عزيزى المشاهد روح العب بعيد

انا شايفة ان الواحد لو عايش من غير احلام يبقى الموت احسن له
الاحلام هى اللى بتصبرنا شوية هى اللى بتخلينا نحاول نتغلب على مشاكلنا على امل ان فى يوم من الايام الحال هايتغير

ولو حتى كان الحلم كبير او على الاقل حاسيين انه كبير علينا ومش هانقدر نحققه ليه لأ
ليه مانحلمش هو الحلم بفلوس؟
ده حاجة ببلاش كده

وطبعا ماينفعش نقتل احلامنا لازم نتمسك بيها لغاية آخر لحظه لعل وعسى يمكن تتحقق على اهون الاسباب

وكمان ماينفعش نسخر من احلام الاخرين لمجرد انها صعبة المنال او التحقيق
ممكن فعلا تتحقق

يعنى مثلا واحد بيحلم انه يبقى احسن داعية فى العالم
واحد بيحلم انه يكون اغنى رجل فى العالم
يعنى هو مثلا اقل من اغنى رجل فى ايه
هو اغنى رجل فى العالم اتولد كده ولا كان عنده حلم وقدر يحققه

يعنى الموضوع كبيييييييييييييييييييييير

بس الخلاصة لازم نحلم ونحلم ونحلم
_________________

لو بطلنا نحلم نموت
لو بطلنا محلم نموت
ياجماعه مفيش ميزان بنوزن بيه الحلم ونقول ده حلم كبير وحلم صغير اهو كلها احلام
وعلى رأي عمو منير
لو بطلنا نحلم نتموت

باشمهندس احمد

الشىء الوحيد اللى ربنا ميز بيه الانسان عن غيرة من سائر المخلوقات هو العقل
يعنى اداك القدرة على التأمل والتخيل
يعنى امكانياتك تؤهلك للحلم وده من حقك
وكل فكرة كانت فى البداية خاطرة وكانت من قبلها حلم

يعنى الأساس فينا اننا نحلم
فالحلم هو الرؤية المبدئية للنتيجة اللى أنا عاوز أوصلها

ازاى هغير أو ابدع وأنا معنديش القدرة على الحلم

هل عندما تشتد بنا الازمات نبطل نحلم او نقتل الاحلام هل عندما يشتد بنا الفقر والحاجة نقتل الاحلام . ؟

سؤال واضح وصريح س-- 1 نقتل الاحلام ام لا ؟

س---2 كيف يكون الحلم متى يكون الحلم

مهما اشتدت بينا الازمات لازم نحلم
مهما اسأت بينا الظروف لازم نحلم مهما اشتد بينا الفقر والجهل لازم نحلم
ومش بس كده دىأنا لازم نتمسك بالحلم ونسعى فى طريق تحقيقة
لأنالحلم فى الوقت ده بيكون الأمل الوحيد اللى ليه وهو نقطة الأنطلاق التى تدفعنى الى الخروج والنهوض

يعنى فى كل وقت وفى كل حالة لازم نحلم وطول ما أنا عايش لازم أحلم
ولو بطلنا نحلم نموت.........


وأوعى حد يهبطك ويخليك تتخلى عن أحلامك
أحلامك أنت الوحيد اللى شيفها وأنت الوحيد اللى تقدر تقرر ان كانت ممكنة والا مستحيله
لأنها ببساطة أحلامك أنت مش أحلام حد تانى وأنت اللى هتشتغل بيها وهتسعى ليها
يعنى أنت اللى شايف الرؤية صح


وطول ما فيه حلم يبقى أكيد فية أحلام يبقى الأمل موجود
حياتنا أصلا فى الدنيا قائمة على الحلم والتمنى فيمتد الأمل


ريهان

لو بطلنا نحلم نموت ...

