مجرد إحساس

shimaa كتب:بجد ياهبة موضوع رائع وعجبنى جدا

واكيد كل واحد فينا بيحس بالاحاسيس دى او على الاقل أغلبها

لما تبقى لسه صاحى من النوم
اليوم لسه مبداش اهو
وتلاقى نفسك على السرير لسه
و غصب عنك تنزل دمعه
ممكن تفضل ساعتين تعيط على المخده
المخده اللى تعبت مننا كل يوم
كل يوم يتحس بينا
قبل ما ننام
و تقوم من على السرير
و محدش يعرف حاجه


بجد بيحصلى كتير اوى بس اكيد ماعرفش ليه بيحصل كده واكيد برده مش عاجبنى
وساعات الواحد يقوم من النوم مخنوق ومش عارف من ايه اصلا
مش عايز يكلم حد مش عايز يعمل حاجة احاسيس غريبه كده
وهو لو انا عارفه سبب للشعور ده اكيد هاحاول ازيل السبب علشان ماحسش بيه بس للاسف
ياريت بقى حضرتك تفيدينا بما انك دكتورة علم النفس بتاعتنا

وعلى فكرة انا اعتقد ان كل احساس من دول لازم يتاخد على جنب كده والواحد يتكلم فيه مع نفسه

وده كمان
عارفين لما تفتكر حاجه كده
تحس انها بتشدك لذكريات
انت مش عارف ايه الذكريات دى
بتشدك لحاجه كده
بحاجه انت مش عارفهاا
و ممكن تدخلك فى شعور كده غريب
حزن مع الم مع فرحه

يعنى كفاية كده
ومستنية الرد يادكتورة

م احمد كتب:الله الله الله الله الله اكبر عليكي
بجد موضوع هزني اوي ياأنسه هبه
والله كل الأحاسيس دي بتحصلي وكنت بحس انها بتحصلي انا بس أتاري فيه ناس تانيه في الدنيا برده بتحصلهم
هبدأها معاكي واحده واحده

لما تحس انك عايز مساعده من اى حد
اى انسان
اى مخلوق
حاسس انت بتغرق
بتغرق فى ايه مش عارف
بس انت محتاج مساعده
محتاج حد ينجدك
مش عارف هتطلبها من مين
و حتى لو طلبت مساعده
هتتقوله ايه
عايزك تساعدنى و خلاص
هيرد و يقولك اساعدك فى ايه
تقوله حاسس انى بغرق
الحقنى

هيقولك بتغرق فى ايه
ما انت واقف قدامى اهو
انت محتاج مساعده
بس مساعده فى ايه انت مش عارف

و تفضل تغرق و مش لاقى مساعده

والله عارف الأحساس ده بجد بيجيلي في اليوم تقريبا الف مره بس المشكله مش لاقي الأنسان الي يمد ايده ويقولي تعالى اساعدك مش لقيه ؟؟

طيب عارفين
لما تكون عايز تسمع كلمه معينه مش شخص معين
كلمه ممكن تكون كلمه من حرفين بس
مش صعب عليه يقولها
وتلاقيه ولا بيتكلم
تحس انه تمثال
ما تتكلم بقى
طيب ما هو انا شايفاك بتقولها مليون مره
شايفها فى عينيك
حاسسها اوى
عايز تسمعها بقى
قوووووول

اتكلم
و لما يتكلم
تحس انه بيشفق عليك
!!!...بتشفق على
طيب لما انت كده
بتحسسنى بيها ليه من الاول اصلا
بتعيشنى فى الشعور ده
ليه من الاول..و لو للحظات
لما ده مش حقيقه

أسأليني انا الأحساس ده اصعب احساس في حياتي ومستنيه انه يحصل بفارغ الصبر أحساس فعلا وحش لاكن ممتع في نفس الوقت بس والله بيحصل معايا حاليا قلتي عليا المواجع ياهبه حرام عليكي
وكفايه كده علشان خلاص الأحساس بالدموع بدأت تنزل من عيني احساس وحش كفايه لغايه كده

مشمرة الى الجنة كتب:[b]ايه يا هبة الجمال ده و الأحاسيس دى كلها ؟؟ طب واحدة واحدة علشان نعرف نرد ..

عموما الموضوع كبير و رائع و شكلك فتحت على الرابع و الالهام اشتغل عليكى ذى الأختين الحلوين شيماء و ريهان !!!

