راضى عن ربنا؟؟؟؟؟؟؟؟؟؟؟

راضى عن اهلك ........والدك ووالدتك واخواتك؟؟؟

ولا بتقول لو كانوا افضل من كده........لو كانوا فى مكانه احسن من كده؟؟؟؟؟؟؟؟

راضى عن وظيفتك؟؟؟؟؟؟؟

راضى لو اتأخر زواجك شويه؟؟؟؟؟؟؟؟؟

راضى عن كليتك؟؟؟؟؟؟؟

راضى لو اتأخر عنك اى حاجه انت بتحبها؟؟؟؟؟؟؟؟؟

هاتكون الاجابه ........طبعا الحمد لله راضى.........طيب بس حاول تفكر تانى


راضى عن حاجه حصلتلك انت شايف انها ممكن تكون شر او حاجه انت مش حاببها؟؟؟؟؟؟

خلى بالك ممكن تكون صابر على اللى بيحصلك وفى ظاهره انه مش حلو........بس مش راضى


ليس كل من صبر رضى........ولكن كل راضى صابر


........................


طيب بعد ما سألنا نفسنا ما تيجوا نتعرف على الرضا .....هو ايه معنى اصلا انك تبقى راضى؟؟؟؟؟؟؟؟؟



ممكن نقول الرضا انى ابقى مقتنع بالشئ ومكتفى بيه

رضيت بالله ربا يعنى اكتفيت بالله ورضيت بالقضاء


يعنى الرضا هو السعادة...والسعاده فى الرضا


ممكن نقول ان الرضا هو ثمرة المحبه

لو بنحب حد بيبقى اللى بيجى منه هو احلى حاجه فى الدنيا ولو حتى حاجه بسيطه جدا بس يكفيك انها جت من حد انت بتحبه

ولله المثل الاعلى ......كل اللى يجى من حبيبى حبيبى

أحبه اليه..........أحبه اليا


_جاء فى الاثر ان موسى عليه السلام سأل ربه(ما يدنى من رضاك؟قال ان رضاى فى رضاك بقضائى)

يعنى ممكن نلخص الرضا فى مقولة ابن القيم(الرضا.باب الله الاعظم ومستراح العابدين وجنة الدنيا من لم يدخله لم يدخل جنة الاخره)


الرضا شعور بنحسه ........مش كده؟؟؟؟؟؟؟

ممكن احيانا من اقل حاجه بتحصلنا تحس بيه

وأحيانا تانيه بيبقى محتاج مجاهده مننا شويه علشان نعرف نرضى

طيب ما تيجوا مع بعض كده نحاول نعرف ازاى نوصل للاحساس ده.......وياترى ايه الطريق اللى ممكن يوصلنى ليه؟؟؟؟؟؟؟؟

الحمد لله احنا رضينا بالله ربا وبالاسلام دينا وبسيدنا محمد صلى الله عليه وسلم نبيا ورسولا

يبقى خلاص اللى يرضى بالله ربا ...يبقى لازم يرضى بتدبيره فى شئونك واختياره ليك وتبقى مقتنع برزقك

لو فى مره لقينا نفسنا هانبدأ نجزع من شئ معين او بلاء معين لازم نقف قدام نفسنا موقف اللى بينصحها

ولازم نفهمها كويس ان انتى احيانا بتبقى السبب فى اى بلاء ممكن يحل بيكى

قال الله تعالى(وما أصابكم من مصيبة فبما كسبت ايديكم ويعفو عن كثير)

لو سمعت نفسك كده ساعتها هاتوجه اللوم لنفسها وساعتها زى ما بنقول وكأننا بنقولها انتى اصلا ملكيش عين تتكلمى

وسبحان الله مفيش بين نفسنا وبين ربها اى عداوة ده ربنا رءوف رحيم بينا


طيب تعالوا نحاول كده نستشعر الرضا ونوصله..........

_لو جينا قلنا (فوضت امرى اليك ياااااااااارب) بس نقلها فعلا من قلبنا

خلاص يارب كل اللى يجى من عندك هو الخير انا فوضت امرى ليك

اصبر فإن الصبر خير لو علمت به......لكنت باركت شكرا صاحب النعم

واعلم بأنك ان لم تصطبر كرما.....صبرت قهرا على ما خط فى القلم


سبحان الله اصلا ربك كريم اللى خلقك من عدم واوجد ليك كل المخلوقات وكل اللى النعم اللى حواليك من غير ما تسأله

ياترى لما تبقى محتاج لحاجه منه وانت بتسأله ..ممكن يخذلك؟؟؟؟؟؟؟؟

أكيد لأ استحاله...يبقى لازم نرضى

_لو استشعرنا ان ربنا بيحبنا واكيد اكيد بيحب لينا الخير وهو سبحانه عارف الخير ده امتى يجى فى الوقت المناسب ليك .........اكيد ساعتها هانرضى علشان انت فى ايد امينه


_لو استشعرنا عدل ربنا سبحانه وتعالى (وما ربك بظلام للعبيد)

يبقى لازم نرضى

_لو تذكرنا اى حد كده عاش ومات وبصينا لقصة حياته من ساعة ما جه الدنيا لغاية ما ماتوفاه الله

اكيد اكيد مش هنلاقى ترتيب لحياته افضل من ترتيب ربنا ليه .........واحنا كمان لو بصينا لنفسنا

هتلاقى ربنا ممكن يأخر عنك حاجه معينه فى وقت معين وجتلك بعد كده برده بس ترجع تقول ياااااااااه فعلا لو كانت جت فى وقت قبل كان حصل وحصل

هو ده ترتيب ربنا اللى خلقك جل فى علاه

متيجوا نسأل نفسنا هو لو ربنا اعطى لكل واحد مسأليته فى وقت واحد هل ده ممكن يقلل من ملكه شئ ؟؟؟؟؟؟؟

بالطبع لأ

يبقى خلاص هو ارحم بيك من نفسك وعارف امتى بالضبط يستجيب

يبقى لازم نرضى

منتظرين باقى الناس يقولولنا كل واحد فيهم ممكن يوصل للشعور بالرضا ازاى؟؟؟؟؟؟؟؟