فاكر نفسك زماااان -مش قوي يعني- وانت نازل من بيتكم لابس المريلة وشايل شنطة -تقطم الضهر- وفي ايدك الزمزمية ونازل جرررري عالمدرسة...
طب فاكر طابور المدرسة ويترى كنت قصير فكانوا بيوقفوك قدام ولا طويل وبتقف ورا؟؟؟
وأكيد فاكر ناظر المدرسة والمدرسين بتوعك...
طيب من باب بقى "التهوين" على النفس، وبرضومحاولة للم شمل العيلة (أقصد الصحبة الحلوة) خلونا نفتكر أجمل أيام عشناها...كل واحد هياخدنا في زيارة لمدرسته (هيقولنا اسمها طبعا) ويهيئلنا شكله وهو لابس مريلته وواخد ساندوتشاته ونحضر معاه طابور المدرسة وتحية العلم والذي منه ويطلع بينا عالفصل ويحكيلنا باختصار عن طفولته- ويمكن يحكي عن أهم مواقف أثرت فيه وأحلى عصايا علمت في ايده والكلام هنا هيبقى عن أيام الابتدائي بشكل أساسي... ومن الكلام برضو هنطلع بأهم قيمة اتغرست فيه وهو طفل وأهم حاجة أثرت فيه سواء بالسلب أو الايجاب... علشان يبقى موضوع ترفيهي وفي نفس الوقت فيه استفاده...
يللا بقى... مين أول واحد هيعزمنا على مدرسته من أول السندوتشات لغاية جرس الفسحة؟؟؟؟
انتو لسه بتفكروا؟؟؟؟
خلاص أنا قررت
بمناسبة عودة الملاك الأسود لأرض المنتدى بالسلامة فهو هيكون ضيفنا الأول...أقصد مستضيفنا الأول...
فليتقدم
****
ملحوظة:
ياريت محدش يبدأ يعزمنا غير لما اللي قبله يخلص ونخلص تعليقاتنا...موافقون؟ موافقة
السبت يونيو 15, 2013 1:39 am من طرف doodybosy
» ريهـــ (حينما يتحدث القلب والعقل معا) ـــان
السبت مايو 12, 2012 1:50 am من طرف nagat
» فى حب رسول الله..بقلمى : دعاء أحمد
الجمعة نوفمبر 11, 2011 12:32 am من طرف دعاءاحمد
» فضفضة..........(فى حب الله)
الأربعاء أكتوبر 12, 2011 1:16 am من طرف rehan
» My empty house
الخميس أغسطس 18, 2011 10:24 pm من طرف rehan
» ناقش الي بعدك بسؤال
الأربعاء أغسطس 17, 2011 10:30 pm من طرف 7ob El-7iah
» عندما يتمثل الدين في الأنثى
الثلاثاء يوليو 26, 2011 11:48 pm من طرف rehan
» حلوه بلادي
الإثنين يوليو 25, 2011 2:55 am من طرف rehan
» يامن تقول أحب محمدا............
الثلاثاء يوليو 19, 2011 7:52 pm من طرف rehan
» ادخل طمنا عملت ايه فى الامتحان؟؟؟؟؟؟؟؟؟؟؟
الإثنين يوليو 18, 2011 2:43 pm من طرف rehan