مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

    فضفضة..........(فى حب الله)

    شاطر
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 32
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    فضفضة..........(فى حب الله)

    مُساهمة من طرف shimaa في الأربعاء مارس 04, 2009 1:15 pm




    بتحب ربنا؟؟؟؟؟؟؟

    ده سؤال يعنى اكيد طبعا بحبه

    طيب كده تمام أوى

    طيب احنا لما بنحب حد بنقعد نتكلم عنه ليل ونهار

    ياترى امتى آخر مرة اتكلمت عن ربنا

    فكر شوية كده...........
    طيب خلاص

    احنا بقى عايزين هنا نفضفض ونتكلم عن ربنا علشان لما نتكلم عنه اكتر اكيد هانحبه اكتر ان شاء الله

    طيب ماتيجوا نشوف كده

    ياترى ربنا بيحبك؟؟
    قصدك مين أنا!!!!!!!!!!

    ربنا يحبنى انا!!
    أيوة انت اللى بتتكلم انت
    ايوة طبعا ربنا بيحبك ان شاء الله

    طب ازاى ربنا بملكه وملكوته وقدرته الواسعة يحبنى انا العبد الضعيف اللى دايما بيغلط؟؟

    طيب ركز معايا شوية كده

    بيحبك.....لانه اختارك انت من امة النبى عليه الصلاة والسلام وانك تكون مسلم

    الا يكفيك شرفا انك مسلم؟؟؟؟؟؟؟
    لو مش بيحبك..........ماكنش اختارك انت وسمعك الكلام ده

    بيحبك........علشان كده...... بيقربك منه خطوة خطوة
    بيحبك........علشان كده.... بييسر ليك طاعته وبيفتح ليك ابواب للطاعات
    بيحبك.........علشان كده ......احيانا كتير بيبعدك عن معصيته
    بيحبك.....علشان كده....... وفقك لصحبة صالحة تاخد بأيدك

    ربنا بيقول وما تقرب الى عبدى بشئ أحب مما افترضته عليه
    ولا يزال عبدى يتقرب الى بالنوافل حتى احبه
    يااااااااااااااه استشعر الكلمة دى اوى ...........حتى احبه

    فإذا احببته كنت سمعه الذى يسمع به وبصره الذى يبصر به ويده التى يبطش بها ورجله التى يمشى بها ولئن سألنى لاعطينه ولئن استعاذ بى لاعيذنه

    يعنى احنا لما حد يعمل معانا معروف بنبقى مش عارفين نشكره ازاى..........ما بالك بقى ربك وحبيبك اللى انت غرقان فى نعمه ليل ونهار

    ده لما ربنا يحبك.......بينادى فى اهل السماء وينادى على سيدنا جبريل ويقوله ياجبريل انى احب فلان فأحبه فيحبه جبريل وبعدين ينادى فى الملأ الاعلى ويوضع له القبول فى الارض

    ياااااااااااااااااه يارب انت كريم اوى
    وبعد ده كله بنقصر واللى يقول مش هاصلى الصلاة فى وقتها ومش هاقوم الفجر

    هو ربنا محتاج منك حاجة ده كله علشان مصلحتك انت

    ها حبيته اكتر ولا لسه شوية؟؟؟؟؟؟؟؟

    احنا هنا بقى عايزين نفضفض مع ربنا ........يعنى كل حد يدخل يكلم ربنا ويقول كل اللى فى نفسه
    ينسى خالص ان فى حد حواليه اتكلم براحتك خالص وانت لما تتكلم وتقولنا انك بتحب ربنا ليه ؟وتفضفض وانا افضفض وغيرى وغيرى اكيد كلنا هانحب ربنا اكتر مع بعض

    يالا مستنية الفضفضة ومش لازم كله فى مشاركة واحدة
    كل ماتكون عايز تتكلم مع ربنا ادخل هنا وفضفض براحتك

    دعوة للفضفضة
    ربنا يحبكم يارب




    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    rehan
    مشرفه
    مشرفه

    انثى
    عدد الرسائل : 1246
    نقاط : 576
    تاريخ التسجيل : 25/10/2008
    السٌّمعَة : 40

    رد: فضفضة..........(فى حب الله)

    مُساهمة من طرف rehan في الأربعاء مارس 04, 2009 6:36 pm

    ربنا يحبك يارب ياشيماء

    احساسك عالى أوىىىىىىىى وكلامك فلا واصل ليا أوىى
    عشان هو خارج من قلبك
    كمان عشان احنا بنتكلم عن ملك الملوك سبحانة وتعالى

    يارب بحمدك وبشكرك انك سمحت لينا اننا نتكلم عنك ونول هذا الشرف

    ياه بحس هو أصلا مين؟؟؟؟؟؟؟ ولا أكون اية ؟؟؟؟؟
    عشان أنا أتكلم عن ربنا
    كل ده بفضله وكرمه
    فعلا مفيش أحن من ربنا علينا فى الدنيا
    ولما تركز أوىىىىى
    تلاقية مهما عملت أوقصرت فى حقة بردو بيحبك وأنت متهنش علية وبيقربك وبيرجعك ويوم متقول يارب بيقولك لبيك عبدى
    حتى العاصى فينا مجرد ميقول يارب
    يقوله ...... لبيك ... لبيك ... لبيك.........

    كتير بتكون مخنوق مضايق وعوز تتكلم أوتفضفض مع حد
    وممكن تتكلم مع كل الناس على أمل انك تخرج من اللى أنت فية
    لكن بردو مش بتتأثر
    بحس ان كل الأبواب مش نافعة
    سوى باب الكريم
    ومجرد متقول يارب تلاقى نفسك ارتحت ...
    يارب انا مليش غيرك... بتحس كأن حد بيضمك وبيحتويك ... وبيطبطب عليك
    وبيكون أحن عليك من أمك......

