الملاك الحائر

malak el- donia

6 مشترك

" ما بتعلمش "

malak el- donia: مشرف; عدد الرسائل : 1344
العمر : 32
مزاجك ايه النهرده :
نقاط : 1162
تاريخ التسجيل : 25/10/2008
السٌّمعَة : 41

مساهمة رقم 1

" ما بتعلمش "

من طرف malak el- donia الخميس مارس 19, 2009 10:46 pm

ما باتعلمش
ـــــــــــــــــــــــــ

بتمر عليا المواقف والمشاكل لكن ما بتعلمش

ليييه ما باتعلمش ؟

لييه مع ان الموقف كان واضح جداااااااااااا وظاهر جداااا قدامي

ليه بانخدع في الموقف واسلم ليه نفسي مع اني اتقرصت منه مره قبل كده

طب هل انا دايما متسرع هل ؟ هل ؟ هل ؟

اسئله كتييييره جدااا بتطرح نفسها

ليه الناس بتغلط في نفس الغلطه تاني مع انها المفروض انها المفروض تخلي

بالها بقي لأنها وقعت قبل كده

هل هو قدر ومكتوب ليها

ولا ايييييييييه ؟

طيب دايماااا بنقول الانسان اللي مجربش ما اتعلمش

طيب ده جرب مره ووقع ووقع في نفسي الغلطه يبقي كده بقي ايييييييه

عمره ما هيتعلم

لأنه المفروض من المره الاولي يتعلم

لكن هيتعلم بعد اييييه

بعد ماخلاص وقع المره التانيه ووقعتها طبعااا بتبقي اصعب من المره الاولي

طب ايه اللي بيخلي الانسان يعمل كده ؟

هل احياناا الانسان بياخده شعور يتغلب عليه ويخليه غير مدرك هو بيفكر في ايه ولا بيعمل ايه؟

ياريت الناس تشارك بارائها
طب

الملاك الحائر

الملاك الحائر: مشرفه; عدد الرسائل : 501
مزاجك ايه النهرده :
نقاط : 598
تاريخ التسجيل : 18/02/2009
السٌّمعَة : 32

مساهمة رقم 2

رد: " ما بتعلمش "

من طرف الملاك الحائر الخميس مارس 19, 2009 11:10 pm

أولا ماشاءالله عليكم بجد بتحطوا أسئلة فيها كمية غموض ولغبطة مش طبيعية...أحييكم جميعا بجد منتدى متميز....

طب ايه اللي بيخلي الانسان يعمل كده ؟
ببساطه علشان هو إنسان والإنسان مخلوق صغير وقاصر ومش بيقدر يحس بخطورة الحاجة الا لما يجربها
حط طفل صغير قدام أبريق سخن... هتلاقيه جري جري عليه ومسكه بإيده وثواني وهتلاقيه رقع بالصوت...ليه؟؟؟ لأنه باختصار مكنش يعرف إنه هيبقى بالسخونة دي...وممكن يكرر العملة دي مرة كمان بس بعدها استحالة هيقع فيها تاني لأنه هيبقى "اتعلم"
إحنا كده
"كل بني آدم خطاء وخير الخاطئون التوابون

طيب ده جرب مره ووقع ووقع في نفسي الغلطه يبقي كده بقي ايييييييه

عمره ما هيتعلم

لأنه المفروض من المره الاولي يتعلم

لكن هيتعلم بعد اييييه

لا طبعا في فايده وأكيد هيتعلم وهيتعلم قوي كمان .. صدقني كتر التجارب بتعلم وبتعلم جدا وياريت حضرتك تفتكر الرد اللي حضرتك رديت عليا فيه (بتاع قصة طوق النجاة)

كلنا بشر والحياة كتاب كبير كل ما بتقلب في صفحات عمرك بتتعلم دروس كبيرة

بس مش معنى كده ان الواحد يسيبها كده
النبي صلى الله عليه وسلم قال لا يُلدغ المؤمن من جحر مرتين

اعرف المكان اللي بيسببلك الأذى وحاذر وخلي بالك منه

[/size]

malak el- donia

malak el- donia: مشرف; عدد الرسائل : 1344
العمر : 32
مزاجك ايه النهرده :
نقاط : 1162
تاريخ التسجيل : 25/10/2008
السٌّمعَة : 41

