مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

    بعض المواقف المضحكه... فقليل من الضحك لايضر

    شاطر

    salah
    كبار الشخصيات
    كبار الشخصيات

    عدد الرسائل : 345
    نقاط : 198
    تاريخ التسجيل : 25/10/2008
    السٌّمعَة : 10

    بعض المواقف المضحكه... فقليل من الضحك لايضر

    مُساهمة من طرف salah في الأربعاء أبريل 22, 2009 12:14 pm



    بسم الله الرحمن الرحيم
    بعض المواقف المضحكه بقالنا فتره مضحكناش
    قولت نعمل ريفريشمينت لينا فنقلت ليكم بعض المواقف المضحكه

    جحا و جوالا من السكر
    كان جحا مسافرا إلى بلدة بعيدة وأخذ معه جوالا من السكر
    فسأله بعضهم :- لماذا تأخذ معك جوالا من السكر
    فقال لهم :- لان الغربة مرة ..!!

    جحا و عشرة حمير
    في يوم من الأيام كان جحا يملك عشرة حمير فركب على واحد فعد الباقي فإذا هي تسعة ثم نزل من الحمار العاشر فإذا هي عشرة .
    فقال:- أمشي وأكسب حمار بدلا من أن اركب واخسر حماراً ..!!!

    جحا والخروف
    كان جحا يربي خروفا جميلا وكان يحبه ، فأراد أصحابه أن يحتالوا عليه من أجل أن يذبح لهم الخروف ليأكلوا من لحمه,
    فجاءه أحدهم فقال له : ماذا ستفعل بخروفك يا جحا ؟
    فقال جحا : أدخره لمئونة الشـتاء
    فقال له صاحبه : هل أنت مجنون الم تعلم بأن القيامة ستقوم غدا أو بعد غد.!! هاته لنذبحه و نطعمك منه .
    فلم يعبأ جحا من كلام صاحبه ، ولكن أصحابه أتوه واحدا واحدا يرددون عليه
    نفس النغمة حتى ضاق صدره ووعدهم بأن يذبحه لهم في الغـد ويدعوهم لأكله في
    مأدبة فاخرة في البرية.
    وهكذا ذبح جحا الخروف وأضرمت النار فأخذ جحا يشويه عليها ، وتركه أصحابه
    وذهبوا يلعبون ويـتنزهون بعيدا عنه بعد أن تركوا ملابسهم عنده ليحرسها لهم
    ، فاستاء جحا من عملهم هذا لأنهم تركوه وحده دون أن يساعدوه ، فما كان من
    جحا إلا أن جمع ملابسهم وألقاها في النار فالتهمتها . ولما عادوا إليه
    ووجدوا ثيابهم رماداَ . هجموا عليه فلما رأى منهم هذا الهجوم قال لهم : ما
    الفائدة من هذه الثياب إذا كانت القيامة ستقوم اليوم أوغدا لا محالة؟

    جحا وحماره ...
    ماتت امرأة جحا فلم يأسف عليها كثيرا ، وبعد مدة مات حماره فظهرت عليه علائم الغم و الحزن .
    فقال له بعض أصدقائه : عجـباَ منك ، ماتت امرأتك من قبل ولم تحزن عليها هذا الحزن الذي حزنته على موت الحمـار.
    فأجابهم : عندما توفيت امرأتي حضر الجيران وقالوا لا تحـزن فسـوف نجد لك
    أحسن منها ، وعاهدوني على ذلك ، ولكن عندما مات الحمار لم يأت أحد يسليني
    بمثل هذه السلوى ... أفلا يجدر بي أن يشـتد حزني !!؟

    جحا والسائل
    كان جحا في الطابق العلوي من منزله ، فطرق بابه أحد الأشخاص ، فأطل من الشباك فرأى رجلا .
    فقال : ماذا تريد ؟
    قال : انزل إلى تحت لأكلمك ، فنزل جحا
    فقال الرجل : أنا فقير الحال أريد حسنة يا سيدي . فاغتاظ جحا منه ولكنه كتم غيظه وقال له : اتبعني .
    وصعد جحا إلى أعلى البيت والرجل يتـبعه ، فلما وصلا إلى الطابق العلوي التفت إلى السائل وقال له : الله يعطيك
    فأجابه الفقير : ولماذا لم تقل لي ذلك ونحن تحت ؟
    فقال جحا : وأنت لماذا أنزلتني ولم تقل لي وأنا فوق ؟


    جحا في البستان
    خرج جحا من بيته قاصداً التنزه....وعندما دخل البستان تعلق ثوبه بجذع شجرة...
    وتعثرت قدماه......وتمزق ثوبه
    فألتفت قائلاً بغضب :- لولا أنك بهيم لا تعقلين لكسرت أنفك؟؟!!!

    جحا والخوف من الموت
    كان جحا يجلس تحت شجرة يأكل عنباً فطارت حبة عنب من بين يديه بينما كان يهم بابتلاعها
    وقال في دهشة : عجيب كل شيء يهرب من الموت ......حتى الفواكه.

    جحا في بلاد المجانين
    قيل لجحا: عد لنا المجانين في هذه القرية.
    قال: هذا يطول بي ..ولكني استطيع بسهولة أن اعد لكم العقلاء

    جحا والبخيل
    اختصم رجلان إلى جحا حيث ادعى أحدهما- وكان رجلا بخيلا- على صاحبه انه أكل
    خبزه على رائحة شوائه..وطالب الرجل بثمن الشواء الذي لم يأكله.
    سال جحا البخيل: وكم ثمن الشواء الذي تريده من الرجل؟
    قال : ربع دينار.
    طلب جحا من الرجل دينارا..
    ورنه على الأرض ثم أعاده إلى صاحبه قائلا للبخيل:إن رنين المال..ثمن كاف لرائحة الشواء.


    جحا والمتزوجون
    من الأقوال المأثورة لجحا عن الزواج: قبح الله من تزوجوا قبلي..لان أحداً
    منهم لم يحك لي شيئا..وقبح الله أيضاً من تزوجوا بعدي..لان أحداً منهم لم
    يستشرني.


    جحا والكنز
    كان جحا يدق وتدا في حائط له ..وكان وراء الحائط زريبة دواب لجاره..فانخرق الحائط..وعندما رأى جحا من خلال الثقب خيلا وبغالا..
    اخذ يجري إلى زوجته فرحا وقال لها: تعالي .. وانظري ..فقد وجدت كنزا من البهائم.


