:allah:
تبقي بتزور حد مريض فجأه تلاقي زوجته تشرح لك بياخد من ادويه وهي تحاول ان تتصنع في نطق اسامي الدواء بصوره خاطئه تماما لا تجعلها اسامي لادويه بل تجعلها مثلا بضاعه طماطم وخضار وحاجات كده في سوق الخميس
ولكن اللي يفقع المراره تلاقيهاتسالنك تاخد
drink
ايه سوفت والا كولد..( عاوزه شاي وياريت لو حلبه حصي)
شاب في العشرينات او في المرحله العمريه من 13 الي 25 سنه تلاقيه مسقط البنطلون وفاتح القميص شويه وفي الغالب بيكون لابس لبس غريب وغير متناسق وماسك الموبيل الصيني ابو تليفزيون >الله يابخته<والسيجاره ومشغل اغاني الموبيل علي اعلي صوت وماشي الساعه اتنين بالليل -في الاماكن الهاديه-في وسط البيوت والناس النايمه وبيحاول يتكلم مع زمايله بلهجه غريبه جدا وقد يحشر في كلامه الغريب كلام اغرب في تزبهل>حد فاكر ازبهلالي< وتلاقيه شايل موبيل بالشيء الفلاني وعلبه سجاير بالشيء الفلاني وهدوم بالشيء الفلاني وبيحاول يتفلسف علي اللي حواليه ويتغندر عليهم ويعملك فيها ابن بارم ديله وهو اساسا مش لاقي ياكل وتلاقي ابوه طالع عينه في الشغل في الشغل او الوظيفه او الورشه بتاعته وطالع عينه واخينا بيرجع ينام الفجر ويصحي العصر وولا بيشتغل ويساعد وولا بيتعلم وكله همه البنات
وما اشبه من وسائل
كنت راكبه الميكروباص ولقيتلك واحد من العينه دي جه وركب جنبنا في الكرسي وهو فاتح الموبيل علي اعلي حاجه واغاني غريبه جدا من نوعيه الست لما وانا مش عارفني ويتخللها احيانا بعض اغاني اصاله ووائل جسار<مش عارف ايه حبهم في الخلط بين هؤلاء واولائك>الموبيل كان غالبا صيني...... والعربيه كلها مصدعه وطالع عينهم من مشاوير وتعب اليوم واحنا في اخر النهار
ليه بتفرض زوقك علي الناس؟
وليه اساسا مبتجيبش ليك علي الاقل سماعه وحطها في ودنك واسمع انت لوحدك؟
وليه بترسم نفسك انا مش فاهم؟
ياعم عيش عيشه اهلك وعيش علي قدك وعيش حجمك ومتعيش الدور واحترم خصوصيات الاخرين...ابوس ايدك
عيل صغير او شاب غير متعلم او تعليمه علي قده وفي الغالب عاطل واخلاقه زي النيله واسلوبه متبهدل وهو نفسه متبهدل وعايش دور الرجوله الغير متناهيه والتي ليست علي اي اساس ودايما بيحب يظهر رجولته ب1.....الصوت العالي 2....تثخين صوته 3..الشتيمه في خلق الله 4..ادعاء انه حامي حمي الستات والبنات وهو اول من يجرح عفافهم ...التريقه علي اقرانه والسخريه منهم 6..مسكه السيجاره بعنجهيه_ اه والله عنجهيه 7.احيانا سب الدين 9..كثره الخناق والمصيبه انه دياما بينضرب- 10..وهي الاهم هو انه دائما ما يتكلم عن الرجوله والجدعنه والشديه والمرجله وعن اشياء هو ابعد الناس عنها
الغيبه والنميمه
ياااااااااااااااااااااااااااالله
كل يوم بتظهر حاجه جديده وموضه جديده والفاظ جديده فى الحاجات الى بتتقبل وتتحب وحاجات لا وانما يبقى لما تكون النميمه والاشاعات تكون هى الموضه اكيد تبقى حاجه تحزن
وتنرفز وتعصب كمان
دلوقتى تروح تقعد فاى قعده كده مع صحابك جيرانك قرايبك اين كان مين
تلاقى سيره فلانه وفلانه والواد معرفش مين والبنت بنت الجيران المنعكشه
ويتقال كل العبر الى ف الناس الموجوده والى مش موجوده كمان
