مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

    ليس الأمر أننى عبقري .. ليه ؟

    شاطر
    avatar
    عمرو
    عضو جديد
    عضو جديد

    ذكر
    الدلو
    عدد الرسائل : 10
    العمر : 33
    العمل/الترفيه : Senior Software Developer
    نقاط : 16
    تاريخ التسجيل : 23/05/2009
    السٌّمعَة : 10

    ليس الأمر أننى عبقري .. ليه ؟

    مُساهمة من طرف عمرو في السبت أكتوبر 17, 2009 6:29 am

    ليس الأمر أننى عبقري ، كل ما هنالك أنى أجاهد مع المشاكل لفترة أطول .. ألبرت أينشتاين.





    مقولة حقا رائعة و لكن تتحطم عندما نقول " خلاص زهقت " مش قادر أكمل


    يا ترى ليه الواحد ساعات كتير بيزهق بسرعه ؟


    قرأيت مرة أنه كانت مشكلة انه طالب مش بيصبر علي المذاكرة كتير فعلل
    المستشار قائلا ذلك لأنه مش مركز على هدفه



    طيب هي ايه الحاجات اللى الواحد لازم يصبر عليها و يجاهد اكتر ليها؟


    "أيوه لازم الواحد يكون عنده قوة اراده و عزيمة" ... كلام
    حلو خالص بس ازاي ؟ و ايه اللي يخلي الواحد يجاهد و يصبر و يحاول و يكرر .. أكيد
    فيه حاجات تانيه غير وضوح الهدف ..



    طيب مش ممكن الواحد بيحاول في حاجه مش صح من اساسا أو ممكن تكون
    الطريقة هي اللي مش صح . ؟



    وارد


    شاركونا بارائكم
    avatar
    خالد مصطفى
    عضو جديد
    عضو جديد

    ذكر
    السمك
    عدد الرسائل : 24
    العمر : 36
    العمل/الترفيه : مسئول قسم الكمبيوتر بإدارة تنفيذ الأحكام المدنية بمحكمة شبين الكوم الإبتدائية
    نقاط : 44
    تاريخ التسجيل : 20/05/2009
    السٌّمعَة : 13

    رد: ليس الأمر أننى عبقري .. ليه ؟

    مُساهمة من طرف خالد مصطفى في السبت أكتوبر 17, 2009 9:32 pm

    ما شاء الله أخى عمرو .. عودا حميدا بمشاركات متميزة وهذا عهدى بك دوما ..
    نورت المنتدى يا أبا البراء ..
    ليس الأمر أننى عبقري ، كل ما هنالك أنى أجاهد مع المشاكل لفترة أطول .. ألبرت أينشتاين
    المقولة فعلا رائعة .. وحكاية المجاهدة مع المشاكل دى من أهم المهارات والصفات اللى الواحد يتمنى يوصل فيها لأبعد مدى ..
    وعلى فكرة شعوبنا العربية خاصة مشهورة بحكاية النفس القصير .. وحتى الأستاذ عمرو خالد ذكر النقطة دى أيام حملة حماية .. لما قال إنه تعمد إنها تكون خمس أسابيع فقط .. لأن إحنا نفسنا قصير وبنزهق بسرعة ..
    وخلينا نحلل موضوع النفس القصير وسرعة الإصابة بالملل ده ..
    الأول هنتفق إن الشعور بالملل أحيانا ده شىء طبيعى لما بتكثر علينا الضغوط وتحيط بنا المشاكل وتواجهنا الأزمات ..
    كمان روتينية الحياة ورتابتها من أهم أسباب الشعور بالملل ..
    لذلك فوجود هدف فى الحياة ده شئ مهم جدا عشان الملل ما يتسربش لحياتنا ..
    وكل ما كان هدفك كبير وواضح كل ما بعد الملل والإحباط عنك ..
    وكمان لازم تكون مؤمن بهدفك ده جدا وتحلم بيه علطول وتتخيله وكأنه واقع أدامك ..
    لأن الإيمان بالهدف هو اللى هيخليك تتحمل المتاعب والصعاب فى سبيل الوصول إليه ..
    وبالتالى كل ما هتزهق ويتسلل إليك الملل هتتذكر هدفك ووتخيله أمامك وقد تحقق .. فهترجع تانى بسرعة
    تسترد نشاطك وحيويتك علشان تنجز خطوة أخرى فى سبيل الوصول لهدفك ..
    لذلك لو كان العمل اللى بتعمله مش هيوصلك لهدفك اللى انت مؤمن بيه .. يبقى سهل جدا إنك تحبط وتيأس ويصيبك الملل بسرعة ..
    كمان حاول تنوع فى أساليب تحقيق خطوات الوصول للهدف ..
    يعنى بالنسبة لواحد هدفه إنه يطلع الأول على دفعته .. فالمذاكرة الجادة هى من أهم سبل الوصول لهدفه ..
    لكنه مع ازدياد ساعات المذاكرة هيشعر بملل أكتر .. لأنه بيعمل نفس الشئ لفترات طويلة ..
    هنا لازم نقول له نوع فى أسلوب مذاكرتك .. يعنى جربت تذاكر بالخريطة العقلية ؟؟ طيب هل عرفت إيه هى أفضل الأوقات بالنسبة لك اللى ممكن تذاكر وتنجز أكتر فيها ؟ طب إيه هو ستايلك فى المذاكرة ؟ لأنه فى 5 ستايلات فى طرق الفهم والاستيعاب تتنوع الناس فيما بينهم ؟
    كل ده هيساعدك أكتر على إنجاز عملك بملل أقل ..