    جحا المجامل
    بينما جحا راكب بغلته ..وقد ضلت به الطريق..
    لقيه صديق له فسأله: إلى أين يا جحا؟
    فقال له: للبغلة بعض الحاجات..وقد راية أن اصحبها حتى تقضي حاجتها.


    جحا وبائع اللبن الغشاش
    جحا: أريد كيلو لبن..
    بائع اللبن:لكني أرى معك وعاءين يا جحا؟..
    جحا: لكي تضع اللبن في وعاء والماء في إناء آخر...

    جحا يبيع الزيتون
    جاءت امرأة لتشتري زيتونا من جحا وطلبت منه أن يبيعها بالأجل
    فأعطاها جحا بعض الزيتون لتتذوقه
    فاعتذرت المرأة.. وقالت:- إني صائمة قضاء رمضان الماضي
    فخطف جحا منها الزيتونة وقال : قومي يا ظالمة أنتي تماطلين ربك عاما كاملا
    وتطلبين مني الشراء بالأجل.


    جحا و صديقه
    نزل جحا ضيفا على رجل صديق فقدم له في اليوم الأول حليبا ..
    وفي اليوم الثاني حليبا..
    وفي اليوم الثالث حليبا ...
    وفي اليوم الرابع جلس جحا حزينا .
    فسأله صديقه : ما بك يا جحا ؟
    أجاب جحا : أنتظر حتى تفطمني


    ضاع الحمار
    ضاع حمار جحا فأخذ يصيح وهو يسأل الناس عنه: ضاع الحمار . والحمد لله.
    قيل له: فهل تحمد الله على ضياعه؟!
    قال: نعم، لو أنني كنت أركبه لضعت معه، ولم أجد نفسي..!!





    عدل سابقا من قبل salah في الأربعاء أبريل 22, 2009 12:27 pm عدل 1 مرات

    salah
    كبار الشخصيات
    كبار الشخصيات

    عدد الرسائل : 345
    نقاط : 198
    تاريخ التسجيل : 25/10/2008
    السٌّمعَة : 10

    رد: بعض المواقف المضحكه... فقليل من الضحك لايضر

    مُساهمة من طرف salah في الأربعاء أبريل 22, 2009 12:18 pm

    بعدما انتهى المدرس من شرح الدرس قال لتلاميذه :من لديه سؤال يتفضل برفع يده
    لاحظ المدرس تلميذ يرفعيداه الاثنان فقال له :لماذا ترفع يداك الاثنان
    اجابه : لدي سؤالان

    دخل عشرة بخلاء احد المقاهي .....طلبوا "واحد عصير"
    و عشر ماصات

    لبائع :هذه الثلاجة ممتازة فهي تحفظ الطعام لمدة شهر كاما
    المشتري : و ماذا ناكل طوال هذا الشهر؟؟؟؟؟؟؟؟؟؟؟؟؟؟

    ترك جحا حذاءه فسرق منه .وقفق بالناس خطيبا يقول :لو لم يسارع لص الاحذية باعطائي الحذاء سافعل كما فعل والدي!.
    خاف اللص و اعاد لجحا حذائه و بعد ذلك من باب الفضول سال السارق : ماذا فعل ابوك ؟؟؟؟؟؟؟؟؟؟؟؟
    اجاب جحا عاد للبيت حافيا


    بيت جحا: مرت بجحا يوما بجنازة، وكان ابنه معه.وفي الجنازة
    امرأة تولول و تقول:الآن يذهبون بك إلى بيت لا فراش فيه و لا غطاء ولا خبز
    ولا ماء………….. قال ابن جحا:والله يا أبي إنهم يذهبون إلى بيتنا


    كان جحا راكبا حماره حينما مر ببعض القوم وأراد أحدهم ان يمزح معه فقال له : يا جحا لقد عرفت حمارك ولم أعرفك
    فقال جحا : هذا طبيعي لأن الحمير تعرف بعضها


    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: بعض المواقف المضحكه... فقليل من الضحك لايضر

    مُساهمة من طرف الملاك الحائر في الأربعاء أبريل 22, 2009 12:39 pm


    بيت جحا: مرت بجحا يوما بجنازة، وكان ابنه معه.وفي الجنازة
    امرأة تولول و تقول:الآن يذهبون بك إلى بيت لا فراش فيه و لا غطاء ولا خبز
    ولا ماء………….. قال ابن جحا:والله يا أبي إنهم يذهبون إلى بيتنا



    أضحك الله سنك يادكتور
    وفي موقف مضحك شوية حصلي في الواقع ..ممكن أقوله هنا بمناسبة إن ده موضوع المواقف المضحكة
    :
    أيام ماكنت ساكنة في سكن المغتربات مرة كنت راجعة من الشغل هلكانة وجوعانة المهم قلت أسرع حاجة أجيب كشري توفيرا للوقت يعني (لسه هعمل أكل) المهم طول عمري بجيب حجم صغير، المرة دي جبت حجم أكبر شوية....اشتريت علبتين (واحدة ليا وواحدة لصديقتي)....مر خمسمسيت ميكروباص قدامي موقفتش ولا واحد...المهم وقفت ميكروباص أخبرا.....ركبت في أول كرسي بعد السواق.....

    كان قاعد جنبي رجل متشيك آخر حاجة لابس بدلة فخيمة والمدام قاعدة جنبه وشكلهم رايحين مناسبة مهمة...طبعا بمنتهى البراءة قعدت عالكرسي القلاب....بتلفت علشان أقفل باب الميكروباص (طبعا خفت أطير لأني كنت قاعدة على طرف الكرسي) ببص جنبي لقيت الكيس مال على جنب...بحاول أعدله فوجئت بغطا علبة الكشري عالأرض.. بوطي أجيبه لقيت العلبة نصها عالأخ اللي جنبي ونصها عالأرض......................
    موقف لا أحسد عليه طبعا..... الراجل بيتعدل علشان يساعدني ...... لقى المنظر ده..... البدلة بقت بنكهة الكشري........طبعا أنا كنت في منتهى الكسوف والبهدلة مش عارقة اعمل ايه..."أنا أسفة جدا" "والله ما كنت أقصد" الراجل بفضل الله ماقالش ولا كلمة لا بخير ولا بشر...أنا عارفة طبعا انه كان ممكن اي حد في موقفه يدبحني بس ربنا عالم بالنوايا فسترها معايا...
    الراجل فضل ينضف في البدلة (الحمد لله لوضع كان تحت السيطرة مكنش بايظ قوي) ....قلت السواق مش هيعتقني طبعا فقلت أسبق بالمعروف....الأجرة بتاعتي المفروض 50قرش (لأن المسافة كانت خطوتين بس) قمت مطلعاله 5 جنية وقلتله "من فضلك اتفضل الأجرة وفلوس علشان تنضف العربية لأن الكشري اتدلق مني"
    قالي "العلبة كلها؟ هههههه ههه ههههه ...ولا يهمك...أهم حاجة بس محدش يدوس عليها....اتفضل باقي أجرتك"


