"في هذا القبر يرقد السيد عادي"

بجد ربنا يعزك يابشمهندس

وفعلا موضوع مهم جدا ولو كل واحد ركز فيه شوية
بحس انه ممكن يغير حياته كتيييييييييير جدا

وفعلا الحلقة كانت فوة الرائعة

وفعلا كلمة عادى دى بقت منتشرة جدا وفى أى حاجة ومتلقيش حد بيقول عادى غير لما تلقية بيعمل حاجة أصلا مش صح
فى أساسها

يعنى فعلا كلمة عادى تحس انها بتموت الحياء اللى بينك وبين ربنا عزوجل
وبتجرأ الشخص ده على ربنا

لازم نمحى كلمة عادى دى من قاموس حياتنا...........


فعلا كل واحد فينا لازم يحس انه مش عادى
ركز شوية أنت فعلا مش عادى
كفاية ان ليك رب اسمه الكريم بيقف جنبك فى شدتك وازمتك ويوم متحتاجة بتلقيه ديما معاك

كفاية انه اختارك أنت انك تكون من أمه النبى خير أمه أخرجت للناس

وكفاية دلوقت انه سمعك وخلاك تقرا الكلام ده
عشان فعلا أنت مش عادى


والله فعلا ياجماعة أنا وشيماء سمعنا الكلام ده وكل منتكلم ونيجى نقول كلمة عادى دى فى وسط الكلام
نقول لأ مش عادى ونحاول نستبدلها


أوعى ترضى لنفسك أنك تكون عادى لأن ربنا مرضيش ليك بكده




ربنا يحفظك ويعزك

ربنا يكرمك يارشا

فعلا بنرد بكل بساطة وفى اى حاجة واحنا مش حاسين بيها ونقول عادى

لكن مين ياترى اللى جعل الشىء دى عادى؟؟؟؟؟؟؟
هو احنا .........
احنا اللى بقينا نتساهل فى حق ربنا وبنتساهل فى حق نفسنا
وبنقول عادى مع انه عند ربنا وعند النبى اللى انت بتحبة مش عادى

ياريت كل واحد يقتل جواه السيد عادى

ويقدر نفسه كويس ويعرف عظمه ربنا الأول
اللى خلقك مش عادى

اصلا مش ينفع اننا نعيش عادي ونموت عادي

عارفين لييييييييييييه

طبعا الأول هوا الكلام اللي فوق ده كله

زياده عليه عشان احنا الصحبة الحلوة

عارفين سبحان الله ......بجد يوم ما اتكونت الصحبة الحلوة كنت خايف اوي اصل دي مش اول مرة اتفق مع محموعة من الناس على حجات.....كنت خايف نكون عاديين زي بقيت الناس...اتفقنا وفرحنا شوية بحبة الحجات وخلاص

بس بجد الحمد لله احنا اثبتنا اننا مش عادي خالص

حققنا معظم الحجات في وقت قصييييييير جدا والحمد لله...كله بفضل ربنا سبحانه وتعالى

وزياده كمان اثبتنا كلنا اننا اخوات بما تحمله الكلمة من معنى.....على الأقل يوم ما كنت كتبت مقاله الجنة في قلوبنا

بعدا اترسخ جوه كل واحد فينا انه فعلا لازم بالحب في الله تكون الجنة في قلوبنا

وبجد الحمد لله عرفنا نحققها....بقينا يوم ما نفرح نفرح لبعض اكتر ما نفرح لنفسنا

ويوم ما واحد فينا يقوووول"آآآه" توجعنا كلنا

ياربي لك الحمد كما ينبغي لجلال وجهك وعظيم سلطانك

بجد نعم الصحبة الحلوة

يارب اجعل من الصحبة الحلوة في الدنيا طريقا إلى ظل عرشك في الآخرة ومنها إلى الجنة

جيرانا لبعضنا مع حبيبنا النبي محمد صلى الله علية وسلم

عارف ليه كمان يا محمود الصحبه الحلوه تختلف عن اي صحبه تانيه عملناها وحققت وانجزت حجات كتير في وقت قصير

السبب ببساطه ان كل واحد فينا حس انه شخص مهم وفي ناس محتجاه وعن طريق كده كل واحد فينا حس انه له دور في حاجه او لقي حاجه يعيش حتي عشانها علي الاقل

