مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه

انضم إلى المنتدى ، فالأمر سريع وسهل

مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

+4
محمود الريفي
حور الدنيا
rehan
shimaa
8 مشترك

    على باب الجنة

    shimaa
    shimaa
    نائبة المدير
    نائبة المدير


    انثى
    الحمل
    عدد الرسائل : 2031
    العمر : 37
    مزاجك ايه النهرده : على باب الجنة - صفحة 3 310
    نقاط : 984
    تاريخ التسجيل : 25/10/2008
    السٌّمعَة : 52

    على باب الجنة - صفحة 3 Empty على باب الجنة

    مُساهمة من طرف shimaa الثلاثاء أكتوبر 28, 2008 4:48 pm

    تذكير بمساهمة فاتح الموضوع :

    :sla2:



    ان شاء الله ياجماعة هانلخص حلقات برنامج على باب الجنة للاستاذ مصطفى حسنى


    وهايكون التلخيص بنفس كلام مصطفى حسنى يعنى نفس شرح الحلقات ده هايكون فيه استفادة اكتر ان شاء الله

    علشان الناس اللى ماشفتش البرنامج

    وبإذن الله هانزل تلخيص حلقتان فى الاسبوع يعنى مثلا السبت والاربعاء

    ومبدئيا انا وريهان اللى هانقوم بالتلخيص هانحمل الحلقات ونلخصها

    بس طبعا لو حد حابب يشارك معانا طبعا بكل سرور
    ]وياريت اى حد يدخل يقرأ التلخيص يقولنا ياترى ايه هو اكتر جزء أثر فيه فى الحلقة واستفاد ايه
    يعنى نعمل نقاش مع بعض عن الحلقة ده اكيد ان شاء الله هايفيدنا كتير
    [/size]
    جزاكم الله خيرا
    واتمنى فعلا انكم تستفيدوا بإذن الله[/size]
    [/center]


    عدل سابقا من قبل shimaa في الثلاثاء أكتوبر 28, 2008 10:51 pm عدل 3 مرات
    shimaa
    shimaa
    نائبة المدير
    نائبة المدير


    انثى
    الحمل
    عدد الرسائل : 2031
    العمر : 37
    مزاجك ايه النهرده : على باب الجنة - صفحة 3 310
    نقاط : 984
    تاريخ التسجيل : 25/10/2008
    السٌّمعَة : 52

    على باب الجنة - صفحة 3 Empty رد: على باب الجنة

    مُساهمة من طرف shimaa الأربعاء يناير 21, 2009 11:34 pm

    موت المرض هو احد بشارات حسن الخاتمة
    لان المريض مش بيموت فجأة وبيبدأ يضعف ونفسه تنكسر ويدخل على ربنا والنفس لما بتنكسر تلجأ الى الله وتدخل على الله من أعظم الابواب وهو باب الفقر
    انا يارب مسكين أنا تعبان مش قادر أقوم مش قادر افتح عنيا
    الفقر ده ربنا بيحبه فى العبيد
    وبرده فى ناس عايشين مش مرضى وفى اتم الصحة لكنه فقير بين يدى الله عز وجل

    والحاجة التانية فى المرض
    انه بيكفر السيئات
    كما قال صلى الله عليه وسلم(لا يزال البلاء بالعبد حتى يمشى على الارض وليس عليه خطيئة)


    ومن دلائل حسن الخاتمة
    بعض الموتات اللى فيها مشقة والمشقة دى بترفع الموتى لمنزلة الشهداء
    اللى يموت غريق_واللى يتهدم عليه بيته(وصاحب الهدم شهيد)

    وبعض العلماء قالوا ان اللى يموت فى حادث عربية وتتهدم عليه عربيته يكون شهيد ان شاء الله

    _وايضا ان يختم ليك بعمل صالح

    قال صلى الله عليه وسلم(من ختم له بصيام يوم دخل الجنة)


    وبدام انا عارف كويس انى هاموت
    وكل من عليها فان
    كل نفس ذائقة الموت

    اذن يارب لو الموت هايجى هايجى يارب نفسى تكون آخر لحظة فى حياتى لحظة استبشار ليا ولاهلى علشان أطمن واهلى يطمنوا عليا

    معاذ بن جبل تربية النبى عليه الصلاة والسلام

    وهو بيموت قال
    يارب انك تعلم انى كنت اخافك وانا اليوم ارجوك
    انت عارف يارب انى كنت بخاف منك وانا دلوقتى بموت
    اذا كنت عشت بالخوف فاللحظة دى لحظة ثقة فى كرمك يارب انك هاتقبلنى برحمتك التى وسعت كل شئ وانا شئ


    احدى البنات اسمها نهى ماتت من 6 سنوات تقريبا
    وكانت فى المستشفى ومتعلق لها جلوكوز وابر وخلاص فى الرمق الاخير
    تخيل واحدة بتموت ومفيش اى حركة قامت قالت لهم عايزة اشرب وفجأة لاقوها بتصقف

    يقولوا لها انت شايفة ايه
    انتى شايفة الملائكة تهز دماغها كده وتقولهم اه
    وتشاور بأيديها كده للملائكة زى ماتكون بتقول لهم تعالوا يالا بقى

    ياااه على الذكر الحسن اللى سيبتيه يانهى عند الناس
    وياريت ياجماعة كلنا ندعى لنهى وان ربنا يجمعنا بيها على باب الجنة ان شاء الله



    من عاش على شئ مات عليه ويبعث المرء على ما مات عليه

    وصية الحلقة

    اعمل عمل صالح باللى تقدر عليه وتوسل بالعمل ده لربنا انه يحسن لك الخاتمة ويعينك على ذكره وشكره وحسن عبادته

    اللهم ارزقنا حسن الخاتمة
    rehan
    rehan
    مشرفه
    مشرفه


    انثى
    عدد الرسائل : 1246
    نقاط : 576
    تاريخ التسجيل : 25/10/2008
    السٌّمعَة : 40

    على باب الجنة - صفحة 3 Empty رد: على باب الجنة

    مُساهمة من طرف rehan الأربعاء يناير 21, 2009 11:55 pm

    ربنا يكرمك ياشيماء

    وشكرا على الحلقة الجميلة دى

    يارب نسألك حسن الخاتمة وتجعل أسعد أيامنا يوم أن نلقاك وأنت راض عناواجعل أخر كلامنا فى الدنيا
    لا اله الا الله محمد رسول الله


    موضوع حسن الخاتمة ده بشارة من ربنا عز وجل لعبده اللى تمسك بكتاب الله وسنة نبية
    اللى جاهد نفسة وجاهد شهواتة وأصر انه يمشى فى طريق ربنا عز وجل وتمسك بالعروة الوثقى


    يارب نكون ممن ترزقهم بحسن الخاتمة يارب
    7ob El-7iah
    7ob El-7iah
    نائب المدير
    نائب المدير


    ذكر
    الثور
    عدد الرسائل : 2011
    العمر : 33
    مزاجك ايه النهرده : على باب الجنة - صفحة 3 5510
    نقاط : 1424
    تاريخ التسجيل : 25/10/2008
    السٌّمعَة : 38