    في الوقت ده كنت وصلت قدام بيتي طلبت منه يينزلي واعتذرت للراجل نرة تانية وقلت يا فكيييييك... وطرت عالبيت وحرمت أركب الكشري معايا مرة تانية......ههههههههههههه

    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 30
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: بعض المواقف المضحكه... فقليل من الضحك لايضر

    مُساهمة من طرف حور الدنيا في الأربعاء أبريل 22, 2009 11:42 pm

    ههههههههههههههههههه
    سكر ياايمان
    ربنا يعزك بجد ضحكت من قلبي
    هو اساسا العيب في الكشري دايما بيعمل لينا مشاكل
    ربنا يكفينا شره



    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    avatar
    7ob El-7iah
    نائب المدير
    نائب المدير

    ذكر
    الثور
    عدد الرسائل : 2011
    العمر : 27
    مزاجك ايه النهرده :
    نقاط : 1424
    تاريخ التسجيل : 25/10/2008
    السٌّمعَة : 38

    رد: بعض المواقف المضحكه... فقليل من الضحك لايضر

    مُساهمة من طرف 7ob El-7iah في الخميس أبريل 23, 2009 12:04 am

    اسألوني انا على الكشري ده

    هههههههههههههههههههههههههههههههههههههههههه

    ربنا يبارك فيك يا دكتور والله بجد موضوع جاي في وقته فعلا

    الواحد بقالة كتير مش ضحك كده

    وجت الآنسة ايمان زودتها خالص.......والضحك بقا على صوت كمان

    ربنا يحفظك يارب

    سرور تدخله على مسلم

    جزاكم الله خيرا



    بس ياقلبى هقولك سر................... خلاص الحيرة لأت لها بر
    والخوف مبأش جوايه ................والحب حكايته معيه
    إستن ياقلبى كمان.................. شوف النور والأمان
    شوف لما بتباء معه ...............شوف لما تعيش جواه
    القلب بيرجع تانى .....................
    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 30
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: بعض المواقف المضحكه... فقليل من الضحك لايضر

    مُساهمة من طرف حور الدنيا في السبت أبريل 25, 2009 5:46 pm

    بخيل اتزوج بخيلة جابوا بنت سموها حصالة




    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: بعض المواقف المضحكه... فقليل من الضحك لايضر

    مُساهمة من طرف الملاك الحائر في الإثنين أبريل 27, 2009 12:22 am

    موقف سريع كده حصلي المرة دي مش في ميكروباص
    وإنما في ســــــــــــيــــــارة الإســـــــــــــعـــــــــــــــــاف

    باختصار
    يوم كنت في الكلية وكانت صديقة ليا مريضة جدا (التهابات في العمود الفقري..غضروف وكده) ....اتصلنا بالاسعاف علشان تيجي تنقلها المستشفى لأنها كانت عالآخر...
    المسافة من المستشفى للكلية متجيش عشر دقايق...بس سبحان الله من حظنا الدنيا فضلتتمطر يوميها والاسعاف مجتش إلا بعد ساعة...
    طبعا البنت كانت مفطورة من العياط..
    .
    المهم

    وصلت الاسعاف.........بس اوعوا حد يفتكر انها من الطراز الآدمي...باعكس عربية قديمة جدا
    فيها كرسي مطاول وترولي عتيق..
    المهم صاحبتي المريضة وصاحبتنا التالته قعدوا عالكرسي..وأنا قعدت عالتروللي....
    لعاية كده تمام..

    باب العربية من ورا عباره عن ضلفتين....شويه ولقينا السواق سايق بأقصى سرعة

    المهم
    اتاري التروللي اللي انا قاعدة عليه مربوط في ضلفة منهم بحـــــــبـــــــــل غســـــــــــيـــــــــــل

    شويه وألاقيلكم الضلفة اللي فيها الحبل بتتفتح.!!!!!!!!!!!
    وأنا اللي قاعدة عالتروللي اللي المفروض انه هيتكركر في شوارع القاهرة الكبرى...


    نطيت جري عالكرسي التاني...

    وطبعا السواق ولا حاسس بينا....دايس بنزين ومشغل السرينة بدون توقف وكأننا والعياذ بالله معانا حالة حرجة جدا...

    طبعا باب العربية (الضلفتين) عمالين تريخ تراخ في كل العربيات اللي حوالينا والناس تنادي عالسواق وتشتم....وهو كأنه في غيبوبة...

    طبعا انفجرنا احنا التلاتة في الضحك...والبنوتة المريضة فضلت تقول "قولوله لسه عايشه والله"

    بجد جاتلنا كريزة ضحك بدون توقف

    الحمد لله التروللي ماوقعش ووصلنا المستشفى بالسلامة...

    وعلى ما وصلنا الحمد لله كان الدكاترة مشيوا (أصلها مستشفى الجامعة)

    الألم رجع لصاحبتي تاني للأسف -ربنا يجعله في ميزان حسناتها- وصلناها بيتها وطبعا طول الطريق ميتين على نفسنا من الضحك...