وكل واحد فينا لقي عند التاني حاجه هو كان بيدور عليها كتييييييييييير اوي وكان نفسه يلاقيها

واكيد كل واحد فينا كان بيقول كلمة عادي وعايش عادي والحمد لله ان احنا لقينا بعض علشان نموت عاغدي وندفنه في التراب نهائيا

لا كلام بصراحة موش عادى
من شخص موش عادى لناس موش عادية
وبالتالى ردى هيكون غير عادى
واسال سؤال موش عادى
؟؟؟؟؟؟؟؟؟؟؟؟؟؟؟
هو ليه الواحد مننا واقصد جروب منتدى الرحمة
ان الشخصيات على المنتدى بتختلف عن الشخصيات فى الجمعية والواقع ليه ؟؟؟؟؟
دا فى حالة انى محق ...... وان كلامى صحيح .....
وايه سببه يا ترى هل دا بيرجع للتناقضات اللى فى شخصية كل واحد فينا
وانه ساعات الواحد بيحس انه هو اكتر من واحد كلهم موش وحشين بس بيحب كل حاجة فى وقت واحد
يبدو ان الكلام موش مفهوم ..... موش مهم اوى
بس انا حبيت اقول كلام موش عادى لناس موش عادية من شخص غير عادى
وعادى
والسلام عليكم ورحمة الله وبركاته دى اللى عادى

استاذي الفاضل ابراهيم

يمكن فيه كلمة احب اقولها لحضرتك ويمكن يكون رد على كلامك الي موش عادي

كلمة كنت سمعتها من زميل ليا
"ليس من العيب ان تكون لك شخصية وهمية تعيش بها...ولكن الحذر كل الحذر عند نقل هذه الشخصية إلى عالم الواقع لأن الذي سيتضرر هوا ناقل الشخصية وليس الشخصية نفسها"

وبعدين لازم فعلا يكون فيه اختلاف ولو بسيط بين التعامل على صفحات ومن لوحة المفاتيح

ومن التعامل المباشر...... بس لو حضرتك تلاحظ آخر اجتماعين لينا... المشكلة ان حضرتك كنت مشيت معلش بقا

بس فعلا في آخر اجتماعين لينا.... الجو اللي كان محيط بينا هوا مجموعة من الأخوة قاعيدين بيشوفوا هيعملوا ايه

بس بجد بجد بجد مجموعة اخوه بما تحمله الكلمة من معنى

وطبعا حضرتك مش عادي فياريت تقرأ الكلام بصورة مش عادية عشان يوصلك زي منا عاوزه

اولا ايه بقي حكاية عادي اللي انتوا مسكتوها دي هي عدوي ولا اييييييييييه
هههههههههههههه

طبعااا برحب باخويا الكبير استاذ ابراهيم واللي فعلا من يوم ماعرفته وانا فرحان اوي اني عرفت انسان زيه

تاني حاجه بالنسبه للاختلاف في الشخصيات فانا ليا راي

ان كل واحد فينا له اكتر من شخصيه بس شخصيه واحده منهم بس هي اللي بتغلب عليه او بمعني اخر هي اللي مسيطره عليه ومبتخليهوش يتقمس الشخصيات الاخري الا اذا هو اراد يعني بفعل فاعل مش لازم يكون هو ممكن يكون انسان تاني هو اللي حوله لكده

اما بالنسبه لكلام النسه ريهان ففعلا هو ده اللي حصل ان احنا باختلاف المواضيع ومع كثرة التعامل مع بعض ومع اختلاف المواقف بنقدر نستنتج شخصية بعض

بس انا عن نفسي عن طريق الانترنت بس لايمكن تقدر تحكم علي الشخصيه اللي قدامك ده بالنسبه ليا يعني لازم اعامله واتكلم معاه مش من مره واحد لا كذا مره علشان اقدر افهم شخصيته

اما عن طريق النت ممكن اي حد يتقمص اي شخصيه وفي اي وقت يعني وسيله سهله اوي للتلاعب بالشخصيات

وحمد الله علي السلامه يا استاذ ابراهيم

اولا انا باشكرك يا انسه ريهان انك فتحتيالمواضيع القديمه دي تاني وده يثبت ان منتدانا غير بقية المنتديات