    على باب الجنة - صفحة 3 Empty رد: على باب الجنة

    مُساهمة من طرف 7ob El-7iah الخميس يناير 22, 2009 4:52 am

    ياجماعة مش معنى ان محدش بيرد ان الموضوع مش بيتقرأ

    ياريت تكملوا الموضوع الكلام جميييييييييييييييل اوي

    وسبحان الله بيجي في وقته

    يا الله يالخالق كل شئ ارحمنا برحمتك وارزقنا حسن الخاتمة واختم بالباقيت الصالحات اعمالنا

    "كل من عليها فن ويبقى وجه ربك ذو الجلال والإكرام"

    جزاكم الله خيرا

    ربنا يحبكم يااااااااااااااارب
    حور الدنيا
    حور الدنيا
    مراقبة الأقسام
    مراقبة الأقسام


    انثى
    السمك
    عدد الرسائل : 2313
    العمر : 37
    مزاجك ايه النهرده : على باب الجنة - صفحة 3 Glg10
    نقاط : 1305
    تاريخ التسجيل : 26/10/2008
    السٌّمعَة : 49

    على باب الجنة - صفحة 3 Empty رد: على باب الجنة

    مُساهمة من طرف حور الدنيا الخميس يناير 22, 2009 1:57 pm

    اللهم ارزقني قبل الموت توبة وعند الموت شهادة وبعد الموت جنة

    اللهم ارزقني حسن الخاتمة
    اللهم ارزقني حسن الخاتمة

    اللهم ارزقني الموت وانا ساجد لك يا ارحم الراحمين



    جزاك الله خيرا ياشيماء
    shimaa
    shimaa
    نائبة المدير
    نائبة المدير


    انثى
    الحمل
    عدد الرسائل : 2031
    العمر : 37
    مزاجك ايه النهرده : على باب الجنة - صفحة 3 310
    نقاط : 984
    تاريخ التسجيل : 25/10/2008
    السٌّمعَة : 52

    على باب الجنة - صفحة 3 Empty رد: على باب الجنة

    مُساهمة من طرف shimaa الثلاثاء فبراير 17, 2009 11:37 pm

    نكمل ان شاء الله

    سوء الخاتمة


    عازين نتكلم على أول حلقة من حلقات الترهيب

    بقالنا فترة بنجهز قلبنا والمرة اللى فاتت اتكلمنا وبدأنا احد حلقات الترغيب وهو حسن الخاتمة والحلم الجميل اللى هايتحول من حلم لهدف

    حلم ان آخر لحظة فى حياتى هاتكون جميلة وفيها استبشار بلقاء الله لان ربنا ختم لى حياتى بلحظة جميلة بحسن خاتمة بموقف او طاعة ثم قبضت عليها وده اسمه ترغيب بنرغب نفسنا فى الاخرة والاقبال على الله

    وفى جانب تانى هو جانب الخوف

    وجانب انى ابقى عايش وانا مش هاعصى ومش هابقى جرئ على المعصية علشان انا خايف وتركيبة البنى آدم كده ياجماعة

    كتير من الناس مش بيحب الكلام بالطريقة دى طريقة التخويف

    بس ده منهج ربانى يعنى الله هو الذى تكلم بهذه الطريقة
    طريقة ان فى تبشير وفى طريقة انذار

    رسلا مبشرين ومنذرين

    انهم كانوا يدعوننا رغبا ورهبا

    وزى ما ربنا ارحم الراحمين واكرم الكرماء ورحمته وسعت كل شئ وعنده جنة فيها ما لا عين رأت ولا اذن سمعت ولا خطر على قلب بشر

    زى ما الله سبحانه وتعالى يغضب

    لما سيدنا موسى طلب من ربنا وقال ربى أرنى أنظر اليك قال لن ترانى ولكن انظر الى الجبل فإن استقر مكانه فسوف ترانى فلما تجلى ربه للجبل جعله دكا وخر موسى صعقا

    ربنا مش غضب على الجبل ربنا تجلى للجبل



    فما ظنك اذا غضب الملك؟؟؟؟؟؟؟؟؟؟؟؟؟؟؟؟؟؟؟

    يبقى اكيد لازم نخاف


    احنا ياجماعة مخيرين فى الطاعة والمعصية
    طيب ينفع مع ضعفى الشديد وصغر حجمى فى الدنيا انى ابقى جرئ على ربنا

    تكاد السموات بتفطرن من فوقهن

    السماء هاتقع بسبب معصية الناس

    البحر عايز ياكلنا بسبب اننا بناكل من رزقه ونعصيه

    الجبال عايزة تطبق علينا وربنا يقولهم دعوهم لو خلقتموهم لرحمتموهم

    اذن مهم اوى انى لازم اخاف علشان لما اخاف هايكون عندى نوع من الحاجز بينى وبين المعصية والجرأة على الله

    وسهولة انى اعرف ان دى حرام واعملها لذلك احنا عايزين نتكلم عن موقف سوء الخاتمة

    واحد يختم له فى الدنيا بموقف مش كويس آخر لحظة فى حياته لحظة سوء فلما يختم له بهذا السوء يبقى عنده مشكلتين

    _اولا هايكره لقاء ربنا ومن أحب لقاء الله احب الله لقاءه ومن كره لقاء الله (مش عايز يموت دلوقتى على المعصية دى )كره الله لقاءه

    _ثانيا انه هايكون له ذكر سئ عند الناس فى الدنيا فإذا سألت عنه اخبار فلان ايه يسكت الناس ومش لاقيين حاجة يقولوها

    هايقولوا ايه مات وهو سكران

    ولا مات وهو بيعمل كبيرة من الكبائر

    ولا قفل الباب فى وش امه ونزل ومارجعش تانى ومات وامه غضبانه عليه

    ولا يموت وهو بيغش ولا هو سارق الناس

    يبقى انا لازم اقف مع نفسى يارب انا مش عايز اموت كده

    انا والله هاموت وكلنا هانموت

    والموت حاجة من الاتنين

    اما سوء خاتمة

    اما حسن خاتمة

    ربنا يرزقنا جميعا حسن الخاتمة ويتوفنا وهو راض عنا

    والبقية تأتى ان شاء الله
    حور الدنيا
    حور الدنيا
    مراقبة الأقسام
    مراقبة الأقسام


    انثى
    السمك
    عدد الرسائل : 2313
    العمر : 37
    مزاجك ايه النهرده : على باب الجنة - صفحة 3 Glg10
    نقاط : 1305
    تاريخ التسجيل : 26/10/2008
    السٌّمعَة : 49

    على باب الجنة - صفحة 3 Empty رد: على باب الجنة

    مُساهمة من طرف حور الدنيا الثلاثاء فبراير 17, 2009 11:44 pm

    ربنا يرزقنا جميعا حسن الخاتمة ويتوفنا وهو راض عنا

    ربنا يكرمك ياشيماء
    malak el- donia
    malak el- donia
    مشرف
    مشرف


    ذكر
    القوس
    عدد الرسائل : 1344
    العمر : 32
    مزاجك ايه النهرده : على باب الجنة - صفحة 3 4510
    نقاط : 1162
    تاريخ التسجيل : 25/10/2008
    السٌّمعَة : 41

    على باب الجنة - صفحة 3 Empty رد: على باب الجنة

    مُساهمة من طرف malak el- donia الأربعاء فبراير 18, 2009 12:04 am

    بسم الله ماشاء الله

    اللهم ارزقنا حسن الخاتمه

    بجد الواحد ساعات لما بيقد ويفكر مع نفسه انا دلوقتي لما هاعصي ربنا ايه اللي هاستفيده من المعصيه دي