    [img]
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: بعض المواقف المضحكه... فقليل من الضحك لايضر

    مُساهمة من طرف الملاك الحائر في السبت مايو 16, 2009 4:08 pm



    موقف علشان الناس اللي مكتئبة من المذاكرة وضغط الشغل:



    أيام المدينةالجامعية، مرة كنا بنصلي الفجر جماعة وكانت بتأمنا بنوته تبارك الله على عذوبة صوتها -زي الشيخ العجمي كده-
    المهم بتقرأ بعد الفاتحة هذه الايات من سورة البقرة "واذكروه كما هداكم وإن كنتم من قبله لمن الضآلين"

    وتقوم واحدة من أخواتنا بكل ما اوتيت من قوة قايلة : آميييييييييييييييييييييييييييييييييييين



    طبعا مش هقدر أوصفلكم كمية الارتباك اللي حصلت في صفوف الصلاة....كله كان ماسك نفسه بالعافيييييية...واللي زاد وغطى إن البنوتة الإمامة علشان تداري الموقف قعدت تدعي يجي عشر دقايق والناس كاتمة نفسها بصعوبة...ويدوب سلمنا من هنا,, إلا واترمينا عالأرض من كتر هيسترية الضحك اللي جت لنا...




    [img]
    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 30
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: بعض المواقف المضحكه... فقليل من الضحك لايضر

    مُساهمة من طرف حور الدنيا في الخميس مايو 21, 2009 1:32 am

    علي رائ المثل هم يبكي وهم يضحك


    كنت النهارده عند الترزي وكان في ماتش شغال للاهلي والاسماعيلي

    وطبعا الترزي كان متعصب جدا والاكتر منه الولد اللي بيشتغل معاه

    مش عاوزه احكيلكم بقي الولد كان عامل ازاي تشنجات وحركات لا اراديه غريبه What a Face والفاظ بقي ايه مقولكش هههههههه ربنا يرحمنا

    المهم الولد كان في ايده مكوي بيكوي جيب او بلوزه مش فاكره ولما جه الجون الاول في الاهلي ياربنااااااااااااا كنت حاسه انه هيضرب زميله بالمكوه ويفتح دماغه Mad

    بس الاجمل من كدا لما جه الجون التاني وكان للاهلي ياااااااااااااااااااااه من كتير الفرحه ساب المكوه علي البلوزه ولا الجيبه دي وهاتك تنطيط bounce وفرح تقولش نجح في الثانويه cheers والله لو نجح ما كان عمل كدا

    شويه وشمينا ريحه شيااااااط silent

    الفرحه نسيته المكوي علي البلوزه

    الله يرحمها بقي

    ولسه لما صحبتها تيجي وتشوف اللي حصل في بلوزتها affraid ........ شكله هيظبط



    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    avatar
    بتول
    عضو فعال
    عضو فعال

    انثى
    الحمل
    عدد الرسائل : 650
    العمر : 34
    العمل/الترفيه : مهندسة شبكات
    الموقع : http://forum.amrkhaled.net/showthread.php?t=235523
    مزاجك ايه النهرده :
    نقاط : 396
    تاريخ التسجيل : 08/11/2008
    السٌّمعَة : 9

    رد: بعض المواقف المضحكه... فقليل من الضحك لايضر

    مُساهمة من طرف بتول في الخميس مايو 21, 2009 2:19 pm

    ربنا يكرمكم يا جماعة

    ربنا يجزيك خير يا دكتور صلاح حقيقي ادخلت السرور على قلوبنا
    ام انتي يا ايمان مش ممكن
    خلتيني اضحك بجد مش بس ابتسم
    انا بحمد ربنا اني لوحدي في البيت
    ايه يابنتي ده اضحك الله سنك
    اللي حصل معاكي في الصلاة حصل معايا برده بس في التراويح
    نفس الاية وانتوا عارفين الستات الكبار بعد الفطار بيبقوا عاملين ازاي
    فجاة بعد الاية دي لقيت كل الستات بتقول امين
    ساعتها اتلخبطت جدا وبعدها مسكت نفسي من الضحك وبعدها انتبهت ان الناس دي بتصلي ومش مركزة فافتكرت ان الواحد لازم يجاهد نفسه في الصلاة ويركز فيها عشان ياخد ثوابها
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: بعض المواقف المضحكه... فقليل من الضحك لايضر

    مُساهمة من طرف الملاك الحائر في الجمعة مايو 22, 2009 12:50 am



    ربنا يكرمك يا بشمهندسة رشا.. والحمد لله إنك ضحكتي "فقليل من الضحك لا يضر" على رأي العنوان...


    والمواقف الساخرة لم تنته بعد... بس هكتفي بالمواقف اللي فاتت دي عشان محدش بيشارك غيري أنا ...و جحا...





    [img]
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: بعض المواقف المضحكه... فقليل من الضحك لايضر

    مُساهمة من طرف الملاك الحائر في الإثنين يونيو 29, 2009 4:06 pm


    رغم إني كنت ناوية ما أشاركش بمواقف تاني، إلا ان بمناسبة الصيف والمصايف والناس اللي راحت تصيف -وإحنا لسه -افتكرت موقفين حصلوا مرة وإحنا في المصيف:

    الموقف الأول:

    مرة كنا بنصيف في الغردقة، والقرية السياحية اللي كنا نازلين فيها نظامها ان البحر في مكان بعيد شويتين عن حمامات السباحة، المهم الأسرة والناس الكبيرة كانوا قاعدين عالبحر والشباب الصغير اللي هما احنا كنا في حمام السباحة (وكنا المصريين الوحيدين اللي قاعدين هناك واللي حوالينا كلهم أجانب)...واحنا قاعدين جالنا ابن عمنا الصغير (كان عنده تلات أو أربع سنين) وشويه الولد فضل يعيييييييط عايز يروح لمامته، فابن عمتي شاله علشان يوديه...وسبحان الله الولد مش عارفة أكل ايه ولا نيل ايه المهم جاله إسهال Shocked
    طبعا منطقة حمامات السباحة مفروشة موكيت أخضر (علشان اللي يبقى قاعد يبقى مستمع بالمياه والخضرة والوجه الحسن)
    ابن عمتي جري بالولد ...وسبحااان الله أخينا الصغير ممسكش نفسه وعمل شريط أصفر بطول الموكيت الأخضر Rolling Eyes
    طبعا شوفنا اللي جرى وابن عمتنا لسه هيستنجد بحد مننا إلا وكلنا خدنا نفس عميق وهاتك ياغطس في حمام السباحة ( ايوه طبعا ماحنا العرب الوحيدين اللي قاعدين وأكيد معروف ان المجرم ده تبعنا scratch )

    بجد كنا في قمة هيسترية الضحك اللي جاتلنا والمسكين ابن عمتنا هو اللي راح فطيس)

    يللا ...نصيحة محدش ياخد أطفال معاه حمام السباحة...أو لبسوهم بامبرز تحت المايوه...

    lol! lol! lol!

