صوت معانا مين الداعيه المفضل لديك

أحبائي وأخواني أعضاء جمعية الرحمه الخيريه
مساء الأنوار عليكم جميعا او صباح الخير على حسب ما بتقرا الموضوع ده
والله هي فكره ضربت في دماغي فبل ما انام قلت اعملها وناخد رأي الناس
في الموضوع ايه رأيكم في دعاه الفضائيات
في ناس بنحبهم اوي وناس بنحبهم بردو بس ممكن نختلف معاهم في بعض النقاط الموضوع ده هينقسم لحجتين اول حاجه هتختار مين هوا شيخك المفضل وايه مميزاته وبعدين هتختار الشيخ الي انت بتختلف معاه بس ياريت تبدأ بمميزاته وبعدين تكتب نقاط الأختلاف وهيكون في استفتاء عن اربع شيوخ انا بحبهم وبختلف مع بعضهم ...
هستنى رأيكم يا جماعه ..
ياريت يا جماعه الي يختار واحد بيحبه يقول هوا اتعلم منه ايه ..

ربنا يكرمك يابشمهندس

بس لى استفسار
هو ايه الهدف الأول من الموضوع.؟؟؟؟؟؟؟؟

وبعدين احنا ممكن نكتب عن اللى احنا بنحبه ونقول استفادنا منه ايه واية أكتر حاجة اثرت فيا

أما بالنسبة بقى للجزء التانى النقد وكده يعنى
أنا لا أتفق مع حضرتك أصلا فى اننا نعرضة


معلش يابشمهندس
اية الهدف بقى من طرح العيوب دى؟؟؟؟؟؟

بسم الله الرحمن الرحيم
اولا الهدف من الموضوع هوا اننا مش نظهر العيوب ولكن لنعالج العيوب بمعنى هناك الكثير من المفاهيم الخاطئه والتي اسميها فعلا بالأسرائيليات والتي يطلقها كل من هب ودب على علماء افاضل افادو المسلمين وهم ايضا بشر من الممكن يخطئوا او يكون لهم وجهة نظر من واجبنا ان نظهر وجهة نظرهم اما اننا نردم عليها التراب فللأسف فيه ناس كتير بتصدقها تاني حاجه علشان نتعلم الزاي نختلف زمان قللنا الأختلاف لا يفسد للود قضيه مش معنى اننا نختلف ان انت صح وان انا خطأ لأ مفيش حاجه كده وبعدين لو قريتي كلامي كويس هتلاحظي انا بقول يقول الحسنات الي عملها والعيوب الي بيشوفها ونحطهم في الميزان ونتناقش فيها بجو صحي بعيد عن التعصب الأعمى او الأندفاع .
وبعدين يا جماعه بقى المغنين والممثلين بيختارو احسن واحد واحنا زعلنين اننا بنصوت على واحد نحبه في الله

والله كبهم ناس كويسين جدا وقريبين من قلوبنا
ميرسي بشمهندس احمد

كلهم

ربنا يكرمك يامها يارب

بجد قولتى اللى عوزة اقوله

أنا أصلا بحس انى مجرؤش انى أقول فى حقهم ولا نص كلمه

ربنا يجزيهم عنا كل خير

أما عن الداعية اللى أثر فيه أوى ومرتبطة بيه جدااااااااااااااااا

هو:
مصطفى حسنى

ربنا يعزة ويكرمه ويأيده ويثبته وجميع دعاه المسلمين يارب

ماشي

يعني رسيتو انكم هتختاروا برده

عموما انا بالنسبة ليا

بعد طبعا ربنا يجزيهم كل خير

أ/عمرو خالد حبيبي في الله

مصطفى حسني

وناس بقا من بره

الشيخ محمد الحسان

الشيخ وجدي غنيم

الشيخ عمر عبد الكافي

وكتييييييييييييييييييييييييييييييير اوي غيرهم

ونفسي لو اطول اكون شعرة في جسم واحد فيهم

ربنا يكرمهم ويوقفهم ويعينهم

وعلى فكرة انا من اكتر الناس اللي بيقفوا ضد اي حد ممكن يسيئ ليهم بكلمة واحده

:sla2:
ربنا يجزيك كل خير على الموضوع

وأنا عن نفسى الداعيه المفضل ليه هو مصطفى حسنى ربنا يكرمه يارب بحس كده ان كلامه بيوصل للقلب بسرعه

