الرئيسية
شبابنا قدموا أروع انجاز حصل في قرية العراقية في القافلة الطبية الخامسة 
وقفة..لابد منها...
"موعدنا على باب الجنة".....سؤال بسأله لنفسي قبل أي حد فيكم.... هل إحنا فعلاً مؤهلين لكده؟؟؟
أوضح أكتر ... هل كل واحد فينا شايف نفسه بيعمل عمل أهل الجنة؟؟؟
قبل ما أبدأ كلامي... المقصود من هذا الحوار الارتقاء للوصول لمشاعر إيجابية "بجد" وليس المقصود إثارة أي إحساس غير إيجابي...
مفيش جدال إن اللي بيربطنا كلنا ببعض هو "ربنا" سبجانه وتعالى...والتفاني في طاعة الله ابتغاء مرضاته هو الهدف الأسمى لينا جميعا.....
ولكن...
سؤال أتمنى يتفهم صح...وكل واحد يجاوب عليه مع نفسه:
هل إحنا بنحب "ربنا"...ولا بنحب "الكلام عن ربنا"؟؟؟
نركز في السؤال لأن رغم التشابه الشديد بين "الحب" و"الكلام عن الحب" إلا انهما مختلفين تماما عن بعض... ما هو في فرق جدااا كبير بين الكلام عن الدين....وممارسة الدين...
بمعنى: اللي بيحب " الكلام عن ربنا "ده إنسان ممكن يكون بيعمل خير كتير وممكن يكون بيقول كلام جميل قوي عالمنتديات وبيعمل ويسوي حاجات كتير من هذا القبيل....ولكن شغله ده "غاية" وليس "وسيلة"... بيحب الكلام وبيحب الشغل بس قلبه "فاضي" ..... وده عامل زي الريحانه...ريحتها حلوة قوي بس طعمها مر جداااا...
إنما الإنسان اللي بيحب ربنا....أولا كلامه وحياته كلها "وسيلة" لغاية عظمى وهي الفوز برضا الرحمن جل وعلى.، وليس غاية في حد ذاته....حياته كلها بربنا ولربنا.... بيتحرى الإخلاص في قصده وقوله وعمله... بيحسن كلامه مع ربنا...في صلواته وعباداته مش عالمنتدى وبس.... اللي بيحب لسانه دايما ذاكر للي خلقه....
وده عامل زي التمرة...شكلها طيب وطعمها حلو جدااااااااااااااا....
اللي بيحب أول ما بيسمع الآذان بينتفض ويجري جري عالصلاة "وعجلت إليك ربي لترضى" مش بيأخر الصلاة ولو لدقايق بحجة انه قاعد مع اخوته في الله.... مش بيقعد في مكان فيه أغاني بحجة انه بيفسح الأطفال...مش بيطلق بصره ويخالف أمر ربنا بغض البصر.....
يا جماعة في شباب الخير فعلاً بيبقى ماليهم...لكن للأسف بيبذلوا طاقة ومجهود "على الفاضي" لما يبقى كل الشغل ده بدون قلب سليم ونية خالصة لله....
بجد ماينفعش حد يضيع صلاة الجمعة مع الجماعة أيّاً كان العذر حتى لو كان بيفسح الأيتام..... ازاي نأخر الصلاة-عماد الدين- أو نتهاون في الخشوع والتدبر ...ولساننا يبقى مش بيذكر ربنا كتير... ونبقى بنتكلم بحرقة وكأننا ضمننا اننا من أهل الجنة!!!!
من الآخر.... أيّاً كانت إجابتي أو إجابتكم عالسؤال..كل واحد يجدد نيته ويحدد هدفه....دي كانت مجرد وقفة غرضها تجديد النية للوصول لهدف واضح وهو الفوز بالجنة.....
طيب... اسمحولي نتفق من جديد على طاعات نواظب عليها ، وحتى لو كنا كلنا أو أغلبنا بالفعل بيواظب....هنبدأ من تاني.... ونجدد نيتنا ......
ياجماعة زحمة الشغل والمذاكرة والامتخانات والحياة أكيد بتخلينا نفتر وذكرنا لله بيقل.... بس مهما كان احنا اتفقنا هنبدأ من جديد بهمة عالية وروح متحمسة....
أول طاعة نبدأ نجتمع ونواظب عليها
ختــــــــــــــم الصـــــــــــــــــلاة
(33 سبحان الله، 33 الحمد لله، 33 الله أكبر، 1 لا إله إلا الله وحده لا شريك له له الملك وله الحمد وهو على كل شيء قدير) بعد كل صلاة...
بجد لو قدرنا نواظب عالطاعة دي (وعارفة ان كتير منكم بيواظب) وخلناها جزأ لا يتجزأ من حياتنا... وحتى لو مقلناش أي ذكر تاني...كل واحد فينا قبل ما ينام هيلاقي نفسه ذكر ربنا بسبب الختم بس 500 مرة في اليوم
(33+33+33+1 )* 5 = 500
وكل واحد وشطارته....الشاطر اللي يزود...والأشطر اللي ما ينقصش....
يللا ياجماعة من النهارده نبدأ كلنا في الطاعة دي.....علشان نستعد للطاعات اللي جايه... وربنا يحبنا جميعا ويرزقنا الصدق والإخلاص في القصد والقول والعمل...
**
أتمنى ماحدش يضيف طاعة جديدة قبل ما الطاعة اللي قبلها تترسخ جوانا علشان منقعدش نحط في طاعات طاعات وكأننا في سباق جري ونلاقي نفسنا ما بننفذش حاجة...
» ريهـــ (حينما يتحدث القلب والعقل معا) ـــان
» فى حب رسول الله..بقلمى : دعاء أحمد
» فضفضة..........(فى حب الله)
» My empty house
» ناقش الي بعدك بسؤال
» عندما يتمثل الدين في الأنثى
» حلوه بلادي
» يامن تقول أحب محمدا............
» ادخل طمنا عملت ايه فى الامتحان؟؟؟؟؟؟؟؟؟؟؟