مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

    ساعه من يومنا

    شاطر

    salah
    كبار الشخصيات
    كبار الشخصيات

    عدد الرسائل : 345
    نقاط : 198
    تاريخ التسجيل : 25/10/2008
    السٌّمعَة : 10

    ساعه من يومنا

    مُساهمة من طرف salah في الجمعة أبريل 24, 2009 3:15 pm

    السلام عليكم ورحمه الله وبركاته
    ازيكم يا اخواتي واخواتي الكرام
    ارجو من الله ان تكون في خير حال مع الله
    فان انصلح حالنا مع الله صلحت جميع احوالنا مع غبره
    الموضوع ده كانت فكره بتراودني من فتره وكانت هعرضها عليكم من قبل فتره انقطاعي عنكم الطويله
    وبالتحديد من قبل العيد الكبير
    باختصار علشان مطولش عليكم
    الفكره هي
    "ساعه من يومينا تصلح حالنا وتحي قلوبنا "

    علي فكره هي مش جديده هي عباره عن تجميع لبعض المشاريع القديمه في المنتدي
    لكن متجمعه في موضوع واحد
    ندخل في الموضوع
    الفكره اننا هنتقرب الي الله ببعض العبادات والنوافل في خلال ساعه يوميا كحد ادني نلتزم بيه كلنا واللي يقدر يزداد من فضل الله ربنا يزيده
    دي الفكره نيجي للتفاصيل

    اولا لازم نعرف ان الساعه هتكون متقسمه علي مدار اليوم يعني مش هنتقل علي حد سواء كان عنده شغل او مذاكره اتفاقنا
    ثانيا احنا عندنا اربع عبادات هنقسمهم علي الساعه دي
    ايه هم العبادات
    1- قراه القران
    2- ذكر الله تعالي
    3- قيام ليل
    4- عباده التفكر والتدبر
    مش قولتلكم انها مش جديده
    نيجي لبطريقه التنفيذ علشان تعرفو انها مش جديده

    هنقسم الساعه ازي طببعا اربع اقسام
    تلت ساعه قران +تلت ساعه قيام +عشر دقايق ذكر +عشر دقايق تدبر
    نفسر اكتر

    نبداء بالقران فكره جميله جدا كانت اقتراحتها الانسه شيماء من فتره وهي اننا نقسم الورد القراني علي الصلوات هي نفس الفكره التعديل اللي فيها اننا عندنا خمس صلوات يوميا والمشروهع هيتقسم علي اربع صلوات من الخمسه بمعدل 5 دقايق بعد او قبل كل صلاه زي ماتحبو
    واعتقد انه بقراه متوسطه السرعه ممكن نقراء جزء يوميا او علي الاقل حزب ونص و 5 دقايق قبل الصلاه او بغعدها مش هيعطلونا كتير

    ثانيا القيام ببساطه جدا احنا عندنا تلت ساعه يوميا وعندنا تلت اوقات للقيام اول الليل او نصفه او قبل الفجر زي ما كل واحد يحب هيصلي اربع ركات واعتقد بالوضوء بتاعم مش هياخدو اكتر من تلت ساعه
    وممكن نقسمهم ازي علشان ميبقاش لينا حاجه
    ركعتين او عشر دقايق بعد صلاه العشاء او قبل مانام
    +
    ركعتين او عشر دقايق قبل صلاه الفجر
    اللي انتم زي مانا شايف بداءتم حامله جديده او تنشيط للحمله القديمه

    ثالثا عشر دقايق ذك لله اي نوع من الذكر سواء اتفاقنا عليه يوميا او اسبوعيا
    امتي بقي العشر دقايق دول ؟ وقت متحب وانت رايح الجامع او راجع منه
    او رايح الكليه راجع منها وانت راكب المواصلات فيه اوقات متخلخله بين مشاغلنا لو استفادنا نمنها هيكون لينا عظيم الاجر بدل مبتضيع في حاجات فرغه

    نيجي لي رابعا وهي عشر دفقايق تدبر او تفكر وطبعا هنساءلوني قصدك بيهم ايه
    انا قصدي اننا نختلي بانفسنا عشر دقايق يومينا قبل النوم نراجع فيه اللي عملنها في يومنا نحاسب فيه انفاسنا او نتفتكر موقف عدي علينا في الشارع او الكليه ونشوف فيه عظيم صنع اللعه وجميل تصرفه
    او ايه قرانها شددنا فتدبرنا معانيها فهمتم انا قصدي ايه

    وفي نهايه الموضوع احب اذكركم انها حاجات مش جديده انما هي تجميع لمشاريع قديمه
    واترككم في حفظ الله