    اكيد ان استفادتي تساوي 0

    لان العمل قائم علي معصيه واكيد ان ربنا مش هيبارك في العمل ده

    لما كنت باسمع كده حلقه للشيخ محمد حسان من احداث النهايه

    قعدت اسال نفسي انا هابقي ايه ساعتها هل هاثبت علي ايماني في ظل الفتنه الكبيره اللي هتحصل ولا ايه ؟

    ولقيته في نفس الحلقه سبحا الله قال الحجات اللي تثبتنا علي الايمان

    واولها ارضاء الله عز وجل والبعد عن المعاصي وعدم الشرك به

    يااااااااااااااااااااااه الواحد لما سمع الجمله دي جسمه قشعر اوي منت الخوف من ربنا وحسيت اني كنت باور علي حاجه واخيراا لقيتها والحمد لله علي فكره دي من الاسبابالرئيسيه اللي خلتني اجي الجمعيه

    لأني كنت في الفتره دي تايه ومش عارف الصح من الغلط

    اخيرا بنقول ياااااااااااااارب احنا بنعمل الخير ده ابتغاء مرضاتك

    فارضي عنا انك انت الغفور الرحيم

    وان شاء الله نتقابل علي باب الجنه ونكون متجمعين حول حوض النبي عليه افضل الصلاة والسلام
    rehan
    rehan
    مشرفه
    مشرفه


    انثى
    عدد الرسائل : 1246
    نقاط : 576
    تاريخ التسجيل : 25/10/2008
    السٌّمعَة : 40

    على باب الجنة - صفحة 3 Empty رد: على باب الجنة

    مُساهمة من طرف rehan الأربعاء مارس 04, 2009 6:12 pm

    نكمل مع بعض
    حلقة سوء الخاتمة...........


    حسن وسوء الخاتمة من العلامات الكبيرة اللى بتبين حب ربنا لعبده

    فمثلا واحد لقية كان رايح يحج ومات وهو فى الحرم........يالله ياترى هو عمل اية؟؟؟
    عشان يوصل للمرحلة دى ...وينول هذه المنزلة...


    أما فى حين واحد تانى مات وهو بيغش الناس وبياكل الربا وبيمص دم الغلابة
    طبعا انا متأكد لو هو فكر شوية وخاف من سوء الخاتمة مكنش أتجرأ وقدر يعمل كده

    لذلك مهم جدااا أننا نعرف الكلام عن سوء الخاتمة لكن بمفهوم استبشارى

    قال رب العالمين" ويحذركم الله نفسه والله رؤوف بالعباد" يعنى
    ربنا بيحذرنا عشان بيحبنا...عشان هو عزوجل رؤوف بيحذرنا من حبه فينا
    بيحذرنا عشان عوزنا ندخل الجنه

    طب تعالوا نتكلم عن الصالحين زمان وازاى كانوا بيفكروا فى سوء الخاتمة وبيخافوا منها أوى....
    سفيان الثورى أمير المؤمنين فى الحديث صاحب الامام مالك واحد من كبار العلماء
    وهو بيموت بكى.......فجاء له صاحبة وهو محمد بن سلمه....
    فقال له: ياسفيان أتبكى؟؟؟؟!!!!
    أسكن ... يعنى اهدى شويه
    ياسفيان انك مقبل على من كنت تعبده
    فقال له : يأخى انى لا أخشى ذنوبى ولكنى أخشى من سوء الخاتمة


    أنا خايف من لحظة خروج الروح خايف سعتها معرفش أنطق الشهادتين...
    خايف يجيلى الشيطان وقتها يقولى موت على غير الاسلام يجيلى فى صورة أبوية اللى مات أو أخوية اللى مات ويقولى أنا روحت الجنة وملقتش حد من المسلمين؟؟؟ يعنى متمتش مسلم عشان تدخل الجنة
    شوفت الفتنة عملة ازاى ؟؟؟ خايق لحسن أصدقة وأموت على غير الاسلام ويختم لى بالسوء

    يعنى أنا خايف من سوء الخاتمة مبقاش مقبل على ربنا فى لحظة الموت فربنا ميحبش لقائى
    ولكن مات سفيان وهو بيتلى عليه سورة يس فمات وهو فى أعلى درجات الايمان وهو بيذكر ربنا سبحانه وتعالى
    نحسبة عند الله من الصالحين.......

    يارب احنا خايفين من اللحظة دى وخوفنا ده هيخلينا معندناش جرأه وخوفنا ده هيخلينا واقفين على بابك
    نقول يارب افتح لينا ابواب الطاعة ولا تسلمنا بسبب ذنوبنا لأعدائنا أو سوء نفسى

    ياحى ياقيوم برحمتك أستغيث أصلح لى شأنى كله ولا تكلنى الى نفسى طرفة عين

    لو فضلت مع نفسى من غير اعانة...
    نفسى كلها أمر بالسوء وكلها شهوات
    ... متسبنيش يارب...
    لما أبقى خايف من سوء الخاتمة هقول يارب لو عصيتك متسبنيش لشيطانى...
    هيبقى أقوى منى لو سبتنى
    لكن أنا قوى أمام شيطانى بعونك قوى بيك....بأنك أنت بتسدد خطيا ... بتعرفنى الحق من الباطل....
    rehan
    rehan
    مشرفه
    مشرفه


    انثى
    عدد الرسائل : 1246
    نقاط : 576
    تاريخ التسجيل : 25/10/2008
    السٌّمعَة : 40

    على باب الجنة - صفحة 3 Empty رد: على باب الجنة

    مُساهمة من طرف rehan الأربعاء مارس 04, 2009 6:24 pm

    طيب أنا عشان ربنا ميتخلاش عنك فيه طريق ...
    اسمه طريق الاستقامة.......

    قائد هذا الطريق هو النبى وكان وراه الصحابه وراه الصالحين ... امشى أنت كمان وراهم فى نفس الطريق
    وابعد عن أسباب سوء الخاتمة حتى لا يعرض عنك الملك...
    لأن الانسان لو أعرض عن طريق ربنا......... يبقى ربنا يستر علية
    ربنا يعرض عنه............واذا أعرض الله عن عبد لحظه
    الدنيا كلها تتقلب عليك...... ومن أشد اللحظات اللى احنا محتاجين فيها لرب العالمين
    هى لحظة خروج الروح.........
    ما اضعفك يابن أدم!!!!!!!! وما أكثر احتياجك لربنا فى هذه اللحظة!!!!!!!!!!

