حوار التميز

تذكير بمساهمة فاتح الموضوع :

طيب ايه رأيك تكوني انتي الضيفه الي جايه انسه دينا وهكون انا المذيع اوكش

انا اسفه والله ياجماعه امبارح النت فصل عندي
بجد اسفه جدا
غصب عني

ميرسي يابشمهندس علي الشاي
تسلم ايدك
بس النعناع دا انت واخده من الجنينه عندنا ؟؟؟

ربنا يكرمك يادينا
وشكرا ليك بجد

ربنا يوفقك ويحققلك كل اللى بتتمنية

وان شاء الله تكونى أكبر مدرسة فى الانجلش فى العالم

وبعدين متزعليش انك مدخلتيش صيدله
والله بجد ربنا أعلم بحالنا منا وأعلم بالخير من انفسنا

يعنى كلية التربيه دى أفضل حاجة دلوقت وكفاية انك دلوقت الحمد لله بتحبى الانجليزى
يعنى لو دخلتى صيدله ممكن مكنتيش تعرفى جمعية الرحمة ولا الصحبة الحلوة


شوفتى بقى خير ازاى


اللهم رضنا بقضائك حتى لا نحب تأخير ما عجلت ولا تعجيل ما أخرت

بسم الله ماشاء الله

الحوار جميييييييييل جدا جدا

الأسئلة طبعا من مذيعنا الرائع كانت جميله وعرفتنا اكتر بالآنسة دينا

وطبعا كانت الإجابات راقية ومبدعة لدرجة اني حسيت اني بقرأء إجابات فنان من الفنانين المبدعين

بس في ايه معرفتش احدد بصراحة!!!!!

بجد الردود كانت رائعة

وعقبال لما نشوف حضرتك ان شاء الله معانا في الجمعية

وكمان في الصحبة الحلوة

جزاكم الله خيرا جميعا

وادام الله المحبة بيننا

آآآآآآآآآآآآآآآآآآآآآآآآآآمييييييييييييييييييييييييييييين

ياااااااااااااااااااااه
دا كتير عليا اوي والله الكلام دا
ربنا يكرمك يابشمهندس محمود
دا من زوقك والله

rehan كتب:ربنا يكرمك يادينا
وشكرا ليك بجد

ربنا يوفقك ويحققلك كل اللى بتتمنية

وان شاء الله تكونى أكبر مدرسة فى الانجلش فى العالم

وبعدين متزعليش انك مدخلتيش صيدله
والله بجد ربنا أعلم بحالنا منا وأعلم بالخير من انفسنا

يعنى كلية التربيه دى أفضل حاجة دلوقت وكفاية انك دلوقت الحمد لله بتحبى الانجليزى
يعنى لو دخلتى صيدله ممكن مكنتيش تعرفى جمعية الرحمة ولا الصحبة الحلوة


شوفتى بقى خير ازاى


اللهم رضنا بقضائك حتى لا نحب تأخير ما عجلت ولا تعجيل ما أخرت

ربنا يكرمك ياريهان
طبعا الحمدلله تعالي انا مش زعلانه ابدا اني دخلت تربيه ومش دخلت صيدله لا الحمدلله انا راضيه جدا باللي ربنا قدرهلولي ومؤمنه جدا بان ليس كل ما يتمناه المرء يدركه لان ربنا بيكون عايز لينا الافضل والاحسن وهو ادري بعباده وادري بينا مننا
وكفايه عليا صحبتكم الحلوه اللي بدعي ربنا يديمها عليا وبشكره ليل نهار علي اني اتعرفت عليكم والافضل ليكي ياريهان بعد سبحانه وتعالي انتي اللي عرفتيني بالمنتدي وان شاء الله قريب هتعرفني علي الجمعيه
وحاسه اني هكون دينا جديده بيكم انتو

انا بحبكم اوي

ربنا يكرمك يا دينا يارب ويرضى عنك وتحققي كل امنياتك بس لسه الحوار مستمر وهعمل حاجه جديده في البرنامج بتاعي هنستقبل اسئلة المشاهدين كل واحد سؤلين بس علشان وقت ضيفنا غالي اوي بس قبل ما نقول الوو ونستقبل اول اتصال؟؟
انت اهلويه ولا زملكويه؟؟
أيه رأيك في كل من الأخوان _ الحزب الوطني_ عمرو خالد _ ابو تريكه _
عندك كام اخ وكام اخت وليه معرفتيش اختك التؤم بينا ((على فكره موقف حلو اوي هههههه))
بتقضي وقت فراغك في ايه؟؟
بتعرفي تطبخي ولا لقه؟؟
لما تحبي تخرجي بتروخي فين وبتكلي ايه؟؟
انتي مشفتيش خد فينا بالذات الشباب انا عارف انك شوفتي شيماء ورشا في الصوره الجمعيه هل ياترى تقدري تحددي شكلنا احنا الشباب كل من
الملاك الأسود
حب الحياة
انا
y...not عايز وصف لكل واخد طويل رفيع تخين مخدش يغششها هنضحك للصبخ
وبالنسبه للنعناع انا جيبها من البلكونه عندي كتييييييييييييييييييييييييييييييييييير

