بنك الافكار

الله الله الله

بسم الله ماشاء الله الموضوع ده والفكره دي جايه في وقتها تمام اوي اوي

بجد تمام اوي يا دينا

لان احنا الفتره الجايه دي محتاجين حاجه زي دي علشان تخلينا كاننا في الجمعيه برضه

وانا اول واحد موافق علي الفكره

انا معاكم موافق
والواحد نفسة يشتغل ويعمل حاجة للجمعية

جزاكم الله خيرا

بمناسبة الفكرة الهايلة دي يآآنسة دينا

ياريت الآنسة ريهان تدخل وتكتب كل الحجات اللي اتفقنا عليها النهارده في الإجتماع

عشان برده كبداية ويبتدي طرح الإقتراحات عليها

وممكن حد يطور فيا حاجة مش كنا واخدين بالنا منها

جزاكم الله خيرا

ياريت يابشمهندس
انا للاسف مقتدرتش اكون موجوده اليوم دا

بصراحه مجهود رائع تشكرو عليه جدا جعله الله في ميزان حسناتكم وعندي فكره ياريت نتناقش فيها بصراحه انسه رنا ((امه الله)) كانت قالت مشروع تجميع الورق ايه رقيكم نعمل حمله برده لتجميع الورق ويكون الدواء + حمله تجميع الورق
وعايزين أفكار الزاي اخلي الشباب يشتغل معانا في مشروع يقدر يطلع فيه طاقته الشباب الي بره الجمعيه يقدرو يسعدونا في مشروع جديد وقوي ..
ياريت اسمع افكركم

جزاكم الله خيرا
انا روحت الجمعية وأخدت نسخة من الدعاية دي

وان شاء الله بكرة يكون عندكم ورقة دعاية تمااااااااااااااااااام اوي اوي وربنا يقدرنا على عمل الخير يااااااااااااارب

هو دا الكلام ولا بلاش
بالفعل دا لو حصل واستمر هيبقى من انجح الافكار اللى حصلت فى المنتدى ودا موش تقليل من الاقسام اتنية وهى ليها اهميتها الكبيرة اللى موش بتقل ابدا عن قسم بنك الافكار
بس المطلوب برده
ان كل واحد موش يبخل باى فكرة حتى لو هو شايفها بسيطة او تافهة ممكن توحى بفكرة تانية جميله جدا ويبقى القسم لو طلعنا منه بفكرة واحدة كويسة يبقى بكدا ادى اللى المطلوب منه
فياريت الكل يشارك
ولا يستهون باى شىء فالصغير اليوم غداً يصبح كبير وذو قيمة كبيرة
وعلى الكل تجديد النية ويترك الافكار تيجى على المنتدى لوحدها موش يحجزها لاى سبب
وجزانا واياكم خيراً ان شاء الله

هههههههههه طيب مش تعرفنا بس ...
انت مين
وليه داخل علينا سخن اوي كده
ووحده وحده وبلاش كل ده تيجي مره واحده نتعرف كده يعني عرفنا بنفسك الأول ....
وقلنا انت عايز ايه بالظبط

عايز اقول كبر شغلك هيكبر

يعنى لما اكلف اتنين بشغل اربعة اكيد هما نفسهم هيدوروا على اربعة يشتغلو معاهم تمام

مش بقول نعجز الناس بقول هكلفك بشغل اسبوع زى ما استاذة نسرين قالت وتعملو معملتوش بكون سايب فترة اقدر اخلص فيها الشغل

وبجد دى طريقة مجربة وجميلة جدا

يعنى اعقلها وتوكل

وتوقع المزيد هييجى

(انا عند ظن عبدى بى)

والله المستعان





ودى حاجة حلوة



http://www.4shared.com/get/79788544/43ac5edf/La_Tubali_Ya_3azza_-_Vmp31.html]

متنسوش الاعلان على منتديات جوالة المنوفية يا شباب

shimaa كتب:

قال رسول الله صلى الله عليه وسلم

أحب الناس الى الله تعالى أنفعهم للناس وأحب الاعمال الى الله تعالى سرور تدخله على مسلم

نفسك تكون أحب واحد الى الله؟؟
نفسك تسعد أخيك المسلم؟؟

يبقى لازم تشارك معانا فى

جمعية الرحمة الخيرية بالمنوفية

طيب ياترى أقدر أشارك ازاى؟؟؟؟؟؟؟؟؟؟

اكيد فى بيتك دواء مش محتاجه وبيكون نهايته انه يترمى

طيب ليه محدش يستفيد منه!!

عارف إن فى اسر كتير فى جمعية الرحمة محتاجه الدواء ده
عارف انهم مش قادرين يشتروه

لانهم مش معاهم ثمن علبة الدواء!!

علشان كده عندنا صيدلية فى الجمعية بنجمع فيها الدواء وبنصرفه للاسر

يبقى انت تقدر تشارك معانا بالدواء اللى انت مش محتاجه
وبكده تكون سبب فى انقاذ جارك المريض

العنوان:البتانون _فوق سنترال غلاب_بجوار صيدلية التأمين الصحى


0102987802_0123697424_0482372929


شبين الكوم _مجمع الكليات بجوار كافيتريا KM

رقم الحساب:770062

البنك الوطنى للتنمية بشبين الكوم الفرع الاسلامى

المراسلة:elra7ma2010@hotmail.com
gdad7yatk@hotmail.com

www.ra7maa.alafdal.net

دى ياجماعة صيغة الاعلان اللى عملناه النهاردة الحمد لله

هو صناعة مشتركة يعنى

والحمد لله نزلنا البتانون وبدأنا ندخل الصيدليات
بس احنا جمعنا الدواء من الناس فى البيوت بصراحة كان فى استجابة كويسة جدا من الناس

وكمان علقنا اعلانات كتير طول ما احنا ماشيين
والحمد لله جمعنا كمية كويسة الى حد ما من الدواء بفضل الله

اليوم الحمد لله كان مثمر
وفى ناس كتير بدأت تسألنا وكمان اتكلمنا عن الدار ووزعنا الاعلان بتاع الدار
الحمد لله

دي صور للصيدليه يارشا يارب تفيدك




صيدلية الجمعية




_______________