مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

    حوار من القلب للقلب.........

    شاطر
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 31
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    حوار من القلب للقلب.........

    مُساهمة من طرف shimaa في الخميس أبريل 23, 2009 10:23 pm

    السلام عليكم ورحمة الله وبركاته

    فى البدايه برحب بكل أخواتى(الصحبه الحلوة)وأعضاء منتدانا الغالى

    ويارب ان شاء الله يكون حوار ممتع ومفيد لينا كلنا

    وبرحب طبعا بضيفتنا العزيزة

    نور

    ومنوره المنتدى كله وقسم عرفنا بنفسك كمان

    عايزينك بقى تعرفينا على مها

    الاسم:

    المؤهل:

    الوظيفه:



    وكمان عايزين نتعرف على نور


    مين هى نور؟وايه سر اختيارك للاسم ده؟؟


    وحاجه كمان استنى

    مين هى نوال؟؟

    وايه الفرق بين( مها_نور_نوال)وياترى ايه اللى بيربط الثلاثه ببعض؟؟؟؟؟؟؟


    يالا ياستى حاجه خفيفه كده فى البدايه






    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 30
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: حوار من القلب للقلب.........

    مُساهمة من طرف حور الدنيا في الخميس أبريل 23, 2009 10:59 pm

    منوره يامها والله
    ان شاء الله يكون حوار جامد ومفيد
    ويكشف لنا عن كل حاجه حلوه فيكي

    ربنا معاكي

    اشربي حاجه بقي الاول كدا وهدي اعصابك خالص
    الموضوع سهل متقلقيش

    ويما اننا بس اللي موجودين
    عملت 3 فراوله بالهنا علي قلوبنا





    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    avatar
    نور
    كبار الشخصيات
    كبار الشخصيات

    انثى
    عدد الرسائل : 117
    نقاط : 75
    تاريخ التسجيل : 27/10/2008
    السٌّمعَة : 1

    رد: حوار من القلب للقلب.........

    مُساهمة من طرف نور في الخميس أبريل 23, 2009 11:24 pm

    سلامه عليكم وبجد وحشتونى ووحشنى المنتدى

    الإسم مها محى محمد الشباسى

    المؤهل تربيه إنجليزى و2 دبلومه فى ذوى الإحتياجات الخاصه

    الوظيفه بيقولوا مديرة دار الرحمه لرعايه الأيتام ذوى الإحتياجات الخاصه

    مين هى نور؟ وايه سر اختيارك للاسم ده؟؟

    نور هى إنسانه جميله شفافه صفيه ونقيه هى إنسانه بتحب كل الناس وقلبها كله حب ومودة ورحمه لكل البشر إنسانه بتحب الخير كل الناس هى إنسانه فيها كل الصفات الجميله اللى تحب تشوفها واللى يمكن حلمت بيها وقرأت عنها فى الكتب هى إنسانه من عالم تانى عالم كل حب وخير وجمال لكل المخلوقات مش بس للبشر

    وايه سر اختيارك للاسم ده؟؟

    لأنى ببساطه بشوف كل شئ جميل فى الحياة نور الضحكه الصفيه نور على الوجه الكلمه الحلوة نور على الفم الصلاة بخشوع نور فى القلب والعقل القرب من ربنا نور والأمل نور فى طريق الناس والله نور السموات والأرض وهو النور

    مين هى نوال؟؟

    نوال هو الإسم الحقيقى أو بمعنى أصح الإسم الدراسى]

    الفرق بين مها ونوال ونور
    هو فرق فى المسؤليات والواجبات الإلتزامات ولكن الكل قلب واحد عقل واحد ونفش المشاعر ونفس الأحاسيس و إن كانت نور أفضلهم


    شكرا يا دينا على العصير دة و اللهى يابنت جه فى وقته
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: حوار من القلب للقلب.........

    مُساهمة من طرف الملاك الحائر في الخميس أبريل 23, 2009 11:36 pm

    الله الله
    ما شاء الله تبارك الله بدايو موفقة جدا يا مها أقصد يانور..يوووه يانوال....ايه اللغبطة دي...

    حوار مميز إن شاء الله ودعواتنا ليكي بالخير وربنا ينور قلبك وينولك كل اللي بتتمنيه



    [img]
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 31
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: حوار من القلب للقلب.........

