الحلقة بعنوان التسويف وطول الامل
برنامج على باب الجنة يقوم بشرح
مراحل الدار الاخرة وتعلق الدار الاخرة بتصرفاتنا اليومية وعلاقتنا بأقاربنا وأهالينا وتغلق الدار الاخرة بحال قلبى وأنا واقف بين يايدين ربنا سبحانه وتعالى وبكل لحظة وكل نفس هل الفعل ده بيصب فى نجاتى ولا عندى أفعال ممكن توقفنى فى لحظات ندم عند رؤية ملك الموت وهو بيبشرنى برضا ربنا عز وجل ومغفرته أو العياذ باللله بسخط وغضب
وأنا قايم يوم القيامة وبنفض التراب هل هلاقى عملى الصالح وركوبه أركب عليها كما قال رب العالمين(وجوه يومئذ ناعمة لسعيها راضية)
هى راضية أصلا فى السعى فما ظنكم بما هو مخبئ لها عند ربنا سبحانه وتعالى
عايزين ما يبقاش الكلام عنم الاخرة مجرد قصص عايزين نعيش فى الدنيا هنا واحنا فى الاخرة عايزين تكون رجلنا ماشية على الارض وقلوبنا فى السماء وأعيننا فى السماء
واجسامنا بتتعامل مع الناس وقلوبنا فى الجنة بتطير مع ارواح الشهداء
لكن احنا عندنا مرضين كبار بيلقيهم الشيطان فى طريقنا واحنا فى السير الى الله
مرض بينسى القلب الدنيا والاخرة ويخليه عايش لشهواته بس وناسى هو جاى ليه اللى هو الغفلة
وعكسه اليقظة وازاى تصحى قلوبنا بالرسايل اللى ربنا بيبعتها ليناكل يوم
ومرض تانى وهو من اقوى جنود ابليس اللى بيفسد علينا حلاوة تذكر الاخرة وحلاوة الاقبال ألا وهو مرض التسويف
لما نبدأ نتكلم عن الاخرة يقولى استنى انت هاتتكلم عن الاخرة اللى هاتحصل بعد آلاف السنين بتكلمنى عن لقاء ربنا هو احنا هانقابل ربنا
ليه بتغمنا ليه بتخنقنا بالكلام عن الموت
لازم نكون عارفين ان انا لو كنت عمال افكر انى هاموت بعد 30 سنة ولا يمكن النهاردة اكون تحت الارض فى قبرى افكر فى الاخرة ليه
انا لسه قدامى 30 سنة وده من الشيطان انه يحسسنا ان السؤال مش دلوقتى يعنى مش لازم اذاكر دلوقتى لان الامتحان لسه اخر السنة
لكن لما اعرف ان ربنا يقول(يآايها الذين آمنوا اتقوا الله ولتنظر نفس ما قدمت لغد)
ان اللقاء قرب ولازم اكون مستعد وواخد كل استعداداتى لو فيه عمل صالح اعمله بسرعة ولو غلطت اتوب
(كل ابن آدم خطاء وخير الخطائين التوابون)
ان انت لما تبقى عارف انك ممكن تقابله النهاردة لازم تبقى جاهز ومنظف لبسك كويس وما يكونش فيه بقعىة كبيرة
هم بيشبهوا التوبة بواحد عنده ثياب هذه الثياب اما ان هو مستعد للقاء الملك فمجهز نفسه اول ما حاجة تتسخ فيه ينظفها على طول لان اللقاء فى اى وقت
وواحد تانى مش فارقة معاه لما يقولوا لى انى هاقابله ابقى اجهز نفسى
مين قالك انك هاتلحق تجهز نفسك
طول الامل حجر كبير فى طريق الانسان
(إنهم يرونه بعيدا ونراه قريبا)
فى خمس حاجات لا يعلمها الا الله ولا حتى الانبياء
ان الله عنده علم الساعة
وينزل الغيث
ويعلم ما فى الارحام ولد ولا بنت من قبل مايتجوزوا اصلا مش من الشهر الرابع زى السونار
وما تدرى نفس ماذا تكسب غدا وما تدرى نفس بأى ارض تموت
انا معرفش هاموت امتى ولا فين او فى بلد تانية
قال صلى الله عليه وسلم(إذا اراد الله قبض عبد بأرض جعل له فيها حاجة)
طيب انت ليه بتفول علينا بس دلوقتى
ياجماعة لو سمحتم احنا كتير مننا مكسل وكتير مننا بيسوف ولو سألته انت صليت الفجر النهاردة او كام فرض فاتك السنة اللى فاتت وهل تبت عنه ولا لسه
يعنى عيش مبسوط وفرحان بس جهز نفسك
يقول ابن الجوزى من 700 سنة وبيقول ان القيامة قربت
(الواجب على كل عاقل أن يأخذ العدة للرحيل فإنه لا يدرى متى يفجأه أمر ربه فقال فإن باغته الموت رؤيا مستعدا وان زيد له فى اجله ازداد خيرا)
اذن تذكر لقاء ربنا وقصر الامل بيخلى الواحد مايبقاش مسوف ان انا يارب جاهز اهو اذن احنا مش بنتكلم بمفهوم فيه كآبه
يقول الحسن البصرى(ما أطال عبد الامل الا اساء العمل)
النبى يقول(يهرم ابن آدم وقلبه شاب فى اثنتين حب المال وحب طول الامل)
لو النهاردة قابلته هاتقوله اى عمل صالح عندك او هاترجوه بأى وقت تبت فيه او لما تقابله هاتقوله ايه ويقولك ايه
وده مش معناه اننا نسيب الدنيا ونقعد فى الجامع
لازم نكون جاهزين للقاء ربنا
ولما نتسأل فى القبر من ربك؟
من ربى هو انا كنت عايش الا عشان ربى
والى اللقاء فى الحلقة القادمة ان شاء الله
يوم السبت بإذن الله
السبت يونيو 15, 2013 1:39 am من طرف doodybosy
» ريهـــ (حينما يتحدث القلب والعقل معا) ـــان
السبت مايو 12, 2012 1:50 am من طرف nagat
» فى حب رسول الله..بقلمى : دعاء أحمد
الجمعة نوفمبر 11, 2011 12:32 am من طرف دعاءاحمد
» فضفضة..........(فى حب الله)
الأربعاء أكتوبر 12, 2011 1:16 am من طرف rehan
» My empty house
الخميس أغسطس 18, 2011 10:24 pm من طرف rehan
» ناقش الي بعدك بسؤال
الأربعاء أغسطس 17, 2011 10:30 pm من طرف 7ob El-7iah
» عندما يتمثل الدين في الأنثى
الثلاثاء يوليو 26, 2011 11:48 pm من طرف rehan
» حلوه بلادي
الإثنين يوليو 25, 2011 2:55 am من طرف rehan
» يامن تقول أحب محمدا............
الثلاثاء يوليو 19, 2011 7:52 pm من طرف rehan
» ادخل طمنا عملت ايه فى الامتحان؟؟؟؟؟؟؟؟؟؟؟
الإثنين يوليو 18, 2011 2:43 pm من طرف rehan