مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

    إنــزيــم الخــيــر

    شاطر
    الملاك الحائر
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    إنــزيــم الخــيــر

    مُساهمة من طرف الملاك الحائر في السبت مايو 09, 2009 3:18 pm


    "بصي الإنسان ده عبارة عن غدة...وأي غدة في الدنيا مش بتفرز غير إنزيم واحد بس...وإنزيم الغدة الإنسانية هو الخير"

    بهذه الكلمات الرقراقة المليئة بالبراءة والخير بدأ حواري مع أختي وصديقتي الجميلة دينا ...واسمحولي أطوف معاكم في جولة سريعة على هامش الحوار اللي دار بيننا واللي حقيقي استفدت منه على المستوى الشخصي جدا... هعرضلكم وجهة نظر دينا وتصورها للخير والشر:

    دينا شايفة إن الإنسان كائن مش بينتج عنه غير الخير...وبتعلل كل الشر اللي منتشر في الدنيا مش لأن الإنسان "شراني" بطبعه أو حتى إن الغدة بتاعته بتفرز شر,,بالعكس تماما ...الغدة بتاعته أصلا مش بتفرز غير الخير...أما الشر اللي بنشوفه فده بيكون لأن "غدة الخير" بتاعته عندها "كسل" أو "مريضة" لكنها في كل الأحوال حتى وإن تدهورت صحتها "لن تفرز إلا الخير"....

    وضربتلي مثال قمة في الروعة: قالتللي ده حتى "فرعون" بجبروته هو كمان كان بيعمل خير ...قاطعتها بسرعة وقلتلها "علشان اتبنى سيدنا موسى وهو صغير" قالتلي "بالظبط"... طبعا ما سكتش قلتلها "ياسلام طب ماهو قتل ملايين الأطفال والنساء" قالتلي "بس برضو عمل خير ولو لمرة"...


    من الآخر .... النظرية اللي بتتبناها دينا دي بتنفي إلحاق صفة "الشر" بالإنسان... لأنه متخلقش لكده.... وشايفه كمان إن السبيل للوصول لهذا النقاء مرة أخرى هو إننا نلغي مصطلحات خاطئة من قاموس حياتنا، وهوضح الجزئية دي بمثال قالتهولي.."عارفة يا إيمان لو واحدة قالتلي إنها عملت حاجة وأنا واثقة بنسبة مليون في المية إنها معملتهاش.عارفة هعمل ايه؟" بحلقت وقولتلها "ياترى ايه؟" قالتلي : "هصدقها!!! ببساطة لأن مفهموم الكذب مش موجود في حياتي"
    عجبتني قوي الكلمة دي...
    ودللت على كلامها اننا بحذر الأطفال الصغيرين من عدم الصدق..ومش بنحببهم في الصدق وده لسبب بسيط إن الفطرة بطبيعتها "صادقة" والكذب شيء دخيل عليها...

    طبعا حوارنا كان أطول من كده بكتير وحقيقي كنت مبسوطة جدا جدا ببرائتها وفطرتها السليمة الطيبة....ولكن مع انتهاء هذا الحوار "السامي" والعودة لواقع الحياة "الدامي" سألت نفسي:
    "هل ممكن الروح الطيبة والفطرة السليمة اللي نادت ليها دينا أن تشيع في مجتمع تجرأ بعض من أفراده على دس نوع من الطعام حرمه الله علينا -في نص واضح في القرأن الكريم- وإطعامنا إياه؟؟ (وأقصد بذلك ما فُعل بلحوم الخنزاير)

    سؤالي مش معناه إني مش متفقة معاها في الرأي...بل بالعكس أنا مرحبة جدا بفكرتها "البريئة" ولكن ببعض الاختلاف
    صحيح أنا مش بكذب وأخلاقي بتفرض عليا إني أحسن الظن باللي قدامي وماتهمهموش بالكذب- إلا إذا تبينت من ذلك- بس في نفس الوقت "المؤمن كيس فطن" بيأمن وما بيخونش بس في نفس الوقت بيقدر ياخد باله ويحاذر علشان مايروحش "بلاش" وسط من نحيا بينهم من أناس أصيبت "غدتهم الإنسانية" ب "سرطان" خلاها بتاكل في بعضها ومابتميزش.....

    وأخيرا..جزاكي الله خيرا الجزاء يا أختي العزيزة وأسأل الله كما جمعنا على محبته في هذه الدنيا الفانية أن يجمعنا برحمته في جنته ذات القطوف الدانية..