مساهمة رقم 3

رد: " ما بتعلمش "

من طرف malak el- donia الخميس مارس 19, 2009 11:21 pm

عندك حق في انه لازم يتعلم

طيب ده في طوق النجاه كان من اول مره

طيب ده مره واتنين

وبرضه زي ماهو

هل ده بقي غلط في الشخصيه

بس ده بيبقي عند ناس كتييييييييير يبقي مش خطا في شخصية الناس دي كلها

ايه بقي اللي بيخليه يعمل كده انا عندي اجابه ممكن تكون هي الجواب بس هاسيب المضوع مطروح شويه علي الناس

e ahmed

e ahmed: Admin; عدد الرسائل : 933
العمر : 38
العمل/الترفيه : مهندس تحكم ((مستني الجيش))
الموقع : www.ra7maa.alafdal.net
مزاجك ايه النهرده :
نقاط : 919
تاريخ التسجيل : 25/10/2008
السٌّمعَة : 29

مساهمة رقم 4

رد: " ما بتعلمش "

من طرف e ahmed الجمعة مارس 20, 2009 1:52 am

هناك حكمه تقول الحياه مجموعه من التجارب
ولابد الأنسان مننا يجرب اما حكاية ما بتعلميشي احيانا توجد ظروف تجعلك تكرر نفس الخطأ
وتقع في مشكله . ويمكن انك في حالة ارتكابك الخطأ لم تكن مدرك البعد الحقيقي للخطا يعني لم تكن مدرك انك هتتلسع
بس هوا ده الأنسان مننا لازم يجرب مره واتنين وتلاته ويخطأ مره واتنين وتلاته بس اهم حاجه التوبه ولم يصرو على ما فعلو
وبصراحه احيانا الواحد مننا لما بيقع في خطا بيقول انه مش هيكرره وبعد كده بيتكرر لأنه مبيبقاش عارف انه بكده بيون بيكرر نفس الخطأ

7ob El-7iah

7ob El-7iah: نائب المدير; عدد الرسائل : 2011
العمر : 34
مزاجك ايه النهرده :
نقاط : 1424
تاريخ التسجيل : 25/10/2008
السٌّمعَة : 38

مساهمة رقم 5

رد: " ما بتعلمش "

من طرف 7ob El-7iah الجمعة مارس 20, 2009 2:24 am

لأ في نقطة يامعالي الباشا

هوا مرة وغلط ماشي

كمان مرة وغلط واتقرص صح وفعلا حس بقيمة الموقف اللي هوا غلط فيه

اما بقا اسمحلي انه لو بعد المرة التانية دي ولسة زي ما هوا فده يروح ينتحر اكرمله

الواحد لازم يحط في حياته خطوط حمراء كتير اوي ودي بتيجي مع كتر التجارب

اما لو سابها سداح مداح يبقة ربنا يستر عليه

الخطوط دي بتخليك تعرف انت آخرك فين في الدنيا والتجربة اللي من النوع الفلاني هتخليني اعرف كويس اوي

انا هقف فين وازاي ولو حصل خلل هتصرف فيه ازاي

ولازم تعرف كويس اوي ان كل شخصية انت هتقابلها في حياتك ما هي الا تجربه من التجارب وليست حياتك

حياتك هيا انت وبسسسسسسس

shimaa

shimaa: نائبة المدير; عدد الرسائل : 2031
العمر : 38
مزاجك ايه النهرده :
نقاط : 984
تاريخ التسجيل : 25/10/2008
السٌّمعَة : 52

مساهمة رقم 6

رد: " ما بتعلمش "

من طرف shimaa الجمعة مارس 20, 2009 5:35 pm

ربنا يكرمكم جميعا هو الموضوع فعلا مهم جدا واكيد بيحصل لينا كلنا

هو بيبقى فى مواقف ممكن الواحد يغلط فيها وبعد كده بيعرف غلطه ومش بيكرره تانى وبيتعلم من اول مرة

ومواقف تانية بيغلط فيها برده بس ومن اول غلطة يقول لنفسه انا مش هاعمل كده تانى بس للاسف بيغلط تانى وتالت ومش بيتعلم

هو احيانا كتير الانسان بيتعود على الغلط وانه بقى عادة عنده يعنى مش حاسس ان فى حاجة