    وعموما .. ده رأييى وقد أكون صح وقد أكون غلط .. لكن الأكيد عندى إنه الاتنين مع بعض ..
    -------------------------------------------------------------
    الحياة ليست فقط بالأبيض والأسود .. أيضا هناك الرمادى بدرجاته اللامتناهية ..
    -------------------------------------------------------------

    ملحوظة هامة : لما عملت سيرش على نصائح مهمة للقضاء على الممل على جوجل .. أكتر الموضوعات اللى ظهرت لى كانت خاصة بالملل عند البنات وكيفية التغلب عليه !! هى إيه الحكاية؟!! أكيد واحدة من أخواتنا على المنتدى تقدر تفسرلنا الموضوع ده !!
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: ليس الأمر أننى عبقري .. ليه ؟

    مُساهمة من طرف الملاك الحائر في الأحد أكتوبر 18, 2009 3:12 pm

    بعد شكر حضرتك يا أستاذ عمرو على المقولات اللي حقيقي قيمة جدا، واللي ان شاء الله هشارك فيها لما يتيسر الوقت، بس ما أثارني الآن هو السؤال الأخير لأستاذ خالد مصطفى واللي هقول وجهة نظري فيه عالسريع:
    الملل عند البنات...وليه هم بيعانوا منه أكثر من الولاد....أفتكر ده موضوع السؤال...
    طيب
    بشكل عام البنت العادية بتبقى دائما في دور "المفعول به" بينما يتحلى الرجل -في أغلب الأحوال-بدور "الفاعل"
    المقصود
    ان حضراتكم-الشباب يعني- لما بتتخرجوا مثلا بيقى كل تركيزكم على الشغل، وطموحكم بيشغلكم للدرجة اللي ممكن تنسيكم أو علأقل تطغى على الجانب العاطفي من حياتكم... وكمان الشاب بيتزوج لما يحب يتزوج، وفي حالة الناس اللي ظروفها المادية مش بتساعدها فعالأقل بيخطبوا....
    أما البنت فالوضع بيكون مختلف شويتين
    لما بتتخرج لو ملقيتش شغل، ومكنش ليها نشاط اجتماعي فبتبقى حبيسة المنزل أوبتزهق من الخروجات على حسب يعني
    وبالنسبة للزواج فطبعا دا شيء ملهاش أدنى قرار فيه.... اديها بتستنى ابن الحلال وخلاص ...هتعمل ايه يعني...

    كل الكلام ده كان مجرد مبرر أو تعليل لسؤال حضرتك لكنه طبعا لا يعكس الصورة المشرقة للكثير من الفتيات...
    أقصد : إني قلت في أول كلامي ان "البنت العادية" دي بتكون حياتها....
    ألكن طبعا في بنات الكلام ده لا ينطبق عليهن على الإطلاق على نماذج كتيييييييييييييير من البنات وخصوصا الملتزمات لأنهم بيحاولوا يستثمروا وقتهم في كل ما يرضي الله من طاعات للمساعدة في أعباء المنزل للمشاركة في الأعمال التطوعية... لأن ليهم هدف سامي قوي بيحاولوا يوصلوله وطول ما بيجددوا نيتهم فعمرهم مابينسوا هدفهم وهو رضا المولى عزوجل

    أما البنات التانية فلأن معندهاش هدف بالسمو ده فبيحسوا بالملل اللي حضرتك بتتكلم عنه...
    وكمان حتى بعد الزواج ممكن تلاقيهم بيعيشوا في حياة مملة لأن برضو مفيش هدف فتلاقيها بتفنن في التنكيد على زوجها وإشغاله بالتوافه....