    في موقف تاني بس هقوله بعدين



    [img]
    avatar
    7ob El-7iah
    نائب المدير
    نائب المدير

    ذكر
    الثور
    عدد الرسائل : 2011
    العمر : 27
    مزاجك ايه النهرده :
    نقاط : 1424
    تاريخ التسجيل : 25/10/2008
    السٌّمعَة : 38

    رد: بعض المواقف المضحكه... فقليل من الضحك لايضر

    مُساهمة من طرف 7ob El-7iah في الإثنين يونيو 29, 2009 6:02 pm

    هههههههههههههههههههههههههههههههههههههههههههه
    ههههههههههههههههههههههههههههههه

    اضحك الله سنك يا آنسة ايمان

    انا بقرأ كده وتخيلت الموقف تممممممااااااااااااااااااام اويييييييييي

    منتظر الموقف التاني



    بس ياقلبى هقولك سر................... خلاص الحيرة لأت لها بر
    والخوف مبأش جوايه ................والحب حكايته معيه
    إستن ياقلبى كمان.................. شوف النور والأمان
    شوف لما بتباء معه ...............شوف لما تعيش جواه
    القلب بيرجع تانى .....................

    الزملكااوى
    عضو مبتدأ
    عضو مبتدأ

    ذكر
    الحمل
    عدد الرسائل : 77
    العمر : 25
    العمل/الترفيه : كرة القدم
    الموقع : http://ra7maa.alafdal.net
    مزاجك ايه النهرده :
    نقاط : 107
    تاريخ التسجيل : 23/07/2009
    السٌّمعَة : 10

    رد: بعض المواقف المضحكه... فقليل من الضحك لايضر

    مُساهمة من طرف الزملكااوى في الأحد أغسطس 02, 2009 9:27 am

    السلام عليكم ورحمة الله وبركاته

    والله شكرا" على الموضوع فان القلوب اذا كلت ملت واذا ملت عميت

    انا احلى مواقف بتضحكنى لما تكون العيلة كلها متجمعة فى مكان واسالوا بنت عمى لما انا واخوها احمد والشباب مزاجهم رايق بتبقى اللمة بحر من المواقف المضحكة

    وكان اخرها فى شم النسيم الجو كان ضحك كله بس انا غمتها لانى مكنتش معاهم وعملت حادثة وانا كنت زعلان لانى خلتهم مايستمتعوش باليوم دة

    بس انا خت منهم تعليقات هههههههههههههههه

    وبقى يوم شم النسيم هنقف دقبقة حداد ذكرى سنوية للحادثة الساعة 3.5 عصرا"
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 31
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: بعض المواقف المضحكه... فقليل من الضحك لايضر

    مُساهمة من طرف shimaa في الأحد أغسطس 02, 2009 12:50 pm

    لا ازاى يامحمود تقول كده احنا استمتعنا باليوم عادى يعنى

    بجد كان يوم فعلا ختامه مسك بصراحه واصلا شكلك نفسه كان يستدعى الضحك

    يالا الحمد لله عدت على خير وعقبال السنه الجايه بس تبقى حاجه اجمد يعنى







    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: بعض المواقف المضحكه... فقليل من الضحك لايضر

    مُساهمة من طرف الملاك الحائر في الأحد أغسطس 02, 2009 9:50 pm


    لأ...هو اللي حصلي النهارده مش موقف يضحك...دا موقف يفقع!!!
    كنوع من تجديد العزم والهمة والنشاط قررت أفاجىء المدير وأكون أول واحدة توصل الشغل...وبالفعل ورغم اني نايمة متأخر خالص إلا اني بفضل الله صليت الفجر وفضلت مفنجلة وقعدت اتاخر قال ايه هوصل بدري قوي ...اتلكعت شويه على ما الساعة بقت سابعه تقريبا ونزلت على طول -وده في حد ذاته انجاز- وياسلام على نسيم الهواء والشارع فاضي -أصلي ليه طقوس غريبة كده- ماعلينا كنت ماشية مبسوطة قوي وطايرة من الحماس ....وفجأة....راح الحماس والنشاط والهمة وكل المعاني الحلوة بمجرد ما خطيت مجمع المواقف....بشر ايه...ياحفيظ دا ولا يوم الحشر وكأن الناس كلها شمت خبر اني قايمة بدري قاموا استنوني كلهم في الموقف.....القلق بدأ يسيطر عليا لما لقيت الوقت عمال يمر ومفيش ولا فرفوتة عربية ممكن أركب فيها....ربنا هداني وقلت أركب بنها ومن هناك أركب أي حاجة رايحة مصر....ويافرحة ما كملت....يا دوب خطيت موقف بنها إلا وألاقي كل البشر مستنييني هناك والموقف مفيهوش مكان من كتر الزحمة....بعد محاولات مستميتة الحمد لله ربنا هداني وطلعت بره الموقف خالص وسبحان الله لقيت عربيه محدش خد باله منها والحمد لله ركبت....نيجي بقى لرمسيس .....والله من كتر الزحمة ومن كتر القرف اللي الواحد شافه النهارده بحاول ما افتكرش أصلا.....رمسيس بك بقى دا كان فيه أمة لا إله إلا الله....وفيييييين وفييييييييين على ما الحمد لله لقيت عربية توديني لمكان الشغل...
    وبعد كل ده وصلت الشغل الساعة 11 ولا تعليق طبعا علشان مرارتي ما تتفقعش أكتر من كده ...أصحى من النجمة وأنزل من البيت الساعة 7 وفي الآخر أروح آخر واحدة الشغل كالعادة...اللهم لا اعتراض...

    نيجي بقى للمشهد التاني واللي كان أفقع وأدل.... من ضمن أسباب نشاطي النهارده كان استعدادي للتحضير للحلقة الأولى لنفسنا نشوفك....وزي ما حصلي الصبح حصلي آخر النهار برضو خرجت من الشغل بدري نوعا ما 5.15 تقريبا وبعد محاولات مستميتة للوصول وصلت أرض الوطن الساعة 8.15 تقريبا بالسلامة ويدوب أوصل الجمعية تستقبلني نرمين وصفا بابتسامتهعم الجميلة وأسأل عالنس ويكون الرد "يااااااااااه دا لسه نازلين ما بقالهومش عشر دقايق"

    كفايه كده علشان من كتر الانبساط والسعادة و"الراحة" اللي انا فيها حاسه هتجرالي حاجة....