    مُساهمة من طرف shimaa في الخميس أبريل 23, 2009 11:38 pm

    الله الله شكله هايبقى حوار جامد

    طيب ياستى

    بما انك خريجة تربيه وكده يعنى

    ايه رأيك فى نظام الدراسه فى كليات التربيه؟؟وياترى استفدتى من دراستك للغه الانجليزيه فى الكليه ولا لأ؟

    بس يعنى براحه علينا يامها علشان مايبقاش شكلنا وحش اوى يعنى احنا خريجى التربيه

    وبالمره كده ايه رأيك فى التعليم فى مصر بما انك مربيه؟؟ولو كنتى مسئوله زى مثلا بقيتى وزيرة التعليم ايه هاتكون خطة الاصلاح اللى هاتمشى عليها؟؟




    كده بقى نور دى انسانه مثالية بمعنى الكلمه

    طيب
    لو فى واحده صاحبتك أو حد من اهل بيتك او عيلتك مشكلته انه دايما مكتئب ياترى عندك القدره انك تأثرى عليه بنور؟؟


    حاجه كمان بقى

    [b]ايه سر اهتمامك بمجال ذوى الاحتياجات الخاصه؟


    [b]جاوبى دول والبقيه تأتى

    [/b][/b]

    [b]
    [/b]



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    الملاك الأسود
    مشرف
    مشرف

    ذكر
    العذراء
    عدد الرسائل : 438
    العمر : 33
    الموقع : http://ra7maa.alafdal.net
    مزاجك ايه النهرده :
    نقاط : 221
    تاريخ التسجيل : 28/10/2008
    السٌّمعَة : 17

    رد: حوار من القلب للقلب.........

    مُساهمة من طرف الملاك الأسود في الجمعة أبريل 24, 2009 12:19 am


    فى لااول طبعا اسمحولى ارحب بالضيفه

    منوره المنتدى والقسم يانور ......... وان شاء الله يكون حوار جامد جدا وتستفيدى منه ان شاء الله

    ربنا معاكى



    [center]
    avatar
    نور
    كبار الشخصيات
    كبار الشخصيات

    انثى
    عدد الرسائل : 117
    نقاط : 75
    تاريخ التسجيل : 27/10/2008
    السٌّمعَة : 1

    رد: حوار من القلب للقلب.........

    مُساهمة من طرف نور في الجمعة أبريل 24, 2009 12:51 am

    أة ياستى الأسئله الجامدة دى معلش الله المستعان
    أولا يا ستى ايه رأيك فى نظام الدراسه فى كليات التربيه؟؟ وياترى استفدتى من دراستك للغه الانجليزيه فى الكليه ولا لأ؟

    أولا رأيى فى نظام الدراسه فى كليه التربيه إنه نظام أى كلام بس على أدهم كتر خيرهم ويالا حسن الختام
    بجد نظام مش عاوزة أقول فاشل لكن هقول نظام شايل حوالى 10 أو 15 مادة بدرجه ضعيف جدا

    للأسف النظام الحالى فى كليه التربيه لا يمت للواقع الذى نعيش فيه والتطور والتقدم الذى يشهدة العالم بصله

    وياترى استفدتى من دراستك للغه الانجليزيه فى الكليه ولا لأ؟
    هقول كل اللى إستفدة من دراسه اللغه الإنجليزيه فى الكليه شويه كلمات وبعض القواعد ومعرفه بعض الخطوط العريضه عن الأدب والشعر الإنجليزى لأسف واللهى كنت بحبه

    وبالمره كده ايه رأيك فى التعليم فى مصر بما انك مربيه؟؟ ولو كنتى مسئوله زى مثلا بقيتى وزيرة التعليم ايه هاتكون خطة الاصلاح اللى هاتمشى عليها؟؟

    ايه رأيك فى التعليم فى مصر بما انك مربيه؟؟ رأى فى التعليم فى إنه محتاج إصلاح جذرى من الألف إلى الياء ومحتاج خطه شامله ومتكمله تشمل الإنسان من كل الجوانب

    ولو كنتى مسئوله زى مثلا بقيتى وزيرة التعليم ايه هاتكون خطة الاصلاح اللى هاتمشى عليها؟؟

    أولا لو تفتح عمل الشيطان وليه لو إحنا بفكرنا ننفع بنسه لناس
    بصى يا ستى لو كنت وزيرة التعليم هبداء الأول بأطفال الحضانه وهخالى اللى يدرس فى الحضانه دة ميكنش واخد إقل من ماجستير أو دكتوراه دة أولا ثانيا التدريس فى الحضانه مش هيكون تدريس بقدر ماهيكون قائم على إكتشاف قدرت وإمكانيات ومواهب كل طفل وتعليم الطفل كيف يحلم ليه ولبلدة ولدينه ولأمته هعلم الطفل المبادئ والقيم هجيب المدرس القدوة وأنمى فيهم المثل الأعلى من النبى والصحابه وغيرهم من المصلحين والناجحين من المسلمين وغيرالمسلمين وهقول ليهم لو غير المسلمين نجحوا فالأولى إن إحنا نتفوق ونتميز لإن إحنا عندنا أعظم منهج وأفضل نبي هعلمهم إنهم إن اللى يعيش لنفسه يعيش صغير ويموت صغير أما اللى يعيش لهدف وغايه ينفع بيها الناس بيعيش كبير ويموت كبير وهخليهم يعرفوا المعلومات عن طريق الإحتكاك بالواقع وبالبيئه الخارجيه وأول حاجه هعلمها للأطفال حكايه الأسد الملك ودى جزء من خطه الإصلاح لكن مينفعش إكتبها كلها كدة كنقعد للسنه الجايه نكتب


