنك متفق معى فى كلامى....

ولا أجد ما تختلف معى فيه والله.....حضرتك تقول اننا عادى لو قولناها فى اى وقت وانا قولت انى موافق حضرتك....وكررتها أكتر من مرة..قولت الغلط هو المداومة وربط الحكايه بالزمان والحادثة..وحضرتك والله متفق معايه فى كده....مش عارف لحد دلوقتى الاختلاف فى ايه

ثانيا: أنا لا أنتمى لتيار معين...كلنا بحمد الله لازم نكون على نهج سلف الأمة...لأنه نهج الرسول...ولكن كل واحد له فكره...يعنى هتلاقى حضرتك السلف لهم فكر فى تطبيقه....الاخوان لهم فكر فى تطبيقه.....وفيه ناس مش من دول ولا من دول ولهم فكر فى تطبيقه....وانا لوحدى كده مش تبع حد.....تبع منهج رسول الله ....وانا مبحبش اصلا التسميات دى لأن كلنا مسلمين والحمد لله

ثالثا: انا لم أختلق موضوع لمناقشة هذه الادعيه بمفردها((رغم أهميتها)) عشان يعنى لو اى حد بيقول انها يعنى جت على دى وهنتكلم كتير.....دى كانت مجرد مشاركة فى موضوع طويل بنوضح فيه الحكايه..والتعليق على الموضوع لم يكن من قبلى ...وحضرتك اللى علقت...يبقى لى الحق انى ارد....وكل هذا بحسن نيه وطيب خاطر وبدون اى مشادة

يعنى فى الاخر.....انى أحبك فى الله ......وانا مش عندى أى مشكله من المناقشة. ..ولا أحمل اى شىء لأحد من مناقشه معه بإذن الله

سلام

إيمان كتب:


االمشكلة طبعا بتبقى في الاختراعات اللي بعض الناس بتعملها في الأدعية زي الناس اللي بتوزع "دعاء الزواج" تلاقي صفحة وش وضهر مليانة أدعية مش عارفة جابوها منين... وبعدين ما انا اللي يصبرني على قراءة "الملزمة" دي مايخليني اصبر على رزقي أرحم....

تمام

والله الموضوع مش محتاج كل الكلام ده... لما تتحط في موقف ادعي باللي يجي على دماغك ويطلع من قلبك..... وأحيانا لو حافظ صيغة معينه بيبقى جميل.....

تمام...صيفة معينة لك لوحدك...مش كل الناس متفقين عليها كأنها خلاص أصبحت من الدين

وبعدين بالنسبة لأدعية المذاكرة والامتحان.... محدش يتصور اننا بندخل اللجنة معانا ورقة فيها نقول انهو دعاء امتى.. هي بتبقى صيغة سلسة وخلاص ..

للأسف....كتير بيبقى حافظ الورقه دى قبل ما يدخل وده اللى بنتكلم فيه..انى ابقى حافظ انى لو كلمة لقيتها صعبه اقول كذا...وانا داخل أقول كذا...ولما أخلص الاجابه اقول كذا....والله الناس حافظاها صم.....كأنه قرآن......لكن طبعا ممكن ندعى بأى حاجه عاوزينها...دون ربط الدعاء بهذا الأمر والاعتقاد به بأنه شىء من السنة

وبالمناسبه للتوضيح....ليس أفضل ولا أخير من سنه سيدنا محمد....وكلنا متفقين على كده

أحب محمد....اتبع سنته....لا آتى بجديد عليها

وجهة نظرى وضحت....ووجهة نظر حضراتكم وضحت....واللى هيقرأ له الحريه فى الاقتناع بأى رأى

سلام

السلام عليكم ورحمه اله وبركاته
هو فعلا الموضوع كبير ليه كده
وشكلك يادكتور زعلت مني فبعتذرلك وحقفك علي ان كنت زعلتك
وانا والله ماقلتش انك بتنتمي لاي تيار فكري وان كان ده لا يعيبك في شئ لانه حقك ومحدش يقدر يصادر حق من حقوقك
وكل الناس بتحاول فعلا تطبق منهاج الني عليه صلاه الله ةتسليمه لو فكرنا شويه هنلقينا كلنا سلفيين
واحنا هنا كلنا بنتعامل مع بعض بحسن نيه لاننا كلنا مجمعتناش مصلحه او انساب جمعتنا فكره جميله وهي اننا نبداء حياه جديده علي نهج الاسلام وبنساعد بعضنا البعض علي كده
وبنحي الجهد الطيب اللي حضترتك بتبذله في الموضوع وابدا مفيش حد يقدر يتهمك انك اختلقت موضوع
زي ماقولت انت شاركت بموضوع وكان لي حق الرد وليك حق الرد علي الرد وده مكفول للجميع"كما نص الدستور" فالحكايه ابسط من كده خالص مش عارف ليه انت زعلت
ومستنين منك تكمل الموضوع علشان نرد عليك ههههههههههههههههههههههههه
ومستنين منك كمان زي مطلبت منك في الموضوع انا تحضرلينا موضوع عن تصنيف الاحاديث ومعني الادعيه ماشي ولا هنتقل عليك
احبك الله الذي احببتني فيه وجمعنا تحت ظل عرشه يوم لا ظل الا ظله احنا وكل اعضاء المنتدي المتحابين في لله جميعا

السلام عليكم ورحمة الله وبركاته



مش عارف ليه حضرتك مصمم ليه انى زعلان!!!......بعد كده هخلى الأكونت يبتسم



ربنا يكرمك ويبارك فيك



وبالنسبة لموضوع الأحاديث...انا مجرد ناقل لفتوى فقط....يعنى اللى اعرفه على قدرى...علم الأحاديث مش اى حد يتكلم فيه...يعنى مقدرشى اتكلم فيه...انا علمى على قدرى ....دا حتى بتوع الطب مش وراهم الا المذاكرة....اخرهم هيكل عظمى يعرفوه

نكمل بإذن الله تعالى

السؤال
السلام عليكم ورحمة الله وبركاتة:
فضيلة الشيخ
عبدالرحمن السحيم ..وفقه الله
من فضلك

ماصحة الحديث :
قال رسول الله صلى الله عليه وسلم :
يأتي زمان على أمتي يحبون خمس وينسون خمس
يحبون الدنيا وينسون الآخرة
يحبون المال وينسون الحساب
يحبون المخلوق وينسون الخالق
يحبون القصور وينسون القبور
يحبون المعصية وينسون التوبة
فان كان الأمر كذلك إبتلاهم الله :
بالغلاء
والوباء
وموت الفجأة
وجور الحكام .
وجزاك الله خير مايجزي به عبادة الصالحين..

الجواب :
وعليكم السلام ورحمة الله وبركاته
وجزاك الله خيرا
ووفَّقَك الله لِكُلّ خَيْر
لم أره في شيء مِن كُتُب السُّـنَّـة .
وأسلوبه ليس أسلوب حديث نبوي .
والله تعالى أعلم

لا اله الا الله محمد رسول الله

وحد الله يا دكتور صلاح. .......زى ما الانسة دينا بتقول

ونتقابل على خير بإذن الله

لا اله الا اله سيدنا محمد رسول الله
انا هقوم انام و نتقابل بكره ان شاء الله