    عارفين أعظم نعمة فى الدنيا لينا ايه ؟؟؟
    فى الوجود كله؟؟؟؟؟؟؟؟؟؟

    ان ربنا هو ربنا

    فاللهم لك الحمد على انك أنت ربنا



    من قبل منفتح عنينا للحياة..قال الرسول لصحابة أنه حبنا
    لما عرفت انى كنت واحشة ..هعيش حياتى بحبة وكأنة هنا
    عشانا سافر.. ساب ناسه.. ساب أهله وبيتة.. وراح مهاجر
    ياريتة كان بينا ياريتة.........
    [b]
    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 31
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: فضفضة..........(فى حب الله)

    مُساهمة من طرف حور الدنيا في الأربعاء مارس 04, 2009 9:24 pm

    thank you shima for your nice topic

    without loving Allah, you cannot be a professional worshiper of Allah. Those who really love what they do, succeed in their work. A teacher, who loves to teach, succeeds in teaching more than a teacher who teaches for money. A chef, who loves to cook, succeeds more than a chef who does not like their job. Applying the same logic, only a person who genuinely loves Allah is equipped to worship Him wholeheartedly. It is impossible to worship that which you know not and love not. Worship and love are intimately related. The highest level of love is worship and love is the foundation and essence of godly living. True and genuine worship of Allah does not take place except through loving Him.



    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    avatar
    7ob El-7iah
    نائب المدير
    نائب المدير

    ذكر
    الثور
    عدد الرسائل : 2011
    العمر : 28
    مزاجك ايه النهرده :
    نقاط : 1424
    تاريخ التسجيل : 25/10/2008
    السٌّمعَة : 38

    رد: فضفضة..........(فى حب الله)

    مُساهمة من طرف 7ob El-7iah في الخميس مارس 05, 2009 9:31 am

    ياسلاااااااااااااااااااااااااااااام

    ربنا يعزك يا آنسة شماء وبارك فيكي يارب

    انا بصراحة مش قادر اعبر اوي عن اللي جوايا عشانم بجد حاسس اني متلخبط اوي

    انا ممكن اتكلم عن ربنا..........والله فعلا دا هيكون من اجمل ما يمكن ان يصل اليه المرء

    يااااااااااااااااااااااااااااااااااااااااااااااااااه فعلا يوم ما تكون كده مش طايق نفسك ولا طايق بجد تتكلم مع اللي حواليك

    والسبب معرفش ....وبجد تحس انك مخنوق من كل الدنيا

    وكل لما تيجي تتكلم مع حد على انك هتستريح ولا تحس بأي حاجة خالص

    ويوم ما كده تحس انه وحشك اوي (ربنا)وتقول يارب وانت ممدد على السرير قبل ما تنام

    او حتى تحس انك بقيت بعيد وعاوز تروحله وتحكي وتبكي معاه

    عمرة ما بيقول لأ أبدا طول منتا لسه فيك الروح باب التوبة مفتوح......وفرصة انك تناجي ربنا موجوده

    وتتوضأ وتمسك المصحف كده والبيت كله نايم.........وتقعد قبل ما تعمل اي حاجة تستشعر لذة اللي انت مقدم عليه

    تستشعر ان ربنا شايفك وفرحان بييييييييييييييك ان شاء الله......تستشعر انك يوم ما تقول اللهم صلي وسلم على سيدنا محمد....على طول رد عليك السلام.............ياااااااااااااااااااااااااااااااااااااااه سيدنا محمد بيرد عليا انا السلام ياربي لك الحمد......فعلا يكفيني فخرا اني من امة النبي محمد

    وتبدأ تقرأ بقا القرآن او تصلي لربنا وتتكلم معاه بدون تكليف.....وتقوله يارب تولاني برحمتك

    يارب انا حكيت لفلان وفلان وفلان ومحدش حسيت معاه بالراحة وانا يارب بكلمك وكلي ثقة اني هستريح من اللي انا فيه

    يارب انت اعلم بما في نفسي مني...فأخرج لي من كل ما هو طيب..... وانتزع مني يارب كل ما هو خبيث

    وتفضل تتكلم مع ربنا كده بالعامية يعني ..... وتحكي معاه اوي

    وطبعا اوعى تنسى انك بتكلم ربك...يعني اياك تقول كلمة مش كويسه ابدا....تعلم الأدب مع ربك في نفس الوقت

    ياااااااااااااااااااااااااااااااااااااااااااااااااااااااااااااااااااااه

    الكلام كتيييييييييييييير والله

    جزاكم الله وايانا التقابل على باب الجنة مع حبيبنا النبي عله الصلاة والسلام

    وزي ما بندخل مع بعض في عمل خيري ندخل مع بعض الجنة بإذن الله

    شكرا جدا لتعليق الآنسة ريهان اللي صحى فيا حته جمييييييييلة اوي

    وشكرا للآنسة دينا وكلامها الرائع وفعلا منطق اروع انك لما تحب حاجة فعلا هتخلص لها جدا...ديننا مبني على حب ومش اي حب دا اروع انواع الحب وهو الحب في الله

    ربنا يحبكم يارب جميعا



    بس ياقلبى هقولك سر................... خلاص الحيرة لأت لها بر
    والخوف مبأش جوايه ................والحب حكايته معيه
    إستن ياقلبى كمان.................. شوف النور والأمان
    شوف لما بتباء معه ...............شوف لما تعيش جواه
    القلب بيرجع تانى .....................
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 32
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: فضفضة..........(فى حب الله)

    مُساهمة من طرف shimaa في الخميس مارس 05, 2009 10:10 pm


    ربنا يعزكم جميعا ويحبكم يارب

    هو زى ما حضرتك بتقول كده يابشمهندس ان مثلا كلام ريهان صحى جواك حاجة حلوة كنت مثلا نسيتها او على الاقل بقالك كتير ما حسيتش بيها


    هى دى الفكرة اللى حابه اننا نوصل ليها انى لما حضرتك تتكلم تصحى جوايا حاجة وانا اتكلم عن ربنا غيرى يصحى جواه حاجة وهكذا يعنى بكده هانحب ربنا اكتر ولما نشوف مثلا اد ايه ربنا حبيبنا كريم مع حد اوى اكيد هاتحبه اكتر واكتر وهكذا