بس المشكلة الاكبر بقى انه يبقى عارف انه بيعمل حاجة غلط ويكررها وعارف ومتأكد ان كل ما يكررها الموقف هايبقى اخطر بس احيانا كتير بيبقى مش بأيديه او على الاقل بيقنع نفسه بكده

بس هو دايما بيحاول يجاهد نفسه وطبعا جهاد النفس حاجة صعبة مش اول ماتقولها اعملى كذا وماتغلطيش تانى هاتسمع الكلام

بس برده مش عارفة هل ده بيبقى ضعف من الانسان نفسه وانه مش قادر يسيطر على نفسه ويوجهها للطريق الصح

ولا احنا لازم نغلط كتير علشان نتعلم

هى الحكاية اكيد صعبه بس اكيد الانسان بيحتاج كل فترة كده انه يقف مع نفسه وقفة حادة ويسألها انتى رايحة فين وياترى الطريق اللى انتى ممشيانى فيه ده صح ولا غلط

malak el- donia

malak el- donia: مشرف; عدد الرسائل : 1344
العمر : 32
مزاجك ايه النهرده :
نقاط : 1162
تاريخ التسجيل : 25/10/2008
السٌّمعَة : 41

مساهمة رقم 7

رد: " ما بتعلمش "

من طرف malak el- donia الجمعة مارس 20, 2009 11:50 pm

كويس جداا ان الناس متفاعله مع الموضوع لأني كنت متاكد وانا باكتب الموضوع ان الناس كلها عندها

المشكله دي

بس المشكله دي اكيد لازم يكون ليها حل

تمام

طيب احنا لو بنوقول انا باغلط مره ولازم اتعلم علشان ما اغلطشي المره التانيه

هنا بقي الحكايه دي لايمكن انها تنطبق علي كل المواقف او كل المشاكل

يعني فيه مواقف المفروض انك ما تغلطشي فيها ومواقف تانيه غلطك فيها يبقي مره والمره التانيه

لازم ما تغلطشي

وفيه مواقف غلطك فيها مره واتنين وتلاته مش عيب

يعني القاعده دي مش قاعده ثابته لأي موقف

طيب دلوقتي انا الموقف اللي قدامي ده هاعرف منين انتي مش لازم اغلط فيه او غلطي فيه محدد اونسبته المفروض انها تكون 0 % هاعرف منيييييييين ؟

الموقف ده انت الوحيد اللي تقدر تحدد ده عن طريق احساسك بالموقف هل هياثر عليك بعد كده لو غلط او هل الموقف ده ليه تتاثير مش كويس نهائي عليك

يبقي في الحاله دي المفروض اني ما اخوضشي التجربه او اخوضها بس اكون متاكد ان نسبة نجاحي 100 % تمام .

طيب لو غلط مره واحد ازاي افكر اني ما اغلطشي تاني

ابدا بتحليل الموقف اللي انا غلط فيه واشوف ايه اللي انا قصرت فيه وايه اللي انا ماشوفتوش كويس وغلطت فيه

وعن طريق كده ممكن اتفادي الغلط

طيب انا دلوقتي داخل علي تحدي كنت غلط فيه قبل كده ومتردد جداااا في اني اخشه واخوض التجربه ولا لأ

ومع كده برضه باحساس الموقف مش قادر احدد نتيجة الموقف اللي هاخوض تجربته طيب هاعمل ايه هل هاخش ولا لأ

من وجهة النظر ان انت مش ضامن نتيجة التجربه صح

طيب ايه رايك ان انت لو دخلت التجربه في الموقف ده يبقي انت اكبر مستفيد

ليييييييه؟

لأنك بدخولك الموقف ده يبقي انت اديت لنفسك الفرصه في تجريب احساسك هل بيصدق معاك وتقدر تعتمد عليه ولا لأ

ومن ده يبقي انت كسبت اكبر حاجه ممكن تتخيلها وهو :

هل يصدق معاك ام يخدعك ؟

malak el- donia

malak el- donia: مشرف; عدد الرسائل : 1344
العمر : 32
مزاجك ايه النهرده :
نقاط : 1162
تاريخ التسجيل : 25/10/2008
السٌّمعَة : 41

مساهمة رقم 8

رد: " ما بتعلمش "

