مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

    زهرة الآلام تبتسم

    شاطر
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    زهرة الآلام تبتسم

    مُساهمة من طرف الملاك الحائر في السبت أغسطس 01, 2009 9:41 pm



    إن بني آدم يتكرم وياخد جايزة عالمية علشان شال كام كيلو حديد ....شيء مش عجيب
    إنك تشوف صورة جميلة لفنانة ذات ابتسامه عريضة جدا بمناسبة توقيع عقد ألبوم جديد...برضو شيء مش عجيب
    لكن العجيب فعلا إنك تشوف إنسان شايل أطنان -مش كيلو جرامات- من الهموم والآلآم ومريض جدااا ومع ذلك فرحان...والأعجب انك تشوف ابتسامته الحلوة اللي يمكن تخرجك انت نفسك من همومك لما تلاقي نفسك مجرد "نملة" جنب اللي بيشوفه...
    رشــا
    حلم بريء... زهرة جميلة اتزرعت في بستان آلالام واتسقت بمياه الصبر...
    أبدأ بايه ولا ايه ولا ايه....
    ياترى أحكي عن الأخلاق والعبادات والصوت الندي اللي كان بيصلي بينا الفجر؟!
    ولا أحكي عن الروح الجميلة اللي كانت بترفرف حوالينا؟!
    ولا أحكي عن التفوق والاجتهاد الدراسي؟!
    ولا أحكي على أسطورة الصبر على جبل الرضا الشامخ اللي قلما بنلاقي زيه الأيام دي؟؟

    مش هحير نفسي كتير وقبل ما هبدأ هقول كلمة "وحشتيني يا حبيبة قلبي في الله... وعمري ما هنساكي وسجودي ودعائي شاهد على كلامي"

    رشا ... ملاك كان ولايزال وسيبقى أبد الدهر حب حقيقي وأخت حقيقة ليا في الله اجتمعنا فيه وتفرقنا عليه... اتعرفت عليها وهي في سنة أولى كليه وكانت أصغر مني بسنة....لكنها أكبر وأعظم مني ببلايين السنوات.... بنوته ملتزمة (الشكل والجوهر) مجتهدة (مفيش كلام دي في سياسة واقتصاد) تقديرها لم يقل حتى السنة الرابعة عن "جيد جدا"
    ومن كرم ربنا وفضله عليا إنه عرفني على شخصية زي دي وأصبحت أخت من أعز أخواتي في الله ... وأكتشف بعد كده- بعد محاولات مستميتة- ان السكر دي يعيني مريضة ...والسبب في اني معرفتش من البداية انها عمرها ما اشتكت من مرضها أبدا لكن بعد ما اتصاحبنا وبقيت أروح معاها للدكتور عرفت ان دي مش بني آدمة عادية لأ دي إنسانة من طراز "أولي العزم" حاجة كده من الحاجات النادرة دلوقتي.....
    تخيلوا معايا بنوته مكملتش عشرين سنة ربنا يقدر انها تبتلى بمرض عجيب جدا في الكبد (مالوش علاج غير زراعة كبد) ومش بس كده دا الحكاية تزيد وكمان تبتلى ب"السكر" و"الضغط" و"الاستسقاء" وإلخ إلخ وهلما جرا من أمراض كفيل الواحد بس منها انه يقعد أجمد بني آدم...
    سبحان الله إحنا كنا ساكنين مع بعض في المدينة الجامعية (بس في غرف مختلفة) ووالله العظيم البنت كانت بتاخد يجي عشرين حباية علاجية قبل كل وجبة -بدون مبالغة والله- لدرجه انها كانت بتقولي انها مبقتش بتحب الأكل من كتر الدوا اللي بتاخده قبله كل أكله فضلا أصلا عن انها كانت ممنوعة من تلت أربع الأكل : مينفعش تاكل سكريات كتير علشان السكر، ومينفعش تاكل موالح كتير عشان الضغط، ومينفعش تاكل لحوم خالص علشان الكبد.......وسبحان الله عمرها ما اتضررت ولا تسخطت وأغلب زميلاتنا ماكنوش يعرفوا أصلا انها مريضة... كنا بنستلم وجباتنا توزع هي الوجبات على زميلاتها أو تاخد المربى والحلويات اللي كنا بناخدها توزعها عالأطفال في أي مكان.....ومش بس كده دي كمان كانت بتخلي مامتها تعمل لنا الأكل اللي بتحبه وتجيبهولنا....
    وبعد مواويل وحوارات كتيييير مع أشهر دكاترة الكبد في مصر وصلوا ان كل الوسائل العلاجية معاها ثبت فشلها وعلاجها الوحيد زراعة كبد.....
    سبحان الله مرة سألتني "مش ربنا وعد اللي يموت بداء البطن بالجنة؟ طب أنا لو زرعت الكبد وخفيت ما أنا كده هبقى فقدت الأجر" والله اقشعر بدني من سؤالها البنت خايفه تخف لحسن تفقد الأجر ياااااااالله....
    ويتحدد 29/7/2008 ميعاد العملية (بعد ما نجحوا في العثور على متبرع) وتتهيأ عروستنا الجميلة اللي أملها وإيمانها بالله ما قلش لحظة للعملية وتنوي انها أول حاجة هتعملها بعد العملية انها تلبس نقاب لأن التعب هيروح وكل الاجهاد اللي كان في وشها هيروح ووشها هيرجع يحلو تاني فهتشكر ربنا انها مش هتوري الجمال ده لحد -ده كلامها والله-

