مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

    خطوة_جدول (حالى)بعد رمضان

    شاطر
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 32
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    خطوة_جدول (حالى)بعد رمضان

    مُساهمة من طرف shimaa في الجمعة أغسطس 28, 2009 12:58 pm

    ده كلام منقول عن مصطفى حسنى وياريت ان شاء الله نبدأ ننفذه

    تأملت
    في حالي السنين اللي فاتت في رمضان، وفهمت ان كانت عندي مشكلة وهي الرغبة
    في تحقيق رقم قياسي في العبادات من عدد الختمات وعدد الركعات
    والأذكار...علشان لما حد يسألني، أو أنا لما أسأل نفسي، انت ختمت قد ايه؟
    وصليت قد ايه؟ يبقى عندي رد، وبعد كده اتعلمت ان ده نوع خفي من الرياء
    أمام نفسي وكمان رياء أمام الناس.




    هسألكم سؤال...هو ايه الهدف من رمضان؟ هل هو الصعود درجات كتير جدا في
    رمضان ثم السقوط بعده وترديد الكلمة المؤلمة "انا وقعت بعد رمضان"، ولا
    الهدف هو الاستمرارية؟




    من المكان اللى انا واقف فيه هاخد يا رب خطوة. خطوة لانى نفسي استمر عليها
    بعد رمضان. فى سنين فاتت بحاول آخذ خطوات كتير مرة واحدة بس كنت بتعب
    وأقف.


    وأنا نفسي أكمل السنة دي، انا اتعلمت انك بتحب الدوام والثبات على العمل
    حتى وان قل وحبيبك صلى الله عليه وسلم علمنا كدة لما قال: "أحب الأعمال
    الى الله أدومها وإن قل" وكان بيشجع أصحابه وبيشجعنا على كده.




    عشان كده السنة دي هفتح صفحة جديدة فى قصة حب معاك نفسي انها لا تقل ولا
    تنقطع بعد رمضان. هاخد خطوة من المكان اللى انا واقف فيه وعشان اقدر استمر
    هعبّـر عن حبي على حسب مقدرتي وعلى وسعي مش على وسع غيري وأنا مركز وعيوني
    على اني استمر ولا انقطع لانى عرفت انك بتحب العمل المستمر مش المنقطع لان
    الله الباقى بيحب العمل المستمر الباقي.




    هكتب انا مكاني فين من صلاة الفرض وهدفي اني اتقدم خطوة في رمضان واستمر
    عليها بعد رمضان، لو انا مش بصلي يبقى الهدف هو الصلاة في أول الوقت، لو
    أنا بصلي أول الوقت يبقى الخطوة تبقى الصلاة في المسجد، من المكان اللي
    انا واقف فيه هاخد خطوة على مقاسي واستمر عليها وتبقى مستمرة ومستديمة بعد
    رمضان ان شاء الله.




    هكتب انا مكاني فين في القرآن وهاخد خطوة للأمام، لو أنا عمري ما فتحت
    المصحف هبتدي بقراءة مع الفهم من كتب التفاسير اللي على مستوايا، وهدفي هو
    القراءة والفهم، وهحاول على قدر استطاعتي، ممكن مختمش ولا ختمة بس هفهم
    اللي هقراه وهستفيد منه وهطبقه على حياتي بإذن الله.




    هكتب انا مكاني فين من صلة الرحم، لو مقاطع حد من أهلي يبقى لازم حالا
    اصالحهم وهتواصل معاهم كل أسبوع ولو بالتليفون. وهستمر على كده بعد رمضان.




    هحدد انا مكاني فين في العمل الخيري، لو انا عمري ما اشتركت في جمعية
    خيرية، يبقى خطوتي اني اشترك واروح مرة كل اسبوع باستمرار، مش اروح كل يوم
    في رمضان وبعدين اتعب واقف ولا أذهب على الاطلاق.




    وهطبق المنهج ده على كل حياتي من معاملتي لأهلي لشغلي لكل تفصيلة من تفاصيل حياتي.




    ده اقتراحي ليكم، وده اللي انا هعمله السنة دي، لأن الناس مش كلها زي بعض،
    فلو طلبنا منهم كلهم يمشوا نفس الخطوات بنفس القوة والسرعة، يبقى كأننا
    عايزين كل الناس تلبس قميص نفس المقاس مهما كان مقاسهم أو عمرهم وحالهم.




    هل هنستقبل رمضان زي كل سنة ويخلص زي كل سنة وحالنا بعده يبقى زي كل سنة؟ ولا هنستقبله بتخطيط وقرار؟




    اذهبوا للجدول المرفق للتحميل، وكل واحد فينا يحط حاله مع الحاجات اللي هو
    عايز يعملها والخطوة اللي هينوي ياخدها وينوي يستمر فيها بعد رمضان.






    هفتح صفحة جديدة فى قصة حب معاك نفسي انها لا تقل ولا تنقطع بعد رمضان. وهدخل رمضان السنة دي وانا أنظر إلى الثبات بعد رمضان.




