برة جو الجمعية خاااااااااالص

الموضوع كتب بواسطه M7MD


عايزين بقى كل واحد يحكيلنا اكبر مشكلة حصلت له فحياته ويقولنا ازاى قدر يواجهها ويترى اتحلت ولا
لسة وحلها ازاى ومين وقف جمبة فيها ومين خلع منه يعنى كل حاجة كل حاجة عنها
بس لازم الصراحة وعيزين الكلام اوبن يعنى مفيش احراج انها تكون مشكلة نفسية حسيت فيها انك هتتهبل او مشكلة عاطفية حسيت فيها انك طلعت كنت بتتاكل اونطة وفالأخر اخدت الصابونة او مشكلة مع صاحب ليك عملك مالبحر زبادى وفالأخر طلع مبيكلش الزبادى اساسا مش عايز ارغى اكتر من كدة اكيد كلكلوا فهمتى اللعبة يريت بقى نلاقى حكايات بالهبل هنا ع بكرة بالكتير وانا عارف ان كلنا حصلت لنا بلاوى مبلونة




واحد ناصح يقولى بقى طب متبدأ انت يحمادة اقولة انا بقى زى الى بيفرق منابات اللحمة مش بياخد غير فالأخر اوكى اتفقنا 00000000000000000000000000000

رد ادمن Admin

يعنى انا هاخد اول حتة لحمة ماشى
هو انا بصراحة عمالة افكر فى مشكلة كبيرة حصلت لى فى حياتى مش لاقية الحمد لله
بس اكيد كلنا بنتعرض لمواقف بنبقى حاسين انها مشكلة بس هى يعنى بتبقى مجرد موقف وعايز بس شوية تفكير
انا عمالة اقول الغاز صح اصلى مش عارفة اقول ايه
بس هو غالبا فى المواقف اللى بتحصل ونحس انها مشكلة الناس اللى حوليك بيساعدوك برأيهم ويرجعوا يقولوا برده ده رأيك وانتى اللى لازم تأخدى القرار يعنى كأنهم ماعملوش اى حاجة والواحد بقى ساعتها بيحس انه فعلا مفيش غير ربنا هو الوحيد اللى ممكن يساعد الانسان فى اى مشكلة يتعرض لها بس اهم حاجة نلجأ اليه ونستعين بيه وهو خير معين وساعتها الواحد بيقول يارب انا مليش غيرك
يارب اكون قدرت اوصل الفكرة
وهاحاول افكر يمكن يكون قابلتنى مشكلة احكىها لكم
بس انا كده اكيد أخدت اكبر حتة لحمة صح؟

M7MD

رد محمد


يبنتى اعملى كت للكلام ده وودية لصفحة تخاريف بتاع استاذ احمد


ولا حتى هتاخدى شوية رز00


شيماء انا اخترت الموضوع ده بجد عشان حاسس ان ده هيفتح مجال كلام بينا ممكن نكون مش هنعرف نتكلم فيه واحنا مع بعض


ففكرى كويس فأكبر مشكلة او موقف صعب حصلك ولو ملقتيش حاجة يبقى لازم تتصرفى بقى ملناش دعوة ولا انتى مش بتحبى اللحمة00000000000000000


مستنى الرد

رد Admin

خلاص ماشى علشان اللحمة بس
هى مش مشكلة كبيرة ولا حاجة بس على الاقل ساعتها كنت حاسة بكده
هى بدأت لما جت لى كلية تربية وطبعا كنت علمى علوم وكنت حاطة أملى بقى على كلية جامدة لكن الاحياء بقى نزلتنى ودخلت تربية طبعا كانت صدمة فى الاول بس بعد كده الواحد اتأقلم وحس ان ربنا اكيد عمل الخير
وفعلا اتعرفت على بنتين اصحابى بقوا اكتر من اخواتى وحبيتهم اوى وقربت منهم وهما حبونى كمان والحمد لله بدأنا نقرب من ربنا مع بعض وبدأنا نشجع بعض وكان اول سنتين من الكلية احلى ايام فى حياتى
جت بقى المشكلة فى سنة تالتة لما بدأنا التخصص
اه نسيت اقول انى دخلت قسم كيمياء وطبيعة
التخصص بقى لازم يااما كيمياء يااما فيزياء وانا كان نفسى ادخل كيمياء وكان على حسب التقدير فى السنتين الاولنين
وانا بقى كان تقديرى اعلى فى الفيزياء يااااااااااااااااااه على اللى حصلى ساعتها حسيت ان الدنيا قفلت فى وشى واللى زاد وغطى كمان انى صحباتى الاتنين دخلوا كيمياء حسيت بالوحدة والالم وحسيت انى غريبة على الناس كنت بشوفهم كل يوم ونقعد نحكى مع بعض ونتكلم فجأة بعدنا عن بعض او انا كنت حاسة اننا هانبعد عن بعض
بس والله الحمد لله ربنا وفقنى وبدأت احب الفيزياء مش اوى يعنى
بس الحمد لله كملت واتخرجت بتقدير جيد جدا ماكنتش متوقعة خالص لما عرفت انى دخلت فيزياء انى ممكن اتخرج بالتقدير ده
وطبعا صحباتى كنت معاهم على طول ومابعدناش عن بعض ولغاية دلوقتى هما اخواتى برده
بس عايزة اقول حاجة ان الواحد لما يتحط فى مشكلة لازم يقرب من ربنا لان ربنا دايما بيعمل الخير
طولت عليكم صح؟