وزى ما قالت شيماء كل واحد فيهم أثر فينا فى حاجه معينه ربنا يكرمهم جميعا

أما بالنسبه للاختلاف فأنا ما قدرش أختلف مع ناس أعلم منى بكتيييييييييييييير

في الحقيقة هما افضل اثنان بالنسبة لى



ا/عمرو خالد


محمد حسان

بسم الله الرحمن الرحيم
أنا سعيد جدا جدا بالكلام الي شايفه قدامي ده وسعيد جدا بيكم يا شباب الرحمه
فعلا كل واحد من الشيوخ دول ليه نكهته الخاصه وليه باصمته فينا ويبقى تأثيره علينا
وياسلام ايام رمضان الي وحشتني اوي وانا ماسك الرموت وعمال اجري من قناه لقناه بحث
عن احد هؤلاء الشيوخ واحاول استفيد من ده وجري ورى ده وأجيب جمله من ده وحط الحلقه دي وحيبها من هناك يااااااااااه وحشني رمضان اوي ..
وبزعل جدا لما الاقي ناس مش فاهمه حاجه وبتنعق بما لاتعلم وبيطلعوا اشاعات وأقاويل
علشان كده انا عامل الموضوع ده علشان نشوف الناس دي أثرت فينا الزاي
وتعلو ققلكم انا بحب مين
اولا حبيب قلبي وقدوتي وصانع حياتي الي لا أزكيه على الله أ عمرو خالد الذي كان له السبق في احتلال قلوب الشباب وهدايتهم مع نلقى الأحبه
ثم أتسابق وأتهاتف لأسمع حلقه للحبيب علي الجفري الذي يخاطب العقل والقلب والروح ويجعلك تعلو في رحاب الجنه وكأنها امامك .
والداعيه الجميل المؤدب الذي أتمنى أن اجد شباب المسلمين مثله معز مسعود في ذكائه وتعلمه من أخطاء الأخرين وبعده عن اي شبهه ممكن تصيبه اعشقه وأتمايل طرب وفرح وتسمو روحي مع برنامجه الطريق الصح وفعلا كل ما اتضايق نفسيا افتح الكمبيوتر واسمع مقدمه البرنامج التي عملناها كليب للجمعيه وأسمعها
ثم اذهب سريعا للذي أشعر برغبه شديده في التعلم منه والتشبه به االكنز الذي افتقدناه
ونبحث عنه اكيد عرفتو من هوا هذا الكنز ...صح مصطفى حسني الذي كلما رأيته اشعر باني لا أشبع منه وأقوووووول يوه لما الحلقه تخلص حبيته جدا خاصه في رمضان السابق
اما الشيخ محمد حسان عهدي به قريب ولكني كلما نظرت الى وجهه أرى الجنه أمامي
وأشعر بنور الله هدانا وأياكم بهم ونلتقي جمعيا على حوض رسول الله صلى الله عليه وسلم
صلو وسلمو عليه

يااااااااااااااااااااااااااااااااااااااااااااااااااااه

كلمكم حلو اوييييييييييييي وجمييييييييييييييييييل ومؤثر جدا

والله انا الكلام واقف على لساني ومش قادر يطلع

والله انا كلي ثقة ان لو حد عاقل دخل الموضوع ده ومجرد شاف آرآئكم عن كل واحد هيقول يا ناس انا عاوز اسمع الناس دي

ونكون بقا أخدنا ثواب الدال على الخير كفاعله

والله انا مبسوووووووووووووووووط اني وسطكم ويارب نفضل صحبة حلوة

وأتذكر حديث الرسول اللي فيما معناه يحشر المرأ مع من أحب

اللهم اجمعني بهم جميعا في مستقر رحمتك ونكون جميعا بجوار حيبنا محمد صلى الله عليه وسلم

ربنا يبارك فيكم ياااااااااارب

والله كلام جميل جدا جدا جدا

وانا فعلا باتاثر بالاستاذ عمرو خالد

في حديثة. وربنا يقوي ايماننا


وان باتفق معكم

في ان احنا لازم نضع هدفنا قدامنا


ولازم نتحد

لكى نصل لما نرجوه ونريد تغييره

وده ان شاء الله يحصل بالايمان القوى

وده اللى ان شاء الله يكون فينا كلنا ونقدر نخلية في ناس تانية

السلام عليكم ورحمه الله وبركاته ازيك يااحمد كل سنه وانت طيب بس انا شايفه ان كل واحد ليه تاثيره الشخصى على الامه بس ده بيرجع لحاجات كتير قوى ممكن انا اكون بحب جدا الاستاذ عمرو خالد وكمان معجبه جدا بمصطفى بس كمان ده مايمنعش بعدين سلام

الأول انا برحب بيكي في بيتك يا رنيا جدا جدا
وأنا سعيد انك معانا ومبروك علينا انتي
وبشكرك جدا على الرد والتصويت