سؤال كمان
عايزك تقوليلي مين الي يطلق عليه
العضو المميز
العضو المثقف
العضو الفيلسوف
العضو الي بيجامل كتير
العضو الروش
العضو الصريح
عضو كلامه بيدخل على المخ علطول
عصفور المنتدى

انت اهلويه ولا زملكويه؟؟
لا انا مش ليا في الكوره خالص بتفرج بس علي كاس افريقيا والعالم وكدا الروح الوطنيه بتهب فيا وقتها وخلاص

أيه رأيك في كل من الأخوان _ الحزب الوطني_ عمرو خالد _ ابو تريكه _
الحزب الوطني هو الحزب الحاكم في بلادنا والمهيمن علي حياتنا السياسيه في ايده الامر والنهي اطلقوا عليه ديمقراطي ليه مش عارفه

الاخوان
اعرف ان هدفهم اقامه ديمقراطيه حقيقيه تتركز علي التداول السلمي ويكون الشعب فيها صاحب قرار حقيقي وينفذ وصاحب قرار في اختيار نوابه فيما يتعلق بمصالحه وحقوقه انا
انا بقول من رأيئ ان كل من الحزب والاخوان مهمين بس ننفذ الاسلام صح
مش مهم مين يحكم ومين ميحكمش المهم يكون في اسلام


الاستاذ عمرو خالد
ربنا يكرمه عمل نهضه كبيره بين شباب المسلمين بيعرف ازاي يدخل لقلب الشاب طريقته سلسه وبسيطه ودماغه كبيره وعاليه بيستخدم عقله وما يوافق فطرته وتحرير الارض عنده هو تحرير العقول



ابو تريكه
انا مليش في الكوره بس اعرف انه انسان محترم واخلاقه عاليه اتفرجت بالصدفه علي برناكج الكوره مع شوبير وكان انسان محترم اوي

عندك كام اخ وكام اخت وليه معرفتيش اختك التؤم بينا (())
ليا محمود ويمني غير هدير التؤام
وانا الكبيره
وليه بقي معرفتهاش بيكم اصلها دماغ شويه مش ليها في المنتديات خالص بس انا بحكيلهادايما عن المنتدي وهي بتفضل تقرأ مواضيع وردود

بتقضي وقت فراغك في ايه؟؟
ممكن ادخل المنتدي اقرأ اي كتاب لتوفيق الحكيم افتح كتب الكليه واسترجع معلومات يعني بعمل حاجات كتيره
بتعرفي تطبخي ولا لقه؟؟
اااااااااه اتعلمت قريب حاجات كتيره واولهم المحشيات جربوني بس محدش هيندم

لما تحبي تخرجي بتروخي فين وبتكلي ايه؟؟
بخرج مع صحباتي في اي مكان نحدده وديما بيكون الطيبات وباكل الجريك

انتي مشفتيش خد فينا بالذات الشباب انا عارف انك شوفتي شيماء ورشا في الصوره الجمعيه هل ياترى تقدري تحددي شكلنا احنا الشباب كل من
الملاك الأسود
حب الحياة
انا
y...not عايز وصف لكل واخد طويل رفيع تخين مخدش يغششها هنضحك للصبخ


هههههههههههههههه ياربنا دا صعب اوي
كمان مش بعرف اوصف

لا انا مصمم ادي وصف تقريبي من خلال كلام كل واحد انتي شفتيه الزاي اوصفي واحنا نقولك صح ولا غلط ولسه مجوبتيش على دوووووووووول سؤال كمان
عايزك تقوليلي مين الي يطلق عليه
العضو المميز
العضو المثقف
العضو الفيلسوف
العضو الي بيجامل كتير
العضو الروش
العضو الصريح
عضو كلامه بيدخل على المخ علطول
عصفور المنتدى

ماشي يابشمهندس بس خليه الاخر
اوكي؟

العضو المميز : شيماء

العضو المثقف: الملاك الاسود

العضو الفيلسوف: دكتور صلاح
العضو الي بيجامل كتير : لا مفيش
العضو الروش :رشا
العضو الصريح:
عضو كلامه بيدخل على المخ علطول حضرتك
عصفور المنتدى ريهان

انتي مشفتيش خد فينا بالذات الشباب انا عارف انك شوفتي شيماء ورشا في الصوره الجمعيه هل ياترى
تقدري تحددي شكلنا احنا الشباب كل من
الملاك الأسود
حب الحياة
انا
y...not عايز وصف لكل واخد
انا هوصف من خلال الصور الموجوده في المنتدي
مش عارفه بقي صح ولا غلط