    لو فى واحده صاحبتك أو حد من اهل بيتك او عيلتك مشكلته انه دايما مكتئب ياترى عندك القدره انك تأثرى عليه بنور؟؟

    دة فعلا كان بيحصل وكان بيحصل كتير جدا وخصوصا مع أصحابى فى الكليه وفى المدينه الجامعيه وبفضل ربنا كنت بقدر لأنى كنت بحاول أوريه الجمال فى الشئ اللى بيحصله وفى نفس الوقت كنت بحاول أخد بأديهم علشان يغيروا اللى أدى لظروف أو الحاله اللى هم فيها

    ايه سر اهتمامك بمجال ذوى الاحتياجات الخاصه؟

    الموضوع جه كدة قدرا أنا كنت أعدة أنا ودكتورة إسلام وأعضاء الجمعيه بنتكلم فى فتح دار أيتام للعادين وبعد معانه الموضوع لم يتم فإضترين إن دار تكون بدل ما هى للعادين تباء لذوى الإحتياجات الخاصه

    وبعد فترة لقيت د/ إسلام بترشحنى للعمل فى الدار فوفقت

    لكن دلوقتى الدار هى جزء من مها وأطفال الدار هم مها نفسها ويمكن أهم منها عندها
    avatar
    نور
    كبار الشخصيات
    كبار الشخصيات

    انثى
    عدد الرسائل : 117
    نقاط : 75
    تاريخ التسجيل : 27/10/2008
    السٌّمعَة : 1

    رد: حوار من القلب للقلب.........

    مُساهمة من طرف نور في الجمعة أبريل 24, 2009 12:55 am


    متشكرة جدا يا بشمهندس ودعواتك
    أصل الإمتحان شكله صعب
    avatar
    نور
    كبار الشخصيات
    كبار الشخصيات

    انثى
    عدد الرسائل : 117
    نقاط : 75
    تاريخ التسجيل : 27/10/2008
    السٌّمعَة : 1

    رد: حوار من القلب للقلب.........

    مُساهمة من طرف نور في الجمعة أبريل 24, 2009 1:06 am


    أيه يا جماعه العصير داخل باء له ساعه مفيش أكل ولا أيه

    إحنا فى المنوفيه ولا أيه
    فينك يا دينا ربنا يخليكى يا بنتى للغلابه
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 31
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: حوار من القلب للقلب.........

    مُساهمة من طرف shimaa في الجمعة أبريل 24, 2009 1:07 am

    انتى كده بوظتى الكليه خالص يامها.........بس يالا عندك حق طبعا


    اذا الخطه هاتبقى ماشيه بالنظام ده هانعينك من بكره بقى وزيره ان شاء الله


    طيب عايزين نعرف نبذه كده عن حكاية الاسد الملك؟؟؟؟؟؟



    وبما انك بتقدرى تخففى الالم عن اللى حواليكى من خلال تأثيرك عليه

    ياترى لو الدنيا ضاقت بيكى اوى مين اللى بتلجأى له بعد ربنا وبتحبى تفضفضى معاه؟؟
    وياترى بتقتنعى برأى الاخرين بسهوله؟؟



    وبما انك بقى اتكلمتى عن الدار

    عايزينك تحكيلنا كده اتعرفتى ازاى على الجمعيه؟؟وايه اللى اختلف او اتغير فيها من ساعة ما بقيتى عضوة لغاية دلوقتى؟؟



    انتى اكيد بتحبى اطفال الدار كلهم بس مين فيهم اللى قريب لقلبك اوى؟؟


    ايه الحاجه اللى انتى حاسه انها ناقصه فى الدار ولو كانت موجوده مصير الدار هايتغير
    يعنى وجودها هايفرق كتير سواء للاطفال او للدار نفسها؟









    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    نور
    كبار الشخصيات
    كبار الشخصيات

    انثى
    عدد الرسائل : 117
    نقاط : 75
    تاريخ التسجيل : 27/10/2008
    السٌّمعَة : 1

    رد: حوار من القلب للقلب.........

