مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

    أنا جالى عررررريس!!!!!!!!!!

    شاطر
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 32
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    أنا جالى عررررريس!!!!!!!!!!

    مُساهمة من طرف shimaa في الأحد أكتوبر 26, 2008 12:35 pm

    تذكير بمساهمة فاتح الموضوع :

    أولا مش انا ماتفرحوش اوى كده
    بسم الله الرحمن الرحيم

    السلام عليكم ورحمة الله وبركاته

    انا جالى عريس


    الكلمة ده متعرفوش اثارها على البنات جالى عريس يااااااااه عريس هتجوز خلاص هستقر
    هبعد عن التحكم وعدم الاستقرار وهكون انا ست البيت !!!!

    يا الله خلاص هبقى مسئولة نفسى هبقى براحتى لا مامتى هتقولى قومى اشتغلى ولا بابايا هيقولى انت رايحة فين وجية منين

    بيتى هيكون مملكتى وزوجى هيكون سندى وراحتى !!

    ياالله مش ممكن خلاص معتش مشاكل ولا خلافات هعيش حياة تانية وردية من غير تعب ولا خناق مع اخواتى ولا تحكم بابايا ولا اوامر مامتى !!

    طيب وجالك منين يا اختى
    ده احنا اتعرفنا عن طريق الشات بالصدفة سبحان الله
    ولا ده صاحبى فى الجامعة

    ولا بعتلى رسالة وبعتله واخدنا وادينا مع بعض وارتحنا لبعض الحمد لله

    انتى واثقة فيه طبعا طبعا ده بيموت فيه وهيتقدملى بس شويه كده على لما يكون نفسه

    طيب وهتعملى ايه هتسبيه طبعا على لما يكون نفسه

    اسيبه !!! ازاى اسيبه ده انا ماصدقت لقيته
    عررررررريس

    فى زمن العرسان قلت فيه يعنى اللى تلاقى عليها تمسك فيه بايديها وسنانها اوعى تسيبه اوعى !!

    طيب والحل اايه

    عادى يابنتى وفيها ايه هنطمن على بعض بس عن طريق التليفون

    يعنى مفيش مقابلات لالا
    مقابلات ايه بس هو انا بتاع الكلام ده

    ولا مسجات لا ممكن رنات ومسدات وشويه مسجات مش مشكله ده يعنى من بعيد لبعيد يعنى

    بس ده حرام
    حرام ايه بس ايه التخلف العقلى ده
    ايه حرمه ماحنا هنتجوز يابنتى هو احنا بنلعب

    بس النبى قال مااجتمع رجل امراه الا كان الشيطان ثالثهما

    ااايه ده اجتمعوا فين يابنتى بقلك مش هقابله

    طيب مانتِ هتكلميه فالتليفون والتليفون ده اجتماع هههههههه ده انتِ غريبه صحيح

    طيب والحل ايه
    يبقى الحال كما هو عليه

    هذا الحوار يتكرر الاف المرات اخوانى واخواتى انا كاتباه من كتر ماسمعت قصص من صحباتى اللى على ماسنجرى وغيرهم وكلها قصص واقعية

    عاوزة اسالك يا اختى
    بالله عليك انتِ فى الاول لما عرفتيه قلبك كان بيرجف صح !! وانتِ بتكلميه فالتليفون الكلام بيطلع بالعافية

    عارفه السبب !! لان الحياء كان لسه عندك فطرتك يعنى
    اللى هتروح كمان شويه

    ده كان اول اتصال والتانى كذلك بس هه قل شويه الكسوف وطبعا لانه بيقلك انت بتتكسفى منى ياحبيبتى !!

    لازم طبعا تثبتى العكس
    !!!!!!!!!

    وانتِ بتسالى نفسك انا مالى بس مانا على الشات بكلمه كويس جدا والكلام بيجيب بعضه مالى فالتليفون

    اقولك مالك !! لان كلمات الكيبورد اسهل واعمق واجرأ بكتير من التليفون ده فى الاول بس !!

    بعد كده العمليه بدات تمشى معاكِ ايوة كده اول ما يتصل هقله ازيك وحشتنى !!

    وكان بيها فانتِ تخلصتى من الشحنة الثانية للحياء
    هنيئاً لكِ !!

    وبعد كده لما الكلام جاب بعضه بقى ها ياحبيبتى انا مش هشوفك

    لالا مينفعش اهلى ابويا امى اخواتى قرايبى حد يشوفنى !!