    ويشاء ملك السموات والأرض ان جمال رشا يرجعلها وصحتها تردلها تاني بس مش الصحة اللي نهايته موت ولا الجمال الدنيوي المؤقت ......لا ...دا جمال خالد....دي صحة مالهاش زوال.....وهترجع تاكل تاني بس مش الأكل بتعانا اللي بيتعب ده ...لالالالالالا ....دا هتاكل "وفاكهة مما يتخيرون لحم طير مما يشتهون" ....

    يشاء الملك ان الروح ترقى مؤمنة صابرة على البلاء راضية بالقضاء محتسبة ...سبحان الله رجعت روحها المطمئنة لربها ويكتب لها حسن الختام في 27/7/2008 يعني سبحان الله قبل العملية بيومين اتنين بس!!!!!

    سبحان الله...لما رحت لوالدتها أعزيها ....لقيتها هي اللي بتعزيني ....وفرحتني جدااااا وفضلت تحكيلي حاجات مش كتير بنسمعها ...وتحلفلي ان وشها بعد ما كان اغمق في الفتر ة الأخيرة من اشتداد المرض بقى زي الحليب وابتسامتها كانت جميييييييلة جدا ونعشها كان طااااااير وناس كتير جدا جدا حضرت صلاة جنازتها....
    رحمك الله يا قرة عيني ويا أختي في الله...
    الغريب ان والدتها رغم صبرها الجم كان قلبها بيتمزق على فراق بنتها ولوعة فراق ما بعدها لوعة ...
    ويشاء الكريم الجواد الودود اللطيف ان الذكرى السنوية الأولى لرشا تيجي بس بمفاجأة مذهلة:
    رشا كان ليها أخت متزوجة يقالها سنين كتير بس لم ترزق بأبناء....
    ويشاء الملك انه يداوي جرح مامتها بانه يرزق بنتها التانية اللي بقالها سنين مش بتخلف ببنوته صغنتوته علشان يقر عين أم رشا وما يمر سنة إلا وفي حجرها رشا الصغنتوتة...
    رشا... يا أجمل ابتسامة رضا شفتها في حياتي
    ياأجمل سيمفونية صبر سمعتها في عمري
    لم ولن أنساكِ يا صغيرتي وسيظل دعائي يوصل لك سلاماً مني في كل سجدها أسجدها ما حييت إلى أن نلتقى مجددا
    أسأل الله أن يحشرني معك وأن يرفع مراتبك ويغفر لكِ ما تقدم من ذنبك وما تأخر وأن ينير قبرك ويجعله روضة من رياض الجنة وأن يجمعك بخير الورى صلى الله عليه وسلم ....
    وطبعا ما نسيت ولا هنسى ماما ولا رشروشة الصغنتوتة ولا مامتها دي عيلتي خلاص
    رحمكِ الله يا ملاكي البريء وجمعنا بهذه المحبه تحت ظله يوم لاظل إلا ظله
    *****
    ملحوظة:
    كتبت هذه الكلمات احتفاء بالذكرى السنوية الأولى لوفاة لصديقتي وأختي في الله