    مُساهمة من طرف نور في الجمعة أبريل 24, 2009 2:12 am

    طيب عايزين نعرف نبذه كده عن حكاية الاسد الملك؟؟؟؟؟؟

    حكايه الأسد الملك هى ببساطه حكايه كل مسلم هى حكايه أسد إتخطف من جدوده الأسود وإتربا فى وسط أغنام هو مش شكلهم ولا زيهم بس للأسف باء يعمل زيهم هو أسد لكن أفعاله وتصرفاته أفعال وتصرفات أغنام

    للأسف الأسد نسى إن جدة النبى إن جدة أبو بكر وعمر وصلاح الدين ومحمد الفاتح الأسد للأسف نسى نفسه وعاش فى حياه مش حياته

    لحد مجيه اللى عرفه أصله عرفه هو مين وابن مين ومن هم أهله ومن هم جدوده وأول ما فاء الأسد جريت وستخبت كل الأغنام عرف الأسد إنه مش خروف ولا من الأغنام علرف إنه أسد وإن جدوده أسود

    وما فتئ الزمان يدور حتى مضى بالمجد قوما أخرين وأصبح لا يرى فى الركب قومى وقد عاشوا أئمته سنين
    وألمنى وألم كل حر سؤال الدهر أين المسلمين ؟ ترى هل يرجع الماضى فإنى أذوب إلى هذا الماضى حنين



    ياترى لو الدنيا ضاقت بيكى اوى مين اللى بتلجأى له بعد ربنا وبتحبى تفضفضى معاه؟؟
    وياترى بتقتنعى برأى الاخرين بسهوله؟؟
    الى بالجأ ليه بعد ربنا عز وجل هم أصحابى المقربين منى جدا وخصوصا لو كانت طبيعتنا واحدة ساعتها بحس إنها هتشوف الموضوع بشكل أفضل منى وهتوضحلى اللى أنا مش شيفاه بحكم إن أنا اللى فى المشكله وياترى بتقتنعى برأى الاخرين بسهوله؟؟

    لو صح ليه لا الحق أحق أن يتبع لكن لو كنت شيفه إنى صح
    فما فيش مشكله إختلاف الأراء لا يفسد للود قضيه بحاول أوضح ليها وجه نظرى إقتنعت خير وقتنعتش برده خير .

    عايزينك تحكيلنا كده اتعرفتى ازاى على الجمعيه؟؟وايه اللى اختلف او اتغير فيها من ساعة ما بقيتى عضوة لغاية دلوقتى؟؟
    إتعرفت إزى على الجمعيه من خلال منار ودى كانت من العضوات النشيطات فى الجمعيه وأول مره دخلت الجمعيه كان فى رمضان وكانت د /إسلام بتعبى شنطه رمضان و دة من حوالى 4 أو 5 سنين

    السؤال التانى مقدرش أرد عليه واللى تقدر ترد عليه هى الدكتوره إسلام بما إن هى اللى كانت معنا من الأول مع إنى شيفه إنى مجرد ترس فى أله كبيرة لست أكتر من ذلك


    انتى اكيد بتحبى اطفال الدار كلهم بس مين فيهم اللى قريب لقلبك اوى؟؟
    كل طفل من أطفال الدار له مذاق خاص بيه وكل طفل سبحان الله ربنا بيحببك فيه بحاجه مش موجودة فى التانى فبتكون المحصله إن الكل فى معزة وغلاوة متساويه تقريبا ويمكن دة لحكمه ربنا يردها بحكم إنى على طول معهم فى الدار فمينفعش أحب حد أكتر من التانى علشان مدلعش واحد على حساب طفل تانى وخصوصا إن الكل يشترك فى عنصر أساسى وهو الإحتياج إلى الحب والعطف والرحمه والحنيه والصبر فى التعامل معهم

    ايه الحاجه اللى انتى حاسه انها ناقصه فى الدار ولو كانت موجوده مصير الدار هايتغير
    يعنى وجودها هايفرق كتير سواء للاطفال او للدار نفسها؟

    السؤال لو تسمحى أسئله بشكل تانى وهو ما هو حلمك لدار ؟
    هقولك حلمى لاهم حاجه فى الدار وهم الأطفال إن كل طفل من أطفال الدار يتميز ويتفوق فى مجال معين زى مكنت بقول النهاردة للبشمهندس أمجد وهيثم ومحمود نفسى إسلام يطلع مصارع ودة هنديه لأمجد و خالد يطلع مهندس زى إخوتنا وووائل يطلع فنان لأنه بيحب الموسيقى و أسامه يحفظ القرأن ويحفظ الأحاديث وطبعا يتعدل سلوكه أما محمود فده الحساس بتاع الدار فيطلع زى ميطلع إنشل حتى يطلع على السطح وإسراء تمشى وتتكلم