    ]وكل ما نتكلم عنه اكتر اكيد ان شاء الله هانحبه اكتر


    [b]احنا فعلا عايزين ناخد بأيد بعض كده علشان نعبد ربنا بحب مش خوف مثلا من النار او طمعا فى الجنة


    وطبعا ده برده مطلوب بس لما نحاول نحبه ونعبده على الاساس ده اكيد احساسنا هايختلف كتير


    ]يارب انا بقوم اصلى الصلاة فى وقتها لان انت بتحب كده


    أحب الاعمال الى الله الصلاة على وقتها

    علشان كده يارب انا جيت فى ميعاد النداء علشان انا بحبك وطمعان انك تحبنى

    عايزين كل حاجة نعملها ناخد فيها نية انى بعملها حبا فيك يارب واتمنى انك انت كمان تحبنى


    تخيلوا كده لما ربنا يحبنا


    ]ده لما حد فينا بيحب حد ممكن يتكسف يقوله انه بيحبه مابالك بقى


    ملك الملوك بيحبك انت ياسلالالالالالالالالالالالالام



    كل الدنيا هاتحبك ....اهل السماء وأهل الارض يابختك ياعم


    علشان كده هانحاول ندور على الحاجات اللى بيحبها ربنا علشان نعملها على طول ونقوله حبنا يارب وارضى عننا ورضينا عنك



    ]طيب تعالوا نشوف اول حاجة







    [b]قال
    النبي ‏ ‏صلى
    الله عليه وسلم ‏ ‏يقول الله تعالى ‏ ‏أنا عند ظن عبدي بيوأنا معه إذا ذكرني فإن ذكرني في نفسه ذكرته في
    نفسي وإن ذكرني في ملإذكرته في ملإ خير منهم
    وإن تقرب إلي بشبر تقربت إليه ذراعا وإن تقرب إلي ذراعا تقربت
    إليه ‏ ‏باعا ‏ ‏وإن أتاني يمشي أتيته هرولة ‏


    يا الله يعنى انت يارب بتحب اللى بيذكرك وكل ما يتقرب منك تتقرب له اكتر

    تخيل كده لما تذكر ربنا .........ربنا بيذكرك

    يااااااااااااااااه ربنا سبحانه وتعالى يذكرك انت سبحان الله........ بجد يابختك

    طيب رسولنا بيقولنا (كلمتان خفيفتان على اللسان ثقيلتان فى الميزان حبيبتان الى الرحمن ......سبحان الله وبحمده سبحان الله العظيم)

    ركز معايا كده.........بيقول حبيبتان الى الرحمن يعنى ربنا بيحبهم


    [b]طيب يالا بسرعة قول


    قلت ولا لسه

    سبحان الله وبحمده سبحان الله العظيم

    طيب بجد خدت من وقتك اد ايه .......5 ثوانى؟؟

    والله مش هاتكلفنا حاجة بس ثوابها ان شاء الله عظيم اوى

    ربنا بيقول

    [b]فاذكرونى اذكركم .........


    عايزين نفتكر دايما انك لما تذكر ربنا ربنا هايذكرك وساعتها هاتحبه اكتر وهو اصلا بيحبك انه سمح لك انك تذكره ويجرى ذكره على لسانك


    [b]ربنا يجعل لساننا دائما رطبا بذكر الله


    وطبعا منتظرة خواطركم على المشاركة دى

    ربنا يحبكم يارب




    كفانى عزا ان تكون لى ربا . وكفانى فخرا ان اكون لك عبدا





    عدل سابقا من قبل shimaa في الجمعة مارس 06, 2009 1:08 pm عدل 1 مرات



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    الملاك الأسود
    مشرف
    مشرف

    ذكر
    العذراء
    عدد الرسائل : 438
    العمر : 34
    الموقع : http://ra7maa.alafdal.net
    مزاجك ايه النهرده :
    نقاط : 221
    تاريخ التسجيل : 28/10/2008
    السٌّمعَة : 17

    رد: فضفضة..........(فى حب الله)

    مُساهمة من طرف الملاك الأسود في الخميس مارس 05, 2009 10:47 pm

    يارب
    كلمت ناس كتير وقعدو يقولو مش فاهمين حاجه واعيد وازيد فى اللى بقوله وبرده محدش فاهم حاجه ومحدش عارف يدلنى على حاجه
    وجتلك ....... وعارف انك عارف اللى بيا وعارف انا مالى وحتى من غير ما اتكلم فاهمنى وحاسسنى وبتهدينى ......... ومش بس كده ده انت خلتنى كمان اقعد واتكلم معاك
    انا ....... اللى كلى ذنوب ......... انا ...... اللى على طول بغلط
    وارجع لك واقولك سامحنى ومن رحمتك بيا بتخلينى افضفض معاك
    يارب لما بتدينى حاجه كويسه بحاول اشكرك .. وطبعا شكرى ناقص بس بتقبله ومش بس كده ده انت بتثيبنى على شكرى ... فبحس بنعمك ... فبشكرك تانى ... فتزيدنى تانى
    ايه ده ..... ايه ده
    والله بحبــــــــ
    ده حتى لما باجى احلف .... بحلف بيك
    مهما قلت ومهما عدت عمرى ما هقدر اوفى حنيتك عليا

    ده انا حتى وانا مليان معاصى وذنوب
    اول ما بجيلك ......... يادوب اتوضى واصليلك
    واقعد بقى معاك وتقولى تعالى كمان
    قرب ..... بقرب انا كمان
    واقربلك شبر تقرب ليا ذراع
    الحمد والشكر ليك
    انت وحدك من غير شريك



    [center]
    avatar
    rehan
    مشرفه
    مشرفه

    انثى
    عدد الرسائل : 1246
    نقاط : 576
    تاريخ التسجيل : 25/10/2008
    السٌّمعَة : 40

    رد: فضفضة..........(فى حب الله)

