انتباه .... الكل يجمع هنا!!!!!!!!!

ربنا يكرمك يادكتور

بجد كلام تمام جدا وده بالظبط اللى بدور علية

يعنى لو دخولنا المنتدى لمجرد الكلام وبس واننا نتنافس اننا نجيب مواضيع جديدة يبقى ملهمش لازمه
لأن المواضيع كتيييييييييرة وموجودة فى كل مكان

لكن الفكرة اللى أنا شايفاها ان ربنا عاوز يقولنا حاجة من اشتراكنا هنا فى المنتدى عايز يوصل لكل واحد فينا رساله؟؟

يعنى ياترى ايه اللى المفروض اخرج بيه من قرائتى للموضوع الفلانى وايه اللى لازم أغيرة من وجودى مع الصحبة دى

يعنى نحاول نفهم رساله ربنا لينا

ثانيا:
أنا شايفة ان أى حد بيحط موضوع او رد بيبقى الغرض منه حاجتين اما أنه عايز يوصل للناس رساله معينه أو عايز يعرف منهم حاجة معينه هو مش عارفها أو مش واضحة بالنسبه ليه
يبقى كلنا لازم نساعد بعض فى الحته دى
ونحاول نفتح المواضيع ومينتهيش الرد بمجرد كلمة شكر أو اعجاب زى محضرتك بتقول


ثالثا:
كل الناس اللى فى المنتدى ما شاء الله عليهم كويسين جدا وبيفكروا كويس وكل واحد فيهم أكيد عنده حته متميز فيها
يبقى ليه منستفدش من بعض فى حوارنا
يعنى مثلا فى المناقشة والحوار هتظهر أفكار جديدة وهنكمل بعض وهنأثر فى بعض

يعنى أنا لما بتكلم فى موضوع بشوفة من زاويه واحدة وغيرى بيشوفة من زاوية تانية وغيرى وغيرى
يبقى فى الأخر لما الكل يعرض رأيه ووجهه نظرة هتكتمل الصورة وهشوف لموضوع من كل الجهات

كمان بحس ان المنتدى هنا دى بيدينى فرصة للتفكير وتشغيل دماغى
يعنى مثلا لما أشوف موضوع أو رد من شيماء أو هدكتور صلاح وعجبنى وأثر فيه ده بيخلينى أقف مع نفسى وأشوف أنا فين من الناس دى
وليه مكنش زيهم وأشارك معاهم
حتى لو كانت مشاركتى فى الأول بسيطة وصغيرة أكيد هتضيف وهتفرق وبكرة تكون كبيرة ومميزة

يعنى بالضبط احنا مش داخلين هنا عشان نتكلم وبس لأ دا احنا داخلين نتناقش ومش بس كده دا أنا لازم أخرج من النقاش ده بنتيجة أو حاجة عمليه يعنى مش هسمع حاجة كده لمجرد السمع أو أقرأ لمجرد القرايه بس
يعنى لازم ندى كل موضوع حقة فى النقاش ومنستعجلش فى الرد واننا نحط علية موضوع تانى مش هى دى الاستفادة
ونحاول نفتح الموضوع للى بعدنا عشان يكمل رأيى
وزى مقال الامام الشافعى..
رأيى صواب يحتمل الخطا ورأى غيرى خطأ يحتمل الصواب

يعنى أنا علطول مش صح يبقى لازم أسمع وأفهم اللى بسمعة
عشان أتعلم

جزانا واياكم يادكتور


هو أنا بحس ان المنتدى ده مرحله اعداد لكل واحد فينا
وبيديله فرصة لاعادة تقيم سلوكياته وأفكارة وثقافته كمان بيعينة على التغير

يعنى احنا كلنا بنحلم بالتغير واننا نعمل نهضة لبلدنا
قبل ده لازم أصلا نكون الأول أهل لهذه المسئوليه
يعنى لازم نكون ذو شخصية قوية بنائه وكمان مبدعة
وبحس ان ربنا بعتلنا المنتدى عشان كده
يعنى فية اللى بيفكرك بالنبى وفيه اللى بيشجعك على حفظ القرأن وكمان اللى بيزود ثقافتك من خلال مواضيع حياتية ومحوريه
يعنى ربنا فتحلك الباب ونورلك الطريق وانت عليك الباقى...