مش هقول كل الناس كده بس دلوقتى 95% من الناس كده
ليه الواحد اول مايبدا يتكلم كده مش هقول يفكر ان ده حرام
يفكر انى انا ممكن وانا بتكلم عن الانسان ده فى حد بيتكلم معليا فنفس الوقت
وممكن ميكونش واحد ممكن يكون 10
وميفكرش ان ممكن وهو بيتكلم عن الانسان ده وبيقول فيه العبر بعد شويه يلاقى الانسان الى بيتكلم عليه ده بيحكى عنه لحد وبيقول فحقه كلام كويس
والحاجه بقى العبقريه المنتشره اوى كمان اليومين دول الاشاعات
تلاقى واحد ولا واحده قاعد فاضى ومش وراه حاجه ومتغاظ من فلان ده حبتين
يروح من نفسه كده قايل فلان معرفش بيعمل ايه او عمل ايه
او فلانه اتجوزت ودى اتطلقت واحيانا بيطلع اشاعه ان حدتوفى وهو حى يرزق
ليه الناس بقيت كده وواخدين حكايه النميمه والاشاعات اكنها حاجه عاديه
وليه بقى فى ناس كتير كده
الكذب
الكذب خصلة ذميمة وصفة قبيحة وعمل مرذول وظاهرة إجتماعية انتشرت مع الأسف في أوساط الكثيرين، في المنتديات والمجالس والعلاقات والمعاملات وقلَّ أن يسلم منه الصغير والكبير والذكر والأنثى، والناس فيه بين مقل ومستكثر إلا من رحم الله.
حتى كاد الكذب أن يكون بضاعة التجار والأزواج والأولاد والزيجات والكتاب والإعلامين وأهل الفن ويكاد الواحد لايعرف صادق ولو وجده عامله على حذر لكثرة الكذابين
ربنا يرحمنا ويتوب علينا
موضة الايام دى على قنوات التلفزيون التسوق عبر التلفزيون
واكيد كلنا بيصادف وبيشوفها
الادهى والامر اعلانات الضعف الجنسى والبرود......................................الخ
اعشاب مش عارفة اية لعلاج ايةعند الرجال
اعشاب فلانية لعلاج اية عند الستات
اعشاب لتقوية اية واعشاب لزيادة اعداد اية
اعشاب حب الشباب
اللى عاوزة افهمة هل الناس بقت بالسزاجة اللى تخليها تشترى المنتجات دى ومتلجاش للطب؟
هل خلاص وصلنا لليوم اللى الناس تسيب رحمة ربنا وتلجا لاعشاب زينة الحياة ولا اعشاب الحياة ولااعشاب .................................................. ...الخ
هو الناس هبلة ومتخلفين للدرجة دى
كمان اعشاب التخسيس دة شغال وانا بكتب الموضوع دلوقتى
اية الهبل دة لا والابشع بيجيبوا دكاترة مش عارفة منين ويقولو خلال 21 يوم والنتيجة هتبان
هو دا حالنا وحال بلادنا
ربنا يرحمنا
ياتري هنفضل في الحال دا كتير ؟؟؟!!!
السبت يونيو 15, 2013 1:39 am من طرف doodybosy
» ريهـــ (حينما يتحدث القلب والعقل معا) ـــان
السبت مايو 12, 2012 1:50 am من طرف nagat
» فى حب رسول الله..بقلمى : دعاء أحمد
الجمعة نوفمبر 11, 2011 12:32 am من طرف دعاءاحمد
» فضفضة..........(فى حب الله)
الأربعاء أكتوبر 12, 2011 1:16 am من طرف rehan
» My empty house
الخميس أغسطس 18, 2011 10:24 pm من طرف rehan
» ناقش الي بعدك بسؤال
الأربعاء أغسطس 17, 2011 10:30 pm من طرف 7ob El-7iah
» عندما يتمثل الدين في الأنثى
الثلاثاء يوليو 26, 2011 11:48 pm من طرف rehan
» حلوه بلادي
الإثنين يوليو 25, 2011 2:55 am من طرف rehan
» يامن تقول أحب محمدا............
الثلاثاء يوليو 19, 2011 7:52 pm من طرف rehan
» ادخل طمنا عملت ايه فى الامتحان؟؟؟؟؟؟؟؟؟؟؟
الإثنين يوليو 18, 2011 2:43 pm من طرف rehan