    مُساهمة من طرف rehan في الخميس مارس 05, 2009 11:13 pm

    يااااااااااااه بجد
    ربنا يعزكو ويحفظكوا يارب


    الكلام عن ربنا فعلا أروع حاجة فى الدنيا واحساس تانى لما تلاقى نفسك بتتكلم عن ربنا واللى حواليك
    كلهم بيتكلوا عن ربنا وأد اية هو كرييييييم أوى
    عظيم أوىىىىىىىىى.........
    رؤوف بينا ديما
    سمى نفسة عشانا رحمن رحيييييييييييييم

    بجد لما الواحد يقعد مع نفسة كده ويستشعر عظمة ربنا

    يااااااااااه ربنا.......... خالق السموات والارض

    كل حاجة بطلبها بيدهالى...... وكل حاجة حوالية بتفكرنى بيه .......... وممكن يسخر الناس كلها عشان خطرى

    فاكر طبعا يوم ما كان عليك امتحان
    وكنت خايف أوىىىىىى وكمان مكملتش مذاكرتك كمان
    وتلقية بردوا وقف جمبك
    وكمان أكرمك بالنجاح وتجيب تقدير مكنتش متوقعة
    أصله كريم وبيحبنا

    وكمان فاكر لما كنت فى أزمة ومش عارف تحلها وتلاقية سبحانة وتعالى بيسبب الأاسباب كلها عشان موضوعك ده
    يتحل ويمشى

    برده عشان خاطرك أنت
    عشان أنت مكانتك عنده كبيرة

    بجد ربنا كريم أوى معانا
    يلا ياجماعة كلنا مع بعض نقرب ونحب ربنا
    وديما ردد الكلمة دى جواك
    أنا بحبك أوىىىىىىىىى يارب

    ومفيش أغلى من حبك ورضاك عندى فى الدنيا

    ياجماعة كفيانا بعد وكفيانا بقى ذنوبنا ومعاصينا اللى احنا كل يوم بنعملها
    ومع ذلك بردوا بيسمحك وفتحلك ديما بابه


    يارب حبنا وارضى عنا وسامحنا يارب

    فاللهم ان صغر فى جنب طاعتك عملى ...... فقد كبر فى جنب رجائك أملى.......

    سبحان الله وبحمده... سبحان الله العظيم



    من قبل منفتح عنينا للحياة..قال الرسول لصحابة أنه حبنا
    لما عرفت انى كنت واحشة ..هعيش حياتى بحبة وكأنة هنا
    عشانا سافر.. ساب ناسه.. ساب أهله وبيتة.. وراح مهاجر
    ياريتة كان بينا ياريتة.........
    [b]
    avatar
    7ob El-7iah
    نائب المدير
    نائب المدير

    ذكر
    الثور
    عدد الرسائل : 2011
    العمر : 28
    مزاجك ايه النهرده :
    نقاط : 1424
    تاريخ التسجيل : 25/10/2008
    السٌّمعَة : 38

    رد: فضفضة..........(فى حب الله)

    مُساهمة من طرف 7ob El-7iah في السبت مارس 07, 2009 2:53 am

    يارب يا رحيم يا ودود يا ذا العرش المجيد يافعال لما تريد

    يا من امره بين الكاف والنون اللهم اليك اشكوا ضعف قوتي وقلة حيلتي وهواني على الناس

    إلى من تكلني إلى نفسي الآمرة بالسوء أم إلى قوم ملكتهم نفسي الأمارة بالسوء

    يارب دايما بغلط ودايما بلاقيك جمبي ومهما حصل مني وأدعيك مش بتخذلني

    يارب زاد حيائي منك ......يارب انت الأعلم اني نفسي مكونش صفر واموت صفر

    يارب نفسي لما اقبل النبي يبقى عارفني من الأول ويفتخر بيا قدام الصحابه ويوقلوهم ده محمود عليمي اللي من امتي اللي قدر يكون اكبر سبب في قيام اكبر نهضه حصلت يارب انت الأعلمن بحالي وبما في نفسي

    يارب انا خايييييييييييييييييف ياااااااااااارب خايف من نفسي....وكلي رجاء ان تصلح لي نفسي

    دايما بقول اني بحبك يارب وبحب نبيك واعمل حجات كتير ان شاء الله تكون بتقبلها عشان بجد انت اعلم اني بعملها ابتغاء مرضات وجهك يارب بس بآجي في الىخر واحس اني ضيعتها كلها بذبي حقير ارتكبه يارب

    يارب انا خايف اكون زي الناس اللي هتيجي يوم القايمة معاهم حسنات مثل جبال احد فتجعهلا هباء منثورا

    ياااااااااااااااااارب انا مرعوووووووووووووووب اني احس حتى بنارك ونفسي اوي ادخل جنتك يارب

    يااااااااااااااااااااااااااااااااااااااااه على كرمك ياكريم .... انا يارب مستحقش اي حاجة وانت اعلم بي مني ومن غيري

    ياااااااااااااااااااااارب قدرتك اعظم بكثير من ان تهديني ....... يارب انت جمعتني مع ناس مكنتش حتى في حسباتي اني الاقيهم ومش لقيتهم غير بفضلك وكرمك يارب خليني احافظ عليهم يارب ودايما معاهم يارب

    انت اعلم بحالي مني وعلمك بحالي غني بك عن سؤالي

    جوايا كتييييييييييييييير بس نفسي اطلعه وعمري ما هقدر لوحدي يارب انت الرحيم وانت الغفور

    لا اله الا انت سبحانك اني كنت من الظالمين

    سبحان الله وبحمده سبحان الله العظيم

    اللهم اني استغفرك واتوب اليه يا حبيب التائبين اقبلني عندك منهم وأحبني اللهم اني اسئلك حبك وحب من احبك وحب عمل يقربنا الى حبك

    والحمد لله رب العالمين



    بس ياقلبى هقولك سر................... خلاص الحيرة لأت لها بر
    والخوف مبأش جوايه ................والحب حكايته معيه
    إستن ياقلبى كمان.................. شوف النور والأمان
    شوف لما بتباء معه ...............شوف لما تعيش جواه
    القلب بيرجع تانى .....................
    avatar
    فاطمه
    عضو نشيط
    عضو نشيط