    والبقية تأتى........
    shimaa
    shimaa
    نائبة المدير
    نائبة المدير


    انثى
    الحمل
    عدد الرسائل : 2031
    العمر : 37
    مزاجك ايه النهرده : على باب الجنة - صفحة 3 310
    نقاط : 984
    تاريخ التسجيل : 25/10/2008
    السٌّمعَة : 52

    على باب الجنة - صفحة 3 Empty رد: على باب الجنة

    مُساهمة من طرف shimaa الأربعاء مارس 04, 2009 6:32 pm

    ربنا يعزك ياريهان

    وربنا يقوينا على أنفسنا ويرزقنا حسن الخاتمة

    جزاكى الله خيرا
    shimaa
    shimaa
    نائبة المدير
    نائبة المدير


    انثى
    الحمل
    عدد الرسائل : 2031
    العمر : 37
    مزاجك ايه النهرده : على باب الجنة - صفحة 3 310
    نقاط : 984
    تاريخ التسجيل : 25/10/2008
    السٌّمعَة : 52

    على باب الجنة - صفحة 3 Empty رد: على باب الجنة

    مُساهمة من طرف shimaa الخميس مارس 26, 2009 2:50 pm

    نكمل ان شاء الله

    احنا اتفقنا من الاول ان الدار الاخرة مش مجرد معانى غيبية اللى بنحلم بيها ونستشعرها وملهاش اى اثر فى تفاعلاتنا وتصرفاتنا فى الواقع لأ

    احنا عايشين فى الدنيا بأجسامنا وقلوبنا فى الاخرة كل تصرف بتعمله بيصب فى موقف من مواقف الدار الاخرة اما فى نجاه او خسران والعياذ بالله

    احنا عايزين دلوقتى نتكلم عن الاسباب اللى هاتنجينى فى اول مراحل الاخرة الا وهى الخاتمة (مفارقة الروح للجسد) يارب ينجينا من سوء الخاتمة

    دعاء بنلجأ بيه لربنا ومع الدعاء أفعال
    اذن لازم تتحول هذه المشاعر الجميلة والاحلام الجميلة لهدف

    أول سبب من اسباب سوء الخاتمة هو أحد مداخل الشيطان المشهورة

    انه يحط فى قلبنا جرأة تخلى عندنا اصرار على الذنب
    يبقى اول سبب الاصرار على الذنب
    ان يبقى حد مننا عنده ذنب ومش بيحاول يتوب منه
    ركزوا كده........مش بيحاول يتوب منه.......لان بعضنا ضعيف قدام بعض الذنوب وكل مايسقط فى الذنب انا مش قادر يارب ويتوب ويقعد يسأل الناس تنصحونى بأيه علشان اسيب الذنب ده ويسمع عن الذنب ويروح درس علشان يصلح قلبه ويكفر ذنبه مش قادر(ان شاء الله ربنا ياخد بأيديه)

    لكن واحد تانى بقى مش فى باله اصلا
    مش فى باله انه يربى قلبه ياقلبى ابعد عن الذنب ده........ياعنيا ابعدى عن الذنب ده........يارجلى ماتمشيش للذنب ده

    والجرأة تبعدك عن الرحمة

    فرق كبير اوى بين واحد ضعيف وبيحاول يتوب

    وواحد جرئ ومصر على المعصية والذنب ويقول ما انا بحاول اعمل اعمال صالحة كده كفاية بقى

    مش هاتحجب.........مش هاصلى.............

    انت مش هاتدخل الجنة بالطريقة دى

    انا سايب نفسى بتذنب فتأتى النفس دى وتخونى
    فى اكتر الاوقات اللى انا يانفسى محتاجلك فيها اقفى معايا وخلى قلبى ولسانى ينطقوا لا اله الا الله

    يانفسى خلينى مقبل على الله

    تقوله انا آسفه انت ماتكمتش فيا وسيبتنى لشهواتى .......ماتجيش دلوقتى وتقولى انا عايز اتحكم فيكىوتقولى حبى ربنا
    انا هاخونك لان انت عمرك ما لجمتنى بلجام الدين

    ذلك الاصرار على الذنب من اكتر الاشياء اللى بتورث سوء الخاتمة

    زى ما قلنا قبل كده كلنا عايزين نكسب ونفوز بس مش كلنا مستعدين ندفع الثمن
    اذن حلها توبه دلوقتى
    هابطل سجاير دلوقتى فجأه
    لو ربنا قالك على حاجة حرام وانت مستحيل تبطلها

    يبقى كده ربنا بيكلفك فوق طاقتك

    وربنا قال لا يكلف الله نفسا الا وسعها

    تبقى تقدر تبعد عن الذنب حالا
    تقدر تبعد عن الحرام

    وللحديث بقية ان شاء الله
    7ob El-7iah
    7ob El-7iah
    نائب المدير
    نائب المدير


    ذكر
    الثور
    عدد الرسائل : 2011
    العمر : 33
    مزاجك ايه النهرده : على باب الجنة - صفحة 3 5510
    نقاط : 1424
    تاريخ التسجيل : 25/10/2008
    السٌّمعَة : 38

    على باب الجنة - صفحة 3 Empty رد: على باب الجنة

    مُساهمة من طرف 7ob El-7iah الخميس مارس 26, 2009 7:04 pm

    ربنا يبارك في حضرتك يا آنسة شيماء بجد الموضوع جمييييييل جدا

    بس لو سمحتم ليا سؤال والله تعابني جدا؟؟

    لما الواحد يحس انه بعيد عن ربنا سبحانه وتعالى وخصوصا في بعض الأساسيات اللي كان بيعملها قبل كده والمشكلة انه مش عارف يعمل ايه اوي لأنه بجد بيحس بحجات وحشة كتييير وده بياثر على علاقات مع حتى اقرب الناس ليه من زمايلة والبيت وكده يعني؟؟

    هوا انا مش عارف هل مكان السؤال هنا كويس ولا لأ؟؟

    بس يمكن هنا هيكون مريح اكتر

    جزاكم الله خيرا
    الملاك الحائر
    الملاك الحائر
    مشرفه
    مشرفه


    انثى
    عدد الرسائل : 501
    مزاجك ايه النهرده : على باب الجنة - صفحة 3 8010
    نقاط : 598
    تاريخ التسجيل : 18/02/2009
    السٌّمعَة : 32

    على باب الجنة - صفحة 3 Empty رد: على باب الجنة

    مُساهمة من طرف الملاك الحائر الخميس مارس 26, 2009 9:56 pm


    ربنا يبارك فيكي ياشيماء يارب ويحبك ويعزك ويرضيكي ويرضى عنك

    احنا عايشين فى الدنيا بأجسامنا وقلوبنا فى الاخرة
    جملتلك دي طارت بقلبي وجددت روحانياتي والله

    عايزة أعلق عالموضوع بس هحاول أرد على سؤال بشمهندس محمود الأول

    لما الواحد يحس انه بعيد عن ربنا سبحانه وتعالى وخصوصا في بعض الأساسيات اللي كان بيعملها قبل كده والمشكلة انه مش عارف يعمل ايه اوي لأنه بجد بيحس بحجات وحشة كتييير وده بياثر على علاقات مع حتى اقرب الناس ليه من زمايلة والبيت وكده يعني؟؟

    بيتهيألي سؤال حضرتك "يعمل ايه" ...لأن الجملة مفيهاش أي أسئلة.....تمام؟

    هي الحالة دي شبيهة بالفتور اللي بيحصل للواحد خصوصا بعد مايكون بدأ التزام وكان بيكثف الطاعات جدا وداخل بكل طاقة عليها
    ....
    وطبعا معروف إن كل ما إيمانيات الواحد بتعلى كل ما أخلاقه بتسمو وسلوكياته بتظبط... والعكس طبعا صحيح

    لو فهمي سليم لسؤالك....
    فيبقى الحل هو

    انك تقعد ما نفسك تستشعر وتفتكر الطاعات والحاجات الجميلة اللي عملتها قبل كده... وتبدأ تمسك حاجة حاجة ترجع تواظب عليها...لأنك لو رجعت كل الحاجات مرة واحدة ممكن يحصل شيء من التعب وترجع تاني