    [img]
    avatar
    خالد مصطفى
    عضو جديد
    عضو جديد

    ذكر
    السمك
    عدد الرسائل : 24
    العمر : 36
    العمل/الترفيه : مسئول قسم الكمبيوتر بإدارة تنفيذ الأحكام المدنية بمحكمة شبين الكوم الإبتدائية
    نقاط : 44
    تاريخ التسجيل : 20/05/2009
    السٌّمعَة : 13

    رد: ليس الأمر أننى عبقري .. ليه ؟

    مُساهمة من طرف خالد مصطفى في الأحد أكتوبر 18, 2009 5:11 pm

    جزاك الله خيرا أيها الملاك الحائر ..
    توضيح مفيد جدا بخصوص موضوع الملل عند البنات ..
    أنا ما كنتش أعرف إن آخر جزء فى مشاركتى هيبقى مثار اهتمام كده ويكون الرد عليه بسرعة !!
    عموما أنا عايز أوضح إنى ما كنتش أقصد أى استهزاء أو إساءة بإثارة النقطة دى .. ده مجرد شئ لفت إنتباهى وحبيت أستفسر عنه .. عذرا لو كان كلامى اتفهم بشكل غير سليم ..
    فعلا حضرتك معاكى حق فى كل اللى قلتيه ، وكمان حضرتك اتفقتى معى فى أن وجود الهدف فى حياة الإنسان وتجديد نيته فى كل عمل هو من أهم العوامل التى تساعد فى إبعاد الملل عن حياتنا ..
    وعموما إحنا منتظرين بقية المشاركة بخصوص الموضوع نفسه ..
    وفقنا الله لكل ما يحب ويرضى ..

    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    التهمة
    كنت أسير مفردا
    أحمل أفكارى معى
    ومنطقى ومسمعى
    فازدحمت
    من حولى الوجوه
    قال لهم زعيمهم : خذوه
    سألتهم :
    ما تهمتى ؟؟
    فقيل لى :
    تجمع مشبوه
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 32
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: ليس الأمر أننى عبقري .. ليه ؟

    مُساهمة من طرف shimaa في الإثنين أكتوبر 19, 2009 12:51 am

    خلاص زهقت .مش قادر اكمل

    هو انا هاتناول جزئيه تانيه ممكن تكون مهمه

    أحيانا من كتر المشاكل والهموم اللى بتبقى حول الانسان ممكن تكون سبب انه يزهق وممكن كمان يتخلى عن هدفه ولو حتى لفترة قصيره

    علشان كده ممكن يكون حل من الحلول اللى تبعد عننا الزهق علشان نقدر نكمل............اننا منبقاش متأثرين بالظروف والبيئه اللى حوالينا


    بمعنى انى ابقى مبادر وليس انفعالى يعنى الظروف والطقس اللى حواليا يبقى تابعين ليا مش انا اللى تابع ليهم

    يعنى احيانا ناس كتيييييير بتتعرض لضغوط ومشاكل كتير وده بيأثر عليهم وعلى اهدافهم علشان كده بيبقوا محتاجين لوقفه مع نفسهم علشان يشوفوا هما رايحين فين


    كان فى عالم نفسى ده كان مؤمن بالحتميه وان كل انسان لازم يتأثر بيبئته وظروفه

    واتعرض للتعذيب كتير اوى هو واسرته فى المعسكرات النازيه فى المانيا ويعنى زى ما بنقول احنا كان خلاص فى قمة يأسه والمه لغاية ما وقف كده فى يوم وبدأ يبص على نفسه من بره كأنه بيبص على شخص تانى وقال انى لازم استغل المحنه دى واحولها لمنحه وفعلا بدأ يتخيل انه بيحكى لتلاميذه عن كل اللى حصل له وبدأ يدرك حاجه مهمه اوى هو سماها اخر الحريات الانسانيه

    اللى هى الحريه فى الاختيار

    يعنى انا اللى اقدر احدد استجابتى من المواقف يا اما اخضع للظروف اللى انا فيها يا اما الظروف هى اللى تبقى خاضعه ليا وتبقى تابع ليا

    هو ممكن اكون بعدت شويه عن صلب الموضوع بس الهدف من كلامى اننا ممكن من البدايه نبعد الزهق والملل من مجرد انى احاول افكر فى طريقة تفكيرى نفسها واحاول ان استجابتى تكون صح