    وصلي اللهم وسلم على النبي الأمين


    والحمد لله رب العالمين


    أخوكم،




    مصطفى حسني

    الملفات المرفقة
    جدول حالي بعد رمضان.zip‏ (13.1 كيلوبايت, المشاهدات 1080)






    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 31
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: خطوة_جدول (حالى)بعد رمضان

    مُساهمة من طرف حور الدنيا في الجمعة أغسطس 28, 2009 6:03 pm

    ربنا يكرمك ياشيماء وجزاك الله خيرا


    جميل اوي اوي فكره الجدول بس الاهم اننا نطبقها ونصحح مفهوم السباق اللي بندخل فيه كل سنة ونخرج منه مش فاهمين حاجة وزي ما نكون نزلنا لعبنا ماتش كورة واحنا مش بنتدرب ولا عمرنا لعبنا كورة بس بنلعب وخلاص وعاوزين نكسب كدا وخلاص

    والاهم اننا ندعي ان حياتنا كلها تبقي رمضان باعمالنا وقرانا الدائم وصيامنا عن الذنوب والمعاصي

    ودايما نكون علي يقين ان
    اذا
    انقطع رمضان تبقي حياة المؤمن لا تنقطع {وَاعْبُدْ رَبَّكَ حَتَّى يَأْتِيَكَ الْيَقِينُ }


    وزي ما ربنا سبحانه وتعالي قال
    قال تعالى : {يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ } يبقي الهدف من العمل التقوي


    نسأل أنفسنا

    هل تحققت التقوى من الصيام ؟؟

    هل اتقيت الله في سمعي وبصري ؟؟


    إذا كان نعم فابشر بكل خير إن شاء الله


    قال تعالى : { إِنَّ أَكْرَمَكُمْ عِندَ اللَّهِ أَتْقَاكُمْ }




    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 32
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: خطوة_جدول (حالى)بعد رمضان

    مُساهمة من طرف shimaa في الجمعة أغسطس 28, 2009 10:23 pm

    وجزاكى ان شاء الله يادينا

    فعلا والله رمضان ان شاء الله فرصه اننا نتغير للاحسن وان شاء الله نوصل للهدف المرجو من الصيام وهو التقوى على قدر استطاعة كل واحد فينا

    (فاتقوا الله ما استطعتم)

    أحلى حاجه فعلا لما تبدأ فى رمضان طاعه جديده مثلا ماكنتش بتعملها وتواظب عليها بعد رمضان

    والله بتحس بشعور حلو اوى لما تلاقى نفسك مثلا مواظب على طاعه معينه من رمضان اللى فات وجه عليك رمضان السنه دى وانت لسه مواظب عليها .........والاحلى بقى انك تحاول تستمر عليها بعد رمضان ده وتزودها كمان

    يعنى مثلا انت مواظب على قيام ليل ركعتين من رمضان اللى فات ........خلى هدفك بعد رمضان السنه دى ان شاء الله يزيدوا يبقوا 4 يبقوا 6 زى ما ربنا يوفقك بس المهم فعلا نواظب على الطاعه حتى لو كانت قليله

    يارب لا يمضى رمضان الا وتكون قد اعتقتنا من النار

    اللهم بلغنا ليلة القدر وثبتنا بعد رمضان




    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    malak el- donia
    مشرف
    مشرف

    ذكر
    القوس
    عدد الرسائل : 1344
    العمر : 26
    مزاجك ايه النهرده :
    نقاط : 1162
    تاريخ التسجيل : 25/10/2008
    السٌّمعَة : 41

    رد: خطوة_جدول (حالى)بعد رمضان

    مُساهمة من طرف malak el- donia في الجمعة أغسطس 28, 2009 10:46 pm

    حقيقي هو الحلقه بتاعت مصطفي حسني امبارح دي كانت شكلها جامده اوي بس ما اتفرجتش عليها

    المهم هو جمييييييييييل اوي انك فعلا تبدا في طاعه في رمضان وتواظب عليها

    بس حقيقي الاجمل بقي انك مش بتعمل الطاعه وبس لأ وبتحس بيها يعني مش بتعملها وانت منشغل في حاجه تانيه

    يعني الحمد لله السنه اللي فاتت كانت اول مره ليا اختم القران والسنين اللي قبليها كنت باقضيها خالص الحمد لله

    السنة دي والحمد له ان شاء الله الشهر هايخلص وانا باذن الله خاتم 3 مرات

    وان شاء الله في السنة اللي بعديها ازود

    حقيقي الايه بتاعت " وفي ذلك فاليتنافس المتنافسون " السباق للجنه ده جمييييييييييل ورائع

    يعني في حاجه جميله اوي كنت سمعتها من الشيخ في صلاة الجمعه

    احنا لما نيجي بنصنف الناس بنصنفهم واحد هايخش الجنه وواحد هايخش النار

    اما ربنا سبحانه وتعالي صنفهم 3 اصناف ناس هاتخش الجنه وناس هاتخش النار وناس اللي زي ما احنا بنقول سوبر ستار داخلين الفردوس الاعلي

    عشان كده لما نيجي نطلب نطلب الفردوس الاعلي

    ربنا يكرمنا بالفردوس الاعلي يارب العالمين

    ويرزقنا الثبات علي طاعته وحبه وحب نبيه عليه الصلاة والسلبام وجميع رسله وانبيائه





    الغصن كم يهوي المياه فاتم لي نصف الحياه يا مالك امري وحالي

      الوقت/التاريخ الآن هو الأربعاء يونيو 20, 2018 2:09 pm