مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

    لعلكم تتقون....

    شاطر
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    لعلكم تتقون....

    مُساهمة من طرف الملاك الحائر في الأحد أغسطس 16, 2009 12:48 pm

    تذكير بمساهمة فاتح الموضوع :


    بسم الله الرحمن الرحيم
    خلاص يا أحباب كلها أيام بل ساعات قلائل ويهل علينا شهر البركات...
    كلها أيام وتتزين الجنان وتصفد أبواب النيران ويغل قيد عدونا اللعين الشيطان...
    فاللهم سلمنا إلى رمضان وسلم رمضان لنا واجعلنا ممن كتب له صيامه وقيامه إيماناً واحتسابا فغُفر له ما تقدم من ذنبه وما تأخر...

    ولأن شهر رمضان هو شهر القرآن، ولأن برضو كتير مننا نفسه يستشعر ويتذوق ويلتذ بتلك النعمة العظيمة فكتير بيحاولوا يكتروا ويزودا عدد مرات ختمهم للقرآن في هذا الشهر المبارك-تقبل الله من الجميع...
    علشان كده... وتحت شعار "رمضان السنة دي أحلى رمضان في حياتي" عايزين نتفق على حاجتين - وخلوهم يبقوا حاجتين بس دلوقتي فما قل وكفى خير مما كثر وألهى- وربنا المستعان اننا ننجح فيهم بإذن الله وإذا قدرنا نعمل أكتر منهم فكله من فضل ربنا ومنه وكرمه...

    الحاجة الأولانية:
    بما إننا أمة ربنا امتدح نبيها صلى الله عليه وسلم وقال: "وإنك لعلى خلق عظيم" وكمان حبيبنا صلى الله عليه وسلم قال : "أقربكم إلىّ مجلسا يوم القامة أحسنكم أخلاقا" فخلونا نتفق:
    أكيد كلنا بنسعى إننا نكون من أحسن الناس أخلاقا وبندعي دايما : "اللهم حسن خُلقي كما حسنت خِلقتي وحرم وجهي على النار"
    فعلشان كده
    يللا كل واحد يحدد أهم خلق هو نفسه يبقى فيه أوأسوء خُلق هو نفسه مايبقاش فيه وندعي ونسعى اننا نخرج من رمضان مختلفين تماما:
    بمعنى: مثلا يعني أنا مشكلتي الأساسية عدم الاستخدام الصحيح للوقت وبالتالي النوم متأخر وبالتالي وصول الشغل متأخرة....فده عيب خطير أحط هدف إن بإذن الله طول الشهر ده هعمل على علاجه وبإذن الله ربنا يساعدني وأنجح في ذلك...
    حد تاني مشكلته مثلا انه لما بيوعد ممكن يكذب أو يخلف وعدأو بيترفز بسرعة أو انه كسول أو بيزعل باباه ومامته أو أو أو...........إلخ إلخ وكل واحد أدرى بنفسه ... فيحدد ايه أسوء عيب فيه ويحاول ويسعى ويجتهد إنه يغيره الشهر ده ولو نجح فهيبقى الخلق ده صفة متأصلة فيه وبإذن الله هتدوم معاه العمر كله...
    وطبعا اللي يقدر يحدد كذا صفة ويحاول انه يغيرها يبقى عظيم جدا بس خلوها واحدة واحدة...

    الحاجة التانية:

    يللا ما نختمش القرآن؟؟؟

    اتجننت دي ولا ايه؟ -أكيد كلكوا بتقولوا كده- بس والله افهموني
    أنا أقصد بإذن الله كل واحد هيجتهد انه يختمه عادي بس بالإضافة لكده هنحاول نعمل حاجة تانية....وهي "التدبر" ...تخيل واحد قرأ القرآن عشرتاشر مرة وفضل زي ما هو وواحد تاني قرأ والآيه دي مثلا علقت في دماغه "ادفع بالتي هي أحسن السيئة فإذا الذي بينك وبينه عداوة كأنه ولي حميم" ففهمها قوي وأخدها شعار في تعاملاته مع الناس ان لما حد يؤذيه هو من خلا الكلمة الطيبة وأخلاقة الحسنى هيدفع الأذى ده عنه...أو أي آيه تانيه,,
    حد تاني تدبر "وبالوالدين إحسانا" فاتظبط في معاملته لأبوه وأمه وهكذا

    أتمنى بكده الكلام يكون وصل...

    وعلشان نبدأ نعيش القرآن ونتعايش بيه خلونا نبدأ من دلوقتي أهو بمثابة "تسخين" علشان بدخول رمضان بإذن الله نكون جاهزين...

    هنفتح القرآن -ونأجل فاتحة الكتاب دلوقتي- وندخل على سورة البقرة....
    استنى استنى هنا
    سورة ايه؟؟؟ لحظة ياشباب
    هي ايه أطول سور القرآن الكريم؟
    أكيد هتقولوا في نفس واحد "سورة البقرة" تمام

    طيب أكيد أكيدأكيد في حكمة من ان أطول سور القرآن وأولها في المصحف تُسمى بهذا الاسم....

    حد فكر في كده قبل كده؟؟؟

    طب ياترى ايه الحكمة؟؟؟؟

    يللا خلونا نفكر ونبدأ نعيش مش بس مع قراءة القرآن لأ ده مع كل هفوة حتى أسماء السور...

    أسأل الله العظيم أن يبلغلنا جميعا رمضان ويعتق رقابنا من النار وأن يرزقنا جميعا الصدق والإخلاص في القصد والقول والعمل







    [img]
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: لعلكم تتقون....