    [img]
    حياتي لله
    حياتي لله
    عضو جديد
    عضو جديد

    ذكر
    عدد الرسائل : 49
    مزاجك ايه النهرده :
    نقاط : 65
    تاريخ التسجيل : 18/02/2009
    السٌّمعَة : 8

    رد: إنــزيــم الخــيــر

    مُساهمة من طرف حياتي لله في السبت مايو 09, 2009 11:44 pm

    ما شاء الله ...ايه الحوار الراقي ده!!!!!
    تشبيه جميل جدا و أنا أأيده بشدة, وببني جزء كبير من حياتي على المفهوم ده.
    بس الأمراض كترت أوي اليومين دول, لكن في نفس الوقت الدوا موجود وسهل
    ممكن نحس انه مر شوية في اوله بس بعد كده بيبقى غاية في الحلاوة.
    ولازم الناس اللي عارفة الدوا ده تعرفه وتقربه للي محتاجينه.
    .......جزاكم الله خيرا كثيرا.........
    7ob El-7iah
    7ob El-7iah
    نائب المدير
    نائب المدير

    ذكر
    الثور
    عدد الرسائل : 2011
    العمر : 28
    مزاجك ايه النهرده :
    نقاط : 1424
    تاريخ التسجيل : 25/10/2008
    السٌّمعَة : 38

    رد: إنــزيــم الخــيــر

    مُساهمة من طرف 7ob El-7iah في الأحد مايو 10, 2009 1:48 am

    بصراحة لا تعليق على الكلام الرائع ده

    وانا دلوقتي بسجل بس اعجابي جدا بالحوار ولي عوده ان شاء الله

    بس انا داخل انام عشان الكلية دلوقتي




    بس ياقلبى هقولك سر................... خلاص الحيرة لأت لها بر
    والخوف مبأش جوايه ................والحب حكايته معيه
    إستن ياقلبى كمان.................. شوف النور والأمان
    شوف لما بتباء معه ...............شوف لما تعيش جواه
    القلب بيرجع تانى .....................
    حور الدنيا
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 31
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: إنــزيــم الخــيــر

    مُساهمة من طرف حور الدنيا في الأحد مايو 10, 2009 4:12 pm

    Shocked Shocked Shocked Shocked


    انتي كنتي بتسجليلي ياايمان ؟؟!!!
    ياربناااااااااااا

    جزاكي الله خير بجد علي عرضك للفكره اللي ابدا متكلمتش فيها مع حد قبلك والحمدلله انك قدرتي تقهمني انتي بجد نعم الصديقه والاخت

    بس مكنتش اتوقع ابدا انك تعملي العمله دي



    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    حور الدنيا
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 31
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: إنــزيــم الخــيــر

    مُساهمة من طرف حور الدنيا في الأحد مايو 10, 2009 4:17 pm

    حياتي لله كتب:ما شاء الله ...ايه الحوار الراقي ده!!!!!
    تشبيه جميل جدا و أنا أأيده بشدة, وببني جزء كبير من حياتي على المفهوم ده.
    بس الأمراض كترت أوي اليومين دول, لكن في نفس الوقت الدوا موجود وسهل
    ممكن نحس انه مر شوية في اوله بس بعد كده بيبقى غاية في الحلاوة.
    ولازم الناس اللي عارفة الدوا ده تعرفه وتقربه للي محتاجينه.
    .......جزاكم الله خيرا كثيرا.........


    الله يعزك يابشمهندس ردك كتير ريحني



    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    بتول
    بتول
    عضو فعال
    عضو فعال

    انثى
    الحمل
    عدد الرسائل : 650
    العمر : 35
    العمل/الترفيه : مهندسة شبكات
    الموقع : http://forum.amrkhaled.net/showthread.php?t=235523
    مزاجك ايه النهرده :
    نقاط : 396
    تاريخ التسجيل : 08/11/2008
    السٌّمعَة : 9

    رد: إنــزيــم الخــيــر

    مُساهمة من طرف بتول في الأحد مايو 10, 2009 6:22 pm


    ربنا يباركلكوا يا بنات
    كلام جميل جدا يا دينا وفعلا قايلاه بالفطرة
    الفطرة اللي خلقناها بيها ربنا
    ويمكن ذكرتي الكذب اللي هو اكتر شئ بكره في حياتي
    ربنا يعافينا جميعا
    اما ايمان فطريقة سردك للحديث جميلة اوي وكانك بجد مسجلاه
    ربنا يجمعكم بالحبيب المصطفى في الفردوس الاعلى وايانا اجمعين

      الوقت/التاريخ الآن هو الأربعاء يناير 23, 2019 6:15 am