قالوا "حرب على الإرهاب" و"التحالف العالمي لمقاومة الإرهاب" وشعارات جامدة ومواوييل كبيرة من غير ما حد فيهم يقول "تعريف واضح للإرهاب".....لتبدأ أصابع الاتهام تشير للأمة الإسلامية باعتبارها "موطن" الإرهاب والعنف.... طب بناء على ايه بتقولوا كده؟ الله أعلم!!
طيب لو سألنا طفل "عبيط" عن إحساسه أو مفهومه لكلمة الإرهاب هيقولك "تخويف أو رعب أو قتل أو دمار" وده كلام منطقي ان الشخص المرهب أو الإرهابي ده حد بيخوف أو بيقتل ويدبح في الناس....
طفل فلسطيني يرمي جندي إسرائيلي بطوبة يبقى ده "الإرهاب" بعينه....
العسكري يرد بقذيفة هاون تدمر الولد وأهله يبقى ده "دفاع عن النفس"....
صاروخ سام 6 يبيد كام منزل ويقتل 200 شخص تبقى "أضرار جانبية"
شخص من إياهم يدبح إمرأه مسلمة عجوزة يبقى اسمه "متطرف"
مسلم يمد إيده على جرس باب واحد جارهم يبقى اسمه "إرهابي"
وكأن قال يعني "الإرهاب" ده ماركة مسجلة خاصة بالمسلمين وفقط.....إنما غيرهم يعمل نفس العملة ويمكن أبشع وأدل يسموه إشي "متطرف" أو "عنصري"....أو أو....
طيب لغايه كده ما اختلفناش ان الإرهابي ده "شخص مرعب" -بس شرط انه يكون مسلم علشان يستحق اللقب ده-
طيب واحدة عايشه هي وأسرتها في حالهم ولابسه حجاب.....فين بقى وجه الإرهاب اللي في الموضوع؟؟؟؟ يعني عور مين الحجاب ده ولا ضر مييييين؟؟؟؟ الله أعلم
مروة الشربيني
واحد جارها حاول ينزع حجابها كذا مرة وفي المرة التالتة زوجها استدعى البوليس اللي قبض عليه ورفع عليه قضيه عاقبته المحكمة بسببها بشهر ودفع كام يورو غرامة لكن ازاااااي يتعمل فيه كده طبعا "ثأراً" لكرامته من هذه "الإرهابية" طعنها هذا "المجرم" عشرات الطعنات ليودي بحياتها هي والطفل اللي كانت حامل فيه في الشهر التالت....
ولا حول ولا قوة إلا بالله...
حصل فين الكلام ده بقى؟؟؟!! في حارة ضلمة؟؟؟ لأ
في مكان مهجور ؟؟؟ ياريت
الجريمة حصلت في ساحة إحدى المحاكم.....يعني "على عينك ياتاجر" زي مابيقولوا
واحد واقف في ساحة محكمة بها قوات أمن مدربة يمكنها التدخل الفوري لإنقاذ ما يمكن إنقاذه لكنها لم تتحرك
يضربها 18 طعنة بالسكينة يعني وقت كاف جدا إن أي بني آدم يتحرك لكن رضو ولا حياة لمن تنادي
ولا تعليق!!!!
رحمة الله على الشهيدة "مروة الشربيني" شهيدة حجابها وإسلامها وثباتها على دينها "من مات دون دينه فهو شهيد"
وأحب أطلع من الجريمة دي بحاجتين:
الحاجة الأولى :
يابنات المسلمين ياللي اتربيتوا وعيشتوا في بلاد الإسلام لكن مع الأسف بعدتم عن زيه وروحه..... مروة كانت عايشه بين جميلات ألمانيا وكان سهل جدا عليها تلبس بنطلون "اسكيني" وترفع حجابها "ما هي البلد االلي محدش يعرفك فيها امشي و......إلخ"
لكن لأنها عارفه إن حجابها فريضة ربنا هو اللي فرضها عليها يبقى لازم تلتزم بيها حتى لو كانت النتيجة "قتلها"
"الللهم إنا نسألك الثبات"
نصرة لنبينا وثباتاً على ديننا وثأراً لمروة فتعد فتياتنا لحاجبهن الشرعي "لا يصف ولا يشف"
الحاجة التانية:
ياغرب
اتهموتنا بالإرهاب...وثبتت علينا التهمة وبكل خنوع ارتضيناها.... ولكن ماظنكم بما فعله مواطنكم هذا؟ وبأي ذنب قُتلت مروة؟؟؟؟
إذا كان حجاب مروة في نظركم هو أداة الإرهاب...فليسهد العالم أجمع أنا إرهـــــــــابـــــــيــــون إلى الأبد بإذن الله
يا منبهرين بالغرب
فوقوا لدينكم واعقلوا الحاكاية ما بقتش ناقصة
وأخيرا
هنيئاً لكِ يا مروة الشهادة
هنيئاً لك أنكي ستقولي للنبي صلى الله عليه وسلم "روحي راحت علشان اتمسكت بدينك يارسول الله"
الموضوع مطروح للمناقشة بانتظار آرائكم الكريمة
السبت يونيو 15, 2013 1:39 am من طرف doodybosy
» ريهـــ (حينما يتحدث القلب والعقل معا) ـــان
السبت مايو 12, 2012 1:50 am من طرف nagat
» فى حب رسول الله..بقلمى : دعاء أحمد
الجمعة نوفمبر 11, 2011 12:32 am من طرف دعاءاحمد
» فضفضة..........(فى حب الله)
الأربعاء أكتوبر 12, 2011 1:16 am من طرف rehan
» My empty house
الخميس أغسطس 18, 2011 10:24 pm من طرف rehan
» ناقش الي بعدك بسؤال
الأربعاء أغسطس 17, 2011 10:30 pm من طرف 7ob El-7iah
» عندما يتمثل الدين في الأنثى
الثلاثاء يوليو 26, 2011 11:48 pm من طرف rehan
» حلوه بلادي
الإثنين يوليو 25, 2011 2:55 am من طرف rehan
» يامن تقول أحب محمدا............
الثلاثاء يوليو 19, 2011 7:52 pm من طرف rehan
» ادخل طمنا عملت ايه فى الامتحان؟؟؟؟؟؟؟؟؟؟؟
الإثنين يوليو 18, 2011 2:43 pm من طرف rehan