    طيب لو قلتلك هنروح مكان محدش هيشفنا فيه !!

    قوليله بالفم المليااااان
    والله العظيم كداب

    عارفه ليه لان احنا فوق كل ارض وتحت كل سماء والله واسع عليم

    يعلم خائنة الاعين وما تُخفى الصدور

    شات + رساله + مكالمة + قلة حياء +موعد + مقابلة + نظرة + ابتسامة + لقاء + لمسة =
    بنت قليلة الحياء خااائنه لله ولرسوله ولاهلها ولنفسها وغير محبة لدينها

    اختى ارجع واقلك تانى انت جوهرة مصونى فى لؤلؤة مكنونة حافظِ على نفسك حتى يحافظ عليك الله
    وعمرة ماهيتجوزك تعرف ليه لانه خلاص على لما ييجى يخطبك هيكون ذهق منك خلاص
    عاوز يغير وده طبع الشباب الفافى الروش بتاع اليومين دووول

    بعكس كل ما قلت
    انا عارفه ان نسبة العنوسة كترت والله ولكن اصلا السن الطبيعى للجوزا دلوقت بقى 30 سنه وساعات اكتر كمان
    فى ظل الظروف الصعبة ده الشباب لا عارف يتجوز ولا يجهز شقه فى طلبات الاهل اللى فى بعض الاوقات بتكون مرهقة

    رساله الى اختى اللى مصاحبة ولد وبتقول عادى
    لا صداقه فى الاسلام
    ولا متخذات اخدان
    واتق الله حيثما كنتٍِ ومتقلبيش على نفسك انك تكونى سلعة رخيصة مش هيشتروكِ والله هيتفرجوا عليكِ بس ويهنوكِ
    ومن ترك شيئا لله عوضه الله خيرا منه

    رساله الى اختى التى لم تتزوج بعد
    اصبرى ووالله عريسك مكتوبلك وانتِ فى بطن امك ده رزق واليكى هذه الدرر الثمينة
    وقُلْتُ استغفروا ربَكُمْ انه كان غفارا يُرسِل السماءَ عليكم مدررا ويُمددكم بأموال وبنينَ ويجعل لكم جنات ويجعل لكم انهارا
    سورة نوح

    ومتخليش الجواز شغلك الشاغل هتتعبى هتصحى تقولى عريس وتنامى على عريس
    ربنا بايديه يجوزك حالا
    الدعاء ** قيام الليل ** الاستغفار
    ده من الطاعات اللى بتقربنا من ربنا وليس وصفة للى متجوزوش لا ابدا

    لان البعض اخترعوا ادعيه للزواج وليست صحيحة للاسف

    رسالة الى اختى التى تقدم لها عريس ولم يحدث النصيب
    يا اختى ياحبيبتى الخيرة فيما اختارها الله متزعليش نفسك ومتعرفيش ايه اللى هيحصل احنا بنشوف المشكلة من بره انما لو شفناها من جوة وحكمة الله هتلاقيها خير والله خير

    مش يمكن بعد مايتقدملك يموت والله حصلت لواحده صحبتى وهى مكنتش وفقت من بره طبعا حاجة مش كويسه انما من جوة خير

    مش يمكن يطلع انسان مش كويس وبيتصنع ادامك وبعد كده تكتشفى وتعيشى فى جحيم

    مش ممكن يكون مش بيخلف وانتِ بتحبى الاطفال وتعرفى بعد كده

    مش ممكن يكون اهله مش كويسين ويضايقوك وتعيشى فى مشاكل وتندمى فى وقت لا ينفع الندم

    واخيرا
    الصبر مفتاح الفرج



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 32
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: أنا جالى عررررريس!!!!!!!!!!

    مُساهمة من طرف shimaa في الأربعاء مايو 27, 2009 12:19 pm

    ماشى ياجماعه بس انا مش عارفه يا ايمان اذا كانت هى بتحيلك بس ولا بتاخد رأيك فيه

    لان اعتقد لو فعلا بتسألك عنه يبقى من حقها انك تقوليلها الحقيقه لان ده جواز والمفروض لو حد بيسأل على شخص حتى لو فيه العبر لازم نقول اللى احنا شايفينه




    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 31
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: أنا جالى عررررريس!!!!!!!!!!