    ودة الجزء الأول من الحلم باقى الحلم للدار نفس أخد حته أرض قول 10 أو15 فدان أبنى فيها دار كبيره للأطفال وليها جنينه واسعه الأطفال يلعبوا فيها وكمان يكون فيه أتوبيس لدار يروح بيه الأطفال الرحلات وكمان يكون ملحق بالدار مركز علاج طبيعى وجحرات للأنشطه والألعاب التى تتناسب مع الاطفال وورش يتعلم فيها الأطفال بحلم إنى أعمل إمتداد للدار بحيث لما يكبر الأطفال ميمشوش ونفسى أعمل مستشفى ملحقه بالدار تعالج الأطفال و العاملين فى الدار من الأمهات والعاملات.
    بحلم ألاقى الدار مش دار لكن جنه للأطفال
    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 30
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: حوار من القلب للقلب.........

    مُساهمة من طرف حور الدنيا في الجمعة أبريل 24, 2009 2:20 am

    ياااااااااااااااااااااااااااااه
    انتي فعلا جميله اوي يامها
    ربنا يعزك ويحققلك حلمك يارب



    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    avatar
    نور
    كبار الشخصيات
    كبار الشخصيات

    انثى
    عدد الرسائل : 117
    نقاط : 75
    تاريخ التسجيل : 27/10/2008
    السٌّمعَة : 1

    رد: حوار من القلب للقلب.........

    مُساهمة من طرف نور في الجمعة أبريل 24, 2009 2:29 am

    جزاك الله كل الخير يا دينا وأحبك الله وأحبك نبيه
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 31
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: حوار من القلب للقلب.........

    مُساهمة من طرف shimaa في الجمعة أبريل 24, 2009 5:41 am

    ربنا يعزك يااااااااااااااااااااارب

    وانا سعيده جدا انى بعمل الحوار معاكى

    وحكاية الاسد الملك انا طلعت عارفاها اهو بس يعنى بشكل تانى اسمحيلى اقولها

    ان كان فى جبل فى عش طيور وفى بيض وفجأه بيضه منهم وقعت من الجبل فى مزرعة فراخ فالفراخ استغربت اوى ........ايه البيضه دى مش بيضة فراخ خالص

    وبعد فتره رضيت فرخه منهم انها ترقد على البيضه
    وبعد كده طلع من البيضه نسر .......برده استغربوا من النسر

    وبعد فتره خلاص اعتادوا عليه واتأقلموا معاه برده

    وطبعا الطبيعى ان الفراخ كانت دايما تنبش فى الارض على العكس من النسر كان دايما بيبص للسماء

    والفراخ تقوله بص فى الارض وفى يوم.......لقى سرب من النسور بيطير فى السماء حاول يطير مترين كده.........وقع

    النسر اتعود انه يكون فى الارض علشان نشأ فى بيئة فراخ
    النسر كان عنده قدرات كتير اوى بس للاسف ماقدرش يستغلها كويس



    وبالنسبه للدار انا كنت هاسألك عن حلمك ليها فعلا يالا خير

    وربنا يحققلك حلمك كده يارب وتشوفى كل طفل من الاطفال زى ما بتتمنى يارب

    وان شاء الله نكمل بليل



    انتظــــــــــرونــــــــــــا

    جزاكم الله خيرا



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    rehan
    مشرفه
    مشرفه

    انثى
    عدد الرسائل : 1246
    نقاط : 576
    تاريخ التسجيل : 25/10/2008
    السٌّمعَة : 40

    رد: حوار من القلب للقلب.........

    مُساهمة من طرف rehan في الجمعة أبريل 24, 2009 4:51 pm

    ما شاء الله

    اللهم بارك
    أنتى وشيماء يامها متألقين
    سواء مذيعة أو ضيفة
    ربنا يعزكم يارب


    بس بجد أختى دى طلعت جامده

    يلا الحمد لله احنا اخوات



    من قبل منفتح عنينا للحياة..قال الرسول لصحابة أنه حبنا
    لما عرفت انى كنت واحشة ..هعيش حياتى بحبة وكأنة هنا
    عشانا سافر.. ساب ناسه.. ساب أهله وبيتة.. وراح مهاجر
    ياريتة كان بينا ياريتة.........
    [b]
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 31
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: حوار من القلب للقلب.........