من طرف malak el- donia الخميس يونيو 25, 2009 5:43 pm

كتنشيط للموضوع بس مش اكتر

دلوقتي احنا قولنا ان الانسان بطبعه خطاء وكمان عارفين احنا الناس بتوع هندسه مفيش حاجه من غير خطا اي حاجه بيبقي فيها تنسبة خطا بس ممكن بتبقي قليله او كبيره

الخطا ده لو اثر عليك بعد ما عملته او اثر علي انسان قدامك ايه هيبقي تصرفك ؟

مع العلم باننا قولنا ان الانسان لازم يغلط محدش من غير اخطاء

بس انت خطاك اثر علي ناس تانيه مثلات وانت في الشغل وبخطا صغير مثلا تسببت في ضرر لناس كتير

والخطا ده فضل يكبر ويكبر لحد ما انت مقدرتش توقفه

هل هتبعد عن الشغل ده وتفقد الثقه في نفسك ولا هتقول الانسان بطبعه خطاء وانا مش اول واحد يغلط ؟

rehan

rehan: مشرفه; عدد الرسائل : 1246
نقاط : 576
تاريخ التسجيل : 25/10/2008
السٌّمعَة : 40

مساهمة رقم 9

رد: " ما بتعلمش "

من طرف rehan الخميس يونيو 25, 2009 6:14 pm

migo كتب:

الخطا ده لو اثر عليك بعد ما عملته او اثر علي انسان قدامك ايه هيبقي تصرفك ؟

مع العلم باننا قولنا ان الانسان لازم يغلط محدش من غير اخطاء

بس انت خطاك اثر علي ناس تانيه مثلات وانت في الشغل وبخطا صغير مثلا تسببت في ضرر لناس كتير

والخطا ده فضل يكبر ويكبر لحد ما انت مقدرتش توقفه

هل هتبعد عن الشغل ده وتفقد الثقه في نفسك ولا هتقول الانسان بطبعه خطاء وانا مش اول واحد يغلط ؟

أولا الخطأ بتاعك سواء كان أثرة ونيجتة عليك لوحدك أو على أخرين غيرك
فلازم تتحمل المسئولية وتشيل نتيجة خطأك

ولازم كل واحد فينا يواجة نفسة بالخطأ ده ويسعى انه يصلح ومينتظرش ان حد يجى ويحلله المشكلة
ودة بيكون أول خطوات الحل
ان أعترف بخطأى
ويكون هو كل همى يعنى أنا اللى اسعى فى اصلاحة أولا وبعدين ربنا هيبعتلى اللى يساعدنى
وليس العكس

وده سواء كان خطأ كبير أو صغير
لأن ببساطة ما أدراك انه صغير ممكن يكون صغير فى جهه نظرك لكن بالنسبة لناس تانية هو كبير أو اتسبب فى جرحهم وألامه وبالتلى سبب لهم هم ونكد
أو العكس

يعنى مفيش خطأ كبير أو صغير المهم هو خطأ....

أما بقى بالنسبة لحتة انه خطأ وفضل يكبر ويكبر
فده ممكن يكون بسببين...
أولا هو انك محولتش فى بداية الوضع انك تصححة وده تقصير منك ومتلومش غير نفسك لما الوضع يتفاقم عليك
وتزاد عواقبة
وياما انك حاولت وفى كل مرة بتظهر ظروف أقوى منك وبيخلى
اللى بتعملة غير كافى للحل
وفى كلا الوضعين طبعا لازم منستسلمش
ولازم نحاول مرة واتنين وعشرة
وطبعا طالما أنا بسيعى فالنتيجة والتوفيق من ربنا
يعنى مش مطالب بالنتائج لأ أنا مطالب بس بالعمل
يبقى أبدا متفقدش الثقة بنفسك
بل بالعكس لازم ثقتك تزيد طالما أنك بتعمل اللى عليك

وبعدين لو فقدت الثقة فى نفسك فدة لن يغير من الأمر شىء ومش هتحل حاجة بل بالعكس الأامر هيزداد سوء

لكن الفكرة كلها
فى طريقة معالجتك للامور

فممكن تكون بتعمل فعلا لكن كل اللى بتعملة ده بدون جدوى
لانك مش ماشى فى الطريق الصح ولا متبع الطريقة اللى المفروض تمشى بيها عشان تحل