    وأهم أهم أهم حاجة إنك تبدأ أول حاجة بالفروض ...لأن ربنا سبحانه وتعالى بيقول في حديث قدسي "وما تقرب إلي عبدي بشيء أحب إليا مما افترضته عليه"
    أهم حاجة -والكلام دلوقتي عام- اللي ملغبط في الفروض يبدأ يحسنها الأول قبل أي حاجة تانية
    ماهو مينفعش مثلا واحد بقى بيأخر الصلاة وأحيانا مش بيصلي الفجر
    ويبقى زعله إنه مبقاش بيصوم اتنين وخميس...
    نبدأ الأول بالفروض وهتلاقي الطاعات بتجيب بعضها
    جدد إيمانك بكثرة الاستغفار واستحضار النية قبل أي عمل مهما كان

    النبي صلى الله عليه وسلم كان بيقول-ما معناه- إن هذا الدين متين فأوغلوا فيه برفق... أو كما قال لأن نص الحديث طاير دلوقتي من دماغي

    وللحديث بقية بإذن الله
    [/size]
    shimaa
    shimaa
    نائبة المدير
    نائبة المدير


    انثى
    الحمل
    عدد الرسائل : 2031
    العمر : 37
    مزاجك ايه النهرده : على باب الجنة - صفحة 3 310
    نقاط : 984
    تاريخ التسجيل : 25/10/2008
    السٌّمعَة : 52

    على باب الجنة - صفحة 3 Empty رد: على باب الجنة

    مُساهمة من طرف shimaa الخميس مارس 26, 2009 10:00 pm

    الله المستعان

    هو أولا الايمان يزيد وينقص يعنى احنا مش بنفضل على حال واحد دايما

    واحيانا كلنا بنحس اننا بعدنا عن ربنا شوية فى فترة من الفترات ودى بتبقى زى حالة فتور كده الواحد بيحس بيها

    احنا ممكن نحس بالفتور اه بس ماينفعش يكون التقصير ده فى حاجة اساسية ومن الفروض زى الصلاة مثلا
    لان المحافظة عليها هى اللى بتدينا طاقة كده وقرب من ربنا

    وان الواحد يحس انه مقصر ومبقاش يعمل حاجات كان بيعملها زمان وزعلان اوى اعتقد والله اعلم ان دى حاجه حلوة اوى لانه حابب دايما يكون فى اعلى درجات القرب وبيحاول يجاهد نفسه

    بس طبعا ماينفعش يسيب نفسه كده لازم يشوف هو ليه وصل للحالة دى

    ويحاول بقدر الامكان يجاهد نفسه يعنى مثلا كنت بقرأ قرآن كل يوم ودلوقتى مقصر شوية يبقى لأ لازم وقفة كده مع نفسى وانا اصلا بضيع وقت كتير مش هاتيجى يعنى على ربع ساعه او نصف ساعة اقرأ فيها

    ولازم نكون عارفين حاجة اننا اصلا حياتنا كلها عبادة يعنى مش العبادة بس انى اصلى وأقرأ قراءن وطبعا انا مش بقلل من ده

    بس لازم نعرف ان مذاكرتى عبادة وانى اقعد مع اهلى عبادة وانى اخرج مثلا علشان اكون بعد كده قادر انى اؤدى الفروض اللى عليا دى عبادة برده

    احيانا بيجى لنا الفتور علشان لما نبص لليوم بتاعنا مثلا نقول ده انا رحت الكلية وجيت ذاكرت ومالحقتش اقرأ قرآن كتير

    ماهى المذاكرة دى عبادة برده

    ومش معنى كده انى اقصر لأ لازم احاول بقدر الامكان اوفق بين ظروف حياتى

    وهو فعلا لما اكون بعيد عن ربنا اكيد علاقتى م الناس هاتكون مش متظبطه لانى فقدت معنى اللذه اللى بتكون فى العبادة وبكون زهقان كده ومش عايز اكلم حد او حتى لو اتكلمت بيبقى غصب عنى

    علشان كده لازم نصلح حالنا مع ربنا علشان يصلح حالنا مع الناس

    هما قالوا ان الحب ان تذوب فى مراد حبيبك

    لو فكرنا اننا بنحافظ على العبادات علشان احنا بنحبك يارب وعايزينك انت كمان تحبنا اكيد هاتفرق معانا كتير ان شاء الله

    ويارب اكون قدرت افيد حضرتك بحاجة يارب

    shimaa
    shimaa
    نائبة المدير
    نائبة المدير


    انثى
    الحمل
    عدد الرسائل : 2031
    العمر : 37
    مزاجك ايه النهرده : على باب الجنة - صفحة 3 310
    نقاط : 984
    تاريخ التسجيل : 25/10/2008
    السٌّمعَة : 52

    على باب الجنة - صفحة 3 Empty رد: على باب الجنة

    مُساهمة من طرف shimaa الخميس مارس 26, 2009 10:05 pm

    سبحان الله احنا الاتنين كتبنا الرد فى نفس الوقت

    خير ان شاء الله وتقريبا هى الفكرة متقاربه

    ربنا يكرمك يا ايمان
    7ob El-7iah
    7ob El-7iah
    نائب المدير
    نائب المدير


    ذكر
    الثور
    عدد الرسائل : 2011
    العمر : 33
    مزاجك ايه النهرده : على باب الجنة - صفحة 3 5510
    نقاط : 1424
    تاريخ التسجيل : 25/10/2008
    السٌّمعَة : 38

    على باب الجنة - صفحة 3 Empty رد: على باب الجنة

    مُساهمة من طرف 7ob El-7iah السبت مارس 28, 2009 12:05 am

    ربنا يعزكم وينصر بيكم دينه

    بجد انا عمري ما قولت اكتب حاجة واستفسر عنها غير ولقيت عندكم الحمد لله

    الجواب الشافي

    بجد ربنا يآخد بإدينا كلنا للجنة
    shimaa
    shimaa
    نائبة المدير
    نائبة المدير


    انثى
    الحمل
    عدد الرسائل : 2031
    العمر : 37
    مزاجك ايه النهرده : على باب الجنة - صفحة 3 310
    نقاط : 984
    تاريخ التسجيل : 25/10/2008
    السٌّمعَة : 52

    على باب الجنة - صفحة 3 Empty رد: على باب الجنة

    مُساهمة من طرف shimaa الأربعاء أبريل 29, 2009 12:52 pm

    نكمل ان شاء الله تلخيص حلقة سوء الخاتمه

    سبب من اسباب سوء الخاتمه
    _عدم الاستقامه

    يعنى ايه؟ يعنى الرضا انه يكون جزء من حياتى لربنا....وجزء من حياتى للشيطان

    اللى احنا بنقولها ساعه لقلبك.........وساعه لربك

    وأصل الكلمه دى ان كان فى واحد من الصحابه اسمه حنظله

    وكان قاعد مع النبى

    فالنبى كلمه عن الجنه والنار.........وما بالنا بقى النبى عليه الصلاة والسلام وهو بيتكلم عنهم كأننا عايشين فيها

    فراح حنظله بعد ما كان بيعيط مع النبى ومشتاق للجنه اوى وخايف من النار روح بيته وقعد يهزر مع اولاده ومراته ويضحك معاهم وفجأه........قال ايه ده؟؟