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    7ob El-7iah
    نائب المدير
    نائب المدير

    ذكر
    الثور
    عدد الرسائل : 2011
    العمر : 28
    مزاجك ايه النهرده :
    نقاط : 1424
    تاريخ التسجيل : 25/10/2008
    السٌّمعَة : 38

    رد: ليس الأمر أننى عبقري .. ليه ؟

    مُساهمة من طرف 7ob El-7iah في الإثنين أكتوبر 19, 2009 8:21 am

    الله الله الله الله الله الله

    وسع وسع يا عم الحاج ................... إيه بس الكلام الجميييييييييييييييييل ده ماشاء الله عليكم الله أكبر عليكم

    ليس الأمر أنني عبقري ولكني أجاهد في المشاكل حتى أصل

    سبحان الله وكأن آينشتاين قالها يعني ................ يعني بمعنى صرييييييييح جدا وده ممكن يفيد أوي لو حد عاوز يعمل بحث كامل ومتكامل

    الموهبة لا تأخذ من النجاح نسبة تزيد عن 15% فقط

    يعني تعبك وقدراتك هما اللي هيآخدوا نسبة أكبر جدا جدا جدا

    مثال صغيور أويييييييي ............. المسافة بين بركة السبع ومنوف عبارة عن 1:30 بالمواصلات لو الدنيا رايقة

    وياسلام بقا لو المجمع راجع من شبين وأنت طالع أو لما توصل عند القصر وتلاقس مفيش عربيات عشن المجمع

    أوأيا كانت المشاكل اللي ممكن تواجحهك في اي تحركاتك

    القصد من كلامي بقا هنا إن أكيد نسبة تقدرينا في آخر السنة مش بس بتشمل المذاكرة بتاعتنا دا أكيد فيه نسبة من التعب ده داخله معانا في التقدير .......... والدليل قول الله تعالى "إن الله لا يضيع أجر من أحسن عملا"

    هتقولي أحسن عملا في المذاكرة ....... طيب وهوا أنت هتذاكر أزاي لو مكنتش فتهم وبتحضر وتناقش

    ومعنى أنك تحضر وتناقش يبقى هتروح كل يوم وتعيش مع المواصلات

    لو كل واحد حط في دماغه هدف يناسبه ويناسب إحتياجاته وأصر عليه

    وأخذ في الإعتبار انه لازم يساعد الناس كده إن شاء الله هنلاقي كل حاجة ممكن تكون مظبوطه جدا جدا

    بالنسبة للمقولة يا أستاذ عمرو فجزاك الله عنا كل خير إنك بتخلي الناس تفرغ الطاقات المحبوسة جواها سواء لما تقرأ المقالة أو لما نشوف ردود أخواتنا عليها

    أستاذ خالد بارك الله فيك وماشاء الله على الرد المعبر جدااااااااااااااا ........... بس ياترى إيه هما ال 5 استيالات؟؟؟؟؟

    آنسة ايمان أشكرك بشده جداااااااااااا على توضيحك ده انا امبارح كنت في المدرج وللأسف كان قتعد ورايا بنات ولو كان ينفع أقوم وأ...... بلاش بقا أقول أحسن ربنا يسامحنا ويسامحهم ؟؟؟؟؟

    آنسة شيماء ماشاء الله دايما محور الكلام بيدور حول البحث عن الساعدة الحقيقيه في الحياة حتى لو من خلال التنمية البشرية

    وبقية اخواتنا اللي مردوش أكيد ليهم وجهات نظر كبيييييييييرة أوي في الموضوع ده

    وفي انتظاركمممممممممممم





    بس ياقلبى هقولك سر................... خلاص الحيرة لأت لها بر
    والخوف مبأش جوايه ................والحب حكايته معيه
    إستن ياقلبى كمان.................. شوف النور والأمان
    شوف لما بتباء معه ...............شوف لما تعيش جواه
    القلب بيرجع تانى .....................
    avatar
    malak el- donia
    مشرف
    مشرف

    ذكر
    القوس
    عدد الرسائل : 1344
    العمر : 26
    مزاجك ايه النهرده :
    نقاط : 1162
    تاريخ التسجيل : 25/10/2008
    السٌّمعَة : 41