    انثى
    الجدي
    عدد الرسائل : 160
    العمر : 29
    مزاجك ايه النهرده :
    نقاط : 59
    تاريخ التسجيل : 10/02/2009
    السٌّمعَة : 5

    رد: فضفضة..........(فى حب الله)

    مُساهمة من طرف فاطمه في السبت مارس 07, 2009 7:18 pm

    اشكرك يا شيماء على موضوعك الجميل
    والاجمل انه الموضوع عن حب ربنا الي بيخلينا نستحمل ونصبر على حاجات كتير اووي في الدنيا

    بحبك اوووووووووووووووي يا ربنا ونفسي اعمل كل حاجه ترضيك وبجاهد نفسي في حاجات كتيرر اووي عشان بحبك
    وسامحني على التقصير الكبيررررررررر مني




    في القلب قسوة لا يذيبها الا ذكر الله .
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 32
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: فضفضة..........(فى حب الله)

    مُساهمة من طرف shimaa في الإثنين مارس 09, 2009 1:23 am

    ها ياجماعة

    ايه اخبارالذكر؟؟؟؟؟؟؟؟

    احنا قلنا هانحاول ندور على الحاجات اللى بيحبها ربنا علشان نعملها ان شاء الله

    طيب النهاردة بقى نعرف ان

    أحب الاعمال الى الله تعالى أدومها وان قل

    يعنى حتى لو العمل ده كان بسيط اوى ومش طاعة كبيرة يعنى ولا حاجة

    بس تداوم عليها دايما دى بتبقى من الاعمال اللى بيحبها ربنا سبحانه وتعالى

    واكيد الاعمال البسيطة كتير ومش بتكلفنا حاجة

    فيها ايه مثلا لما نحافظ على ركعتين قيام ليل مش هانقول 11 ركعة

    هما بس ركعتين بس حافظ عليهم

    وممكن تصليهم بعد العشاء او قبل ماتنام اكيد والله مش هاياخدوا من وقتنا حاجة

    بس مش لازم ننسى انى هاعملها علشان انت بتحبها يارب وانا بحافظ عليها علشان انت تحبنى وترضى عنى يارب


    فيها ايه مثلا لما نحافظ على ذكر معين كل يوم حتى لو كان قليل

    بس نداوم عليه

    واكيد القليل بعد شوية هايبقى كتير ان شاء الله

    بس اهم حاجة المداومة عليها

    عايزين مع بعض كده نتعلم نحب ربنا علشان ان شاء الله ربنا يحبنا

    ومش معنى انى بقول الكلام ده يبقى انا بقى آخر تمام لا والله

    انا عايزة نحاول نتعلم كلنا مع بعض علشان نحب ربنا ونوصل لدرجة اننا نكون من عبيده اللى بيحبهم

    ربنا يحبكم ويرضى عنكم

    والبقية تأتى ان شاء الله............ مع مزيد من الفضفضة
    [/size]



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    malak el- donia
    مشرف
    مشرف

    ذكر
    القوس
    عدد الرسائل : 1344
    العمر : 27
    مزاجك ايه النهرده :
    نقاط : 1162
    تاريخ التسجيل : 25/10/2008
    السٌّمعَة : 41

    رد: فضفضة..........(فى حب الله)

    مُساهمة من طرف malak el- donia في الإثنين مارس 09, 2009 3:07 am

    ياااااااااااااااااااااااااااااااااارب
    لقد ضاقت بيا الدنيا ولم اجد سواك لاشكي اليه
    لانك انت العليم بحالي وتعلم حالي

    يااااااااااااااااارب
    انا اذنبت كتيييييييييييييييير اوي يارب وتبت اليك يارب فاقبلها يارب توبه نصوحه يارب
    يارب انت الوحيد اللي تقدر تخليني عايش اسعد واحد في الدنيا دي يارب

    يارب كلما اذنبت اؤنب نفسي مئات المرات علي انني اعصيك وكيف اعصيك وانتي واهبي الحياه وواهبي الصحه وواهبي الاب والام و ..................
    كيف اعصيك ااني لاغبي اغبي اغبي الناس اني كنت اعصاك
    لكنك انت يارب الرؤف الرحيم التواب ذو العرش المجيد
    اغفر لي ذنوبي وتجاوز عن سيئاتي


    يااااااااااااااااااااااااااااااارب
    انت تعلم اني احارب نفي لأرضائك انت يارب فقوني علي نفسي والهمني الصبر


    ياااااااااااااااااااااااااااااارب
    اهدني لطريق الصواب والحق وابعدني ن طريق الضلال والمعاصي
    وانر طريقي بالقران يارب العالمين


    اللهم صلي علي سيدنا محمد في الاولين وصلي علي سيدنا محمد في الاخرين وصلي علي سيدنا محمد في الملا الاعلي الي يوم الدين

    عليه افضل الصلاة والسلام

    يا حبيبي يارسول الله



    الغصن كم يهوي المياه فاتم لي نصف الحياه يا مالك امري وحالي
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 32
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: فضفضة..........(فى حب الله)

    مُساهمة من طرف shimaa في الثلاثاء مارس 10, 2009 4:23 pm

    ازيكم ياجماعة

    فى عبارة بتقول ..من ذاق عرف ومن عرف اغترف

    احنا عايزين نكمل كلامنا عن ربنا وحبه

    علشان لما نتكلم عنه هانحبه..ولما نحبه هانشتاقله..ولما هانشتاقله هانبقى عايزين نعمل اى حاجة ترضيه

    عايزين نحاول نتكلم شوية عن............ ربنا الكريم

    ربنا كريم أوى وانت كمان غالى عنده اوى وهو كرمك وقال.........ولقد كرمنا بنى آدم

    طيب تعالوا كده نشوف رحمة ربنا وكرمه لما يشعر انسان بالهم مثلا

    انت اللى ربنا أكرمك وأعطاك كل النعم اللى انت عايش فيها دى

    ازاى تحس بالهم

    عادى يعنى اى حد بيحس بالهم ..بس بتفرق امتى ..لما تحس ان ربنا كريم ودايما معاك حتى فى همك