    انا كنت بعيط من شويه مع النبى ودلوقتى قاعد بهزر وبضحك

    نـــــــــافــــــق حنظله

    وطلع علشان يقول للنبى وهو فى الطريق لقى سيدنا ابو بكر الصديق قاله انا منافق.......قاله ليه؟

    قاله اكون مع النبى فيكلمنا عن الجنه والنار فكأنا نراها رأى عين وفجأه اروح بيتى اهزر واضحك

    ايه النفاق ده؟؟
    فسيدنا ابو بكر قاله كلنا هذا الرجل

    تعالى لما نستشير النبى عليه الصلاة والسلام

    يارسول الله نافق حنظله.........قال النبى مه

    يعنى ماتقولش على نفسك كده ايه اللى حصل
    وحكا له الحكايه

    فقال ياحنظله لو تكونون فى بيوتكم كما تكونون معى لنزلت الملائكه وصافحتكم فى الطرقات ونزلت وصافحتكم على فروشكم

    ولكن ياحنظله ساعه........وساعه

    ساعه.......وساعه

    ساعه..........وساعه

    يعنى ساعه معايا فى الذكر والاقبال والانكسار .......وساعه مع مراتك وأولادك .....فى شغلك الحلال

    يعنى ساعه مباح تستعين بيها على ساعة الذكر
    لان انت من غير المباح ده هاتمل والنبى علمنا اننا نكون بين المباح والذكر

    مش ساعه ذكر........وساعه معصيه

    مش ساعه لقلبك وساعه لربك

    وما أدراك ساعة القلب دى اللى يكون فيها معصيه ان الموت مش هايفجأك فيها

    عدم الاستقامه بقى شويه بنتفرج على درس دينى.......وشويه قنوات الكليبات

    شويه ابويا راضى عنى .........ومن ناحيه تانيه ارزع الباب فى وش امى

    من أدراك متى ستفجأك لحظة الموت

    إذن عدم الاستقامه تخوف من سوء الخاتمه

    _صحبة السوء

    خد بالك لو اللى حواليك كويسين يبقى هاتضمن بأذن الله انك على طول فى جو كويس

    صحبة الخير بتعين الواحد على حسن الخاتمه


    وهنا نسأل سؤال؟؟؟؟؟؟؟ركز كده........


    افتكر اصحابك اللى حواليك دول دلوقتى تحب هما دول اللى تموت وسطهم ولا لأ؟؟؟؟؟؟؟؟؟؟؟؟؟؟؟؟؟؟؟

    الصحبه اللى سرك معاهم وتحب تموت وتدفن معاهم مطرح ماهايروحوا ولا لأ؟؟؟؟؟؟؟؟؟؟؟؟؟

    جاوب ويالا مستنى ايه قول يارب انا تبت وثبتنى

    ربى معى ...........ربى يرانى

    ياريت لو نحاول مع بعض نفتكر الجمله دى على طول

    واكيد لما افتكرها مش هاتخلينى جرئ على المعصيه

    كده الحمد لله حلقة سوء الخاتمه خلصت

    والبقيه تأتى ان شاء الله فى تلخيص الحلقات القادمه

    ربنا يحبكم ويرضى عنكم ويرزقنا واياكم حسن الخاتمه

    avatar
    salah
    كبار الشخصيات
    كبار الشخصيات


    عدد الرسائل : 345
    نقاط : 198
    تاريخ التسجيل : 25/10/2008
    السٌّمعَة : 10

    على باب الجنة - صفحة 3 Empty رد: على باب الجنة

    مُساهمة من طرف salah الأربعاء أبريل 29, 2009 7:13 pm

    حقيقي مش عارف اقول ايه
    كلام جميل جدا وطالع من القلب
    عدم الاستقامه ان يكون جزء من حياتك لله وجزء من حياتك للشيطان
    تعريف رائع وسهل وبسيط
    ومعبر عن اللي بيحصل معانا كلنا
    اللهم ارزقنا حسن الخاتمه
    وحسن الصحبه يارب

    كان ليا تعليق بسيط علي سؤال الباشمهندس و الردود عليهم كانت جميله
    لو شبيهنا الايمان بالجبل هنلاقي انه طلوعه صعب جدا ولكن الحذر كل الحذر لان النزول منه بيقي سريع جدا وقاسي
    shimaa
    shimaa
    نائبة المدير
    نائبة المدير


    انثى
    الحمل
    عدد الرسائل : 2031
    العمر : 37
    مزاجك ايه النهرده : على باب الجنة - صفحة 3 310
    نقاط : 984
    تاريخ التسجيل : 25/10/2008
    السٌّمعَة : 52

    على باب الجنة - صفحة 3 Empty رد: على باب الجنة

    مُساهمة من طرف shimaa الأربعاء مايو 13, 2009 6:04 am

    حلقه جديده من على باب الجنه

    إحنا هانبدأ نركب مع بعض سفينة رحلة الدار الاخره السفينه اللى هاترسى على باب الجنه اللى بتشبه سفينة نوح اللى بندعو فيها بعض ليوم محتاجين نكون فيه جنب بعض

    والسفينه هاتبدأ من اول خروج الروح وتبدأ ترحل معانا فى القبر ثم القيامه ثم وقفة الحساب نفسنا نكون جنب بعض

    كما قال رب العالمين

    (الاخلاء يومئذ بعضهم لبعض عدو الا المتقين)

    و علشان تركب معانا السفينه اللى هاترسى على باب الجنه والنبى هو اللى يفتح لنا الباب كما ورد فى الحديث ان اول من يحرك حلق الجنه هو النبى عليه الصلاة والسلام

    اللى هايخبط على باب الجنه ......لازم نكون وراه راكبين معاه علشان ندخل الجنه وراه زى ما احنا بنحاول نمشى على خطاه فى الدنيا

    بس علشان ننتقل من المكان ده (الدنيا)الى المكان التانى(الجنه) لازم تكون الدنيا رخيصه عندك علشان تبدأ تقتنع وتؤمن بالاخره ونبدأ نعمل لها وننقلها من الحلم والتخيل.......للهدف

    اذن من بداية رحلة الاخره صعب جدا ان الواحد يتأثر بوعد ربنا وهدايا ربنا لينا واستقباله لينا
    لو انا ماسك فى الدنيا
    عايز تسعدنى كلمنى عن اللى بحبه.......ودى طبيعة البشر انك لما تكلمه عن الشئ المتعلق به بينبسط
    ولو كلمته عن حاجه تانيه وهو مش مدرك حلاوتها .........لأ انا عايز اجرب حاجه تانيه انا فرحان كده

    لذلك قال رب العالمين(كلا بل تحبون العاجله وتذرون الاخره)

    مع ان لو مسكنا الموضوع من الاول كلنا عارفين بلا اسثناء ان ربنا جابنا الدنيا وقالنا انتوا هاتعيشوا فيها سنوات قليله لا تتجاوز 60-70 أو حتى 100 سنه

    والدنيا مرحله قصيره بل اقصر بكتير من القبر واقصر بكتير من وقفة يوم القيامه

    ده كمان اصلا مفيش مقارنه بينها وبين الخلود فى الجنه او العياذ بالله فى النار

    والدنيا دى هى المزرعه

    حقيقة الدنيا.........ان هى دار عمل وان لازم علشان نقلع بسفينة الاخره اللى هاترسى على باب الجنه نعرف حقيقة الدنيا وانها المزرعه اللى بنزرع فيها علشان نجنى ثمارها فى خلود فى الجنه

