صور رسائل الرسول عليه الصلاه والسلام

بسم الله ما شاء الله ايه النشاط اللي من البداية ده

جزاكي الله خيرا ان شاء الله

ليا تعليقات على الرسائل وبسم الله نبدأ

الرسالة الأولى لملك الروم.......مايدل على حكمة وعظمة حبيبنا وقدوتنا انه في الصيغة بتاعت الرساله كان الكلام واضح جدا انه بيكلم شخص فعلا استحق مكانته(هرقل) وله احترامة وسط شعبة فلو تلاحظوا صيغة الكلام هتلاقوه بيكلمه بالطريقة اللي دماغة تحترمها.....بمعنى انه لما يشوف الكلام ده مش يعديه وخلاص....لالالالا....بالعكس دا فكر فيه ويقول ياترى مين الشخص ده اللي قدر يوصل ليا من احب الطرق مرة واحده كده

الرسالة التانية كانت للمقوقس.......كلامها مش كتير ابدا وبسيط جدا....وفعلا المقوقس كان عنده علم برسالة عيسى عليه السلام....يعني مش كان محتاج حد يشرحله لسه....وكانت رسالته عليه الصلاة والسلام فيها كل المفيد وصيغتها كافيه انها تخليه يبدأ يدور ويسأل عن الرسول عليه الصلاة والسلام

الرسالة الثالثة للنجاشي....وكلنا عارفين ان النجاشي كان على المسيحية الحقه يعني كان عارف كل حاجة فيها وعارف الصح من الغلط.....والرسول عليه الصلاة والسلام لما بعت ليه الرساله وضحله واكد له ان ما جاء به سيدنا عيسى وما جاء به سيدنا محمد انما يخرج من مشكاه واحده....يعني مفيش اي شك من الذي جئت به....ولم يتردد النجاشي لحظة في اسلام

الرسالة الرابعة وكانت لفارس.....المتغطرس الظالم اللي لم يكن في قلبه سوى الكبر والفخر والغرور....ونص الرسالة فعلا كان رايح يكلم واحد كده....كان فيه حده في الرسالة عشان لو الناس اللي بالمنظر ده اتاخد بلين بتسوق فيها وتتمنظر اكتر واكتر

واهم رسالة بقا في نظري هيا آخر رسالة بتاعت ملك الغساسنة....اللي حس انه نزل من مكانت انه سمح بالرسالة دي انها تقرأ عليه وطبعا قتل رسول رسول الله.....والرد كان واضح حرب كبيرة جدا تقول ليها امة الإسلام بالكامل .... وليه عشان راجل مات



يا حبيبي يا رسول الله
وما ينطق عن الهوى
.................................................
دعوة للتفكير: بمناسبة الكلام والتعلق اللي انا كتبته .... كالعاده انا منتظر بقا وجهة نظركم والرد عليا
وطبعا الحكم والعبر والدروس المستفاده اللي بجد بحس اني كل لما بقعد على الجهاز وافتح المنتدى ده مش بخرج صفر اليدين

جزاكم الله خيرا

اولا يا محمود تعليقك حلو اوي اوي اوي

وبجد فعلا زي ما انت قولت دي رساله رسول الله بعتها علشان يدعو انسان مش علي الاسلام للاسلام يعني الامفروض انها تكون رساله من يقراها يجب ان يحدث له اي تغيير وهنا يختلف التغييير من انسان لاخر
فمن امثال النجاشي والمقوقس من قراها بقلبه وعلي اثر ذلك دخل النجاشي في الاسلام اما المقوقس ظل علي دينه ده برضه الاسلام بيكفله حرية اختيار الدين بل وبعث بالهدايا لرسول الله ومعه ماريه القبطيه
اما منهم من هو الهمجي الذي لا يدع لعقله لحظه واحده بس علشان يفكر فيها
زي كسري وملك الغساسنه فدول تصرفهم الهمجي كان نابع من كفر بغيض وكره وعدم ادميه
وفعلا ياريت كان الرسول عليه الصلاة والسلام موجود في الوقت ده كان بعتلنا رساله تخلي الانس النايمه دي تصحي بقي وكفايه كفايه نووووووم اصحوا بقي من الغفله اللي انتو فيها دي وبصوا انتوا حطيطوا نفسكم فيييييييييين
بس لا نملك الا قول الله عزو وجل " الا ان نصر الله قريب "
...........................................
واخيراااا با شكر دودي علي الموضوع الرائع ده وفعلا بدايه موفقه جدااا

جزاك الله عنا كل خير دودي

شكرا ليكم
ميرسي يادونا