مبدأيا احب اشكر اخونا الدكتور صلاح عى فتح موضوع جميل يسمح لعقولنا ومشاعرنا انها تتحد في نفس الوقت في موضوع زي ده

ثانيا يمكن يكون اخواتي فوق قاموا بالواجب وزياده كمان في ردهم على الموضوع

بجد بجد ربنا بيدي كل واحد على أد نيته واخلاصه للعمل اللي بيقوم بيه

يعني مش بس على قد ما تعمل على قد ما تلاقي بالعكس على قد ما هتكون صادق هتلاقي

في الأول خالص مكنت اعرف العمل الخيري ده ازاي بيكون او اني اختلط مع اطفال ايتام او ذوي احتياجات بيكون ازاي

بس قولت انا لازم في الاول اكسر الحاجز ده بيني وبين نفسي

وسبحان الله كان مجرد اشتراك في الجمعية قاد بعد ذلك لصحبة حلوة مكنتش في الحسبان خالص

بس اهي نوايا صادقة من ناس طيبين وربنا بيحبهم كلهم ان شاء الله

وبعدين مكنتش بدخل على المنتدى اصلا في الأول

يعني كاندخولي النت مجرد دخول عادي زي اي حد

تصفح وتحميل برامج او نغمات او اي حاجة تانية عاد خالص يعني

شوية شوية لقيت اني هنا ممكن فعلا ارتقي بأفكاري

شوية شوية لقيت اني ممكن ارتقي بروحي كمان

المواضيع اللي هنا مش مجرد مواضيع وخلاص

دي حجات تخلي كل واحد يددخل يقول انا ليه مكونش زي الناس دي

هما يعني احسن مني في ايه

بس بصراحة الحمد لله على كل حال نعم الصحبة الحلوة

وبالنسبة للمواضيع اللي محتاجة تنشيط فصحيح ليه حضرتك مدخلتش عليها

او على الأقل على جزء منها عشان ميكونش كله مرة واحده عني

ونشطها من مكانها عموما برده حضرتك بلغت هنا وان شاء الله

نبدأ نجدد النوايا تاني

وليه منكونش تجار نوايا؟؟؟؟؟؟ هيا النية بفلوس

منا قولت ابو بلاش كتر منه هينفعنا اوي بعد كده

شكرا جدا جدا ليكم ا احلى صحبة وقبل الصحبة اخوة

جزانا الله واياكم جوار النبي في الجنة

انا كمان في حاجات كتير جوايا مش راضيه عنها وعاوزه اغيرها بس مش لاقيه الفرصه لكدا بتردد كتير اوي لما باخد قرار اني اجي الجمعيه واشوف الناس ازاي هناك عاملين وبيعملوا ايه حاسه اني وقتها هحس اني مش عايشه
بجد انا عاوزه اتغير حاسه اني عايشه كدا وخلاص لمجرد اني بتنفس وبس

اهلا باشمهندس محمود
قبل ماتكلم في السؤال اللي طرحته ريهان ومحمود

احب اقول للبشمهندس محمود الله يكرمك ارسي علي اسم علشان الواحد ميتلخبطش ماشي

بصو ياشباب انا لما طرحت الموضوع كان في بالي شويه حاجات وتصورات اتم قولتم معظمهابس ممكن نجمعها مع بعض تاني

1-النيه طبعا دي مهمه جدا ولازم تجدد كل شويه

2-طبعا كمان لازم نعرف احنا عيزين ايه من المنتدي والمنتدي عايز ايه منا هيبقي ايه بينا

3-عايز كمان نعمل نظره شامله للمنتدي و نقيمهو نشوف ايه الاجابيات واوجه القصور

4-احنا محتجين وقفه علشان ننظم المشاريع اللي بنشتغل فيها من اجل اكبر استفاده منها وكمان علشان الشيطان ميدخلناش من باب انه يكبر المشاريع ونقول دول كتير واحنا معندناش وقت والكلام ده فنكسل وتلقينا بنقع واحد وراء التاني انا هطول عليكم شويه لو احنا بصينا للمشاريع المشتركينا فيه هنلاقي ايه:

ممكن نقسم المشاريع الي مشاريع يوميه واسبوعيه ازي
1- مشروع صلاه الفجر ده فرض منقدرش نتاخر عنه
2 مشروع اليومايه اتفقنا علي ان 3 ايات يوميه مش كتير وممكن نتفق علي مراجعه اسبوعيه او كل ربع وبعد كه كل ربعين وهلم حزب فجزء ان شاء الله
3- ممكن نضيف ورد قراني كل يوم

دول مشاريع يوميه اما المشاريع الاسبوعيه
كل المشاريع الاسبوعيه زي "اعرف نبيك ,اسماء الله الحسني ,حفظ السنه.......الخ"
ممكن نخلي لكل مشروع معاد ثابت اسبوعيا سوا انه ينزل مره لو مرتين في الاسبوع حسب منتفق

لكن علي قدر المستطاع نحاول نثبت المواعيد وبقيت الاسبوع يدور النقاش حوالين الموضوع بكده نوصل الي اكبر قدر مستطاع من الاستفاده
فكده لما يبقي عندنا نظره شامله لكل المشاريع يبقي احنا عرفين احنا ريحين فين وامتي ندخل مشروع جديد مثال بسيط مشروع حفظ سنه النبي الاربعين النبويه هل الاداء فيه علي قد قيمه الموضوع واامجهود اللي مبذول فيه معتقدش بس لو احنا حددنا مثلاحديثين اوحتي حديث واحد في الاسبوع نحفظه كويس ونفهم شرحه كويس وياخد حقه في المناقشه مش هيبقي احسن

النقطه الاخيره وهي اجابه السؤال ليه مبدأتش فى اقتراحها وتفعيلها فى أماكنها؟؟؟

اعتقد انا اجبت علي السؤال في وسط الكلام وممكن ناجب تاني عليه

انا عايز يبقي لينا نظره شامله و منظمه لجميع المواضيع في المنتدي
يعني مثلا فيها ايه لو عملنا موضوع اوخلينا الصفحه دي للاقتراحات وكل اقتراح ننقشه لما يتبلور في الصوره النهائيه وفي الوقت المناسب نبداء في تنفيذه

وحاجه كمان ليه منعملش تقرير شامل لكل مشاريع المنتدي ونجدده كل اسبوع ان شاء الله
ويكون بمثابه البوابه او الايد اللي بتاخد وتعرف كل عضو جديد بكل مشاريع المنتدي وازي هو يبداء ويقدر يحصلنا ونعرفا احنا نفسنا احنا وصلنا لحد فين

يارب تكون وجه نظري وصلت

اللهم اعانا علي ذكرك و شكرك وحسن عبادتك

ما شاء الله يادكتور صلاح

وجه نظر رااااااااائعة
وكمان تخطيط منظم
ربنا يكرمك


وطبعا احنا مع حضرتك فى الاقتراح ده
عشان فعلا فى الزحمة دى بحس ان ممكن دخولنا على المنتدى يتحول لروتين وحاجة أنا متعود عليها وخلاص
يعنى عادى
المهم اننا منكش عادين وكمان منتدانا ميكنش عادى
عشان احنا المفروض ناس مش عادية
معلش أصل لسه سامعة حلقة بعنوان عادى فمتأثرة شويه

المهم ممكن نقترح أيام نثبت فيها المواضيع دى
ويكون فيها المشاركة الاساسية ليها

بس ياترى التقرير ده هيكون ازاى؟؟
أنا مش متخيله شكلة بس؟

:sla2:
جزاك الله خيرا يادكتور على اقترحاتك وان شاء الله المنتدى يكون منظم أكتر وأكتر