هارد عليكى بس فى الحلقة الجاية على ما اذاكر الكلام الكبير اللى انت كاتباه.انتظرينى بعد الفاصل .[/b]

هبة رحمة كتب:[center]

لما تحس انك عايز مساعده من اى حد
اى انسان
اى مخلوق
حاسس انت بتغرق
بتغرق فى ايه مش عارف
بس انت محتاج مساعده
محتاج حد ينجدك
مش عارف هتطلبها من مين
و حتى لو طلبت مساعده
هتتقوله ايه
عايزك تساعدنى و خلاص
هيرد و يقولك اساعدك فى ايه
تقوله حاسس انى بغرق
الحقنى

هيقولك بتغرق فى ايه
ما انت واقف قدامى اهو
انت محتاج مساعده
بس مساعده فى ايه انت مش عارف

و تفضل تغرق و مش لاقى مساعده


تعليق :

[color=green]أحيانا من كتر ما احنا تعبانين و محتاجين حد يساعدنا ,, بنبقى مش قادرين نتكلم و نطلب مساعدة مع اننا فعلا بنغرق .. يمكن نبكى و ننهار و نتعب أوى ,, بس مش قادرين نستنجد برغم كل اللى جوانا .. و أحيانا لما يكون الشخص اللى انت مستنى مساعدته ليك قريب ليك اوى بتبقى مش قادر تتكلم و تقوله حاجة لأنك صعبان عليك إنه يكون قريب ليك اوى كده و ما يحسش بيك من غير ما تتكلم و ما يشوفش تعبك و احتياجك ليه و من صدمتك بتسكت و من غباؤه بيفتكر انك مش محتاجه .. و ده احساس صعب من أقرب الناس ليك ..

مشمرة الى الجنة كتب:طيب عارفين
لما تكون عايز تسمع كلمه معينه مش شخص معين
كلمه ممكن تكون كلمه من حرفين بس
مش صعب عليه يقولها
وتلاقيه ولا بيتكلم
تحس انه تمثال
ما تتكلم بقى
طيب ما هو انا شايفاك بتقولها مليون مره
شايفها فى عينيك
حاسسها اوى
عايز تسمعها بقى
قوووووول

اتكلم
و لما يتكلم
تحس انه بيشفق عليك
!!!...بتشفق على
طيب لما انت كده
بتحسسنى بيها ليه من الاول اصلا
بتعيشنى فى الشعور ده
ليه من الاول..و لو للحظات
لما ده مش حقيقه

تعليق :

ده واحد أو واحدة أنانى أو أنانية .... بيفضل ورا انسان تانى يكون حساس اوى و محتاج للحب أوى .. يفضل وراه يلمح بحاجات .. و يدى اشارات ..و يعلقه بيه ... و يوصله احساس انه كأنه بيهتم بيه .. ليه كده ؟؟؟؟؟؟
عشان عايز يسمعها من الطرف التانى , عايز يحس انه التانى ده اتعلق بيه ..عايز يحس انه مرغوب و محبوب .. و أول ما ينفذ خطته الأنانية ينسحب بكل شياكة و كأنه يا عينى زعلان عشانه و حامل همه .. و اذا حاولت تلومه يقولك هو انا قولت حاجة ؟؟؟؟

مشمرة الى الجنة كتب:طيب عارف
لما تبقى عايز تسمع صوت حد معين اووى
واحشك اوى
عايز تسمع صوته
تطمن عليه
و تفضل مستنى
و مستنى..... ومستنى
و فى الاخر ميتصلش
لا و بعدين يتصل حد تانى

تقول اخيرا اهو
و ترد بلهفة
و تسمع صوت حد تانى
مش ده اللى كنت مستنيه


و الشعور اللى بتحسه دة كلو مش بيتوصف بكلمات اصلا
بيبقى عميق اوووى
بيبقى جاى من جواك
و مش عارف اصلا هو اتولد ازاى جواك


تعليق :
الإنتظار ... من أبشع الأحاسيس التى يمكن أن تؤلمك و توجعك أوى أوى .. انك تستنى واحد مش بيفكر فيك و انت بتفكر فيه طوووووول الوقت ... و قاعد يا عينى مستنى دقايق و ساعات و أيام إنه يحن عليك و يطل عليك من سماعة التليفون ... و هو ولا هنا .... و تفضل مستنى و تحس ان الوقت بيمر لكن حياتك انت واقفة على رنة من حضرته ... و يعينى عليك لأنك هتخبط راسك فى الحيط لأنه مش هيعبرك أبدا و مش هيكلمك ... هتستنى كتيييييييييير يا مسكين .. نصيحة اللى يبيعك بيعه و اللى مايتصلش بيك هو الخسران عشان مش هيسمع ضحكتك الحلوة ....

مشمرة الى الجنة كتب:عارفين لما تفتكر حاجه كده
تحس انها بتشدك لذكريات
انت مش عارف ايه الذكريات دى
بتشدك لحاجه كده
بحاجه انت مش عارفهاا
و ممكن تدخلك فى شعور كده غريب
حزن مع الم مع فرحه
الشعور ده

عارفينه.......!!!!!!