    مُساهمة من طرف shimaa في الجمعة أبريل 24, 2009 10:10 pm

    ربنا يكرمك ياريهان

    ده ضيفتنا العزيزة هى اللى متألقه

    عوده مره أخرى

    وعايزين نتكلم بقى شويه عن الجواز والاسره والصداقه


    هايكون ايه احساسك لما تتجوزى وتبعدى عن الدار والاطفال؟؟



    انتى شفتى ان زوجك بيحب صفه معينه مش موجوده فى شخصيتك مثلا

    ياترى هاتحاولى وتوافقى انك تكتسبى الصفه دى حتى لو مش هاتناسبك؟؟



    بما انك ان شاء الله مقبله على حياه جديده

    ايه اللى بتعنيه كلمة البيت والاسره بالنسبه ليكى؟؟


    وايه اللى نفسك تعلميه لولادك؟؟؟؟؟؟؟



    الحبيب قد يكون سببا للفرح والحزن اما الصديق فهو شريك الفرح والحزن

    الى اى مدى تتفقى او تختلفى مع المقوله دى؟؟؟؟؟؟


    احد علماء النفس قال:ان الانسان يستطيع العيش بدون أصدقاء...ايه رأيك؟؟؟؟



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    نور
    كبار الشخصيات
    كبار الشخصيات

    انثى
    عدد الرسائل : 117
    نقاط : 75
    تاريخ التسجيل : 27/10/2008
    السٌّمعَة : 1

    رد: حوار من القلب للقلب.........

    مُساهمة من طرف نور في السبت أبريل 25, 2009 12:25 am

    هايكون ايه احساسك لما تتجوزى وتبعدى عن الدار والاطفال?

    أكيد هيكون إحساس صعب أصعب مما كنت أتوقعه وهذا الإحساس بيزيد يوم بعد يوم وخصوصا بعد ما بدأت أحس إنى والأطفال حاجه واحدة صعب تتنصل عنى أو أنفصل عنها بجد أحيانا كتير بحس إنهم قدرى وأنا قدرهم أطفال الدار أنا بجد بحبهم بحبهم كده على بعضهم أسامه وائل محمود إسلام خالد حتى روءه الجميله وكفايه كده أصل هعيط
    avatar
    نور
    كبار الشخصيات
    كبار الشخصيات

    انثى
    عدد الرسائل : 117
    نقاط : 75
    تاريخ التسجيل : 27/10/2008
    السٌّمعَة : 1

    رد: حوار من القلب للقلب.........

    مُساهمة من طرف نور في السبت أبريل 25, 2009 12:53 am


    على فكرة يا شوشو أنا مش هلعب خلاص ياستى دى ثالث مرة أكتب إجابه السؤال ده وكل ما جى أرسله يتمسح ينفع كده

    المهم : انتى شفتى ان زوجك بيحب صفه معينه مش موجوده فى شخصيتك مثلا

    ياترى هاتحاولى وتوافقى انك تكتسبى الصفه دى حتى لو مش هاتناسبك؟؟

    أولا إكتساب الصفه دى هيعتمد على شئ أساسى بالنسبه ليه وهو هل الصفه دى صح وربنا بيحبها ويرضها ولا أيه ؟

    فرضا كانت صح فى الوقت ده هحاول على الأقل إنى أكتسبها يمكن من باب كسب محبه زوجى أو إدخال سرور على قلبه وإرضاءا له وبالتالى ربنا يرضا عنى ولو مقدرتش هكون على الأقل حولت وده أكيد سيفرق وهو هيقدر ده وبعد كده هيسامح أن الصفه اللى بيحبها مش موجود فى ولكن لأزم أكون زوجه ذكيه بمعنى أشوف صفه فيه هو بيحبها وأظهرها أكتر وكلمتين والموضوع هيخلص .

    لو مش صح هوضح ليه وجه نظرى بهدوء وبأسلوب راقى ولو إقتنع خير مقتنعش هحاول أجبها من ناحيه الموده والرحمه بمعنى أنه يسمحنى فى الصفه دى ولو بيحبها يتنازل عنها شويه علشانى محبه وموده ولأنه الأعقل والأكبر وكده , وبكده ممكن يكون تنازل عنها مودة مش أمر ولا غصب .
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 31
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: حوار من القلب للقلب.........

    مُساهمة من طرف shimaa في السبت أبريل 25, 2009 1:03 am

    معلش يامها استحملينا شوية لغاية ما اللعبه تخلص

    قصدى يعنى الحوار

    وما شاء الله عليكى ربنا يكرمك يارب ويجعلك كده زوجه صالحه

    وطبعا اكيد المقصود من السؤال انها تكون صفه كويسه وصح



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    نور
    كبار الشخصيات
    كبار الشخصيات

    انثى
    عدد الرسائل : 117
    نقاط : 75
    تاريخ التسجيل : 27/10/2008
    السٌّمعَة : 1

    رد: حوار من القلب للقلب.........