وده ممكن يكبر عليك الامور أكتر بكتير ممها هى تستحق؟؟؟؟؟؟؟

malak el- donia

malak el- donia: مشرف; عدد الرسائل : 1344
العمر : 32
مزاجك ايه النهرده :
نقاط : 1162
تاريخ التسجيل : 25/10/2008
السٌّمعَة : 41

مساهمة رقم 10

رد: " ما بتعلمش "

من طرف malak el- donia السبت أكتوبر 17, 2009 11:47 pm

ما باتعلمش كلمه وقولناها من زماااااااااان اوي لكن الواضح ان الانسان مننا لازم حد يفضل يفكره وعمره ما هيتعلم

قولنا هنتعلم قولنا هنغلط وهنصلح ونغلط ونصلح ونغلط ونصلح و....

لكن لو فضلنا نغلط ونصلح في حاجه كده احنا مش بنتعلم كده احنا بنستهبل

عذرا في اللفظ لكن اي انسان لازم يتعظ من اللي حصل قبل كده وما يقعشي فيه

يعني عشان ابقي احسن وما اقعشي فيه قبل كده

الحياه اكيد بتلهي الانسان مننا انه يفكر في حاجات كتير ممكن تخرجنا من الشعور اللي بينتاباي حد فينا

لكن تلهينا في الحياه بيخلينا نغفل عن حاجات مهمه اوي اوي اوي

يعني لو هاضرب مثل موضوع تجديد النيه تخيل ان الموضوع ده لوحده كفيل انه يرفع معنوياتك ويخليك تحدد اهدافك ويخليك تستشعر ايمانياتك ويخليك بروح عاليه وجديده كبيييره جداجدا

لكن المشكله اننا بنقع ونتحسر وما بنتعلمش

تخيل ان لو اي حد فينا وهو قاعد في اي مكان فكر ولو للحظه ازاي اقدر اكسب من القعده اللي انا قاعدها دي ثواب ممكن يغير حاله 180 درجه من الخنق والفضا زي ما بنقول للثواب والاجر العظيم

تخيل لو انك وانت قاعد وفي قمة تفكيرك السئ تذكرت ان الله سبحانه وتعالي مطلع علي ما في قلوب العباد هتفضل تفكر كده

لكن هانقول اهي ما بنتعلمش

تخيل انك عمال تشتغل وتحرت وتعمل خير واعمال عظيمه جداا لكن كلها في الهوا ليه علشان عملتها كده عملتها وانت مش محدد هي رايحه لمين

لو انت قاعد وعمال تفكر في دوري وانا ايه اللي المفروض اعمله ووظيفتي في الحياه وشغلت نفسك بحاجات خلتك تناااااام عن اللي انت كنت ماشي فيه ود كله ليه عشان شغلت نفسك بحاجات انت مش مطالب انك تعرفها طالما انت ماشي صح لكن انت بتقول يا مشاكل تعالي

لو ان كل واحد في الدنيا عرف هو ايه المطلوب منه في الدنيا كانت الحياه بقت اسهل وما بقتشي الدنيا الصعبه

الحياه هي دار شقاء دار شقاء في كل حاجه في انك تسعي علي كل حاجه علي هدفك علي عبادتك علي اي حاجه وماتتعجلشي النتايج لأنك لو تعجلت النتايج ده بيبقي بداية طريق الانهيار

لأنك ربنا سبحانه وتعالي هو اللي عارف امتي يحطلك كذا ويخليك تعرفه مش انت اللي تحدد عاوز تعرفه امتي

بس نقول ايه ما بنتعلمش

هو احنا هنفضل كده ما بنتعلمش ونقول ما بنقتنعش ونتكلم ونقول احنا واقعين

يبقي احسن لينا اننا مانتكلمشي لأن كلامنا مالوش لازمه لأننا هنفضل ما بنتعلمش

يارب نتعلم ونقول ولو مره واحد احنا كويسين عشان بجد احنا هنتحاسب علي كل ده واحنا في خبر كان وما نعرفش

rehan

rehan: مشرفه; عدد الرسائل : 1246
نقاط : 576
تاريخ التسجيل : 25/10/2008
السٌّمعَة : 40

مساهمة رقم 11

رد: " ما بتعلمش "

من طرف rehan الأحد أكتوبر 18, 2009 10:33 pm

الله عليك يابشمهندس
وعلى الكلام الجامد أوىىىىىىىى ده
والتذكرة القوية دى اللى أكيد كلنا محتاجنها

