قر واعترف .....!!!!! بيقول ايه ده ؟؟

موضوع جميل اوي
بس انا مش فاهمه نعترف ولا يبقي الاعتراف اخر الاسبوع؟؟؟؟؟؟؟

فكرة حلوة ياباشمهندس

وكمان لما واحد مثلا يعمل حاجة كويسة ويقولها لنا اكيد ده هايبقى تشجيع لينا اننا نعملها

واكيد ان شاء الله هانستفيد من بعض كتير

خلاص ان شاء الله نحاول نسجل عملنا ايه علشان نيجى نعترف آخر الاسبوع ان شاء الله

وعلى فكرة الموضوع ده ممكن فعلا يخلينا نشوف ياترى احنا عملنا حاجة فى الاسبوع ده ولا عدى كده علينا وخلاص من غير مانستفيد او نفيد غيرنا


جزاك الله خيرا على الفكرة

يوم الخميس هبقي اقعد علي الكرسي واعترف

ربنا يكرمك يابشمهندس

دى برضوا هتشجعنا كتيييييييير اننا نحاول نعمل حاجة حتى لو كانت بسيطة

كمان هتخلينى أخد بالى من أخطائى
وممكن يكون فيه حاجة أنا بعملها ومش حاسس بيها لما حد يقولها ابتدى اراجع نفسى فيها

بس ياجماعة جددوا النية.........

يعنى ممكن نقول نية اصلاح النفس
كمان وتعاونوا على البر والتقوى
ممكن ايه تانى ...............؟؟؟؟؟؟؟؟؟؟

حد يقول عوزين نكون تجار نوايا؟؟؟؟؟؟؟؟؟؟؟؟

حلوة الفكرة بجد

عيزين بقى ننوى اننا نكون كلنا احسن واحد فينا فكل اسبوع

وفذلك فليتنافس المتنافسون

بس انا ممكن اعترف واقول اوحش حاجة حصلت لى الأسبوع الجاى


وهيا انى رايح اكشف للجيش مش عشان الجيش نفسة ولا حاجة ولكن عشان هناك المعاملة بتكون بضرب00000000ولا فى فرق بين مهندس وبين 00000000

ربنا يستر على باقى الأعمال بقى الأسبوع ده

لأ ان شاء الله مايكونش فيه حاجة وحشه

وبعدين لازم تستحمل بقى ياياشمهندس مش حضرتك عايز تخدم الوطن وتجاهد فى سبيل الله

ربنا يكرمك يارب

اميييييييييييييييييييييييييييييييييييييييييييييييين يارب

محدش اعترف بحاجه؟؟؟؟

ما هو انا هاكون جايب كرسي احتياطي معايا يا عشري

اما بانسبه لهشهش ربنا يعينك يابني بس قول يا رب ما تبقاش احطياطش وتبقي عسكري عادي اصل انته لابس لابس ده لا بيجوا يختاروا من هندسة منوف بيقولوا قسم تحكم واتصالات وحاسبيات
كان المفروض يريح بؤه ويقول هندسة منوف تيجي
ربنا يكون في عونك يابني

ده انته واد خنيق يا راجل ادعيلة .......احنا يا عم عاوزين نطلع نشتغل بلا جيش بلا بتاع

يا استاذه دينا احنا قلنا يوم الخميس ...

حلو اوي الموضوع

وربنا يسهل على يوم الخميس ان شاء الله

ماشى يميجو


االى يسمعك يقول الواد اركان حرب فالوحدة فطنطا


عشرى تعالى بيت عندى من النهاردة وخلالالاص

طبعا زى ما قولتى ان الاختلاف فى الراى لا يفسد للود قضية ...ده اولا
ثانيا انا لما قلت انى كنت مشغول ومكنتش بصلى الفجر مش معنى كده انى كنت بسيب الصلاه انا كنت لما باصحى من النوم طبعا باصلى دى حاجه طبيعيه
اما بالنسبة للحديث فانا على ما اعتقد انا الجاهرون بالذنب هما اللى بيعملو ذنب معين ويبداو يقولوا للناس عليه وهما بيتفاخروا بالعمل ده مع انهم عارفين ان ده حرام انا كنت قريت شرح للحديث ده ... وشكرا
وياريت لو حد فاهم الحديث كويس ياكدلنا وجهة النظر بس اوكى...
وبعدين متنسوش الموضوع الاصلى يا جماعه وليه محدش دخل وقال هو عمل ايه ليه ؟؟؟؟؟؟؟؟

بصوا بقى من الاخر كل واحد يدخل ويقول ايه اكتر حاجه كويسة عملها خلال الاسبوع
وكمان يقول ايه اكتر حاجه مش ولابد كده يعنى ... عملها برده خلال الاسبوع وكمان ايه اكتر حاجه
كان نفسة يعملها ومعملهاش >>>>>>>>
دى كانت بداية كتابة الموضوع فى الاول ..يا جماعه انا هدفى من الموضوع اولا اننا نشجع بعض اننا نعمل حاجا ت كويسه اكتر يعنى انا لما الاقى خمس اعضاء كل واحد بيعمل حاجه وحاجه جميلة وانا الاسبوع عدى عليا وانا نايم فى الخط اكيد يعنى هحاول اعمل حاجه انا كمان......اما قصدى على حاجه مش ولابد يعنى .. انها يعنى حاجه مش حرام يعنى متعملش حاجه تغضب ربنا او حاجه غلط وتيجى تقولها لان ده يعتبر جهار بالذنب زى ما ايمان قالت وبعدين احنا مش صغيرين علشان منعرفش الصح من الغلط انا قصدى مثلا عملت حاجه مضايقاك وعاوز تتناقش مع حد كده يعنى....اما اللى كان نفسه يعمل بقى ومعملش فدى اكيد هيتغير لما بلاقى كل واحد بيعمل امور كويسه
او على الاقل عمل فكره كويسه فممكن يقلده او على الاقل يبتكر هو فكره جديده يعنى الموضوع فى الاول والاخر هدفه تشجيع مش اكتر ... اظن كده الفكره وضحت