    [img]
    avatar
    7ob El-7iah
    نائب المدير
    نائب المدير

    ذكر
    الثور
    عدد الرسائل : 2011
    العمر : 27
    مزاجك ايه النهرده :
    نقاط : 1424
    تاريخ التسجيل : 25/10/2008
    السٌّمعَة : 38

    رد: بعض المواقف المضحكه... فقليل من الضحك لايضر

    مُساهمة من طرف 7ob El-7iah في الأحد أغسطس 02, 2009 10:19 pm

    لا اله الا الله محمد رسول الله

    فعلا ربنا ليه حكمه سبحانه وتعالى

    وأكيد هوا مش خلى حضرتك تيجي لحاجة فعلا هوا بس اللي يعرفها ممكن لو طلعتي من الشغل بدري دقيقتين بس

    كانت العربية اتقلبت لا قدر الله أبدا بس اهو محدش عارف

    أنا أعرف قصة عن واحد فعلا صاحبنا وكان مسافر طيران ويشاء ربنا انه يحصله ظرف والله مش متذكر هوا كان ايه يمكن تأخير مواصلات أو أي كان الظرف ده

    ويوصل المطار وتكون الطيارة لسة طالعة مبقالهاش حاجة

    وهوا يرجع البيت ماليه الغضب وماليه العصبيه وطبعا موعد الرحلة راح وكل حاجة راحت

    وماعيدي وشغلي هيتأخير ومفيش أساسا مجال لحاجة زي كده

    وزيدوبك يروح من هنا ويقعد شوية وخبر عاجل سقوط الطائرة في البحر

    والله بجد كده مش بهزر وطبعا أهله في مصر أتجننم لأنهم منتظرينه في المطار أساسا والطيارة وقعت

    وطبعا حجات بقا لا يمكن أساسا اننا نتخيلها حصلت من الناس المنتظره اهلها في المطار

    بس طبعا هوا الحمد لله لحق بسرعة وطمن أهله انه أتأخر عن المعاد وملحقش الطيارة

    بس شوفتم بقا فعلا حكمة ربنا ............ لسة أجل الراجل ده مجاش وقته

    كذلك حضرتك يا آنسة إيمان لسة دور حضرتك في نفسنا نشوفك مجاش وقته وأكيد يوم ما وقته يجي فعلا هيكون مش بس دور عادي ده يمكن هوا اللي ينقل البرنامج كاملا لحجة جديده وتعمل نهضة بجد إن شاء الله

    ندعي بس ربنا سبحانه وتعالى أنه يجعلنا سبب في نصرة المسلمين جميعا إن شاء الله



    بس ياقلبى هقولك سر................... خلاص الحيرة لأت لها بر
    والخوف مبأش جوايه ................والحب حكايته معيه
    إستن ياقلبى كمان.................. شوف النور والأمان
    شوف لما بتباء معه ...............شوف لما تعيش جواه
    القلب بيرجع تانى .....................
    avatar
    malak el- donia
    مشرف
    مشرف

    ذكر
    القوس
    عدد الرسائل : 1344
    العمر : 25
    مزاجك ايه النهرده :
    نقاط : 1162
    تاريخ التسجيل : 25/10/2008
    السٌّمعَة : 41

    رد: بعض المواقف المضحكه... فقليل من الضحك لايضر

    مُساهمة من طرف malak el- donia في الأحد أغسطس 02, 2009 10:22 pm

    هههههههههههههههه ياااااااااااه بجد ايه الصبر ده كله

    ماشاء الله علي الصبر

    ده انا كفايه عليا اللي حصل لحضرتك في اول النهار ده وعلطول ما اروحشي الشغل ارجع تاني

    هو طبعااا فعلا احنا كنا نازلين قبل حضرتك بربع ساعه كده

    بس يومنا بقي كان يمكن اجمل في كل حاجه

    ناس راحت التدريب وماشاء الله خلصنا علي 11.5 وبعدين قعدنا نتلكع لحد ما وصلنا شبين علي 2.5 كده

    وقعدنا وقولنا بقي نروح الدار علشان ننزل دعايا نلاقي النهارده مفيش علشان ابله مها عندها كورس

    وبعدين كلنا جالنا احباااااااااااااااااااااااط وكلنا طبعا ما كوناش نمنا

    نزلنا صلينا العصر ونمنا في الجامع لحد الساعه 6 ونص

    وطلعنا لقينا انسه شيماء وبعديها انسه ريهان جم وطبعا حضرتك ما جتيش ولا انسه دينا

    ماشاء الله يعني بس الحمد لله قولنا اللي فيه النصيب وكانت فعلا بدايه جيده جدااا

    وان شاء الله هتبدا اول حلقات نفسنا نشوفك ان شاء الله علي الاربعاء الجاي



    الغصن كم يهوي المياه فاتم لي نصف الحياه يا مالك امري وحالي
    avatar
    malak el- donia
    مشرف
    مشرف

    ذكر
    القوس
    عدد الرسائل : 1344
    العمر : 25
    مزاجك ايه النهرده :
    نقاط : 1162
    تاريخ التسجيل : 25/10/2008
    السٌّمعَة : 41

    رد: بعض المواقف المضحكه... فقليل من الضحك لايضر

    مُساهمة من طرف malak el- donia في الثلاثاء أغسطس 04, 2009 10:01 pm

    الموقف بقي مش موقف مضحك لأ هو ممكن تقولوا يوم حصل فيه كل حاجه مضحك ومخنق ومرعب ومتعب كله كله كله