    رد: ليس الأمر أننى عبقري .. ليه ؟

    مُساهمة من طرف malak el- donia في الإثنين أكتوبر 19, 2009 11:36 pm

    ماشاء الله علي اتلموضوع الرائع يا استاذ عمرو

    وعلي ردودكم اللي ماشاء الله عليها يعني اخدتوا الموضوع من جوانب كتيره

    بس يعني انا عاوز اخد الموضوع من ناحيه حلوه اوي

    وهي ناحيتك انت - ناحيتي ... ناحيتي ايه - اصبر بس

    يعني لما اجي واقولك ياعم الحاج انت وراك كذا وكذا وكذا محتاجين يخلصوا بكره وكذا وكذا محتاجين يتعملوا النهارده وكذا وكذا محتاجين اروح اشوفهم النهارده


    يعني اللي هو انت وراك بلاوي الدنيا وانت ي اي حاجه فيهم هاتروح وانت مش مستمتع نهائي

    بس لما تروح كده وواحده واحده كده تبدا وتحط نيتك كده لله

    وتتوكل علي الله " ومن يتوكل علي الله فهو حسبه " اكيد اعلمل مهما كان باذن الله هيتنجز

    يعني المشكله هنا لاهي مشكله في الشغل الكتير ولا في الزهق والجو الخنقه لكن مشكلتك انت انك مش مدخل ربنا معاك في كل حاجه

    حتي لو انت عبقري وعقلك ايه لكن انت مش متوكل علي الله يبقي انت عبقريتك ده ولا هتعملك اي حاجه ومهما وصلت بعبقريتك حتي اينشتين نفسه

    بعلمه العظيم ده كله هل حس بسعاده في حياته ولو لمره واحده

    ماظنش حتي بنجاح في عمله ماحسش بسعاده حقيقيه

    لأنه ببساطه مش عارف هو بيعمل ده كله ليه

    عشان ايه عشان يكسب فلوس ولا يرضي علمه ولا ايه ؟

    كلها اسباب فانيه لكن الله هو الباقي هو اللي كل رايحله ي الاخر فشوف هتوديه وانت متوكل عليه ولا متوكل علي علمك





    الغصن كم يهوي المياه فاتم لي نصف الحياه يا مالك امري وحالي
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: ليس الأمر أننى عبقري .. ليه ؟

    مُساهمة من طرف الملاك الحائر في الثلاثاء أكتوبر 20, 2009 5:18 pm


    بعد شكركم جميعا على مداخلاتكم الهائلة وكلامكم الجميل حابه أردعالسريع كده إن شاء الله
    هذكر مثالين:
    1- قطرة المياة والصخرة
    2- النملة والصرصار
    معلش استحملوني دقيقتين بس
    1- المياه والصخرة:
    شايفين الصخور اللي بتبقى موجوده على شاطىء أي بحر؟؟ صحيح صخور وقوية جدا وصلبة لكن بتكون نهايتها على إيد ايه؟؟؟؟ قطرات مياه لا تقارن قوتها نهائيا بما تمتلكه هذه الصخرة من قوة...ولكن قطرات الميا ه -المتجمعة في صورة موجه- تفضل تروح وتيجي مرة واتنين ومليون بلا يأس -رغم انها الأضعف- لكن في النهاية بتنجح في تفتيت الصخرة....
    لوكل أهدافنا صخور وما نحن أمامها سوى قطرات مياه، فبتكرار المحاولة ستتفتت تلك الصخور مهما كانت قوتها....

    2- النملة والصرصار
    موقف حصل قدامي وياريت محدش يستغرب طول بالي فيه لأني بحب التأمل:
    مرة شفت صرصار ميت وفي نملة بتقرب منه بس أنا مش فاهمة عايزة ايه منه، ومستغرب كمان ضعفها وصغر حجمها بالمقارنة بيه...المهم فضلت النملة تقرب منه وتبعد ...تروح وتيجي..وكررت المحاولة كتير قوي وأنا مش فاهمة برضو ازاي هتنجح....شويه شويه لقيت فيه نملة تانية جتوبعدها كمان نملة وكمان نملة لغاية ما لقيت عددهم كتر قوي ساعتها أنا كنت سرحت بس الي خلاني أ؟نتبه اني لقيت الصرصار بيتحرك..أتاري النملة دي كانت بتروح تجمع أصحابها لغايه ما فعلا بالتكرار والمحاولة قدروا يشيلوا هذا
    الصيد الثمين بالنسبة لهم
    مجرد موقف رغم ان الكثير قد لا يكترث له لكن بجد اتعلمت منه جدااااااااااااااااا قيمة المحاولة وعدم اليأس.....
    لسه لكلامي بقية ولكن نكتفي بهذا القدر دلوقتي....
    *******
    الفاضل أستاذ خالد....لا داعي للاعتذار كلام حضرتك سليم مليون في المائة وأشكر حضرتك انك لفت نظرنا لشيء واقعي ومهم جداااااا



