عاشر من تعاشر فلابد من .........الفراق!!!!!!!!!

عندما تبدأ بضم حاجاتك .. وأعينهم تترقب بصمت ..
.وأفواههم مطبقة رعباً من لفظ الوداع


فتضم عينيك أعينهم ..
وتأبى كلماتك وأحرفك الترجل ..
..معلنة لك رفضها لانسلالك من بينهم

فتبحث عنهم ..
..لتراهم هنالك تتوسلك أعينهم بالبقاء
! وتصافحك أيديهم على أمل اللقاء


…وتبدأ تعليقاتك المازحة بمحاولة يائسة منها لتلطيف الجو المشحون بأتراح الوداع
..فتخسر لأول مره رؤية ابتسامتهم
..وسماع قهقهتهم فتستسلم بطبع قبلات الوداع على وجناتهم ..
..ومنحهم ابتسامة يتيمة
..فيبادلونك بدموعٍ … وكلمات أبت أن تُلفَظ يومها

مُخلفاً لهم بعضاً من بقاياك ،، خوفاً من اغتيال مساحتك في ذاكرتهم …
..وخوفاً من رحيلك التام من أيامهم القادمة
..فتبدأ دموعك بالانهيار
.. حتى على تلك اللحظات البائسة بينهم
..فمرارتها تتحول لحلاوة في تلك اللحظات
..عيوبهم تتحول لمزايا وحسنات
..فتحن لهم منذ أول لحظة فراق
.وتحن لحكايا طالما أزعجتك وأثارت تذمرك
لسخافات كثيراً ما عكرت مزاجك

وتتسائل .. هل سيظل الحنين وهل ستظل معلقاً في ذاكرتهم !
!..أم ستطويك الأيام والسنين
!!وستصبح مجرد شخص مجهول الهوية بعد سنين قادمه

تمام اوى ربنا يكرمكم يارب

كده انتو فعلا اتكلمتوا فى محورين اللى هما ممكن يكون قائم عليهم الموضوع اللى اساسه فى الاول والاخر ان فى فراق

سواء الفراق ده كان بالموت

او الفراق كان بين الناس وهما لسه على قيد الحياه

بس اكيد احنا متفقين انه فى كلا الحالتين الفراق بيبقى صعب اوى على النفس من كلا الطرفين

فكرة انك تكون مع حد بتحبه وعايش معاه فى كل لحظه وبيشاركك افراحك واحزانك يعنى حد مهم بالنسبه ليك وفجأه...............................

خلاص مابقاش موجود سواء انتقل لدار اخرى واللى هى اصلا احنا اتخلقنا علشانها والدنيا مجرد مرحله وكان فى مثال سمعته من معز مسعود اننا كلنا قاعدين فى الدنيا وكأننا فى مطار كل واحد قاعد مستنى طيارته الخاصه اللى اكيد هاتيجى تاخده فى يوم من الايام

بس بتفرق بين كل واحد والتانى .......فى حد قاعد وهو على يقين وصاحى اوى وفايق للميعاد وانها اكيد هاتيجى علشان كده بيعمل لليوم ده ومستعد ليه

وواحد تانى غافل واهو قاعد وخلاص بس نسى انه فى يوم من الايام هايسيب المطار ويمشى

او الجانب التانى انه لسه فى الدنيا بس لظرف او آخر حد عزيز عليك بعد عنك وكان بالنسبه ليك برده حاجه كبيره وغاليه وساعتها اكيد لحظة الفراق بتبقى من اتعس اللحظات اللى فى الدنيا


سواء فى كلا الجانبين يبقى سؤال

وتتسائل .. هل سيظل الحنين وهل ستظل معلقاً في ذاكرتهم !
!..أم ستطويك الأيام والسنين
!!وستصبح مجرد شخص مجهول الهوية بعد سنين قادمه

والاجابه طبعا اننا لازم لازم يفضلوا جوانا بأى صورة من الصور ونفتكرهم دايما بالخير