    اليوم طبعا بدا اني هاروح الكليه انا واحمد بس ومحمود مش معانا لأنه رايح يعمتحن سواقه ومبروك يا حوده علي الرخصه المهم رحنا شبين لقيت احمد بيقولي احنا هانروح مع ابراهيم صاحبنا في العربيه وماله نروح ما نروحشي ليه رحنا عدينا علي بلال وروحنا الكليه الحمد لله ولأول مره نروح من شبين لمنوف في ربع ساعه ماحصلتشي في التاريخ وكده انا تاكدلي ان السواقين دي هي اللي بتضيعلنا وقتنا وما بنلاقيش وقت نذاك يبقي هما السبب في اننا بننقص في التقدير هههههههههه
    المهم روحنا الكليه ودخلنا سالت مين اللي هايشرفنا النهارده ويدينا محاضرة التدريب قالوا ما نعرفشي قولت بيييييييييييس يبقي كده جه وقت النوم انا اصلا ما نمتش كويس وعاوز انااااااااااااااام
    اول ما دخلت المدرج قابلت الريفي وقولتله ابعت هات لحافين من البيت ههههههه عشان الليله طويله يابني وانت بتقول المحاضره 3 ساعات
    المهم دخل الدكتور وانا فوقت كده شويه عشان بس ما يشوفش اني نايم من اولها وبعدين دخل في الشرح فقولت اشوفه هيدي ايه لقيت كده بسم الله ما شاء الله حاجات غريبه بتتعرض علي البروجيكتور والناس بسم اله ماشاء الله قاعده مبلمه وحتي الشرقاوي اللي كان اكتر واحد بيكتب فينا الورقه قدامه بييييييييييضه قولت هو كده بقي جه معاد نومي هو اندمج في الشرح وانا اندمجت في النوووووووووم وحوالي كده علي ما اظن اني نمت تلت تربع المحاضره ولقيت الشرقاوي بيصحيني وبيقولي الدكتور بيبصلك فقمت غصب عني والله وقعدت واشوف الراجل ده اخرته ايه معانا لأن الناس كانت بجد وصلت لدرجه انها عاوزه تولع فيه وتقوم تضرب فيه
    الحمد لله الفتره اللي صحيت فيها كان هو طلع اتنين نايمين قولت الحمد لله وجه كده بعد ساعه ونص وبيقولنا انتوا تعبتوا والمدرج ما صدق وكله بقي بيقوول كفاااااااااااااايه حرااااااااااااام
    الناس بجد الله يكون في عونها تعبت جامد
    المهم طبلعت انا من المحاضره باني عرفت اننا عندنا برنامج ممكن نستبدله ببرنامج تاني كنا بناخده نعمل حاجه كده في خطوات كتيير وبد ممكن نعملها في اربع خطوات بالظبط هو ده اللي طلعت بيه

    المهم خرجنا من المحاضره وكانت الساعه بقت 12 وكنت لازم اروح شبين علشان الكورس بتاع اللغه فروحنا برضه مع ابراهيم في العربيه وبدات المغامره

    ماشاء الله كنا كام مره هانلبس في عربيه وماشاء الله يعني كانت سواقه تماااااااااااام
    وجينا بقي عند طريق في اول شبين كده جديد من ناحية الطريق اللي بيودي علي منوف ودخلناه وكان فيه كده ملف جاااااااااااااامد اوي وقومنا عاملين حادثه ولابسن في الرصيف والعربيه اتشخرمت والعجله الشمال اتكسرت

    الحمد لل كلنا كنا كويسين وطلعنا وزقينا العربيه علي جنب وبعتنا المييكانيكي وجه وشاف العربيه وقال انها هاتحتاج عفشه جديده

    المهم طلعت انا بسرعه علي الكوس لأني كنت اتاخرت جدااااااااا عليه وخلصته وبعدين اطمنت علي العيال تاني والحمد لله كانوا كويسين

    وبعد كده طلعت علي الدار علشان محمود كان هايقابلني هناك وننزل فجه محمود بعد العصر ونزلنا والحمد لله بقي اللي يمشي دلوقتي في اشارع الزراعيه مش هايلاقي غير الرحمه الرحمه الرحمه الرحمه

    الحمد لله وبعدنين جيت انا علي الساعه 7 وكنت خلاااااااااااااااص شطبت من كله وحتي محمود كان شايفني وانا راجع كنت بس قاعد ومفيش حاجه شغال عندي غير عيني بس شايف بيها الحمد لله

    المهم روحنا الحمد لله سااااااااااالمين الي ارض الوطن بركة السبع بعد يوم شوفت فيه كل حاجه



    الغصن كم يهوي المياه فاتم لي نصف الحياه يا مالك امري وحالي
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: بعض المواقف المضحكه... فقليل من الضحك لايضر

    مُساهمة من طرف الملاك الحائر في السبت أكتوبر 24, 2009 11:50 pm

    fبمناسبة الحملة الرخمة اللي قايمة على النقاب دلوقتي...افتكرت موقف مضحك حصلي بالنقاب....
    مرة كنت في موقف عبود ولقيت بنوتة منتقبة (لابسة اسود زيي برضو وحجمها مقارب لحجمي) المهم البنت كان معاها شنطة كبيرة وكان في راجل عجوز هو اللي شايلهالها...
    الراجل شكله صعب عليا ونويت أديله اللي فيه النصيب...
    المهم... البنت راحجت تقطع تذكرة...فتصورت انه الوقت المناسب عشان ادي للراجل من غير مايكون في إحراج..
    وبالفعل.....الراجل ياعيني مسك الفلوس وفضل يدعيييييييييييييلي كتيييييييييير قوي...
    وشويه
    ألاقيه بيديلي الشنط بتاعت البنت...أتاري المسكين افتكر اني أنا البنت صاحبة الشنط...وأنا أحاول أفهم فيه وهو أبدااااا...."ياعم خد الله يكرمك ما توديناش في داهية... يا حاج أنا مش هي أنا واحدة تانية" والراجل يبحلقلي ومش فاهم حاجة وبدأ يمشي وسايبلي الشنط....طبعا لو البنت جت ولقت الشنط معايا هتفتكرني نصابة...أنادي عالراجل..."انت ياسيدي....الله يكرمك تعالى" وده يبصلي ويدعيلي ويمشي....شويه والحمد لله البنت قربت فضحكتلها كده وقلتها بصنعة لطافة" ههه افتكرني انتي....توصلي بالسلامة...سلام"

    والحمد لله عدى الموقف على خير بستر ربنا اللي من غيره كان زمان عبود كله بيتفرج عليا



    [img]
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 31
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: بعض المواقف المضحكه... فقليل من الضحك لايضر