    بس ازاى تحزن .........وانت ليك رب كريم خلقك فى أحسن تقويم ورزقك بغير حساب

    ده كمان لما بتكون مهموم بيكافئك وبيديلك حسنات كمان

    ايه الكرم ده ياربى؟؟؟؟؟؟؟

    قال رسول الله صلى الله عليه وسلم

    ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها الا كفر الله بها من خطاياه

    يعنى لما تكون مهموم مثلا وتستشعر ان ربنا معاك وكمان بيكافئك يااااااااااااااااااااه

    يابختك ياعم حتى كمان وانت مهموم كله فى ميزان حسناتك

    يارب انت عظيم أوى وكريييييييييييييييم أوى

    ازاى تحزن..........وانت عارف ان ليك رب بيحبك

    ازاى تحزن ...........وانت ليك رب بيبسط يده بالليل ليتوب مسئ النهار ..ويبسط يده بالنهار ليتوب مسئ الليل

    ده ربك بينادى عليك كل ليلة

    بينادى على انا؟

    ايوة انت وبيقولك..هل من مستغفر فأغفر له
    هل من تائب فأتوب عليه
    هل من صاحب حاجة فأعطيها له

    ايه ياربى الكرم ده كله

    بتحبنا وبتتودد لينا كمان
    صحيح..ليس العجب من عبد يتودد الى سيده ولكن العجب كل العجب من ملك يتودد الى عبيده

    يعنى ربنا بيحبك أوى

    هاتقولى ده انا عندى معاصى كتيييييييييييير اوى

    طيب مش مشكله ارجعله انت بس ومالكش دعوة والله

    هايقبلك ويتوب عليك ويبدل سيئاتك حسنات كمان وهايفرح بيك

    ربنا بيفرح بتوبة عبده ..اكتر من فرحة عبده بتوبته

    ورسول الله بيضرب لينا مثل

    مشى رجل فى الصحراء ومعه دابته عليها طعامه وشرابه فأسرعت الدابة مهرولة حتى ابتعدت عنه..فملأ اليأس قلب هذا الرجل وحفر حفرة فى وسط الصحراء وجلس عليها ينتظر الموت بعد فقدان الامل من عودة الدابة

    فما هى الا دقائق وتعود الدابة محملة بالطعام والشراب واقفة فوق رأس الرجل ..فنظر اليها الرجل شاكرا ربه حامدا اياه

    ولشدة فرحه أخطأ فى التعبيرعن شكره فقال:
    اللهم انت عبدى وأنا ربك..
    فقال رسول الله صلى الله عليه وسلم:أتدرون ؟إن الله أفرح بتوبة عبده من هذا الرجل

    شوفت ربك هايفرح بيك أد ايه

    ربنا بيحب يسمع صوتك وكلامك وانت بتدعيه
    ده كمان ممكن يأخر استجابة الدعاء شوية علشان تفضل تدعيه ويسمع صوتك دايما

    ادعى انت بس وابكى بين ايده ..انت اصلا ليك غيره؟؟؟؟؟؟؟

    اه كل الناس حواليك........بس هو اللى عالم بيك..هو عالم بيك أكتر من نفسك
    ونحن أقرب اليه من حبل الوريد

    ولما تفضفض له والله ان شاء الله هاتستريح
    لانه بيحبك وهايريح قلبك

    وبدام احنا فى الدنيا يبقى مش هانستقر على حال

    فى مقولة بتقول لا تستغرب وقوع الاكدار ما دمت فى هذه الدار


    ومن يكثر قرع الباب يوشك أن يفتح له..ومن يكثر الدعاء يوشك أن يستجاب له

    ها حبيته ولا لسه؟؟؟؟؟؟؟

    شوية شوية بنحاول نحبه

    شوية شوية نحاول نقرب له






    احفظ
    هذه الكلمات
    :

    أيــــها
    الـــحـــاملُ هــــــمــــــاً .. إن الـــهم لا يدوم
    .
    مثـــلما
    تــفــــنى المــــسرات .. كذلك تفنى الهموم







    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    rehan
    مشرفه
    مشرفه

    انثى
    عدد الرسائل : 1246
    نقاط : 576
    تاريخ التسجيل : 25/10/2008
    السٌّمعَة : 40

    رد: فضفضة..........(فى حب الله)

    مُساهمة من طرف rehan في الثلاثاء مارس 10, 2009 10:15 pm

    أيــــها
    الـــحـــاملُ هــــــمــــــاً .. إن الـــهم لا يدوم .
    مثـــلما
    تــفــــنى المــــسرات .. كذلك تفنى الهموم




    ياااااااااااه ياشيماء

    ربنا يكرمك يارب

    بجد الواحد بيكون محتاج يسمع كلام كده فى وقت معين بالذات
    وربنا يقدر انه يسمعة
    على لسان حد تانى
    وكأن ربنا بعتله رساله وبيقوله أنا ديما معاك
    وفاكرك علطول

    وأنا بحبك ومش هسيبك

    دا كله عشان بردوا ربنا كرييييييييييييييم اوى
    وبجد رؤوف وحليم أوى بينا

    بيكون حنين علينا

    حتى كل يوم الجبال والبحار وكل ما على الأرض تشتكينا احنا لربنا

    لكن شوف المولى عزوجل .......

    اللى أكرم بكتيييييير علينا من أى حد فى الدنيا كلها ومهما عملنا بردوا ديما بيخاف علينا وبيصبر علينا أوى..........


    اتركونى وعبادى.......

    فان أطاعونى فأنا حبيبهم.......

    وان عصونى فأنا طبيبهم........


    يااااااااااه


    ما أحلم الله عنى حيث امهلنى
    وقد تماديت فى ذنبى ويسترنى

    يارب أشهدك أنى أحبك.... أحبك ... أحبك


    ولكنى نادما على ما أفعل
    فأنا العبد الأسير بذنبى والمعترف بخطيئتى

    ولكن أطمع فى عفوك ورحمتك
    فارحمنا يامن وسعت رحمته كل شىء........



