خمسة بـولـوتيكــا....

لاحظت خلو مندانا الكريم من البولوتيكا (السياسة يعني)فحبيت نعمل موضوع خفيف نتناول فيه أهم ما يدور على الساحة السياسية بشكل كام دون الخوض في التفاصيل...
وبما إني "ميكروباصية" قديمة، فبفتكر وبلاحظ حاجة مهمة جدا...زمان كانوا الناس طول الطريق بيتناقشوا في الأحداث الجارية...يعني بيفتحوا مواضيع وكل واحد بيعرض وجهة نظره...وحقيقي أحيان كتير كنت بستفيد منهم ...أهو أطلع بمعلومة جديدة أو أتعرف على وجهة نظر مختلفة، وكمان بحس إني بقرب من نبض الشارع المصري...بس مع مرور الأيام ، ومع التطور الطبيعي للحاجة الساقعة مبقاش في حد بينطق بكلمة على مدار الطريق.... أموت وأفهم ليه.... ما علينا أهو ممكن تكون الناس خايفة شويه من المداعبات الأمنية، أو يمكن مكتومين، أوالله أعلم ايه بالظبط....
المهم .... هنا بقى هندردش شويه في الأحداث اللي بتحصل سواء عالساحة الوطنية أو العالمية....وأتمنى الموضوع يستمر وما يتوقفش عليا لأن عدم وجود نت في البيت هو اللي مش بيخليني أتابع المنتدى باستمرار....

نيجي للجد:
العالم كله بيردد "أوباما يحصل على جائزة نوبل للسلام"
ياسلام؟؟؟!!!! وده بأمارة ايه يعني؟؟؟ طول عمرنا عارفين ان الجائزة دي بتروح للي عمل ما يعد "إنجاز" لكن مشوفناش لغايةدلوقتي أي إنجاز للمدعو باراك حسين أوباما -وهنا أنا لا أعترض على شخصه وإنما أتعجب "عمل ايه يعني عشان ياخد الجايزة؟؟؟؟"

الخبر الأهم اللي بيتصدر وكالات الأباء العالمية هو "تقرير جولدستون"
ومعلومة صغيرة عشان الكل يبقى متابع:اسمه ريتشارد جولدستون وهو قاضي يهودي يعمل بجنوب إفريقيا وهو كان رئيس بعثة الأمم المتحدة لتقصي الحقائق في الحرب الأخيرة على غزة واللي طلع منها بحقائق بتؤكد وتدين إسرائيل لارتكابها "جرائم حرب" بل و"جرائم ضد الإنسانية" أيضا....
االتقرير-المكون من 600 صفحة- اتعرض على المجلس العالمي لحقوق الإنسان (التابع للأمم المتحدة) بس المفاجأة ان المذهلة هي ان الوفد الفلسطيني -الله يسامحه- هو اللي طلب تأجيل النظر فيه لمارس القادم... موقف خلى الناس كلها تتجنن...قال ايه لأنه "هيعيق عملية السلام" سلام ايه اللي بيقصدوه الله أعلم...الكلام ده حصل في ؟أول أكتوبر...
لكن امبارح ولله الحمد وبعد هذا الموقف المخزي الجبان اتعملت لجنة خاصة واتناقش النظر في التقرير مرة تانية وبفضل الله صوتت 25 دولة لصالح التقرير في حين رفضت 6 دول-وعلى رأسهم الولايات المتحدة بتاعت السلام- وتحفظت 11 دولة أخرى...

التقرير ده بيمثل "صفعة قوية" إسرائيل ...كمان تصويت 25 دولة معانا معناه تعاطف العالم من حولنا معنا وإدانتهم لما حدث....والدول دي هي:
الصين وروسيا ومصر والهند والأردن وجنوب أفريقيا والأرجنتين والبحرين وبنغلاديش وبوليفيا وغانا وإندونيسيا وجيبوتي وليبيريا وقطر والسنغال والبرازيل وموريشيوس ونيكاراغوا ونيجيريا
أما اللي كانوا ضد فهم:

الولايات المتحدة وهولندا وإيطاليا وهنغاريا وسلوفاكيا وأوكرانيا

واللي امتنعوا فمش هذكرهم لأن "ملهومش لزمة"



دي كانت وقفة سريعة إن شاء الله نكملها في أقرب فرصة...
وبانتظار تفاعلكم معنا...
تحياتي
6

انتو فين ياجماعة؟؟؟
يللا هعرض أهم الأنباء اللي بتتصدر الصحف -وبعتذر على تأخري في الكتابة دا لو كان حد متابع أصلا- المهم:
طبعا وسط حالة من الغفلة الرهيييييييييييبة التي تخيم على العالم الإسلامي، تمكنت القوات الإسرائيلية من اقتحام باحات المسجد الأقصى وقذف المصلين بقنابل الغاز والرصاص المطاطي والنتيجة كانت إصابة 30 واعتقال 12 آخرين....
طبعا المسلمين نايمين ومحدش متنبه للي بيجرى ولا للمخططات الإسرائيلية لتهويد الأقصى...شاطرين بس نشن حرب على النقاب ونرغي في مواضيع أمتنا في غنى عنها....

الخبر التاني واللي أدمى قلوب المصريين هو تصادم قطاري العياط واللي راح ضحيتها 18 قتيل و38 مصاب .... وطبعا الحكومة لأنها كانت مشغولة في الحملة الدعائية لتطوير القطارات...نسيت تطور القطارات نفسها
اسمحولي أنوه عن حاجة:
مرة زمان حصل زلزال في بلدة يابانية، فقام المسئول عن تلك المدينة ب"الانتحار" وساب ورقة كتب فيها انه بيعتذر وحاسس ان هو السبب في الضحايا اللي راحت لأنه ما أخدش احتياطاته تحسبا لوقوع تلك الكارثة....
الراجل استقال رغم ان الزلزال ده ظاهرة طبيعية ملهوش هو أدنى سيطرة هعليها...بس لا مؤاخذة الراجل كان "عنده دم" مش زي ناس حصل في عهدها العظيم مقتل ما يزيد عن قتلى حر غزة في مجرد حادث عبارة واحترق عدد آخر في حادث قطار، وآخر ولا حياة لمن تنادي وكأنهم مش واخدين بالهم....
حسبنا الله ونعم الوكيل