بجد احساس تانى كده لما الواحد أولا يبقى متعايش مع ربنا ومتصالح مع نفسة

الفكرة كلها ان كل حياتنا بقت كلام وخلاص

كلام بتقال وبنتظاهر بية لكن فى المواقف الحقيقية بنسيب نفسنا لأوهام
توصلنا وتنكد علينا حياتنا

أنا اللى اتمديت فى حاجات وسمحت لنفسى أن أعيش فيها وأصدقها

سبحان الله العظيم االتواب الكريم الوهاب

بجد........حتة مبتعلمش دى مش لازم ديما نقولها ولازم نتعلم........
وكمان ناخد بالنا من تفكيرنا اللى هينبنى علية تصرفاتنا وتعاملاتنا مع الناس كلها

بجد حاجة بسيطة اوىىىىىىىىىىى

كلمة أثرت فيا جداااااااااااا
من أخونا عبدالله ربنا يكرمة يارب
صاحب عبد الرحمن عارفينة طبعا

كل اللى يجى من حبيبى فهو حبيبى..........

بجد حب كل قدر الله فيك ...واستشعر لذة القرب منه
هتلاقى كل حاجة بتهون
وهتشعر بسعادة الكون
الفكرة بجد يابشمهندس
هى.......

وخلق الانسان عجولا........

ديما احنا مستعجلين على كل حاجة فى حياتنا
حتى فى مشاكلنا وفى أزماتنا
بردوا بنستعجل عليها ولو كده احنا كويسين
بنقعد نفكر لحد منجيب الهموم والمشاكل لحد عندنا

سبحان الله العظيم على الانسان ده

وحاجة اخيرة لازم نتعلم بدل منفكر فى المشكلة فكر ديما فى حلها
أكيد هتفرق معاك كتيييييييييييييير
ومتديش موضوع أكتر من حجمة

ومتقعدش تفكر فية لدرجة انه يعكر عليك يومك

فيومك .....يومك.......
عش كل لحظة كأنها أخر لحظة
عش بالأمل ...عش بالايمان...عش بالكفاح
عش بالحب وقدر قيمة الحياة

malak el- donia

malak el- donia: مشرف; عدد الرسائل : 1344
العمر : 32
مزاجك ايه النهرده :
نقاط : 1162
تاريخ التسجيل : 25/10/2008
السٌّمعَة : 41

مساهمة رقم 12

رد: " ما بتعلمش "

من طرف malak el- donia الأحد أكتوبر 18, 2009 11:08 pm

الله يكرمك يا انسه ريهان

هو الموضوع اننا بقينا تايهين في الدنيا وبقينا مش عارفين احنا بنعمل ايه ولأيه

و في الفتره دي الصح بيختلط بالغلط وبتتوه الامور في بعضها

فكان لازم من تذكره لأننا لو فضلنا تايهين هنقع وقعه مالهاش قومه

ان كان ربنا الحمد لله انعم علينا بنعمة اننا بنقدر نعرف اننا غلطنا وبنحاسب نفسنا

فالمفروض ان نا نقدر النعمه دي ونستخدمها

كمان انا لو عاوز اني افك همي وحزني يبقي ازاي افكه وانا حاطط في دماغي اني مكتئب وحزين

يعني لو باقول انا تايه مثلا يبقي ما افكرشي خالص في اني تايه واعيش في الحياة طبيعي خالص وحقيقي بمجرد انت عملت كده انت قطعت نص الطريق في انك تلاقي اللي بتدور عليه

الحياه ممكن تسهلها علي نفسك وممكن تخليها جبل فوقك

rehan

rehan: مشرفه; عدد الرسائل : 1246
نقاط : 576
تاريخ التسجيل : 25/10/2008
السٌّمعَة : 40

مساهمة رقم 13

رد: " ما بتعلمش "

من طرف rehan الأحد أكتوبر 18, 2009 11:47 pm

ربنا يعزك يابشمهندس

الفكرة كلها بس تحويلة فى الدماغ
وبدل مبص بنظرة سلبية أحاول ديما أكون ايجابى واتعامل مع الواقع
ومهربش فى جو ليس له وجود الا فى دماغى بس
الحياة أبسط بكتيييييييييير
م