    مُساهمة من طرف حور الدنيا في الأربعاء مايو 27, 2009 3:40 pm

    ممممممممممم صح معاكم حق


    فكرت امبارح في الموضوع لقيته صعب اوي ولازم البنت تعرف كل حاجه عن الشخص اللي هترتبط بيه العمر كله

    واهم شئ الدين والاخلاق

    ربنا يكتب لبنات المسلمين الصالح يارب

    جزاكم الله خيرا



    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    avatar
    بتول
    عضو فعال
    عضو فعال

    انثى
    الحمل
    عدد الرسائل : 650
    العمر : 35
    العمل/الترفيه : مهندسة شبكات
    الموقع : http://forum.amrkhaled.net/showthread.php?t=235523
    مزاجك ايه النهرده :
    نقاط : 396
    تاريخ التسجيل : 08/11/2008
    السٌّمعَة : 9

    رد: أنا جالى عررررريس!!!!!!!!!!

    مُساهمة من طرف بتول في الأربعاء مايو 27, 2009 3:47 pm

    انا طبعا معاكي ياشيماء
    وفعلا كنت عايزة افتكر اقول لايمان النقطة دي
    لانها امانة
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: أنا جالى عررررريس!!!!!!!!!!

    مُساهمة من طرف الملاك الحائر في الأربعاء مايو 27, 2009 11:56 pm


    شكرا ياجماعة... بس بالنسبة للنصيحة: أنا كتبت في أول الكلام خالص ان واحدة صاحبتي كانت بتحكيلي على واحدة تالتة اتخطبت بالفعل...يعني سبق السيف العذل زي ما بيقولوا....وبعدين أكيد لو البنوتة كانت بتاخد رأيي قبل ما الموضوع يحصل مكنتش هبقى عود بخور قاعدة تسمع وخلاص...كنت هحاول ألمحهلها ولو من بعيد.... بس هي اتخطبت واللي كان كان وطبعا من رابع المستحيلات اني اتكلم في حاجة أهلها "طايرين" من الفرحة بيها...

    لأن بكل أسف في "شبح" بنات كتير خايفة منه وهو "تأخر سن الزواج" وبكل أسف خوفهم من المستقبل -اللي المفروض يتأكدوا انه بإيد ربنا وحده- بيدفعهم يوافقوا على أي حد وخلاص...طالما مبسوط ومتريش ..وعلشان كده بنشوف نماذج زوجية "فاشلة" ....

    وبالنسبة لردك الأولاني يادينا... ياحبيبتي ما ينفعش أمسك النار بإيدي وأقول "ماهي ممكن تتطفي"....النبي صلى الله عليه وسلم قال للصحابي "اعقلها وتوكل" يعني خد بالأسباب الأول واتوكل على الله....واحنا دلوقتي في مرحلة أخد بالاسباب من استشارة واستخارة وترتيب أولويات وما إلى ذلك فمينفعش خالص اسيبها كده وأقول ربنا يستر....




    [img]
    avatar
    الراهبة
    عضو جديد
    عضو جديد

    انثى
    العقرب
    عدد الرسائل : 27
    العمر : 33
    مزاجك ايه النهرده :
    نقاط : 29
    تاريخ التسجيل : 03/06/2009
    السٌّمعَة : 10

    رد: أنا جالى عررررريس!!!!!!!!!!

    مُساهمة من طرف الراهبة في الأربعاء نوفمبر 04, 2009 9:56 pm

    فعلاااااااااااااااااااااا يا جماعة الموضوع ده مهم جدااااااااااااااااا بس عايذق اقول حاجة صعب جداااااااااااااااااااا تعرفى كل حاجة عن الشخص اللى متقدملك واحيانا المظاهر بتخدع حتى فى الدين
    وكمان فعلا شبح السن مش بياثر على البنت بس وكمان اهلها وبيكونو هم كمان وسيلة ضغط جامدة جداااااااااااااااااااااا عليها وبتمشى فى وسط الناس تلاقة تنت مثلا بتسلم عليها والسؤال المعتاد ايه ده انتى لسة متجوزتيش؟ ليه كدة يا حبيبتى؟ خلاص البنت مبقتش تفكر ليه بتتجوز كفاية انها تتجنب همزات ولمزات الناس

      الوقت/التاريخ الآن هو الأحد يوليو 22, 2018 2:09 am