شوف ازاى هاتختار شريك حياتك؟؟؟؟؟؟؟

ما شاء الله علطول بتنقى مواضيع حساسة بارك الله فيكى

يعنى افهم من مواضيع حساسة دى ايه
حلوة ولا وحشة؟؟

وبعدين فين رأى حضرتك فى الموضوع

احنا عايزين نتناقش بجد ياجماعة

جزاك الله خيرا

:sla2:
ربنا يجزيكى خيرا ياشيماء على الموضوع الجميل ده واللى أكيد هيفيد كل الشباب فى اختيار شريك الحياه

بجد لو كل الناس تمسى على المعاير دى أكيد الدنيا هتتغير لان فعلا الاخلاق بقت عمله نادره وأهم كتير أوى من المال

المعيار الاول للقبول هو الدين والاخلاق

المعيار الثانى للقبول هو المستوى الاجتماعى .

المعيار الثالث للقبول هو المستوى المادى

ودى فعلا أجمل رساله الى الاباء
فعلى ولى الفتاة ان يزوجها إلى من كان ذا دين وخلق حسن فإنه إن عاشرها عاشرها بالمعروف، وإن فارقها فارقها بإحسان

موضوعك جميل جدا يا شوشو وجزاك الله كل الخير على هذا الموضوع

أما بالبسبه للموضوع الأستاذ عمرو خالد فى محاضرات عن الأسرة إتكلم عن هذا الموضوع بإستفاضه
عن مواصفات شريك الحياة التى أشار إليها هى :
التكافؤ الدينى بمعنى مينفعش إن الإنسان دة يكون ملتزم والبنت لا تصلى مثلا أو العكس
التكافؤ الفكرى بمعنى أن أفكارهم تكون متقاربه ولا يقول أن تكون متطابقه
التكافؤ الإجتماعى بمعنى يكون المستوى الإجتماعى متقارب إلى حد ما

لكن يبقى السؤال
كيف يعرف هو أو هى أن الشخص الذى أمامه متدين فعلا أم لا؟
أخلاقه جيدة أم لا المستوى الفكرى متقارب أم لا ؟
وهل معنى أن البنت أو الولد يصلى أو يصوم إنه متدين أو متدينه وإذا كان ذلك فلماذا قال النبى خلقه ؟
وهل لو الشخص فيه بعض العيوب يبقى مينفعش ولا أه وما معيار قبول أو رفض هذه العيوب؟

ايه يامها كمية الاسئلة دى ماشى ياستى هاحاول اجاوب على قد ما اقدر

بس شكلنا كده هانسأل ونرد على بعض شكل مفيش حد عايز يتكلم فى الموضوع اصلا

ما علينا

هو اولا الجواز ده زى البطيخة يااما.........يااما........

خلاص نتكلم جد بقى

هو اولا يعنى ايه شخص متدين

اكيد مش معناه انه بيصوم وبيصلى وخلاص

ما هو ممكن يكون بيصلى وبيرتكب ذنوب وكبائر كمان

انا شايفة ان الانسان المتدين انسان بيتقى الله فى كل افعاله لانه فعلا لو اتقى الله وراقب كل افعاله وتصرفاته اكيد هايوصل للمرحلة اللى قال عليها النبى عليه الصلاة والسلام وهى اذا جاءكم من ترضون دينه

ونفس الكلام النبى قاله للمرأة
فاظفر بذات الدين تربت يداك

لان لو الشخص تزوج المرأة علشان مالها او جمالها او حسبها او نسبها كل ده هايزول الا الدين

لان هو الاصل فى كل شئ
ولما تكون انسانة عارفة ربها هايكون هدفها الاول والاخير هو رضى ربها من خلال طاعتها لزوجها


اما مسألة الاخلاق

هو اصلا علشان يكون انسان متدين لازم فى الاول يكون عنده اخلاق
لان الاخلاق اساس الدين واساس كل شئ


اما بالنسبة لموضوع العيوب
هو فيه عيوب تقبل وعيوب طبعا لأ يعنى على حسب الشخصية كل واحد ومدى قبوله ورؤيته للعيب ده

ممكن انا اكون شايفة عيب فى حد وواحدة تانية مش شايفة ان ده مثلا عيب

وبعدين لازم نعرف ان مفيش انسان كامل

وبعدين لو انتى عايزة مثلا حد من غير عيوب يبقى انتى كمان لازم تكونى خالية من العيوب واكيد ده مش هايحصل
لان كل انسان اكيد فيه عيوب
بس اهم حاجة اننا نحاول نصلح العيوب دى

ومستنين رأى باقى الناس

عايزين نعرف رأى الشباب فى الموضوع

جزاك الله خيرا شيماء علي طرحك للموضوع

لا يصح بأي حال أن يختار الإنسان شريك حياته على أساس عامل واحد، سواء أكان الجمال أو الثراء أو حتى الدين؛ فأغلب اختيارات الشباب هذه الأيام اختيارات فاسدة؛ لأنها تعتمد على اتباع الهوى، أو تركز على الدين بشكل مخل؛ فقد يكون ملتزما دينيا ظاهريا ولكنه سيئ الخلق، عصبي، أو لا يصلح للنهوض بمسئولياته كأب أو أم، أو زوج، وهذا الاختيار المخل يؤدي للفشل بكل تأكيد".

تنكح المرأة لأربع: لمالها ولحسبها ولجمالها ولدينها فاظفر بذات الدين تربت يداك"، مشيرا إلى أن الأسس الأربعة التي ذكرها الحديث هي معايير الاختيار لشريك الحياة، ولكنها لا تجتمع كلها في الغالب، وإنما يختار الإنسان أولوياته من بينها، موضحًا أن الإسلام لا يرفض المقومات الثلاثة الأخرى، ولكنه يقدم الدين عليها؛ فلا مانع من أن تكون الفتاة جميلة وثرية، ولكن الأهم أن تكون متدينة وخلوقة.


وعلي كل شاب أو فتاة بأن يسأل نفسه ماذا أريد من الزواج؟ هل كل ما أريده هو البيت والأطفال؟ فإذا كانت هذه هي الإجابة فليتزوج الشاب أي فتاة أو تتزوج الفتاة أي شخص، أما إذا كان أمله أن يعيش حياة سعيدة فعليه أن يتعب قليلا في الاختيار وأن ينظر إلى عيوب الطرف الآخر، ويتأكد أنه قادر على معايشتها وليس تغييرها

يجب على المقبل على الزواج أن يكون واضحًا مع نفسه وأن يفكر جيدا وأن يكون هناك استعداد متبادل لقبول التناقضات في الطرف الآخر، وأن يرتب أولوياته في الطرف الآخر

بالفعل علي كل انسان التفكير جيدا قبل ان يختار شريك حياتة حتى لاتصبح حياتة تعيسة بعد الزواج وتبدا المشاكل