كل حاجة حلوة بنحققها كانت حلم فى يوم من الأيام .. أثناء تفكيرك فى حلمك بتستمتع بيه و تبتسم كأنك شايفه قدام عينيك .. السعادة دى اللى بتعيشها فى لحظات الحلم هى اللى بتديك دفعة قوية انك تصبر و تقاوم عشان تحقق حلمك و كل ما تتعب تفتكره و تتخيل لحظة تحقيقه .. شوقك للحظة تحقيق الحلم بيحركك و يخليك تعافر عشان حلمك ...


و لو كانت الحياة صعبة و خلاص عرفت ان حلمك مش ممكن يتحقق .. اوعى تبطل تحلم .. بالعكس كل شوية احلم بيه و ابتسم و انت بتحلم و حس بالسعادة للحظات .. تحرم نفسك ليه من لحظة سعادة ممكن تعيشها حتى لو فى خيالك ؟؟؟


الأحلام بنطلع فيها يأسنا و غلبنا و احباطنا ... بنهرب بيها من واقع مؤلم كئيب .. و ده مش عيب و مش غلط لأننا كده بنطلع شوية من الكبت اللى جوانا و نشحن نفسنا بشوية أمل نرجع نكمل بيهم فى الحياة .

حلمك لسة فى ايديك ....
عافر ما يموتش فيك .....


دكتورة اسلام

ازاي نبطل نحلم وهو ده الامل اللي عايشين عليه
ما ينفعشي مانحلمشي والا زي ما قالوا لو بطلنا نحلم نموووووووووووت

باشمهندس امجد

أحلم معايا ببكرة جاي

ولو مجاش احنا نجيبه بنفسنا

نبدأ نحاول في الطريق

كتر الخطا وتدلنا على حلمنا

مهما نقع نقدر نقوم

نشق نتحدى الغيوم

نلاقي لينا ألف يوم بس احنا نحلم

احلم معايا يا صديق

نطوي الخطا ارض الطريق

يهمني حلمي البرئ مهما يكووووووووووون

بفضل بروحة جمبنا مهما يكون بينا الطريق

لو حتى توهنا يا صديق يفضل لقانا يضمنا

على حلمنا

على حلمناااااااااااااااااا

على حلمنا

بس احنا نحلم

لما تذوق طعم الحلم بتاعك عمرك في حياتك مهتكون عاوز تسيبه يضيع منك ولو حتى يفضل حلم لأن السعاده اللي بتكون فيها وقتها بتبقى حاجة كده متتوصفش

احلام اليقظة دي من اجمل ما يملكة الإنسان عن سائر المخلوقات

الحم ببلاش وابو بلاش كتر منه اوي اوي


باشمهندس محمود

مش عيب انك بتحلم والحلم متحققش
العيب انك متحلمش او انك تعيش في الحلم وماتصحاش
انك تبطل تحلم بتقتل نفسك و تبقي ميت حي
ما هو بكره حلم لسه مجاش


دكتور صلاح

استاذ احمد

ماهوالحلم وما هو الطموح وما هو الهدف؟؟؟؟؟؟؟

الحلم .... تخيل لأشياء و أحداث باتمنى إنها تحصل .. و عادة بيكون مالهوش حدود .. يعنى ممكن تحلم بحاجات مستحيلة الحدوث ... و انت عارف كده بس بتحس بسعادة و انت بتحلم بيها .


الطموح ... تمنى تحقيق أشياء معينة .. قريب من الحلم بس عادة بيكون قريب من الحقيقة و الواقع .
ممكن يكون كبير أوى ذى انك تبقى وزير مثلا .. بس مازال يقع فى حدود الممكن ...


الهدف ... التركيز على حلم معين من أحلامك .. و تحط خطة زمنية معينة لتحقيقه .. و تركز أوى عليه فى الفترة دى و تنجز فيه .. و طبعا بيكون عادة ممكن و واقعى .

انا شايفة ان الانسان ممكن يبقى عنده الثلاثة مفاهيم مع بعض .. كل واحد فيهم له وقته و فوايده...