    [img]
    avatar
    عمرو
    عضو جديد
    عضو جديد

    ذكر
    الدلو
    عدد الرسائل : 10
    العمر : 33
    العمل/الترفيه : Senior Software Developer
    نقاط : 16
    تاريخ التسجيل : 23/05/2009
    السٌّمعَة : 10

    رد: ليس الأمر أننى عبقري .. ليه ؟

    مُساهمة من طرف عمرو في الأربعاء أكتوبر 21, 2009 2:26 am

    مشاركات زاكية جدا علي رأي واحد صاحبي أردني – زاكية يعني ممتازة


    بس كنت لي تعليق بخصوص هل
    الطريقة و الوسيلة المستخدمة بخصوص تحقيق الهدف و عدم اليأس من تكرار المحاولة



    ممكن هدفك -المرحلي- مثلا ان
    تحب تشتغل بشركة فلانية و بعدين قلت لازم أكون عارف كيت و كيت و كيت ومنها قلت ان مثلا عايز تتقن لغة أجنبية و لتكن
    الأردية أو الفارسية مثلا لأنك تحب تكون مميز و تثقل السيرة الذاتية الخاصة بيك



    و بعد محاولة أولى لتعلم اللغة وجدت صعوبة و مليت و تركت تعلم اللغة
    فهنا لو حاولت تتعلمها مرة أخرى يبقى أنت كدا يبقى بتحاول محاولة مش صح و عمرها ما
    بتوصلك للهدف لأنهم مش عايزين ببساطة اتقان هذه اللغة.



    كنت باجتماع مع مديري مرة فنصحني أن الواحد يكون دايما في كادر الصورة
    يعني مثلا مش يعقد يظبط بحاله و هو مش طالع في الصورة لازم تكون عارف انك دلوقتي
    فعلا وضعك صح و في الكادر و هو فعلا دا المطلوب مش اي حاجة تانية



    ما أقصده هي المرونة في اتخاذ الوسيلة المناسبة للهدف و لازم يكون في
    رأيى يكون في فيه عامل أو factorعلي الأقل متغير عن كل محاولة سابقة .






    مش كدا و لا ايـــــــــــــــــــــه ؟


    موضوعنا القادم سيكون أكثر سخونة ... تابعونا – هذه ليست نهاية للموضوع المجال مفتوح للرد و التعقيب طبعا
    avatar
    7ob El-7iah
    نائب المدير
    نائب المدير

    ذكر
    الثور
    عدد الرسائل : 2011
    العمر : 28
    مزاجك ايه النهرده :
    نقاط : 1424
    تاريخ التسجيل : 25/10/2008
    السٌّمعَة : 38

    رد: ليس الأمر أننى عبقري .. ليه ؟

    مُساهمة من طرف 7ob El-7iah في الأربعاء أكتوبر 21, 2009 9:17 pm

    معلش أسمحولي أكتب بس زي تعليق بسيط لإنه أستثارني جدا توقيعك يا باشمهندس عمرو

    هو بس الأول عذرا يعني أنما إسمي محمود عليمي كلية الهندسة الإلكترونية

    ممكن تستغربوا من الكلمة دي بس عادي يعني هيا للبسشمهندس عمرو

    المهم أرجع تاني للتوقيع

    السعي دائما للنجاح محاط بالمخاطر دائما و كلما ارتقيت اكثر كلما زادت فرص وقوعك من القمة

    هيا سبحان الله كإن الكلمة دي المفروض أشوفها دلوقتي ...(ويمكن أنا أتشهرت بالحكاية دي )

    بس فعلا أحلى حاجة لما تبقى خلاص هتنفجر وتلاقي اللي يبردك شوية بشوية

    بس البحث دلوقتي لازم يكون أزاي تثبت هناااااااااااااك

    في المكان اللي وصلت ليه وتسعى للرقي فيه

    جزاكم الله خيرا



    بس ياقلبى هقولك سر................... خلاص الحيرة لأت لها بر
    والخوف مبأش جوايه ................والحب حكايته معيه
    إستن ياقلبى كمان.................. شوف النور والأمان
    شوف لما بتباء معه ...............شوف لما تعيش جواه
    القلب بيرجع تانى .....................

      الوقت/التاريخ الآن هو السبت أغسطس 18, 2018 8:11 am