    من قبل منفتح عنينا للحياة..قال الرسول لصحابة أنه حبنا
    لما عرفت انى كنت واحشة ..هعيش حياتى بحبة وكأنة هنا
    عشانا سافر.. ساب ناسه.. ساب أهله وبيتة.. وراح مهاجر
    ياريتة كان بينا ياريتة.........
    [b]
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 32
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: فضفضة..........(فى حب الله)

    مُساهمة من طرف shimaa في الثلاثاء مارس 17, 2009 10:37 pm

    نكمل فضفضة

    عايزين نعرف ان العلاقة بينا وبين ربنا قائمة على الحب

    والحب ده كان من طرف واحد من قبل ما ربنا يخلق الدنيا بخمسين ألف سنة

    أول ما خلق الله خلق القلم قال ..اكتب قال ..وما اكتب..قال اكتب ما هو كائن الى يوم القيامة

    يااااااااااااه يارب يعنى انت بتفكر فيا وبتحبنى من قبل ماتخلق الدنيا اصلا وكمان اختارتنى انى اكون من امة حبيبك النبى صلى الله عليه وسلم ......اختارتنى انا

    وكمان بعدها كتبت عندك ان رحمتى سبقت غضبى

    وكمان خلقت لى الجنة علشان استمتع بيها وهى مخلوق من مخلوقاتك

    وده كله لا يزيد او ينقص من ملكك شئ ده كله علشان انت بتحبنا

    يارب احنا ضعفاء اوى لازم نعرف مقامنا علشان نعرف مقام ربنا

    ولما نعرف مقامه اكيد هانعرف مقامنا كويس

    لازم نعرف اننا عايشين فى ملك الملك عز وجل عايشين فى حماه واحنا مش بأيدينا اى حاجة خااااااااااااااااااااالص

    عايزين نعيش فى الدنيا واحنا شايفين الملك عز وجل

    كل حاجة عندنا وبنقول انها بتاعتنا هى فى الاصل مش بتاعتنا هى ملك للملك عز وجل وهو اللى سمح لك تتمتع بيها

    فى فرق كبير بين المالك.........والملك

    ممكن تكون بتملك حاجة لكن مش قادر مثلا تتصرف فيها لكن الملك...........هو المهيمن والمتصرف اصلا فى كل شئونك

    هو كل شئ اصلا فى حياتك بأيد مين؟؟؟؟؟؟؟؟؟؟؟؟

    مش بأيد الملك عز وجل

    مين اللى ممكن يسعدك؟؟؟؟؟؟؟؟؟؟؟

    مين اللى ممكن يرزقك؟؟؟؟؟؟؟؟؟؟

    مين ؟؟؟؟؟؟؟؟؟مين؟؟؟؟؟؟؟؟؟مين؟؟؟؟؟؟؟؟؟؟

    كل حاجة ربنا

    هو انت يعنى لو كنت سعيد مش ربنا هو اللى اذن لقلبك اللى هو عبد من عبيد ربنا انه يبقى سعيد

    فى مقولة بتقول...........بضدها تتميز الاشياء

    يعنى لما نعرف ضعفنا اكيد هانحس بقوته

    والاصل فى الانسان النقصان

    احيانا كتير بننسى وننسب اعمالنا لنفسنا وان احنا اللى بناخد القرارات من دماغنا واننا نقدر نمشى حياتنا كويس اوى

    واحنا اصلا ولا حاجة فى ملك ربنا هو كل شئ

    دقات قلبك دى ملك مين؟؟؟؟؟؟؟؟

    روحك؟؟؟؟؟؟؟

    جسدك كله؟؟؟؟؟؟؟؟

    كيف يحجبك عنه شئ وهو الذى خلق كل شئ

    والله مش شطارة مننا ولا حاجة هو الملك الذى لا يكون فى ملكه الا ما يريد اى حاجة بتعملها هو اللى سمح لك تعملها سبحانه وتعالى

    عايزين من دلوقتى نعرف مقامنا واننا عايشين فى ملك الملك

    واى حاجة عندك هو ربنا اللى اعطاها ليك بقدرته عز وجل

    ها بدأنا نحبه اكتر؟؟؟؟؟؟؟؟؟؟؟؟

    اكيد انا سامعه ناس بتقول ااااااااااااااااااااه

    يارب نحبه اكتر واكتر ويحبنا

    ربنا يحبكم ويرضى عنكم

    ومنتظرة خواطركم



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 31
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: فضفضة..........(فى حب الله)

    مُساهمة من طرف حور الدنيا في الأربعاء مارس 18, 2009 9:05 pm

    ربنا يحبك ياشيماء ياررررررررررررررررررررب


    بصي ياشوشو باختصار كدا
    مينفعش احب حد ( ولله المثل الاعلي طبعا ) الا لما اعرفه كويس
    وانا مش هوصل لدرجه الحب الكامل لله الا لو عرفت ربنا صح واتقربت منه اوي ودي سهله اوي يارب كلنا ننولها جميعا يارب

    طيب ازاي احب ربنا او اتقرب منه علشان اعرف اوصل لااعلي درجات الحب
    تعالوا اقولكم



    1( قراءه القران وتدبيره : لقول رسول الله صلي الله عليه وسلم " من سره ان يحب الله ورسوله فليقرا في المصحف "

    2) التقرب الي الله بالنوافل بعد الفرائض : كما في الحديث القدسي " لا يزال عبدي يتقرب الي بالنوافل حتي احبه "

    3) دوام ذكره سبحانه وتعالي علي كل حال بالقلب واللسان :

    4) ايثار محابه سبحانه وتعالي علي محب النفس والهوا

    5) مشاهده بره واحسانه ونعمه الظاهره والباطنه

    6) مجالسه المحبين الصادقين المخلصين الصالحين

    7) مباعده كل سبب يحول بين القلب وبين الله عز وجل

    Cool الخلوه به سبحانه وتعالي وقت النزول الالهي لمناجاته وتلاوه كلامه ودعاءه واستغفاره