معلش علشان حتة اللحمة بس
مع انى ماليش تقل على اللحمة اصلا

رد نور


على فكره الموضوع جميل بس الموضوع كان هيكون أجمل لو الأعضاء دخلين بأسماء حركيه مش أسماؤهم الحقيقيه أو عددأعضاء المنتدى كبير و محدش عارف مين اللى بيحكى المشكله وعموما الرد بتاعى يابشمهندس فى تعارف بنات

رد محمد M7MD

على فكرة قصتك دى جميلة قوى ويمكن بتحصل لكتير قوى مننا وانا واحد منهم
برافو يشيماء


الفائز بأول حتة لحمة

والبقية تأتى

رد محمد M7MD


فين يجماعة باقى الناس

ايه خلاص بقينا ناس بلا مشاكل

يلا يلا انا عارف ان كل واحد فينا عنده مشاكل فحياتة وعقبات بالهبل


ايه الكسل ده عيزين كله يشارك فكل المواضيع

مستنى الردورد وبسرعة يجماعة لو سمحتوا

رد Admin

ايه ياباشمهندس ممكن يكون فى ناس ماعندهاش مشاكل
مش حضرتك قلت قبل كده
انا شاب بلا مشاكل

وبعدين عايزين نعرف اكبر مشكله عندك بقى
انا عايزاك بس تأكل اللحمة هاتفضل توزع على طول كده

رد محمد M7MD

انا اقصد ان انا شاب بلا مشاكل فالوقت الحالى ودى حقيقة لكن اكيد حصلت لى حاجات كتير قبل كدة
يعنى انا تقريبا من سنتين محصلتليش اى مشكلة من المشاكل الى يتقال عليها مشكلة كبيرة وكدة

لكن فى مواقف كتير مش حلوة فحياتى

بس انا مستنى اما افرق كمان شوية دا محدش خد غيرك واللحمة هتبوظ باين عليها

وبعدين هحيلكوا انا بقى ان شالله حتى كمان حتتين لحمة

رد محمد M7MD

خلاص موافقه بس حتتين بس مش اكتر
بلاش شغل التشويق ده

رد محمد M7MD

الأكل هيبرد مين جاى؟

اللهم ارزقنا حلالا طيبا

Admin


انا زعلانة على الاكل اللى برد ده
مش هاينفع كده
هانقعد نسخن تانى
يالا مش مشكلة

rehan:


اية ياجماعة

هو مفيش حاجة فى الجمعية دى خالص من غير أكل

كده مش هينفع



موضوع المشاكل ده صعب ياجماعة
خصوصا ان فيه ناس كتير مبتعرفش تحكى زى مثلا كده

Admin

ياريهان دى حتة لحمة فكرى كويس
هما كلهم حتتين بس علشان الباشمهندس يحكيلنا بقى على المشكلة العويصة بتاعته

M7MD


يلا يريهان قوى قلبك وادخلى بمشكلتك وانتى بالذات متقوليش مش بعرف احكى

امال مين يعرف بقى

وبعدين المرة دى اللحمة عندى انا مش من عندكوا

يلا بقى شدى حيلك


ولا انتو مش عيزين تعرفوا مشكلتى؟؟؟؟؟

شكرا يدينا على الأهتمام والنقل

متخليكى بقى جدعة وتمى جميلك وتحكيلنا على أكبر مشكله ولا موقف حصلك وتعرفينا ازاى خرجتى منه


ولا انتى كمان مش بتاكلى لحمة زى بقيت الناس؟؟؟؟؟؟؟؟؟؟؟؟؟؟؟؟؟

ربنا يكرمك يادينا
ويرزقك رضى والديك يارب

بجد بجد حلوة أوى وحاجة عملية فعلا

احنا طبعا مش محتاجين تأكيد ولا دليل على كلام ربنا سبحانة وتعالى

بس ربنا عمل معاك ذلك لحكمه طبعا وممكن عشان احنا نشوف الكلام ده ونراجع نفسنا كلنا ونحافظ أكتر على علاقتنا بوالدينا

يارب اجعلنا من الأبناء البررة بوالديهم وارزقنا رضاهم يارب

بجد مفيدة جدا يادينا

وكمان بشكرك أوى على شجاعتك وصراحتك

اهى دى المشاكل والا بلاش

بجد بجد والله العظيم قصة فعلا فيها موعظة جامدة جدا جدا لأى بنى ادم يقراها وفعلا فيها شجاعة منك


وبرافو عليكى

وتكريما لشجاعتك كمان حتة لحمة يستى زيادة على المناب الأساسى

مبسوطة بقى ؟؟؟؟؟

مفيش احراج ولا حاجة يادينا احنا كلنا اخوات

ودى نعمة ورسالة من ربنا والنعمة الاكبر انك فهمتى الرسالة

ياما ناس ربنا بيبعتلهم هدايا ورسايل علشان يقربهم منه لكن للاسف مش بيفهموها


واظن كده ياباشمهندس ناقص حتة لحمة واحدة لحضرتك ياريت بقى تتفضل تقولنا على المشكلة

ايه التثبيته دى يشيماء


هجيبلك بكويين بسكوت مش واحد بس امسحى المشاركة بتاعتك اوكى؟؟؟؟؟؟؟؟؟؟

يالا يابشمهندس علشان تاخد اخر حته لحمه باقيه
جمد قلبك وقول بقي