عفوا ولكن عندى امتحان

عندى امتحان يعنى محدش يكلمنى سورى يا جماعة وقتى ديق ولازم اركز لازم اركز فى الامتحان بس عشان انجح
تمام جدا كويس
طيب
عايزة اقول ان اينشتين كان بيستخدم 3%من قدراتو الذهنية الله اعلم النسبة دى سليمة ولا لا
اللى عايزاة يوصل احنا لية عندنا يقين ان قدرتنا العقلية صغيرة ومش هقدر اجمع بين الف حاجة فى وقت واحد
ممكن اجمع بين شغلى ومذاكرتى واول سنة اشيل سبع مواد وانجح فى تلاتة
نجحت بنسبة 3% كويس جدا
السنة اللى بعدها هفهم اكتر واعود دماغى وهنجح بنسبة 50%مثلا
ممكن على سنة رابعة ازود تقديرى جدا او ممكن اتخرج من الكلية وانا بفشل لسة
هقولك برافو عليك
لان الفاشل هو اللى بيفشل انو يحاول
وليس من يحاول ويفشل لان فشلك دا نفسو نجاح ازاى هتتعلم منو ومش هتفشل على الاقل فى النقطة دى تانى
كلنا بنتخض من نقطة فشل او هشيل مادة لية مانحاول نتعامل مع الكلام دة ونحولو لوقود نشتغل بية صح
على الاقل لما هتخلص كلية وتكون رب اسرة ممكن تتعامل مع ان مراتك منكدة عليك ابنك بيهددك بالسنجة والشغل بيبتذوك وييجى واحد صاحبك خفيف كدة عايزك تختارلو لون تشيرت يمشى مع شريط الجزمة او لون الزرار اللى عاجبو موووت
مش بهزر قصدى هتتعلم تتعامل مع حاجات كتير فى وقت واحد
ربنا اعطانا معجزة لية مش عارفيين نديها حقها
شباب حاولو تستغلو كل حاجة عندكو
عايزة اقول حاجة فى الاخر يعنى
امة الله ماشية الى الله من 19 سنة فترة مش قصيرة بس مش كبيرة كفاية انها تديها حكم صح للامور يعنى بحاول اتكلم يمكن اتعلم
يعنى يا ريت نتكلم ونعك يمكن نطلع بحاجة مفيدة فى النهاية
ومحدش يزعل منى مهما عكيت ادينا بنتعلم
وخير الختام السلام عليكم ورحمة الله وبركاتو
والصلاة والسلام على اشرف المرسلين سيدنا محمدا علية افضل الصلاة واجل التسليم