    مُساهمة من طرف نور في السبت أبريل 25, 2009 1:30 am


    ايه اللى بتعنيه كلمة البيت والاسره بالنسبه ليكى؟؟


    وايه اللى نفسك تعلميه لولادك؟؟؟؟؟؟؟

    يعنى أيه كلمه البيت والأسرة يعنى محبه يعنى موده يعنى إستقرار يعنى سكينه يعنى هدوء يعنى رحمه يعنى دفئ يعنى إحتواء يعنى مأوى يعنى أطفال يعنى أمل يعنى حياه يعنى طاعه جديده لله يعنى رحمه الله وبركاته عليكم أهل البيت إنه حميد مجيد
    يعنى محاوله لإعمار أرض الله على مراد الله يعنى بيت قبله للمسلمين ومناره للأخلاق والمعاملات الحسنه يمكن كل دة يمكن ويمكن يكون أكتر .

    وايه اللى نفسك تعلميه لولادك؟؟؟؟؟؟؟

    اللى أحب أعلمه لأولادى هو اللى أحب أعلمه لكل أولاد المسلمين لأنى مؤمنه بأن النهضه مش بأولادى بس ولكن بأولاد كل المسلمين .
    هعلمهم القرأن وهعلمهم الصلاة بخشوع وأن الدين هو المعامله مش قال الله وقال الرسول بس وإن الإنسان بيبلغ بحسن الخلق مقام الصائم القائم وبعدين هعرفهم أن ربنا لم يخاقنا عبثا وإنما خلقنا لهدف ورساله وأعلمه إنه يبحث عن رسالته فى الحياه ويعمل من أجل تحققها علشان لما يروح لربنا ويشوف النبى يقول إنى حولت أعمل حاجه وكمان هعلمهم أن فيه حاجه إسمها الأمه الإسلاميه وإن الأمه دى ليها حق عليه وأنه لازم يعمل حاجه للأمه دى يقابل بيها ربنا والنبى يوم القيامه ويقول يارب أنا حاولت أعمل حاجه للأمه ولدين . وطبعا حاجات كتير جدا بس يمكن دى أهم الأشياء
    avatar
    نور
    كبار الشخصيات
    كبار الشخصيات

    انثى
    عدد الرسائل : 117
    نقاط : 75
    تاريخ التسجيل : 27/10/2008
    السٌّمعَة : 1

    رد: حوار من القلب للقلب.........

    مُساهمة من طرف نور في السبت أبريل 25, 2009 2:06 am

    الحبيب قد يكون سببا للفرح والحزن اما الصديق فهو شريك الفرح والحزن

    الى اى مدى تتفقى او تختلفى مع المقوله دى؟؟؟؟؟؟
    أتفق معها بنسبه 50% بمعنى أن الحبيب قد يكون سببا للفرح والحزن والصديق هو أيضا شريك الفرح والحزن هذا هو ما أتفق معه , ولكن الحبيب هو كذلك يكون شريك فى الفرح والحزن ودة لأنه أول واحد هلجأ ليه فى الفرح أو الحزن بصفته أقرب الناس لى وأكيد هيفرح لفرحى أو يحزن لحزنى وده لو كان فعلا حبيب بجد . أما الصديق الحق فقد يكون سببا للفرح أو الحزن وهذا على أساس أن الإنسان بيعمله كصديق مخلص ومقرب وبالتالى فرحه فرحى وحزنه حزنى وكذلك لو عمل حاجه حلوة فهذا سيكون سببا فى الفرح والسعادة والعكس صحيح وكما قال الإمام الشافعى إحذر من عدوك مرة وأحذر من صديقك ألف مرة فلربما إنقلب الصديق فكان أعلم بالمضرة .

    احد علماء النفس قال:ان الانسان يستطيع العيش بدون أصدقاء...ايه رأيك؟؟؟؟

    المقوله
    لا تصلح لفرد يريد النهوض بالأمه أو نشر دين أو حتى مبدأ وقيمه وفكر جديد فى الحياه لا تصلح لفرد أراد أن يساعد الأخرين ويصلح فى الأرض. لا تصلح لفرد له هدف وغايه فى الحياه وخصوصا لو كانت غايه وهدف سامى يسعى إلى تحقيقه وفيه خير للكثير من البشر

    ولكنها تصلح لفرد أراد أن يعيش ويموت وهو عادى وعندما يموت يكتب على قبره هنا يرقد السيد عادى .
    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 30
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: حوار من القلب للقلب.........

    مُساهمة من طرف حور الدنيا في السبت أبريل 25, 2009 2:30 pm

    ماشاء الله
    ربنا يرضي عنك يامها



    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 31
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: حوار من القلب للقلب.........