    عدل سابقا من قبل الملاك الحائر في السبت أغسطس 01, 2009 11:12 pm عدل 2 مرات



    [img]
    avatar
    malak el- donia
    مشرف
    مشرف

    ذكر
    القوس
    عدد الرسائل : 1344
    العمر : 25
    مزاجك ايه النهرده :
    نقاط : 1162
    تاريخ التسجيل : 25/10/2008
    السٌّمعَة : 41

    رد: زهرة الآلام تبتسم

    مُساهمة من طرف malak el- donia في السبت أغسطس 01, 2009 10:37 pm

    يااااااااااااه الله له في خلقه شؤون سبحانك يارب

    ياالله يا من لك ارواحنا وانفسنا نريدها ان تذهب اليك لأنها سترتاح وتجد متعتها عندك

    ربنا يرزقها يارب الفردوس الاعلي وتكون مع النبيين والصديقين والشهداء

    صبرت في الدنيا واتعبت وخافت في الدنيا لتامن في الاخره

    الله اكبر الله اكبر انك انت ارحم الراحمين بعبادك

    ربنا يصبر اهلها يارب ويرزقهم مقابلتها في الجنه باذن الله

    وربنا يصبرك يا انسه ايمان فعلا انسانه زيها اكيد فراقها بيبقي صعب بس دي عند ارحم الراحمين يبقي اكيد نفرحلها





    الغصن كم يهوي المياه فاتم لي نصف الحياه يا مالك امري وحالي
    avatar
    7ob El-7iah
    نائب المدير
    نائب المدير

    ذكر
    الثور
    عدد الرسائل : 2011
    العمر : 27
    مزاجك ايه النهرده :
    نقاط : 1424
    تاريخ التسجيل : 25/10/2008
    السٌّمعَة : 38

    رد: زهرة الآلام تبتسم

    مُساهمة من طرف 7ob El-7iah في الأحد أغسطس 02, 2009 12:56 am

    الصراحة أني فعلا مش لاقي كلام أقوله بد اللي حضرتك ذكرتيه

    الا إني بجد كل اللي بدعيه قلبي يااااااااارب أحشرنا معاها بجوار النبي في الجنة يااااااااااااااارب

    ربنا يتولانى كلنا برحمته

    اللهم أغفر للمؤمنين والمؤمنات الأحياء منهم والأموات

    ربنا يعزك يا آنسة أيمان ويعز بيكي دينه ياااااااااااااااارب

    وربنا يجعلنا زي الناس دي أو حتى شعره في جسدهم ياااااااااااااااااااااااااااارب

    حزكم الله خير الجزاء


    عدل سابقا من قبل مشتري الجنة في الأحد أغسطس 02, 2009 1:21 am عدل 1 مرات



    بس ياقلبى هقولك سر................... خلاص الحيرة لأت لها بر
    والخوف مبأش جوايه ................والحب حكايته معيه
    إستن ياقلبى كمان.................. شوف النور والأمان
    شوف لما بتباء معه ...............شوف لما تعيش جواه
    القلب بيرجع تانى .....................
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 31
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: زهرة الآلام تبتسم

