حديث الأخوة

تمام كده والله يابشمهندس امجد ربنا يكرمك

ياترى بتفكر تسيب هنا ..مش صح برده.........طيب بتسيب هنا ده قد ايه؟؟؟؟

تقدر تسيب المكان اللي بجد روحك فيه؟؟؟؟؟؟؟

أكيد لأ..... ومش صح

بما اننا فى حديث الاخوة يعنى يبقى نتكلم بقى براحتنا

أصلا ماينفعش بكل المقاييس حتى لو الفكرة دى خطرت على بال اى حد هيلاقى فى نفس الوقت حد جواه بيقوله ايه اللى انت بتقوله ده لأ طبعا لا يمكن يحصل

وحتى لو جرب وبعد مش هايقدر اصلا هيلاقى برده حاجه بترجعه لان حتى لو راح لمكان تانى هايكون مفتقد لحاجات كتير حاسها فى المكان ده ودى عن تجربه واكيد اللى جرب حاسسها كويس اوى

وبعدين بدام معروف انها وساوس للشيطان ليه بقى بنستسلم بسهوله

ولو فضل الاحساس ده مسيطر علينا خلاص كل حاجه هاتروح

لعاشر مرة بقولها والله هى مجرد وقفه مع النفس .......ايوة كلنا بنحس بالخنقه بس لفترة وماينفعش الفترة دى تطول نهائى لانها لو طولت هانروح فى طريق مش هانعرف نرجع عنه خلاص

واحيانا كتير الناس اللى حواليك بيكونوا سبب مساعد اوى اوى فى وقفتك مع نفسك دى

علشان كده مش عايزين الافكار السلبيه دى تفضل مسيطره على دماغنا اعتقد يعنى اننا اقوى من كده بكتير بفضل الله طبعا وعونه

وفى حاجه كمان ياريت كل واحد كده يرجع شريط الذكريات شوية ويفتكرالشغل....والتعب.......والمجهود اللى بذله فى سبيل الله وحب الناس وحب الخير

اكيد ساعتها هايرجع لهدفه الاصلى اللى هو بيسعى له من زمان وكان مش عارف يروح فين

يبقى ماينفعش بقى بعد ما ربنا نور له طريقه يقول الكلام ده او يفكر فى حاجه زى دى

هافكر نفسى وافكركم بآيه

(أحسب الناس أن يتركوا أن يقولوا آمنا وهم لا يفتنون)