الرئيسية
شبابنا قدموا أروع انجاز حصل في قرية العراقية في القافلة الطبية الخامسة 
اخوانى الاعزاء شباب الرحمه
انهارده كانت الحفله الخاصه بتكريم الامهات المثاليات فى الجمعيه
طبعا روحت فى معادى مظبوط (مش مظبوط قارقة يعنى) ولقيت الحمد لله امهات كتير من اللى معانا فى الجمعيه موجودين وكمان كان فى اعضاء وصلو
طبعا بدأت الناس تيجى وتتوافد على المكان لحد تقريبا 10.30 وكنا عايزين نبدا بقى
وكنا مستنين استاذ احمد لانه كان بيجيب الهدايا بتاع الامهات وبعد ما جه الحمد لله قلنا نبدا الحفله بقى
وندور على اسطوانة الاغانى الخاصه بالام عشان نشغلها ....... مش لاقينها
اتارى الاسطوانه مع احمد شعبان واحمد شعبان لسه مجاش
قعدنا نتصل عليه ونستعجله عشان ييجى بسرعه
الحمد لله بعد نص ساعه كده وصل باشمهندس احمد شعبان
بدات الحفله الحمد لله بالقران الكريم وبعدها احمد قال قصيده صغيره كده ف حب الام بس بجد كانت رائعه
بعدها طلع محمد عليمى اخو محمود (حب الحياه) غنى اغنيه عن الام وبرضه كانت جميله قوى واتفاعلنا معاها جدا عشان بجد كلماتها حلوه جدا
بعد كده بقى طلع كورال جمعية الرحمه بقياده الانستين مروة ومروة وغنو اغنية ست الحبايب
شكرا طبعا للمروتين على الفقره الرائعه دى
بجد تعبو جدا مع الولاد والحمد لله الفقره كانت حلوه جدا
وبعدها بقى المفاجأه بتاعتنا
لقاء مع الحاجه امينه
بجد كان لقاء رااااااااااائع وكانت المحاوره اللى معاها انسه شيماء
اتكلمو بقى عن الشباب اللى بيروحو يزوروها (احنا يعنى) وقصة حياتها وادت نصائح للبنات اللى لسه متزوجين جديد فى تعاملاتهم مع ازواجهم
واتكلمت بقى عن انواع الستات
قالت ان الستات بينقسمو انواع كتير منهم الـــــــــــــ ............. ما علينا يعنى
ههههههههههههههههههههههه
اكيد انتو عارفين اللى هى قالته بقى
وفى الاخر قالت لكل واحد فينا هو هيتجوز واحده اسمها ايه
وجوزتنى اتنين احسان وهويدا هههههههههههه
ماشى ياحجه امينه ربنا يكرمك يارب
بعد كده قامت كلا من الانستين مروة ومروة بمسرحيه صغيره عن طريق مسرح العرايس كانت المسرحيه عباره عن اتنين مش بيسمعو كويس وبيكلمو بعض
جتلى هيستريا ضحك والمسرحيه شغاله ..... مش على المسرحيه نفسها (هى كانت حلوه وكل حاجه) على الجبلين اللى كانو ماسكين الستاره بتاع مسرح العرايس(احم احم)
وكان معانا طفل جميل قوى اسمه عمر ...... عمر عمل شوية مواقف كوميديه بمساعدة احمد شعبان وكانت حلوه قوى ما شاء الله
وبعدها مدام غاده واستاذ ابراهيم سلمو الهدايا للامهات المثاليات اللى كانو معانا فى جو كله حنيه وكانت لمسه وفاء للستات دى عشان هما فعلا تعبو جدا مع اسرهم ولازالو بيتعبو
ربنا يجعله في ميزان حسناتهم ويرزقهم الجنه بغير حساب ولا سابقة عذاب يارب
خلصت الحفله على خير الحمد لله قاعدين ليه بقى
يلا مع السلامه
» ريهـــ (حينما يتحدث القلب والعقل معا) ـــان
» فى حب رسول الله..بقلمى : دعاء أحمد
» فضفضة..........(فى حب الله)
» My empty house
» ناقش الي بعدك بسؤال
» عندما يتمثل الدين في الأنثى
» حلوه بلادي
» يامن تقول أحب محمدا............
» ادخل طمنا عملت ايه فى الامتحان؟؟؟؟؟؟؟؟؟؟؟