    مُساهمة من طرف الملاك الحائر في الخميس نوفمبر 12, 2009 12:45 am


    ياااااااه هو الموضوع ده كان معمول لرمضان بس؟؟؟ فين الخواطر؟؟؟؟
    اللهم اغفرلنا تقصيرنا وردنا إليك رداً جميلا يا كريم يا الله....
    خاطرة سريعة جاتلي
    فاكربن الآيه اللي في سورة يوسف اللي بدايتها بتقول:
    ذلك من أنباء الغيب نوحيه إليك وما كنت لديهم إذ أجمعوا أمرهم وهم يمكرون...
    وبداية الآيه اللي في سورة آل عمران:
    ذلك من أنباء الغيب نوحيه إليك وما كنت لديهم إذ يلقون أقلامهم أيهم يكفل مريم...... إلى نهاية الآية الكريمة...
    دايما زمان كانت بتستوقفني كلمة أنباء الغيب دي...وايه يعني الإعجاز في ذكر قصص الأقوام السابقة...
    بس سبحان الله
    لغرض بحثي معين كنت بقرأ في الكتاب المقدس (بعهديه القديم (التوراة) والحديث (الإنجيل))
    وسبحان الله وأنا بقرأ في سفر الخروج من العهد القديم لقيت قصة سيدنا يوسف مذكورة.....بجد ساعتها قلت أشهد أن لا إله إلا الله وأشهد أن محمد رسول الله....
    القصة شبيهه جداااااااااااا باللي مذكور عندنا في القرآن بس تتضح هنا بقى بلاغة القرآن الكريم الرهييييييييييييييبة.... فعلا كل الأحداث متشابهه جدااا بس يبان الإعجاز القرآني انه يلخصلك قصة زي دي بأسلوب رائع بدون ما تفقد القصة أي تفصيل من تفاصيلها.....
    بقيت أقول سبحان الله
    ازاي أهل الكتاب اللي كانوا موجودين زمن النبي صلى الله عليه وسلم ما آمنوش رغم انه جاب لهم حاجات من صلب كتابهم اللي عمره ما اطلع عليه.....
    فعلا سبحان الله


    يللا ياجماعة بانتظار باقي الخواطر



    [img]
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: لعلكم تتقون....

    مُساهمة من طرف الملاك الحائر في الجمعة يناير 15, 2010 11:32 pm

    ياااااااااااااااااااااااه يارب توب عليا توبة نصوووووووووحة ياااااااااارب....
    يااااااااااااااااااارب اجعلني من أهل القرآن الذين هم أهلك وخاصتك...
    اللهم اجعل القرآن الكريم ربيع قلبي ونور بصري وجلاء همي وذهاب غمي.....

    مع تقصيري الشديد تجاه كتابك الكريم يارب، افتكرت الأيام الخوالي...أيام القرب...أيام الأنس...أيام الأنس بالمولى جل وعلى....اللهم ردنا إليك رداً جميلا....
    افتكرت مرة زمان كنت حاسة فيها بالتقصير الشديد في حق ربنا....وقعدت أدعي ربنا وأبكي وأقول ..."يعني يارب ممكن تقبلني تاني؟؟؟ يعني يارب ممكن تتوب عليا؟؟؟" وسبحان الله في عز زعلي وبكايا....بفتح المصحف بشكل عشوائي طلعت لي الآيه دي في سورة النساء:
    "والله يريد أن يتوب عليكم ويريد الذين يتبعون الشهوات أن تميلوا ميلا عظيما. يريد الله أن يخفف عنكم وخلق الإنسان ضعيفا"
    فضلت أعيط وقلبي بيهتف "كم أنت قريب مني وإلي يالله" " أدعوك وأنا مليئة بالذنوب فترد عليا بهذه السرعة"......يــــا حبيـــــــــــــبي يا الله....

    يارب يا من قلت وقولك الحق "وما كان الله ليضل قوما بعد إذ هداهم" أتوسل إليك يا كريم وأنت نعم المجيب ألا تردني بعد إذ هديتني...

    يا من قلت "وما كان الله ليضيع إيمانكم" احفظ لي يارب لحظات الصدق والقرب منك وردني إليها مجددا يا الله....
    يا إلهي... لا تحرمني بعد أن أذقتني جمال القرب منك والأنس بك....
    إن كنت قد أخطأت فما أنا إلا آمة...إمائك سوايا كثيرون...وليس لي رب سواك.....

    اللهم لا تحرمنا لذة القرب منك يا الله....
    اللهم ردنا إليك ردا جميلا....

    اللهم املأ قلبي بحبك وحب من يحبك وحب كل عمل يقربني إلى حبك....



    [img]
    avatar
    nagat
    عضو مبتدأ
    عضو مبتدأ

    انثى
    العذراء
    عدد الرسائل : 100
    العمر : 29
    العمل/الترفيه : لسه متخرجه السنه دى
    الموقع : اللهم ارزقنا الثبات في الدنيا والاخرة
    مزاجك ايه النهرده :
    نقاط : 130
    تاريخ التسجيل : 19/12/2009
    السٌّمعَة : 11

    رد: لعلكم تتقون....

    مُساهمة من طرف nagat في السبت يناير 16, 2010 12:37 am

    الله عليكي يااااااااااااااااااااااااايمان
    قدرتي توصفي اللي جوانا هوه دي فعلا اللي بنحسه كتير
    بس بندعي ربنا انه يتوووووووووووووب علينا ويغفرلنا في بعدنا عنه
    ومن رحمه ربنا علينا وبينا انه بيبعتلنا شويه رموز بيحسسنا انه لسه
    هوه معانا وحوالينا وجنبنا وبيغفر وبيسامح كتييييييييييييير
    اللهم انك عفوا كريم تحب العفو فاعفو عنا

      الوقت/التاريخ الآن هو الأربعاء يونيو 20, 2018 2:13 pm