مقام السيدة نافورة
مشهد كثيرا ما يستوقفني وحبيت أعلق عليه...
لو ربنا كتبلك ترجع من القاهرة يوم الخميس بالليل (أو أي يوم في نهاية الاسبوع) خد بالك بعد ما تخرج من قويسنا، وقبل ما تدخل شبين ب 11 كيلومتر بالظبط (تقريبا 7 دقايق بالسيارة)...في ميدان اسمه ميدان المهندس سليمان متولي واللي على بعد خطوتين من فيلته الشياكه (وم/متولي ده وزير النقل الأسبق لمن لا يعرفه)...
المهم ... في المكان اللي بتكلم عليه ده هتلاقي زيطة وزحمة وزمامير وضرب نار وعربيات كتييير واقفة ويجي عشرييين عريس وعروسة ...
بيعملوا ايه ياترى؟ اهو ده السؤال اللي ينقط...
هتلاقيهم بيتصوروا.....جنب ايه....جنب اللي أطلقت عليه "مقام السيدة نافورة" ..
حقيقي حاجة تشل ...نافورة مفيهاش أي إبداع ولا أي منظر جمالي...وعادة مش بيكون فيها مياه...ورغم كده بيتوافد عليها عشرات "العرسان" علشان "يتباركوا" بيها ويتصوروا جنب سيادتها... واللي يفقع إنهم ممكن يكونوا جايين من قرية أو مركز بعيييد جدا عن "النافورة هانم"
سبحان الله مش عارفة لو عندنا في بلدنا شلالات نياجرا مثلاً كان هيعملوا ايه....بيتهيألي كانوا هيعملوا الفرح جواها...
بجد المشهد ده-رغم أن الكثيرين قد لايلتفتوا له- إلا انه فعلا بيستفزني –مش هو لوحده لكن أقصد كل العادات "العبيطة" اللي الكثير بيتشبث بها في ليلة الزفاف وخصوصاً إني ساكنة قدام "مقام سيدنا قشقوش" مباشرة...
وكأن الزواج قال يعني مينفعش يتم إلا بالصورتين دول-
ربنا يفرح الناس كلها يارب ويجوز كل اللي متجوزش، بس أحيانا بلاحظ تقاليد "ملهاش لزمة" في أفراحنا –ياااااااااارب كل الأفراح تبقى إسلامية-
الزواج ده أصلا رزق ونعمة فهل شكر النعمة يكون بمعصية المنعم –وأقصد الأغاني والكلام التاني اللي بنشوفه في الأفراح مش بتكلم عالصور دلوقتي- يعني ازاي تبقى بنوتة زي القمر محجبة وعمرها ما بتخلع الحجاب حتى قدام قرايبها، ومع ذلك تخلعه قدام خلق الله كلهم يوم الفرح؟؟؟!!!! ربببنا يثبتنا كلنا يارب
لما بشوف أي فرح بفتكر قوي الحديث القدسي اللي رب العزة بيقول فيها "خيري إلى العباد نازل وشرهم إلي صاعد" ينزلك نعمة...نقابلها إحنا بمليون ذنب.....ربنا يعافينا يارب ....
أكتفي بهذه الكلمات وربما أكملها لاحقاً بعد أخذ قسط وافر من الراحة
السبت يونيو 15, 2013 1:39 am من طرف doodybosy
» ريهـــ (حينما يتحدث القلب والعقل معا) ـــان
السبت مايو 12, 2012 1:50 am من طرف nagat
» فى حب رسول الله..بقلمى : دعاء أحمد
الجمعة نوفمبر 11, 2011 12:32 am من طرف دعاءاحمد
» فضفضة..........(فى حب الله)
الأربعاء أكتوبر 12, 2011 1:16 am من طرف rehan
» My empty house
الخميس أغسطس 18, 2011 10:24 pm من طرف rehan
» ناقش الي بعدك بسؤال
الأربعاء أغسطس 17, 2011 10:30 pm من طرف 7ob El-7iah
» عندما يتمثل الدين في الأنثى
الثلاثاء يوليو 26, 2011 11:48 pm من طرف rehan
» حلوه بلادي
الإثنين يوليو 25, 2011 2:55 am من طرف rehan
» يامن تقول أحب محمدا............
الثلاثاء يوليو 19, 2011 7:52 pm من طرف rehan
» ادخل طمنا عملت ايه فى الامتحان؟؟؟؟؟؟؟؟؟؟؟
الإثنين يوليو 18, 2011 2:43 pm من طرف rehan