هل يوجد حلم صح وحلم خطأ ؟</FONT>ده سؤال محتاج تفكير شوية و بعدين هارد عليه ؟؟؟؟؟[/b]

هو ممكن الحلم الصح هو الحلم اللي انته بامكانياتك وقدراتك المتاحه ليك واللي ستتاح ليك في مجالك المهني او الاسري او....... ممكن علي اساسها تقرر ده

اما الحلم الخطا ان انته مثلا تكون في كلية هندسه وتقول نفسي ابقي دكتور ده طبعااا حلم خطا هو انا مابتريقشي بس كمثال مثلا انك بتختار حاجه عكس اللي انته فيها مهائيااا او حاجه مستحيل تتحققلك

ولا ايه

باشمهندس امجد

الحلم

هو الشىء اللى بيجى فى بالى وخيالى وأتأثر بيه وافكر فية سواء هو ممكن أو مش ممكن

يعنى حاجة ممكن حدوثها أو حاجة خارقة عن العادة

أما الطموح فهو بتكون حقيقية ومتوقع حدوثها وأبدأ أحطها قدام عينية بس غير محددة

الهدف هو الشىء اللى رسخ جوايه وديما بقى قدام عينى وبسعى فى تحقيقة
ومن شروط الهدف انه يكون محدد وواضح ومعقول

والهدف هو الأساس
يعنى ممكن نقول ان الهدف ده كان فى البداية حلم
بس حاجة حقيقية حلمت بيها وعيشت معاها فى خيالى وحسيت بقيمتها والسعادة أثناء تحقيقها
فتحول الى طموح ثم تجزأ الطموح وتحول الى أهداف

والله أعلم

أما بقى عن الحلم الصح والحلم الخطأ

أنا شايفة ان مفيش حلم صح وحلم خطأ ...
هو ممكن نقول حلم مكن تحقيقة وحلم مستحيل تحقيقه
لأن الحلم ده بيكون فى عقلك أنت فاحلم اللى أنت عايزة
حتى ان شا الله تكون سوبر مان


ريهان

مينفعش أصلا نقول ان الحلم صح او غلط

يعني الحلم من واقع الفلسفة هوا مهرب للنفس البشرية من الواقع اللي ممكن تكون عايشة فيه وبيكون ممتع للفرد لأنه بيرسمه كله على هواه من غير اي حواجز او نقط تفتيش

وبكده برده مينفعش نقول ان الحلم غلط لوفشل مثلا

طب مفكرتش مثلا لو حلمك اتحول لكابوووووووووس مزعج جدا ياترى هيكون شعورك ايه وقتها


باشمهندس محمود

طبعا عشان تبقى عارف هتكون الحياة حواليك بؤس في بؤس

وده للأسف عشان انت بصيت لنص الكوباية الفاضي

هتقولي وهو بعد اللي حصل ده هيكون لسه فيه نص مليان اصلا

اقولك دايما بيكون فيه نص مليان ولو انت شاطر تملاه كله

اقولك بقا ازاي ممكن يكون تحول حلمك لكابوس من اروع ما يكون

انت وقتها بتجر في دماغك كل ذكرياتك الحلوة اللي انت حسيتها او عشاتها في تحقيق حلمك الجميل

وفي اللحظة دي انت بتحس بمدى روعة حلمك اللي كنت بتحلم بيه

عشان انت كده ذوقت طعم المر بعد العسل

خلق السئ لتستبين الحسن

ولولا وجود الشر ما وجد الخير

باشمهندس محمود

انا بوافق ريهان فى رأيها .. يعنى حتى لو الحلم خطأ من أى منظور ... مش مهم مادام لم يتعدى كونه مجرد حلم .. يعنى لم يدخل نطاق التنفيذ ...

و كمان ساعات حلمك بالحاجة الغلط بيكون تعويض ليك عن انك ترتكب الخطأ ده فى الحقيقة .. يعنى نوع من التنفيس عن رغباتك الخاطئة اللى مش ممكن تتحقق فى الواقع ..

دكتورة اسلام

معلش ياجماعة انا حبيت انقل الموضوع بالردود لانها فعلا كلها ذات قيمة وهاتفيدنا كتير
وطبعا كل رد تحته اسم اللى كتبه

انا شيماء بقى المرة دى