    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: ساعه من يومنا

    مُساهمة من طرف الملاك الحائر في الجمعة أبريل 24, 2009 3:28 pm

    جزاكم الله خيرا كثيرا يادكتور على التذكير وبوركت هذه الساعة
    فعلا تقسيم حضرتك جيد جدا ليها ومفيهاش أي تعطيل الحمد لله
    ومن فضل ربنا عليا الحمد لله إن عبادة التفكر والتدبر دي بتطول معايا شوية في رحلتي اليومية للقاهرة ذهاباً وإياباً ...فجزاكم الله خيرا على تجديد النية



    [img]
    avatar
    سرور المنتدى
    عضو مبتدأ
    عضو مبتدأ

    ذكر
    عدد الرسائل : 113
    نقاط : 121
    تاريخ التسجيل : 31/01/2009
    السٌّمعَة : 8

    رد: ساعه من يومنا

    مُساهمة من طرف سرور المنتدى في الجمعة أبريل 24, 2009 6:39 pm

    جزاكم الله خيرا دكتور صلاح

    فعلا تقسيمة جميله جدا

    وعلى فكره.....والله يا دكتور احنا اللى بنتلكك بتضيع الوقت......يعنى انا مثلا ممكن انشغل فى حاجه حوالى ساعه ولا اتنين.....وبعدين الواحد ييجى يعمل حاجه عدله يقول هتضيع وقت ومش عارف ايه......القرءان والذكر عامة...ممكن مش يبقى ساعه بس...ده ممكن يبقى خمس ساعات..اللى رايح الكليه يقول ذكر..اللى جاى من الكليه..اللى قاعد فاضى شويه فى الكليه...شويه بعد الصلاه...شويه قبل وبعد المذاكره...شويه والواحد هينام

    يعنى فيه أوقات كتيييييييييييييييييييييييييره.....بس زى ما قلتلك...احنا اللى بنتلكك بتضيع الوقت((او يمكن انا بس scratch )).....ربنا يهدينا كلنا

    بإذن الله نحافظ على اللى حضرتك قلته
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 31
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: ساعه من يومنا

    مُساهمة من طرف shimaa في السبت أبريل 25, 2009 12:03 am

    ربنا يكرمك يادكتور

    فعلا تجميع حلو اوى لاهم الطاعات

    وبجد فعلا تقسيم قراءة القرآن دى بتفرق كتير اوى والواحد بيلاقى نفسه كده فى آخر اليوم قرأ جزء وهو مش حاسس بتبقى سهله اوى وبتبقى كمان ممتعه جدا انك قرأت جزء فى اليوم واد ايه بقى ثوابه

    وهو فعلا الربعين بياخدوا عشر دقائق بالظبط وقراءه متأنيه كمان

    وبالنسبه للقيام برده بتبقى سهله لما الواحد يصلى ركعتين بعد سنة العشاء بنية القيام وبعد كده ركعتين فى اى وقت بقى لحد الفجر

    وبالذات الركعتين اللى بعد العشاء لما بتعتاد عليهم بيبقوا خلاص كأنهم فرض عليك ولازم تصليهم

    أما الذكر بقى فعلا اوقات كتير بتضيع مننا واحنا ماشيين....... فى المواصلات......واحنا قاعدين منتظرين اى حاجه

    يعنى احنا عندنا اوقات فراغ كتير بس بنكسل نستغلها صح
    ربنا يجعل ألسنتنا عامره بذكره يارب


    والعشر دقائق بتوع التفكر دول اكيد هايفرقوا معانا كتير ان شاء الله

    ربنا يعزك يادكتور يارب

    وربنا يجمعنا دايما على طاعته



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان

    محمود الريفي
    عضو واصل
    عضو واصل

    ذكر
    الدلو
    عدد الرسائل : 377
    العمر : 26
    مزاجك ايه النهرده :
    نقاط : 132
    تاريخ التسجيل : 02/11/2008
    السٌّمعَة : 1

    رد: ساعه من يومنا

    مُساهمة من طرف محمود الريفي في السبت أبريل 25, 2009 6:30 am

    جزاك الله خيرا

    على التقسيمة الجميلة دى

    ولك عظيم الاجر والثواب
    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 30
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: ساعه من يومنا

    مُساهمة من طرف حور الدنيا في السبت أبريل 25, 2009 3:52 pm

    جزاكم الله خيرا علي الموضوع الرائع
    والله لو حسبناها صح هتبقي الــ 24 ساعه عباده
    لو حطيت في بالي ان شغلي عباده
    وان مذاكرتي عباده
    واني نومي علشان اريح بدني عباده
    وان اكلي وشربي عباده
    وطاعتي لوالدي عباده
    ومساعده امي في شغل اليت عباده
    وصلاتي عباده
    وذكري بعد الصلاه وقبل النوم ووقت فراغي عباده
    وان مشاهدتي لمسلسل او برنامج ما بغرض الاستفاده عباده

    بس المهم نحسبها صح


    جزاكم الله خيرا كثيرا



    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين

      الوقت/التاريخ الآن هو الإثنين سبتمبر 25, 2017 7:23 am