ورشة عمل..*(الصحبة الحلوة)*..

يا جماعة ياريت الكل يدخل ويكتب اقتراحة بالنسبة ليوم الجمعة الجاي ياترى ايه اللي ممكن نعمله؟؟؟؟؟؟

عشان النادي الإجتماعي

ياريت كل واحد يدخل يقول فكرة جديدة ويعلق علة فكرة اللي قبله

ياخبر

كل ده ونا مش موجود

طيب هعديها المرة دي

مبدأيا الإقتراح مش وحش
بس اصلا هما قعدوا في الجمعية عشان ميهزقوش

بس جميل تفكيركم والفكرة حلوة

وصحيح ياريت حد يعفرلنا إيه آخر اخبار اللجنة الفنية

ياترى عملوا ايه في الغرفة الداخلية

وياترى هيعملوا مكتبة صغيرة برده كده للأطفال ولا نوووووو

يعني حد يواتينا بآخر آخبارهم

هو اللى أنا أعرفة
انهم فعلا شاغلين
والسبت اللى فات هموا فضوا الحجرة

وفية واحد نقاش ربنا يكرمه متبرع انه يدهن الأوضة لينا كمساهمه منه

ربنا يجزية خير

وهما فعلا مستمرين فى التجهيز

ماشاء الله

الهم بارك

بصوا ياجماعة

هو فية حاجة وعوزة أعرف رأيكو فيها


عرفت النهاردة ان اسلام
تاريخ ميلاده يوم


13/12


ان شاء الله وفكرت اننا نعمله عيد ميلاد

الأول اسلام ده طفل من أطفال الدار
بس عشان كل النا ستكون عارفة ومتابعة معانا

المهم اية رأيكوا
شكل اليوم يكون ازاى؟؟؟؟؟؟؟

مبدأيا موافق جدا

ونشوف بقا باقي الناس هتقول ايه

:sla2:
كل سنه وأنت طيب يا اسلام

وان شاء الله نحتفل كلنا بعيد ميلاد الفتوه اسلام

على فكره كنت عندهم النهارده ولأول مره ينطق اسمى وبجد كنت مبسوطه أوى لما سمعت صوته

احنا ممكن نقضى معاهم اليوم كله فى الدار أو فى نخرجهم فينسيا مثلا ويبقى معانا التورته

ربنا يكرمك يارشا

وأنا كمان كان عندى تصور قريب من كده بردوا

بس أنا كنت بفكر أخد كمان كام طفل من أطفال الأسر ويكون تاريخ ميلادهم فى نفس الشهر
وكمان لو فية عضو مننا
ونحتفل بيهم كلهم مع بعض فى مكان مفتوح

ونعملهم كده زى حفله صغيرة

أيه رأيكوا؟؟؟؟؟

يلا بقى قولولى نعمل ايه ونجهز لليوم ده ازاى؟؟؟؟

عشان بجد نفسى نعمله أوى

طب يا جماعة الكلام جمييييل جدا بس معلش

الأولوية ليوم الجمعة الجاي شوفوا هتنظمه ازاي

بس هيكون فيه مشكلة عشان ممكن محدش يجي خالص هنكون صابحين عندنا امتحانات

يعني الجمعة الجاية هتكون صعبة تواجدنا فيها

لو تخلوها في الجمعية وتفرجوا الاطفال على فيلم كرتوني هادف

ندكوا مثلا رحلة سلام ....بيحكي قصة سورة الفيل
وبرده أسد عين جالوت....بيحكي قصة قطز مع الماغول
وبرده محمد الفاتح...قصة الشاب الذي فتح القسطنطينية

وغيرها وغيرها بجد هتكون فكرة جميلة اوي

هما وانت معاهم تتفرجوا على الفيلم ده وبعدين يبدأ النقاش مثلا استفدنا ايه وهنعمل ايه بعد كده والكلام ده كله

http://video.do7a.com/img1544.htm

دا رابط لفيلم محمد الفاتح ممكن حد ينزله ويبقى يآخده معاه الجمعية وتشغلوه على الجهاز مع الأطفال

على فكرة الفيلم ينفع لكل الأعمار واتحدى ان محدش هيطلع وهوا مش مستفيد

ملاحظة في آخر الصفحة هتلاقوا باقي الأجزاء

يعني ياريت يتحمل كله سواء بقا من الجمعية او من بره واللي يحمله يبقى يوديه للاطفال