صوره الصحبه الحلوه

الملاك الاسود لابس لبني وحاضن طفل صغير
]حب الحياه لابس قميص لونه احمر تقريبا ونضاره
y.....not لابس نضاره طويل وليه دقن خفيفه
البشمهندس احمد لابس تيشرت اسود ومكتوب عليه بالاورنج

مش عارفه بقي اذا كان صح ولا غلط
ومحدش يضحك عليا حضرتك يابشمهندس اللي صممت

ههههههههههه

جزاكي الله خيرا يا آنسة دينا الإجابة الصحيحة الوحيده هيا حب الحياة

بس عرفتيها ازاي بجد والله لازم تقولي؟؟؟؟

هوا انا سهل اوي كده ولا ايه

والباقي مش مظبوط يعني

الملاك الأسود اللي قاعد على اليمين وماسك طفل ولابس قميص لبني ولا بس نظارة والطفل مدينا ظهره

Y......not مكنش معانا في الرحلة دي

باشمهندس احمد اللي قاعد جمب اللي وصفتيه من الناحية الشمال

يلا خليكوا فاكرين الجمايل دي

بس بجد عرفتيني ازاي ولا هوا احاسيس

في الحقيقة هو اكتر الاعضاء ما يعرفونيش
لانى ما جتش الجمعية غير مرة واحدة
وان شاء الله نتقابل قريب
بس بعد ما نخلص امتحانات
ونتعرف علي بعض
وارجو انكم تدعو لنا نخلص امتحانات على كل خير
وبالتوفيق

هههههههههههههههههههه هههههههههههههههه
حب الحياه صح
والملاك الأسود صح بردو هوا فعلا لابس لبني وحاضن اسامه يا محمود
هوا فعلا الي لابس تيشرت اسود ومكتوب بالبني اسمه باشمهندس احمد بس احمد عيد
انا بقه الي جمبه علطول ومعايا طفل صغنن ولابس مربعات
بس شاطره يا انسه دينا ابقي فكريني اشيل منك الوسام ههههههه
بهرج
السؤال بقه
عايز اعرف بتحلمي بايه ؟؟
عايزه تسمي اولادك ايه ؟؟ وعايزه كام ولد وعايزه كام بنت ؟؟
لو طلعلك خاتم سليمان اول طلب هتطلبيه ايه ؟
امتى اول كدبه كدبتيها في حياتك؟؟

ماذا يمثل كلا من بالنسبه لدينا
الأب
الأم
المدرسه
المنتدى
البتانون
الأيتام
الحب
الشوكلاته
امته شعرتي بالظلم ؟؟؟
عارف انك زهقتي بس خلاص هانت قربنا نخلص

تماااااااااام كلام جميل مقدرش قول خاجه عنه ابقي فكريني اجيبلك شوكلاته بس لو جيتي الجمعيه هنجيبلك شوكلاته من ام بريزه يله يا ستي
السؤال الأخير : ايه اكتر سؤال عجبك ؟؟ وأكتر سؤال ديقك؟؟ وأيه السؤال الي كنتي متوقعه اني أسئله ومسئلتوش

ايه اكتر سؤال عجبك ؟؟
كلهم حلوين والله
بس الاكتر اوي يعني
موقف محرج أو مضحك مر عليك
احلي هديه علشان فكروني بايام جميله

وأكتر سؤال ديقك؟؟
لا الحمدلله مفيش
وأيه السؤال الي كنتي متوقعه اني أسئله ومسئلتوش
[لا مش كنت متوقعه حاجه والله
كنت سيباها بطروفها كدا

بجد بشكر حضرتك اوي يابشمهندس علي الحوار الجميل دا بجد انا مبسوطه جدا بيه
وحضرتك انسان جميل اوي وميرسي انك اتسحملتني انا والنت بتاعي اللي كل شويه يفصل اكيد زهقت مني بس بجد سوري غصب عني
وبشكر ربنا اني عرفت ناس كويسه اوي كدا زي شباب الرحمه وبدعي من ربنا اني اتقابل معاهم علي باب الجنه وتفتكروني
ويارب تديم محبتنا دايما
انا بجد بحبكم اوي في الله

انا الي بشكر حضرتك جدا على الحوار الأكثر من رائع ده فعلا انا كنت سعيد جدا اني خدت شرف اني اعمل الحوار مع العضوه المميزه في المنتدى الي ردودها ومواضيعها بستناها
وأعذريني اني مكنتش عامل الحوار لايف انتي عارفه جو امتحنات وكده بس في نهايه حواري معاكي احترت ماذا اهديكي
فلو كل الكلمات بكل لغات العالم في الصدق والأخلاص جمعت كي اهديها لا تكفي
ولو وكل ازهار العالم جمعت كي اهديها لا تكفيكي
ولكني اهديكي هذه الكلمه
إن الحياة ثلاث
زهره ودمعه وذكرى
تزبل الزهره
وتجف الدمعه
ولا يبقى الا الذكرى
فذكرينا إن كنا نستحق الذكرى