تعليق :
كلمة فى أغنية ... أو حرف فى قصيدة .. أو حتى نغمة حزينة ... أو دندنة مع نفسك و انت ماشى لوحدك ... ممكن تخليك تفتكر لقطات من ذكريات قديمة دفنتها و قفلت عليه بالضبة و المفتاح ... هتحس بالفرحة و ده احساسك وقت حدوث الذكريات هتحسه فى الأول ,و بعدين تحس بالالم لأنك تفتكر الأحداث الأليمة اللى مريت بيها فى أخر الحكاية ..... و بعدين تحس بالحزن و ده اللى باقى معاك من بعد ما خلصت الحكاية و انتهاء الذكريات .. الحزن اللى انت عايش بيه طول الوقت بس دفنته جواك عشان تعرف تعيش ...

مشمرة الى الجنة كتب:طيب عارف
لما تروح تقف على البحر كده
وتاخد نفس عمييييق
بعديها تلاقى نفسك بتبتسم
بس جواك حاجه مش قادره تخرج
حاجه يمكن بتقطعك من جوه
و مش عارف تتخلص منها

عارفين الشعور ده

تعليق :

لما بتقف أدام البحر و هو كبيييييييييير أوى , و على إمتداد البصر مفيش حاجة بتعكر منظره الجميل ,, و انت جواك حزين شايل هموم .. و تبص للبحر و تحس ان البحر ده كله بتاعك لوحدك و انه كأنه باصصلك انت بس عشان كده بتبتسم .. عشان بتحس يا غلبان ان فيه حد نظره عليك انت بس و كأن مفيش ناس من حواليك ....
بس .... جواك حاجات كتير .. تعباك أوى ... بتقطعك من جوة .. نفسك تقدر تحط ايدك جوة قلبك و تستأصلها و تشيلها ترميها فى البحر عشان تغرق فيه و تستريح بقة ...
بس مش قادر و مش هتقدر ... لأن أحزانا مش هنقدر نرميها فى البحر .. هى هتفضل جوانا .
بس هنقدر نتناساها و نتعايش معاها ..

مشمرة الى الجنة كتب:طيب عارفين

لما تبقى لسه صاحى من النوم
اليوم لسه مبداش اهو
وتلاقى نفسك على السرير لسه
و غصب عنك تنزل دمعه
ممكن تفضل ساعتين تعيط على المخده
المخده اللى تعبت مننا كل يوم
كل يوم يتحس بينا
قبل ما ننام
و تقوم من على السرير
و محدش يعرف حاجه

عارفين الشعور ده

تعليق :

كل واحد فينا جواه كتير ,, و الدموع دى يمكن تخفف عنه شوية الضغط اللى جواه .. عشان كده لازم نبكى لو عايزين نبكى . عشان نستريح شوية .. و نطبطب على نفسنا و نقدر نقوم و نكمل ..و مش عيب اننا نبكى لأننا بشر و الفرق بينا و بين غيرنا هو الاحساس

farouk كتب:

هبةانت فعلا هبة لكن تذكرى الاتى سوف اتكلم بصف عامة الناس هموم وحياة الناس مليئة باحسيس كثيرة منها الهموم ولافراح لكن الهموم هامة لانها مرض يصيب همة الانسان ويجعلة طريح افكارة السوداء وسجين لحزنة ولكنها قد تكون ابتلاء واختبار من عند اللة اصبر واحتسب واعلم ان طلب المساعدة من غير اللة خطأ ولا يوجد احد اقرب اليك من اللة هو الذى يرى القلوب ويعلم خائنة الاعين وما تخى الارحام وعلى قدر الصبرتاتى الشدائد انظرى الى الامام كونى قوية ارجعى الى اللة واحتسبى كتاب اللة هو خير شافى من الشدائد لاتبكى ولكن قولى انا اقوى من كل شء تعودى على الآم اشغلى كل وقتك بالعمل اعلمى ان الضربة التى لا تقتانى تقوينى القوة هى النهوض بالنفس من الهموم هى ايقاظ الهمة
احيانا تكون الهموم من صع انفسنا واجهة نفسك بالخطآ وغير فورا
احيانا تكون من صنع الغير لاتشغل بالك بالهم لكن اشغل بالك بسبب الهم قد تكون انت السبب ارجع وتب الى اللة وغيرمن نفسك فورا كونى قوية تعلى فوق الجرح والهم تكونى قوق نفسك

shimaa كتب:الإنتظار ... من أبشع الأحاسيس التى يمكن أن تؤلمك و توجعك أوى أوى .. انك تستنى واحد مش بيفكر فيك و انت بتفكر فيه طوووووول الوقت ... و قاعد يا عينى مستنى دقايق و ساعات و أيام إنه يحن عليك و يطل عليك من سماعة التليفون ... و هو ولا هنا .... و تفضل مستنى و تحس ان الوقت بيمر لكن حياتك انت واقفة على رنة من حضرته ... و يعينى عليك لأنك هتخبط راسك فى الحيط لأنه مش هيعبرك أبدا و مش هيكلمك ... هتستنى كتيييييييييير يا مسكين .. نصيحة اللى يبيعك بيعه و اللى مايتصلش بيك هو الخسران عشان مش هيسمع ضحكتك الحلوة ....

رائع يادكتورة اصبتى الهدف