وطبعا لازم نجدد نيتنا دايما

بس أنا كنت عايزه أقول حاجه صغيره أنا أول منتدى أشارك فيه هو منتدى جمعيه الرحمه وبجد والله من ساعه ما دخلته وأنا والحمد لله بستفيد منه ومن المواضيع القيمه اللى فيه وحاسيت انه هو اللى هيكمل شغلنا فى الجمعيه لآنه بيربط الاعضاء ببعض وكمان زود حبنا وارتبطنا للصحبه الحلوه وغير كتير من شخصيه كل واحد فينا
ده غير انه بيشجع الاعضاء الجدد على المشاركه وفى النهايه بشكر جميع الاعضاء اللى بجد ربنا يكرمهم على مجهودهم

وان شاء الله المنتدى يبقى أحسن منتدى والى الامام دائما

بالنسبه لموضوع التقرير ممكن يكون علي شكل موضوع منفصل
يحتوي علي كل المشاريع اللي بنشترك فيها ويجدد يوميا بالتغيرات اللي حصلت في كل مشروع
يعني مثلا مشروع اليومايه هنكتب فيه احنا وصلنا الي الايه رقم كام
ومشروع حفظ الاربعين النبويه ينكتب فيه احنا وصلنا للحديث رقم كام
وهكذا كل المشاريع
فيبقي اي عضو جديد او حتي قديم اتخلف عنا لاي سب اين كان يدخل علي الموضوع ده فيعرف بخطوه واحده احنا وصلنا لحد فين بدل ميدخل علي كل المشاريع علشان يعرف اوله من اخره
وبعد كده يدخل يضع مساهمته في كل مشروع في مكانه الاصلي
ده كان تصوري بالنسبه لموضوع التقرير ياريت اعرف رائيكم ويارب تكون الفكره وضحت وعرفت اوصلها

يعنى التقرير ده خاص بالمشاريع العملية سواء كانت يومية او أسبوعية

كمان هنحط فية الموضوعات اللى بتم فيها الاضافة مثلا يوم فى الأسبوع زى مثلا أسماء الله الحسنى

وهكذا

مش كده صح ولا أنا فاهمة غلط؟؟؟

برافو عليك ياريهان هوتقريبا كده بالظبط

ده بالنسبه للتقرير
فاضل كمان اقتراحات تطوير المواضيع
ياريت اسمع اقتراحتكم

بالنسبة لتطوير المواضيع

الفكرة اننا نحاول نناقش الموضوع من كل الجهات
ودة مش هيجى من واحد لوحدة على الأقل اتنين أو تلاتة

يعنى مش الناس كلها مرتبطة أوى بالمنتدى يعنى ممكن نقول هى بتتفاعل حسب الحاجة اللى موجودة قدامها
فبحس ان ده دورنا احنا يعنى هيبقى علينا التزام أكتر شوية اانا نحاول نعلق على كل حاجة فى الموضوع

بالظبط كان فية موضوع اسمة نظرتك عاملة ايه الموضوع ده حسيت منه باستفادة ومناقشة غير عاديةمن كل الناس يعنى الأول الردود كانت قليله بس بعد كده كل واحد بقى بياخد زاوية ويتكلم عنها
وفى الأخر وصلنا للموضوع ككل وعملنا تجميع عليه........


المهم اننا نتكلم ولما نحس ان الموضوع خلص تماما
ممكن نعمل فى النهاية كده ملخص مجمع لكل الردود اللى حصلت ولو ينفع يتحول لحاجة عملية ده هيكون كويس جدا

دى وجه نظرى يارب تفهمونى

ياجماعة ده موضوع كنا اتكلمنا فية من زمان

ومكملنهوش

ياريت تشاركونا
فية

عوزين أفكاركم وأرائكم عشان نطور منتدانا ونخلية افضل..........

نفسى بجد نوصل لحتة التميز

ياترى هنقدر؟؟؟؟؟؟؟؟!!!!!!!!!!!!

هاااااااا ياجماعة

طب الحمد لله

دى حاجة نسعد بيها جداااااااااا

الحمد لله
وفعلا طبعا ده احساسنا كلنا
بنحس ان كلنا اخوات وبينا فعلا حب فى الله وهو ده مصدر ترابطنا ولله الحمد

وطبعا لو كان المنتدى كويس
قصدى لو فى طريقة نجعلة أفضل وأفضل
فده هيكون كويس طبعا