من طرف rehan الخميس فبراير 12, 2009 10:18 pm
عرفتي الجمعية ازاي؟ وكان شغلك فيها قد ايه في الفترة الأولى؟
عرفت الجمعية تقريبا فى شهر رمضان وكان اول شهر تقريبا من اشهارها عن طريق واحدة جارتى وكنا خارجين من الصلاة
وقالتلى كده حرفيا
تحبى تعملى خير؟؟؟؟؟؟؟
فرديت هو أنا أطول
وبعدين روحت معاها ولقيتهم بيعبوا شنطة رمضان
وبصراحة فى الفترة دى كنت سعيدة جدااااااا بالجمعية
وحسيت انها فضل كبير أوى ونعمة من ربنا علية
لأنى كنت لسة داخلة الكلية
وكنت سمعت كلمة من عمرو خالد وأثرت فيا قوى وركزت فيها طول الوقت
وكان بيقول
ياترى رسالتك اية فى الدنيا دى؟؟؟
أنت عايش لية؟؟؟؟
كان بيقول كن رجل بألف رجل ان لم تستطع فكن رجلا
يعنى متعش وتموت صفر
ورسايل تانية كتير من ربنا
وكان حالى بالضبط زى الواحد اللى كان قبل الاسلام وحاسس ان فية ربنا
وبيقول
سبحانك ما خلقت هذا باطلا
أنا بالظبط كنت كده
كنت حاسة انى مش موجوده عشان أكل وأشرب وأتعلم كده وخلاص
لأ لازم أعمل حاجة وبقيت أقول يارب نفسى أعمل حاجة مش عوزة أعيش وأموت صفر
وحسيت ان ربنا فتحلى الباب عن طريق الجمعية اللى بيه ممكن أعمل حاجة للناس والاسلام ولله الحمد
أما بقى عن بداية شغلى قى الجمعية
فأنا أول مرحت مكنتش بتكلم فى الاجتماعات دى خالص لانى كنت بتحرج جدا وخصوصا انى مكنتش أعرف حد غير جارتى وكنت بزعل أوى فى اليوم اللى مكنتش تروح فية الاجتماع لأنى كده مش هروح
وكمان باقى البنات كانوا مش بيتكلموا
ودى حاجة كانت بضايقنى جداااااا
خصوصا ان الشباب اللى كانوا معانا كانوا بيشاركوا فى كل حاجة
وكانوا بتكلموا كويس
فكلمت دكتورة اسلام وقولتلها أنا عوزة أعرف كل حاجة بتحصل وهتتعمل وعوزة أشارك فى كل حاجة
وهى بصراحة رحبت جداااااااااا وشجعتنى أوىىىىىى
ومن هنا اندمجت بقى فى الجمعية
عدل سابقا من قبل rehan في الخميس فبراير 12, 2009 10:59 pm عدل 1 مرات
الرئيسية
شبابنا قدموا أروع انجاز حصل في قرية العراقية في القافلة الطبية الخامسة 
» ريهـــ (حينما يتحدث القلب والعقل معا) ـــان
» فى حب رسول الله..بقلمى : دعاء أحمد
» فضفضة..........(فى حب الله)
» My empty house
» ناقش الي بعدك بسؤال
» عندما يتمثل الدين في الأنثى
» حلوه بلادي
» يامن تقول أحب محمدا............
» ادخل طمنا عملت ايه فى الامتحان؟؟؟؟؟؟؟؟؟؟؟