    لازم نبقى عارفين ان اليقين هو (الثقه بما فى يد الله اوثق بما فى يدك)لكن احنا بننشغل بالزخارف اللى قدامنا وننسى الزخارف الاحلى وهى وعد ربنا سبحانه وتعالى

    لذلك لما عرفوا النفس المطمئنه قالوا(هى النفس التى اطمأنت لموعود الله)

    انا مطمن لوعد ربنا ووعد ربنا بالجنه..........وعد ربنا بالرضا.........وعد ربنا انه بيحب الصالحين وهاينعمهم من اول نزول القبر

    لازم نعرف حقيقة الدنيا

    بس خلوها المرة الجايه بقى

    ربنا يحبكم جميعا ويرضى عنكم ويجعلنا ممن يستمعون القول فيتبعون احسنه

    اللهم اجعل الدنيا فى ايدينا ولا تجعلها فى قلوبنا
    [/size]
    shimaa
    shimaa
    نائبة المدير
    نائبة المدير


    انثى
    الحمل
    عدد الرسائل : 2031
    العمر : 37
    مزاجك ايه النهرده : على باب الجنة - صفحة 3 310
    نقاط : 984
    تاريخ التسجيل : 25/10/2008
    السٌّمعَة : 52

    على باب الجنة - صفحة 3 Empty رد: على باب الجنة

    مُساهمة من طرف shimaa الجمعة مايو 29, 2009 12:25 am

    السلام عليكم ورحمة الله وبركاته

    كنا متفقين المرة اللى فاتت اننا عايزين نعرف حقيقة الدنيا

    عايزين نعرف اننا مش جايين نكره الناس فى الدنيا لان كلنا بنحب الدنيا ولو حد قال انا مش بحبها يبقى كذاب ولو قلت انا عايزكم ماتحبوش الدنيا يبقى ده كذب

    لكن الاصل ان ربنا ماكرهناش فى الدنيا لذاتها ........الاصل ان لما ربنا اتكلم عن الدنيا قال

    (أرضيتم بالحياة الدنيا من الاخره فما متاع الحياة الدنيا فى الاخرة الا قليل)

    إذن الاصل انى لا انشغل بهذا التراب عن رب الارباب
    لا انشغل بدنيا فانيه بتخلص خلاص(اقتربت الساعة وانشق القمر)من 1400 سنه وزياده

    الاصل انها خلاص ماشية

    كما قال على بن ابى طالب(أقبلت الاخرة وارتحلت الدنيا ولكا منهما ابناء فكونوا من ابناء الاخرة)

    الاخرة جايه والدنيا ماشية عايز تبقى مع مين؟؟؟؟؟؟؟؟؟

    لذلك احنا مش بنتكلم عن كره الدنيا ....احنا هانتكلم عن

    حقـــــــــــيقـــــــــة الدنيـــــــــــــــــــــــــــا

    وبعدين هانترك الاختيار لاصحابنا ..هل هاتمسك فى الدنيا فتضيع حلاوة ما وعدك الله به ..ولا هاتقول لأ انا هاعيش فيها زى ما النبى عليه الصلاة والسلام كان عايش فيها وزى سيدنا سليمان كان عنده ملك الدنيا

    وزى ما ذو القرنين كان ربنا معطيله ملك وبرغم كده للم ينشغل عن رب الملك

    لم ينشغل بالنعم عن المنعم عز وجل وانما حطها فى مكانها وفهم زخارفها صح

    فهم لمعان الدنيا انه لمعان وقتى وفهم كويس اوى ان التعب فى الدنيا تعب وقتى والمنفعه خالده

    ممكن نحفظ ياجماعه الجمله دى

    تعب وتضحية الدنيا تعب وقتى

    والمنفعه خـــــــــــــــالـــــــــــــده

    إذن حقيقة الدنيا القصر .........حقيقة الدنيا انها مزينه وفيها شهوات مركبه فينا علشان ربنا يختبرنا واكيد شهوات الدنيا ممكن تطلع فى الحلال

    يقول المولى عز وجل(زين للناس حب الشهوات من النساء والبنين والقناطير المقنطرة من الذهب والفضه والخيل المسومة والانعام والحرث ذلك متاع الحياة الدنيا والله عنده حسن المئاب)

    ولكن ربنا بعد كده عنده الاحلى

    (قل أؤنبئكم بخير من ذلكم للذين اتقوا عند ربهم جنات تجرى من تحتها الانهار خالدين فيها )

    انت متخيل يعنى ايه خلود...........فى متع الجنه

    (مش هانطلع)

    خلالالالالالالالالالالاص اسند ظهرك كده وانت فرحان .......انت الان ملك تأمر فتطاع فى الجنه

    لانك أمرت فسمعت الكلام فى الدنيا

    60/70 سنه سمعت الكلام فى الدنيا .......فأنت مطاع آلاف بل ملايين بل ما لا نهايه من السنين

    لكن المشكله ان الشيطان مش سايبنا

    لما كفر بربنا قال لربنا انا هادخلهم النار وانا عارف المدخل اللى اقدر اشدهم بيه بعيد عنك يارب(لأزينن لهم فى الارض ولأغوينهم أجمعين)

    انا عارف ايه اللى هايخلى عينيهم تزغلل فيتركوا طريق الجنه اللى فيه مصاعب وهى طبعا المصاعب دى ثمن الجنه

    وطبعا انتو فاكرين المبدأ اللى اتفقنا عليه

    (الكل عايز يفوز ويكسب بش مش الكل مستعد يضحى علشان يكسب

    ربنا عز وجل خلىالشيطان ينطق بالكلمة دى وفيها نصح لينا الشيطان قال
    (الا عبادك منهم المخلصين)

    اللى هايعرف حقيقة الدنيا وان كل المتع زائله واقدر استمتع بيها فى الحلال بدل ما تطلع فى الحرام وتسلب منى حلاوة المتع وللاسف تسلب منى الاخره

    ونكمل حقيقة الدنيا المرة الجاية ان شاء الله

    ربنا يحبكم جميعا ويرضى عنكم ويرضيكم عنه

    حور الدنيا
    حور الدنيا
    مراقبة الأقسام
    مراقبة الأقسام


    انثى
    السمك
    عدد الرسائل : 2313
    العمر : 37
    مزاجك ايه النهرده : على باب الجنة - صفحة 3 Glg10
    نقاط : 1305
    تاريخ التسجيل : 26/10/2008
    السٌّمعَة : 49

    على باب الجنة - صفحة 3 Empty رد: على باب الجنة

    مُساهمة من طرف حور الدنيا الجمعة مايو 29, 2009 12:56 am

    ربنا يحبك ويرضي عنك ياشيماء


    اللهم لا تجعل الدنيا اكبر همنا
    7ob El-7iah
    7ob El-7iah
    نائب المدير
    نائب المدير


    ذكر
    الثور
    عدد الرسائل : 2011
    العمر : 33
    مزاجك ايه النهرده : على باب الجنة - صفحة 3 5510
    نقاط : 1424
    تاريخ التسجيل : 25/10/2008
    السٌّمعَة : 38