من اللى احنا بنعملة فى نفسنا
كفايانا تعب نجيبة لنفسنا بتفكيرنا الزايد وضغوط كتير بنحطها فوق دماغنا

مش ناقصة

الحياة كده كده تعب
لقد خلقنا الانسان فى كبد

يعنى فيها اللى مكفيها
مش ناقص انك تزود على نفسك وتعكر اليوم اللى ممكن تكون فرحان فية

أكيد هيفرق معاك أوىىى اليوم ده
وهيجى وقت تقول ياريتنى عشات الحياة ببساطتها وزى ما هية كده

ومتستعجلش على حاجة لأن قدرك أت لا محاله

shimaa

shimaa: نائبة المدير; عدد الرسائل : 2031
العمر : 38
مزاجك ايه النهرده :
نقاط : 984
تاريخ التسجيل : 25/10/2008
السٌّمعَة : 52

مساهمة رقم 14

رد: " ما بتعلمش "

من طرف shimaa الإثنين أكتوبر 19, 2009 12:07 am

انا طبعا متابعه الموضوع وكلام جميل اوى ما شاء الله

المهم فعلا نتعلم بقى ونطبق الكلام ده فى الواقع وفى عز الازمات نفتكره كويس علشان مايبقاش مجرد كلام

فعلا احنا لسه قدامنا الدنيا بكل مشاكلها وازماتها

هو احنا اصلا ايه مشاكلنا دلوقتى اللى تخلينا نشيل الهم اوى كده؟؟؟؟؟؟؟؟؟؟

ولا ايه المسئوليات اللى ورانا يعنى اللى ممكن تتعبنا ................لسه بدريييييييييييييييييي

فياريت فعلا نقدر نعيش اللحظه اللى احنا فيها ونحمد ربنا اوى على نعمته ومانستعجلش

ولازم نحط المقوله دى فى دماغنا

لا تستغرب وقوع الاكدار ما دمت فى هذه الدار

يعنى الدنيا كده كده فيها الهم والحزن والضيق .....بس اكيد بتفرق بين واحد والتانى

يارب يقدرنا اننا نعيش حياتنا صح وفى قرب منك يارب العالمين

مواضيع مماثلة

» " ثلاث اشياء ان فقدتها مات قلبك "
» السيره النبويه " الشيخ محمد حسان "
» احداث النهاية " الشيخ محمد حسان "
» لو عاوز تنتحر اتفضل "طرق مختلفة للانتحار"
» " بالحب تكتمل الاشياء " محمد رحيم

» مساعده للامراه حامل
" ما بتعلمش " Empty

السبت يونيو 15, 2013 1:39 am من طرف doodybosy

» ريهـــ (حينما يتحدث القلب والعقل معا) ـــان
" ما بتعلمش " Empty

السبت مايو 12, 2012 1:50 am من طرف nagat

» فى حب رسول الله..بقلمى : دعاء أحمد
" ما بتعلمش " Empty

الجمعة نوفمبر 11, 2011 12:32 am من طرف دعاءاحمد

» فضفضة..........(فى حب الله)
" ما بتعلمش " Empty

الأربعاء أكتوبر 12, 2011 1:16 am من طرف rehan

» My empty house
" ما بتعلمش " Empty

الخميس أغسطس 18, 2011 10:24 pm من طرف rehan

» ناقش الي بعدك بسؤال
" ما بتعلمش " Empty

الأربعاء أغسطس 17, 2011 10:30 pm من طرف 7ob El-7iah

» عندما يتمثل الدين في الأنثى
" ما بتعلمش " Empty

الثلاثاء يوليو 26, 2011 11:48 pm من طرف rehan

» حلوه بلادي
" ما بتعلمش " Empty

الإثنين يوليو 25, 2011 2:55 am من طرف rehan

» يامن تقول أحب محمدا............
" ما بتعلمش " Empty

الثلاثاء يوليو 19, 2011 7:52 pm من طرف rehan

» ادخل طمنا عملت ايه فى الامتحان؟؟؟؟؟؟؟؟؟؟؟
" ما بتعلمش " Empty

الإثنين يوليو 18, 2011 2:43 pm من طرف rehan

" ما بتعلمش "

مواضيع مماثلة

مواضيع مماثلة

دخول

المواضيع الأخيرة