ازيكم يااحلي اخوات في الدنيا عاملين ايه والله العظيم واحشتوني اوي اوي اوي
الحمدلله النت رجع تاني بعد طول انتظار ( بس بعد ما نشف دمي ) بجد كنت منعزله عن العالم الخارجي والداخلي كمان والله
اكيد انتو مجربين الاحساس الفظيع دا يالا بقي الله يجازي النت دا خير
بس تخيلوا والنت فاصل جاتني شويه افكار جميله اوي ( اصل الكبت يولد الانفجار ولا اييييييييييييييه )
قولت بقي ادون الافكار دي في ورقه وجبت ورقه وقلم رجعنا لزمن الورقه والقلم تاني (اصل من فات قديمه تااااااااااااااااااه )
قعدت كدا مع نفسي لقيتني بقولها ياااااااااااااااااااه يادينا لو كنت ولد دا انتي كنت عملتي عمايل (دماغكم متروحش لبعيد ) خير والله انا نفسي مش بتميل غير للخير والحمدلله
اولا كدا الحمدلله انا مش عندي اي اعتراض علي كوني بنت بالعكس بحس ربنا فضلني كتير بالنعمه دي وان مفيش فرق بين بنت وولد الا بالعمل الصالح ربنا يرزقنا جميعا الاخلاص والتقوي
تعالوا بقي اقولكم كنت هعمل ايييه لو كنت ولد
الله الله الله عليا كدا لما اخرج من بيتي خمس مرات كل اذان وانا بقول لبيك اللهم لبيك وبردد الاذان الجميل ورايحه فين يابنات يااااااااااااااااااااااه بيت ربنا
بجد احنا محرومين من النعمه الجميله دي
لا واييييييييييييه في اذان الفجر وناس كتير نايمه وانا صاحيه وحبيبي ربنا بينادي عليا ويقولي تعالي زوريني في بيتي يااااااااااااه بجد انا بحسد الشباب علي النعمه دي يابختم والله
حاجه كمان كنت هعملها لو كنت ولد
والله لو كنت ولد وماشي كدا في الشارع وشوفت واحد ربنا يسامحه بيعاكس بنت وربنا كنت هديله علقه علقه يحلف بيها العمر كله وافضل اضرب فيه لحد لما يحرم يعمل كدا
في بنات الناس ذمبها ايه البنت البيئه دي تتعرض لموقف زي دا ولا تسمع لفظ وحش يجرح مشاعرها واحاسيسها الرقيقه
حاجه تالته بقي معلش ( اصل الفضي وحش هههههههههههههه )
لو كنت ولد كنت في فتره الاجازه في الصيف دي الممله انزل ادور علي اي شغل شريف اقدر بيه امل وقت فراغي وارضي بيه ربي واكتسب منه سلوك طيب واكسب فلوس حلال
وادوق طعم الاكل اللي جاي من تعبي انا واساعد بيه اهلي مش كل شويه هات يابابا هاتي ياماما هما مش مضايقهم دا ابدا بس الواحد يبقي عنده شويه احمر بردو
بجد والله بيصعب عليا اوي الشباب وهو قاعد كدا مستني جواب التعين ( اذا كان فيه حاجه بالاسم دااساسا )
والله العصفوره الصغننه دي بتخرج من عشها مش عارفه هي ريحه فين بس بتسعي لطلب رزقها وبترجع ومعاها الخير ليها ولصغارها
طيب انا الانسان اللي ربنا فضلني علي سائر المخلوقات مش هقدر اعمل زيها لا هقدر باذن الله
انا سرحت كتير اوي
بس استنوا كدا انا بنت اوعو حد يفكرني قلبت ولا حاجه هههههههههههههه الحمدلله علي النعمه دي
انا وغيري من البنات باذن الله تعالي هبقي ام والجنه تحت اقدام الامهات كفايه اوي عليا دي
يالا بقي كل واحده تقولي كانت هتعمل ايه لو كانت ولد
بحبكم اوي
السبت يونيو 15, 2013 1:39 am من طرف doodybosy
» ريهـــ (حينما يتحدث القلب والعقل معا) ـــان
السبت مايو 12, 2012 1:50 am من طرف nagat
» فى حب رسول الله..بقلمى : دعاء أحمد
الجمعة نوفمبر 11, 2011 12:32 am من طرف دعاءاحمد
» فضفضة..........(فى حب الله)
الأربعاء أكتوبر 12, 2011 1:16 am من طرف rehan
» My empty house
الخميس أغسطس 18, 2011 10:24 pm من طرف rehan
» ناقش الي بعدك بسؤال
الأربعاء أغسطس 17, 2011 10:30 pm من طرف 7ob El-7iah
» عندما يتمثل الدين في الأنثى
الثلاثاء يوليو 26, 2011 11:48 pm من طرف rehan
» حلوه بلادي
الإثنين يوليو 25, 2011 2:55 am من طرف rehan
» يامن تقول أحب محمدا............
الثلاثاء يوليو 19, 2011 7:52 pm من طرف rehan
» ادخل طمنا عملت ايه فى الامتحان؟؟؟؟؟؟؟؟؟؟؟
الإثنين يوليو 18, 2011 2:43 pm من طرف rehan