    على باب الجنة - صفحة 3 Empty رد: على باب الجنة

    مُساهمة من طرف 7ob El-7iah الجمعة مايو 29, 2009 7:10 am

    ربنا يرضى عنكم ياااااااارب

    على فكرة الحمد لله بحاول اتابع معاكم صوت وصورة

    وقرآءة كمان

    وربنا يسهل و تبقى فيه كتابه بس ادعولنا نخلص امتحانات
    rehan
    rehan
    مشرفه
    مشرفه


    انثى
    عدد الرسائل : 1246
    نقاط : 576
    تاريخ التسجيل : 25/10/2008
    السٌّمعَة : 40

    على باب الجنة - صفحة 3 Empty رد: على باب الجنة

    مُساهمة من طرف rehan السبت مايو 30, 2009 2:06 pm

    ربنا يعزكم ويبارك فيكم يااااااااارب

    حلقة جميله ياشيماء

    واحنا فى انتظار الباقى

    يارب لقد أسمعتنا عن حقيقة الدنيا .لحكمة ولأنك تريد بنا خيرا
    فأتمم علينا فضلك
    واكرمنا بالعمل فى هذه الدنيا كما تحب وترضى


    الدنيا امتحان للمؤمن وغير المؤمن
    خلينا يارب نعدى منه بسلام ونكون فية من الناجحين الفائزين

    ياااااااارب ارضى عنا يارب



    قرب الرحيل الى الدار الأخرة ........
    فاجعل اللهم خير عملى أخره.........

    shimaa
    shimaa
    نائبة المدير
    نائبة المدير


    انثى
    الحمل
    عدد الرسائل : 2031
    العمر : 37
    مزاجك ايه النهرده : على باب الجنة - صفحة 3 310
    نقاط : 984
    تاريخ التسجيل : 25/10/2008
    السٌّمعَة : 52

    على باب الجنة - صفحة 3 Empty رد: على باب الجنة

    مُساهمة من طرف shimaa الأحد يونيو 07, 2009 3:47 pm

    نكمل ان شاء الله حقيقة الدنيا

    احنا اتفقنا ان الصح اننا نتكلم عن حجم الدنيا وحجم الاخرة فلما نتكلم عن حجم الاخرة ورضا ربنا فى الاخرة وجوار النبى فى الاخرة ولقائى مع امواتى اللى بحبهم فى الاخرة واتكلم عن حجم الدنيا البسيط

    هلاقى نفسى كده غصب عنى اتعلقت بالكبير وسيبت الصغير بحيث انى مش هاكره الدنيا لاننا مش المفروض نكره الدنيا احنا المفروض ننشغل بغيرها بالاخرة لذلك قال رب العالمين

    (من كان يريد العاجله عجلنا له فيها ما نشاء ولمن نريد ثم جعلنا لهم جهنم يصلاها مذموما مدحورا)

    يعنى هاديلك الدنيا بس (لمن نريد)مش انتو عايزين شوية التراب دول ماشى بس فى حتى ناس عايزينها ومش هاتاخدها وبعد كده هايبقى ندمان انه ضحى بحلاوة الاخره

    (ومن أراد الاخرة وسعى لها سعيها وهو مؤمن فأولئك كان سعيهم مشكورا)

    انتو تستاهلوا الاخرة وتستاهلوا جنة الدنيا وهى رضا ربنا والسعاده لان انتو ضحيتوا بشوية التراب دول

    عايزين نعرف حجم الثواب لما أمشى ورا كلام ربنا.......وحجم الخسران لو نسيت كلام ربنا عز وجل ومعاه رضا ربنا ومعاه جايزة ربنا فى الدنيا والاخره والثبات والسكينه

    وجنة الاخرة خير وأبقى.....ورؤية ورضا ربنا فى الاخرة خير وأبقى.......وقاعدة النبى جنبنا فى الاخرة خير وأبقى

    علشان كده مش لازم اتمسك بشوية تراب وهو اصلا ربنا خلقه من أجلى فسيبه هايجيلك

    والله هايجيلك

    لان ربنا سبحانه وتعالى قهار

    (لا يكون فى ملكه الا ما يريد) فإذا اتبعت القهار هايسخر ليك الدنيا تحت قدمك
    وخلى بالك احيانا بعض الناس يقول طيب ما انا بعدت عن المعاصى اهو بس فين الفلوس بقى

    هو شايف ان الاولى والاحسن ليك ماتبقاش غنى احسن تطغى بالفلوس دى وتدخل النار

    بس فى نفس الوقت يديك سعادة الاغنياء ........ازاى؟

    بقدرة الملك وارادة الملك سبحانه وتعالى الفعال لما يريد

    قال الله للنبى النصيحه دى ولكل واحد فينا(لا تمدن عينيك الى ما متعنا به أزواجا منهم زهرة الحياة الدنيا لنفتنهم فيه ورزق ربك خير وأبقى)

    ربنا بيقولنا اوعى تبص على اللى فى ايد غيرك اوعى تبص على الدنيا

    وشبه الدنيا بالزهرة لقصر عمر الزهور ايام قلائل وتموت ضعيفه جدا جدا

    فلا تمدن عينيك الى هذا الشئ القصير الضئيل امام رزق ربنا ورزق ربك خير وأبقى

    قال صلى الله عليه وسلم (الدنيا سجن المؤمن وجنة الكافر)

    سجن المؤمن يعنى مش خنقه....يعنى مرتبط بقواعد ولما انت بتسبها بتنطلق للحريه بجد انت لست حرا.انت عبد واحنا سعداء وفرحانين ان ربنا هو ربنا واننا بنتبع امة النبى عليه الصلاة والسلام

    اما الكافر عايش فى الدنيا له ما يشاء ماعندوش حاجه اسمها حرام يعنى جنة الكافر لان اصلا اللى فيه ده نعيم اوى بالنسبه للى هايشوفه فى الاخرة

    (ويوم يعرض الذين كفروا على النار أذهبتم طيباتكم فى حياتكم الدنيا واستمتعتم بها فاليوم تجزون عذاب الهون

    خلاص انت كل الحرام أخدته

    وكذلك الدنيا سجن المؤمن يعنى اى حاجه حلوة تكون عنده ياااااااااااااه حاجه بسيطه اوى بالنسبه للى هايشوفه ان شاء الله فى جنة رب العالمين

    والصالحين عارفين كويس اوى قيمة هذه الدنيا وانها قربت تخلص وان كل حاجه ربنا حرمها فى الدنيا خلق لها مباح

    اذن لو سمحت ارتفع معانا للرحله .اصل ما ينفعش نتكلم عن رحلة الاخره واحنا لسه ماسكين فى الدنيا


    ونكمل المرة الجاية ان شاء الله


    ربنا يجعلنا ممن يستمعون القول فيتبعون أحسنه
    حور الدنيا
    حور الدنيا
    مراقبة الأقسام
    مراقبة الأقسام


    انثى
    السمك
    عدد الرسائل : 2313
    العمر : 37
    مزاجك ايه النهرده : على باب الجنة - صفحة 3 Glg10
    نقاط : 1305
    تاريخ التسجيل : 26/10/2008
    السٌّمعَة : 49

    على باب الجنة - صفحة 3 Empty رد: على باب الجنة

    مُساهمة من طرف حور الدنيا الأحد يونيو 07, 2009 4:10 pm

    الله يعزك ياشيماء


    جزاك الله خيرا

      الوقت/التاريخ الآن هو الجمعة مارس 29, 2024 3:46 am