يارب الفكرة تعجبكم

الصراحة مش عارف ف ايه بالظبط

بس انا عندي بيظهر عادي جدا جدا

اول لما بدخل على الصفحة هو لوحده بيشغل الفيديو

بس طبعا بيقطع جامد وبيكون علي من فوق عندي

download this video

بصراحة معنديش بقا اي فكرة اعذريني

انا كمان مش اشتغل عندي

هو احنا ان شاء الله
هنكون فى الجمعية تقريبا من الساعة التاسعة صباحا
عشان الكورس ان شاء الله

المهم بقى بعدها هنقعد كده نتفق مع بعض على اية اللى ممكن نقوله للأطفال
يعنى نحط برنامج بسيط كده


وان شاء الله ياجماعة فى يوم السبت اجتماع الساعة واحدة ونصف كده
عشان فية حاجات كتيييييير عوزين نتكلم فيها

زى

معرض خيرى للملابس
_ تكوين folder
للدعابة بالصور كمان هيكون معاه CD
- كمان يوم عيد الميلاد للأطفال

والله المستعان
يلا ياجماعة شدوا حيلكوا

ها يا جماعة

اه الأخبار عملتوا ايييييييه النارده

حد يدخل ويقول تقرير كده

على فكرة انا تصلت على الجمعية الساعة 4:30 كده ومحدش رد عليا

شكلكوا طلعتوا بره برده

يلا منتظر منكم الأخبار

هو النهاردة والحمد لله كان يوم عجيب

هو كان متعب شوية بس جميييييييل

مخدناش كورس النهارده
فقررنا اننا نعمل زيارة للمسنين

وروحنا فعلا للحاجة السيدة
وكمان الحاجة أمينة

وماشاء الله كانوا فرحانين بينا جداااااااااااا الحمد لله
وحتى الحاجة أمينة دى ربنا يديها الصحة يارب
مكنتش مصدقة فعلا اننا جينلها مخصوص
وجد ست حلوة أوى
والحمد لله خرجنا مبسوطين كلنا

اللهم لك الحمد

وشوفنا كمان أطفال الدار وقعدنا معاهم شوية

أما بقى النادى الاجتماعى

فهو مجاش غير غيداء ومبارك وحسين وكان باسم موجود

بس طبعا زعل ومشى

وشافو معانا كده فى الأول كليبات الحفلة بتاع دار الأيتام
وبعدين شيماء اشتغلت معاهم فى القران
وبدات تعلمهم النطق الصحيح وما شاء الله عليهم كانوا مستجيبن

وكمان قعدنا نقول الحروف الهجائية كلنا سوا
عشان يحفظوها كويس

هو الوقت مكنش طويل بس الحمد لله كان مفيد
ومقعدناش أكتر من كده عشان بصراحة اليوم كان متعب


اية رأيكوا بقى؟؟؟


اللهم اجعل هذا العمل خالصا لوجهك الكريم يارب العالمين ولا تجعل فية لأحد منه نصيب

اللهم تقبل منا واقبلنا على ما كان منا

طبعا جزاكم الله خيرا كثيرا

بس انتم مش شايفين ان الوضع كده بدأ يقلق شوية

يعني محدش جه غير 4 بس

طبعا معكم يومها كان كويس عشان محدش اصلا من الأعضاء جه

بس المشكلة بجد لازم نشوفلها حل

يعني انا بقترح بصراحة حد يدخل كده الأول ويبدأ يقول خلال الأسبوع ده المفروض ايه الأعمال المطلوبة بالظبط

يعني هل هيكون فيه معرض ولا لأولو فيه هيكون امتى وفين؟؟؟ عشان يعني على ما نخلص على يوم الخميس ان شاء الله نكون مستعدين للموضوع

بالنسبة لجلود الأضاحي؟؟؟؟ايه النظام وبرده اللحمة هتكون امتى وازاي؟؟؟ معلش اصلي اول مرة احضرها

برده النادي الإجتماعي ؟؟؟؟ياترى ممكن نحله ازاي

وهل فيه حجات تانية غير دول المفروض انها تتعمل؟؟؟

ياريت كل واحد يدخل يجاوب على الأسئلة على حد علمه عشان:-

يكون نكون على اتصال معاكم بس على ما نخلص امتحانات

وبرده نكون جاهزين على طول ومنخدش وقت في الشرح تاني

جزاكم الله خيرا كثيرا

وأعناننا الله جميعا على فعل الخير مهما كان

طب كويس جدا ماشاء الله

عموما ان شاء نكون خلصنا على يوم الخميس واحنا راجعين من الكلية هبقا اعدي عليكم ومعايا الشباب ان شاء الله