    مُساهمة من طرف shimaa في الأحد أغسطس 02, 2009 1:09 am

    انا طبعا سمعت عن رشا منك قبل كده يا ايمان بجد مهما قلنا اكيد مش هانقدر نوصفها بكل الصفات الحلوة اللى فى الدنيا

    صبر وتحمل ورضا بقضاء ربنا يارب تكون فى الفردوس الاعلى وكل تعبها يكون فى ميزان حسناتها ان شاء الله

    وربنا يجمعنا بيها فى الجنه يارب وانتى فعلا نعم الصديقه ربنا يعزك يارب

    ياريت ياجماعه ندعى كلنا لرشا فى صلاتنا بالرحمه والمغفره ان شاء الله وندعى لامواتنا واموات المسلمين


    وسبحان الله اكيد بأذن الله ربنا يكون بيحبها انه يخليك تتكلمى عنها علشان احنا كمان ندعيلها ويارب يتقبل ان شاء الله

    يعنى كانت انسانه سيرتها حلوة فى الدنيا لانها كانت قريبه من ربنا وخلوقه فربنا برده مش هايضيع تعبها وبيفضل ذكرها فى الدنيا دايما بالخير

    يارب نكون زيها كده ويفتكرنا الناس بعد موتنا ويدعولنا

    اللهم جازها بالحسنات احسانا وبالسيئات عفوا وغفرانا



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    HAWK OF ISLAM
    مشرف
    مشرف

    ذكر
    القوس
    عدد الرسائل : 134
    العمر : 26
    العمل/الترفيه : طالب فى كليه الهندسة الالكترونية / كرة القدم
    الموقع : ra7maa.alafdal.net
    مزاجك ايه النهرده :
    نقاط : 143
    تاريخ التسجيل : 29/10/2008
    السٌّمعَة : 5

    رد: زهرة الآلام تبتسم

    مُساهمة من طرف HAWK OF ISLAM في الإثنين أغسطس 03, 2009 6:37 am

    :allah:

    اللهم ارحمها واغفر لها وجازها بكل الم جسدى او روحى عانت منه وهى صابره محتسبه

    راضيه بقضاء الله وقدره , اللهم ارزقها وارزقنا معها جوار نبيك المصطفى فى جنه النعيم

    هى عاشت زهره للآلام تبتسم وان شاء الله هتخلد زهره فى النعيم تبتسم ..........







    avatar
    rehan
    مشرفه
    مشرفه

    انثى
    عدد الرسائل : 1246
    نقاط : 576
    تاريخ التسجيل : 25/10/2008
    السٌّمعَة : 40

    رد: زهرة الآلام تبتسم

    مُساهمة من طرف rehan في الإثنين أغسطس 03, 2009 2:10 pm

    hنا لله وانا الية راجعون

    لله ما أخذ ولله ما ابقى....


    سبحان الله العظيم
    أد اية كانت صابرة وراضية ومحتسبة وكان حب ربنا والرضا بقدرة
    وحرصها على الجنة أحب اليها من شفائها رغم كل ألامها....

    ربنا يجعل كله فى ميزان حسنتها

    وربنا بيقول فى حديثة القدسى...
    من رضى بقدرى أعطيته على قدرى...

    فاان شاء الله تكون فى الجنة وتتنعم وتخلد فيها مع الحبيب محمد

    اللهم ارحمها رحمة واسعة ووفيها أجرها واجعلها من الصابرين الذين يوفون أجرهم بغير حساب




    من قبل منفتح عنينا للحياة..قال الرسول لصحابة أنه حبنا
    لما عرفت انى كنت واحشة ..هعيش حياتى بحبة وكأنة هنا
    عشانا سافر.. ساب ناسه.. ساب أهله وبيتة.. وراح مهاجر
    ياريتة كان بينا ياريتة.........
    [b]

      الوقت/التاريخ الآن هو الإثنين أكتوبر 23, 2017 3:50 am