نيجي بقي للعادي وللمش عادي

لو نبص علي الكلمتين دول ونقول ايه العلاقه ما بينهم

نقول ان الكلمتين متضاديتين

يعني الكلمتين متناقضتين يعني عكس بعض

يعني اللي بيعمله الشخص العادي اعكسه يبقي انتت كده لقيت الشخص اللي مش عادي

ايه بقي اللي بيعمله الشخص العادي واللي بيعمله الشخص اللمش عادي

انا هاوضح ده بمقارنه بسيطه ما بينهم

الشخص العادي هو الشخص اللي اصبح الروتين هو جزء لا يتجزأ من حياته

يعني النهارده زي بكره زي بعده ( الايام زي بعضها عنده ) دي واحده

الشخص اللمش عادي العادي هو الشخص اللي عنده اليوم بيجزاه فترات كل فتره تختلف عن التانيه نهائيا في كل حاجه واليوم اللي بعده بيبقي غير اليوم اللي قبله نهائيا

الشخص العادي هو اللي اعتاد انه يبقي عادي في كل حاجه في حياته عادي في شربه في لبسه في اكله في المطالبه حتي بحقه

يعني حقي جه خير وبركه ماجاش مسيره يجي

اما الشخص اللمش عادي هو الشخص اللي يخلي اللي قدامه يديله حقه ويصر علي اخد حقه مهما كان الشخص ده
ماهو مش عادي

دي مقارنه بسيطه بين العادي واللمش عادي

اما بقي عن ان العادي بينفع ولا لأ فاجابة السؤال في كلمتين بس لما يبقي شخص مش عادي يبقي ينفع اما طول ماهو عادي يبقي الموت ارحمله من انه يعيش

واجابة سؤالك التالت عن اني ازاي اخلي الشخص العادي مش عادي

دي اولا لازم تيجي من عنده هو

يعني لازم يحس هو بالمصيبه اللي هو فيها ويحس انه لازم يتغير وده لازم يكون بكفاح طويل

يعني من الاخر اتعب علشان تلاقي ولو قدمتله حاجه بالساهل يبقي هيفط فيها بالساهل ممكن انت تقدمله النصيحه بس اما انك تقوله وتساعده بوسائل

فده بداية الخراب

اية دا كله يابشمهندس

الموضوع كده بقى معقد أوىىى مش عادى خالص

بس طبعا أنا فاهمة .........


وأنا معاك ان فية عادى عادى

وعادى طبيعى
وعادى مش عادى


لكن الفكرة كلها ان كل عادى فى أساسها غلط
وحتى لو هى صح بتلقيها مش كاملة وناقص فيها جزء عشان تبقى بالصورة السليمة ليها



يعنى ممكن أرد على كلام باشمهندس هيثم
اللهى بيقول

أنا لما أصلى يبقى عادى
لأ ده مش عادى لأن ده الطبيعى والمفروض علينا اننا نكون بنصلى


ومثلا أنا مكن أقول أنا بروح الجمعية ولما تتسأل ليه؟؟؟؟؟
يقولك عادى

أو بتروح الكلية لية ؟؟؟؟؟؟
عادى

عشان أنا اتعودت على كده
بقت عادة

هى عادى بس كده ناقصة يعنى مثلا أجدد النية فى كل ده وأقول انا بروح الجمعية أوبتعلم لله أولا
وعشان أخدم الناس وعشان كذا وكذا

وبالتالى هنا مش هتبقى عادى خالص
وعمرك مهترد وتقول عادى

يعنى فى الأخر العادى ده بقى معظمة غلط والباقى فية نلقية مش كامل
وفية جزء ناقص
ولو اكتمل بيتحول علطول انه مش عادى............

يعنى الأصوب دلوقت اننا نتمسك ديما ونكون مش عادى
لأن كل مقايس العادى فى مجتمعنا غلط

أما ممكن نرجع للعادى الصح اللى حضرتك بتقول عليها
لما مفاهيم المجتمع تتغير ويكون اساسة صح

المهم فى الموضوع اننا نفهم الحاله اللى احنا فيها
ومش اى حاجة نقول عليها عادى
حتى ان كانت تحت اى بند من الثلاثة
المفروض نقول اما الحاجة دى صح او غلط
مش ندخل تحت بند عادى
شكككككككرررررررراااااااا

انا انسان عادى وعايذة ابقى مش عادى ممكن تساعدونى الاقى طريقى ارجوووووووووووووووكم نفسى اكون ذيكم واحدة مش عادية