ورشة عمل القافلة الطبية

حبه دواء = انقاذ مريض

الحمد لله والشكر لله ربنا وفقنا ونجحت القافله

ما شاء الله عليكو انتوا بجد بذلتوا مجهود كبير جدا فى القافله وكل الشكر للدكاتره اللى بجد تعبوا جدا من كتر الحالات

وكل الشكر للصيدله اللى تعبوا جدا فى صرف العلاج وكل الشكر للمتطوعين اللى ساهموا فى هذا العمل العظيم

أما بانسبه لانطباعى الشخصى فأقدر أقول اننا نجحنا جدا بالنسبه لأول مره لأنها كانت حاجه جديده بالنسبه

للمتطوعين وأول قافله تقوم بيها الجمعيه وان شاء الله تتكرر تانى

والدليل على نجحنا هى عدد الحالات ما شاء الله وكميه الدوا اللى صرفناها كبيره جدا وبالنسبه للايجابيات هى اننا قدرنا نساعد

أكبر عدد من الناس فى وقت قصير وكمان كسبنا متطوعين جدد وأول عمل يشاركوا فيه ما شاء الله عليهم ومن ضمن

الايجابيات اننا عملنا دعايا للجمعيه وقدرنا بفضل الله اننا نتعامل مع صيدليات جديده وكمان نحصل على كشف مجانى

من دكاتره جدد ده غير الدكاتره كانوا مبسوطين من القافله وكمان الصيدله ربنا يكرمهم وبعدين المتطوعين خدوا خبره

مفيش بعد كده

أما بالنسبه للسلبيات

كلها حاجات بسيطه وساعات بتبقى خارجه عن ارادتنا وان شاء الله نتفادها المره الجايه وكل عمل له ايجابيته وله سلبياته

وفى هذا العمل الايجابيات أكتر بكتير من السلبيات والحمد لله

بالنسبه للاستفاده هى انى كسبت دعوات من المرضى والحمد لله وكمان اكتسبت خبره ممرضه عظام يعنى ازاى

أدخل المرضى وأنادى عليهم بالترتيب بدون وسطه ولا محسوبيه


وبجد والله أنا فرحت أوى بروح التعاون بين المتطوعين اللى بيحبو الجمعيه من قلبهم

ربنا يكرمكم يارب وعبقال القافله الجايه وانتو طيبين