    مُساهمة من طرف shimaa في السبت أكتوبر 24, 2009 11:53 pm

    ربنا يسعد قلبك يا ايمان ياااااااااااااااااارب

    ضحكتينى اوييييييييييييييييي ربنا يحبك يارب ويرضى عنك

    بس خلى بالك بعد كده احسن تيجى فى حاجه كبيره ربنا يستر



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: بعض المواقف المضحكه... فقليل من الضحك لايضر

    مُساهمة من طرف الملاك الحائر في السبت أكتوبر 31, 2009 5:06 pm


    السلام عليكم
    عالسريع كده موقف حصالي وانا رايحة الصبح الشغل وفطسشني من الضحك....بجد مش قادرة:
    باختصار
    طبعا مواصلات يوم السبت الصبح-والأحد الصبح والاتنين الصبح وكل الأيام- بيبقى عليها زحمة قووووووي، فوأنا واقفة مستنية الفرج كنت واقفة جنبي سيدة كده في سن ماما-أو أكبرشويه- المهم تجاذبنا ؟أطراف الحديث واللي هي كانت بطلته وقعدت تحكيلي على ولادها وبناتها...المهم ركبنا الميكروباص جنب بعض وقعدت تكملي سيرة أبو زيد الهلالي بتاعتها وتحكيلي قد ايه هما متنغنغين وعندها ولد بيشتغل في إيطاليا والتاني في الكويت والقايشة معدن والعيشة زي الفل....ياستي ربنا يزيدك من نعيمه أعمل ايه يعني
    وتحكيلي على بناتها اللي متدلعين قوي وبيرفضوا كل العرسان اللي بتجيلهم ...لأ وايه بيقوموا الساعة 2 الظهر من النوم كل واحدة نايمة على سرير "لوكس" على حد تعبيرها وكل واحدة عندها لجاف فيبر -قال يعني ريش نعام- وعندهم 27 حلة استانلس، ومش بتشتريلهم حاجة إلا من شبين -لأنها من قرية مجاورة- وبتجيبلهم تفاح أمريكاني ومانجو وبلح أحمر-طب ما الناس كلها بتجيبه دا الكيلو باتنين جنية- لأ وكمان لبن بخيره ومبتشترلهمش مخبوزات إلا من حتحوت-قال يعني مونجيني- بقيت هطق وعماله أقول في سري -بالهنا والشفا ياست دول عيالك انتي بتقري عليهم ولا ايه-وهكذا طوووووول الطريق
    أصلا أنا كنت متغاظة لأن فترة المواصلالات بقضيها في 3 حاجات (ورد القرآن/أراجع الشغل/أتفرج عالسماء والخضرة) طبعا مسبتنيش في حالي غير لما بدأت أفتح ورق الشغل في الوقت اللي كانت ساكتة فيه...
    نجيي بقى للحظة الحاسمة
    السواق قال كلمة السر
    حمداً عالسلامة يابهوات
    ودي اللي معناها "هاتوا الأجرة" بس بشياكة
    ذوقيا مني طلعت 10 جنية وقلتله اتنين من فضلك (عادي يعني دي الأجرة 3.5 جنية يعني مفيهاش حاجة لما أكسب ود حد بحاجة بسيطة كده) قامت هي كمان مطلعة 10 جنية ولفت بالله انوميصحش اني أدفع...السواق رجعلي العشرة جنية بتاعتي
    بس بقيت حاسه ان الست مش على بعضها بجد حسيتها اتغيرت جداااااا بس انا مش فاهمة ليه ووشها احمر واخضر ....قعدت أقول تكونش زعلانة عالتلاتة جنية ونص؟؟؟ دا ميجوش تمن كيلوبلح أحمر من اللي بتجيبه لعيالها....
    المهم
    لما دخلنا حدود القاهرة الكبرى لقيتها بتقول للسواق:
    أنا مليش بقى ياأسطى ولا ايه؟
    قالها من اديتك 3 جنية، مش انتي دافعة اتنين؟
    بمنتهى الصرامة قالته "لا...أدفع اتنين ليه أنا راكبة لوحدي"
    ساعتها مبقتش قادرة أمسك نفسي من الضحك والسواق كمان لسه هيقولها انتي مش قولتيلي اتنين، قلتله حصل خير ياأسطى اتفض أجرتك"
    بجد جاتلي هسترية ضحك، بقى بعد كل الفسح ده تحمر كل الحمار ده على 3.5 جنية...ههههههههههههههههههههههههه
    وأنا نازلة قولتلها مع السلامة ياطنط فرصة سعيدة
    قالتلي من غير متحط وشها في وشي مع السلامة ياحبيبتي

    مش قادرة بجد كل ما افتكر الموقف ده أضحك جداااا


    *******ملحوظة مهمة:
    لو في حد متضايق اني بحط المواقف اللي بتحصلي دي هنا ياريت يلفت نظري بس انا فعلا بتحصلي مواقف عجيييييييييييييييبة وبحطها هنا علشان ما أنسهاش وأهو بهون على نفسي حاجات كتيييييييييييييييير



    [img]
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 31
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: بعض المواقف المضحكه... فقليل من الضحك لايضر

    مُساهمة من طرف shimaa في السبت أكتوبر 31, 2009 5:48 pm

    ايه يابنتى الكلام اللى بتقوليه دى ...تعرفى انها بتهون علينا احنا كمان

    بس موقف المرة دى يعنى تمام التمام .ده انا كنت خلاص بقول الست وفرت عليكى الاجره..يالا خير متعوضه فى الست اللى هاتركب معاكى المرة الجايه

    ومنتظرين الموقف الجاى



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    الملاك الأسود
    مشرف
    مشرف

    ذكر
    العذراء
    عدد الرسائل : 438
    العمر : 33
    الموقع : http://ra7maa.alafdal.net
    مزاجك ايه النهرده :
    نقاط : 221
    تاريخ التسجيل : 28/10/2008
    السٌّمعَة : 17

    رد: بعض المواقف المضحكه... فقليل من الضحك لايضر

    مُساهمة من طرف الملاك الأسود في السبت أكتوبر 31, 2009 6:53 pm

    ههههههههههههههههههه
    بصراحه موقف رائع ....... انا كمان مش عارف اكتب الرد من كتر الضحك
    وبالعكس ياايمان المواقف جميله وعجيبه ف نفس الوقت



    [center]

      الوقت/التاريخ الآن هو الإثنين أكتوبر 23, 2017 3:50 am