    مُساهمة من طرف shimaa في الأحد أبريل 26, 2009 6:58 pm

    نكمل
    انتى قلتى ان ربنا لم يخلقنا عبثا وانما خلقنا لهدف ورساله

    _ايه هو هدفك ورسالتك فى الحياه؟؟؟؟؟؟؟


    _نفسك تعملى ايه لامة النبى عليه الصلاة والسلام علشان تيجى يوم القيامه وتقولى انا نصرتك وخدمت امتك يارسول الله؟؟؟؟؟؟؟؟؟؟؟


    ولكنها تصلح لفرد أراد أن يعيش ويموت وهو عادى وعندما يموت يكتب على قبره هنا يرقد السيد عادى .

    _ايه مقياس العادى من وجهة نظرك وياترى المجتمع فعلا ظلم الكلمه دى واستغلها استغلال خاطئ؟




    _شايفه الناس ازاى؟؟



    شوية تخيلات كده بقى يامها


    _لو اترشحتى لوظيفه ودخلتى لمكتب المدير لقيتى ريهان قاعده ومترشحه لنفس الوظيفه

    هايكون ايه تصرفك ساعتها؟
    واذا ريهان قامت واعتذرت عن الوظيفه وسابيتهالك هل هاتقبليها؟؟



    _روحتى مصلحه حكوميه علشان تستخرجى شهاده ليكى مثلا أو اى أوراق
    لقيتى الموظف بيقولك اشحنيلى كارت ب 100 جنيه الاول وانا استخرجلك الشهاده؟

    ياترى هايكون رد فعلك ايه؟؟؟؟؟؟وهاتتصرفى ازاى؟؟


    لو حياتك(ماضيها وحاضرها ومستقبلها)قصه
    ممكن يكون عنوانها ايه؟؟

    يالا كفايه عليكى كده دلوقتى
    والبقيه تأتى



    عدل سابقا من قبل shimaa في الأربعاء أبريل 29, 2009 12:09 pm عدل 1 مرات



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    نور
    كبار الشخصيات
    كبار الشخصيات

    انثى
    عدد الرسائل : 117
    نقاط : 75
    تاريخ التسجيل : 27/10/2008
    السٌّمعَة : 1

    رد: حوار من القلب للقلب.........

    مُساهمة من طرف نور في الإثنين أبريل 27, 2009 11:44 pm

    انتى قلتى ان ربنا لم يخلقنا عبثا وانما خلقنا لهدف ورساله

    _ايه هو هدفك ورسالتك فى الحياه؟؟؟؟؟؟؟

    هدفى فى الحياة ( نهضه الأمه ونشر الدين) = حب الله
    ويمكن كل حاجه فى حياتى بتدور فى هذا الإطار من إشتراك فى الجمعيه أو التفوق فى الدراسه أو تنميه الذات أو غير ذلك بلاقيه بيصب فى هذا الهدف وهو ده حلم حياتى الحقيقى حتى لو كنت أحيانا بقع أو ببعد أو بضعف لكن حلمى وهدفى بفضل الله بيقوينى بيرفعنى ويرجعنى مرة تانيه بيحسسنى إنى لسه عايشه وإن لسه دورى منتهاش علشان أستسلم لأى أحاسيس سلبيه ممكن تتسلل لنفسى ولو أحسست بالإحباط أو اليأس أو التعب بقول لنفسى منفعش منفعش تستسلمى مش أنت لازم تكونى أد أى صدمات ولازم تعديها لازم
    أنت أكبر وأقوى من كده والحمد الله فى الأولى والأخرة الحمد الله رب العالمين

    بينى وبينكم حلم حياتى أن كل الناس تحب ربنا لأن ربنا أهل للحب أهل للحب المطلق فالا يحب لذته الإ الله
    وتحدث النهضه للأمه ياريت
    avatar
    نور
    كبار الشخصيات
    كبار الشخصيات

    انثى
    عدد الرسائل : 117
    نقاط : 75
    تاريخ التسجيل : 27/10/2008
    السٌّمعَة : 1

    رد: حوار من القلب للقلب.........

    مُساهمة من طرف نور في الإثنين أبريل 27, 2009 11:55 pm

    نفسك تعملى ايه لامة النبى عليه الصلاة والسلام علشان تيجى يوم القيامه وتقولى انا نصرتك وخدمت امتك يارسول الله؟؟؟؟؟؟؟؟؟؟؟

    أحقق هدفى وحلمى فى الحياة علشان أجى يوم القيامه وأقول لربنا للرسول أنا كنت بحاول أعمل حاجه

    لكن عمرى مهقدر أوصل لدرجه إنى أقول انا نصرتك وخدمت امتك يارسول الله لأنى مهما عملت فده مش حاجه ولا أى حاجه بالنسبه للنبى عمله ولا لكرم ربنا على
    فأسفه مش هقدر أقول للنبى المقوله دى لانى ببساطه شيفه إنى أقل من أقول ذلك

      الوقت/التاريخ الآن هو الأحد نوفمبر 19, 2017 4:06 am