    9) مطالعه القلب لاسماءه وصفاته ومشاهدهتها ومعرفتها وتقلبه في رياض هذه المعرفه : عن عائشه رضي لله عنها قالت ان رسول الله صلي الله عليه وسلم بعث رجل الي سريه فكان يقرا لاصحابه في صلاته فيختم بــ " قل هو الله احد الله الصمد لم يلد ولم يولد ولم يكن له كفوا احد " فلم رجع ذكروا ذالك لرسول الله صلي الله عليه وسلم فقال : سلوه لاي شئ يصنع هذا : قال لانها صفه الرحمن فانا احب ان اقرا بها فقال رسول الله صلي الله عليه وسلم "اخبروه ان الله يحبه "



    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 32
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: فضفضة..........(فى حب الله)

    مُساهمة من طرف shimaa في الإثنين مارس 23, 2009 11:39 pm

    ها ياجماعة نكمل فضفضة

    النهاردة بقى عايزين نفضفض كده ونقول هل احنا لو ربنا اخر عننا حاجة بنحبها او عايزينها ياترى بيبقى حالنا عامل ازاى؟؟؟؟؟؟؟؟؟

    ياترى هانقوله ليه يارب عملت كده وليه يارب اخرت عنى كذا ولا لازم نكون مستسلمين لله فى كل شئ؟؟؟؟؟؟؟

    اكيد طبعا لازم نستسلم لله فى كل شئ

    هو انت مقتنع يعنى ان الشئ اللى انت عايزه ده هو الخير ليك ؟؟؟؟؟؟؟؟؟وانت عرفت منين اصلا ان فى خير .........مش يمكن انت عمال تدعلى وتقول يارب اعملى كذا .........يارب حقق لى كذا.........ومن رحمة ربنا بيك انه اخر ليك طلبك ده لانه عارف الخير فين

    ربنا ياجماعة عالم بيك اكتر من نفسك عارف ماضيك........وعارف مستقبلك وعارف انت مين وقدراتك ايه والخير ليك هايبقى فين

    ألا يعلم من خلق وهو اللطيف الخبير

    ده ربنا اللى خلقنا يبقى اكيد عالم بينا ده كمان مش عالم بينا وبس ده كمان قدره بيبقى فيه لطف بينا وبحالنا

    لانه بيحبنا وحابب لينا الخير دايما

    بس احنا للاسف احيانا كتير بننسى ان ربنا خبير بينا وعارف فين بالضبط وامتى يدينى اللى انا عايزة

    وعسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لا تعلمون

    ركز كده............والله يعلم وانتم لا تعلمون

    فهمت بقى..............

    يعنى لو أخر عنك حاجة ماتزعلش والله بيحبك

    واحيانا كتير لما حد يقرب من ربنا ويطلب منه ويدعيه انه ييسر له حاجة وماتحصلش مثلا يقول ياااااااااااااه يعنى انا قربت منه ومشيت فى طاعته وبرده ربنا مش بيحقق ليا اللى انا عايزة

    خلى بالك.............انت مين اصلا علشان تقول كده.......احنا ضعفاء اوى وبعدين احنا مش هانشترط على ربنا

    ده يكفى انه سمح لك انك تقرب منه وتقف بين ايديه اصلا

    لازم ندعى اه وناخد بالاسباب بس فى الاول والاخر معتمدين على الوكيل

    امضى انت بس واعمل توكيل عام فى كل شئونك وحياتك وانت هاتبقى سعيد بكل شئ واكيد الوكيل مش هايضيعك ابدا بدام انت وكلته وقلت له اعتمدت عليك يارب وانا والله مش خايف من حاجة كله بأذنك وامرك وانت هاتعملى الخير دايما

    هو مين اللى خلقك؟؟؟؟؟؟؟

    هومين اللى عالم بحالك؟؟؟؟؟؟؟؟

    ربنا سبحانه وتعالى خلاص بقى قوله توكلت عليك يارب

    سؤال ؟؟؟؟؟؟؟

    هل احتياجاتك خارج المشرق والمغرب ؟؟؟؟؟؟؟؟؟

    ولا كلها حاجات بسيييييييييييييييييطة اوى

    يارب عايز اشتغل.........يارب عايز اتجوز..........يارب .........يارب.........

    يعنى مهما كانت طلباتك مش هاتبقى خارج المشرق والمغرب

    رب المشرق والمغرب لا اله الا هو فاتخذه وكيلا

    خلاص بقى اتخذه وكيلا

    والله هو بيحبك ولو اخر عنك حاجة لمصلحتك

    مش يمكن اخر عنك شغل فى مكان معين علشان بيحضر لك شغل فى مكان احسن

    مش يمكن اخر عنك الجواز شوية لغاية ماتكونى قد المسئولية وقادرة انك تتحملى مسئولية زوج واولاد وتكونى اسرة مسلمة على حق

    يعنى بيربيك علشان تكون قد المسئولية

    وحاجات كتييييييييير اوى

    واحنا احيانا كتير بندعى بحاجات شر لينا واحنا مش عارفين
    ياترى بقى لو ربنا حققها لينا هايبقى ايه موقفنا ساعتها

    بس اهم حاجة تعمل توكيل عام لكل شئونك

    التوكيلات بتبقى توكيل عام وتوكيل خاص

    ولما تيجى تعمل لحد توكيل عام فى الشهر العقارى بيقولك انت متأكد؟؟؟؟؟؟؟
    هايبقى متصرف فى كل شئونك


    تقوله اه متأكد
    ليه قلت له كده؟؟؟؟؟؟؟؟؟؟

    لانك واثق فيه انه مش هايضيعك ابدا

    ولله المثل الاعلى اكيد ربنا مش هايضيعك ابدا

    ها حبينا ربنا الوكيل؟؟؟؟؟؟؟؟؟؟؟؟؟

    يارب حبنا يارب وارضى عننا وارزقنا حسن التوكل عليك والرجوع اليك

    ربنا يحبكم ويرضى عنكم ويرزقنا جميعا الاخلاص فى القول والعمل

    ولسه الفضفضة مستمرة ان شاء الله



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 31
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: فضفضة..........(فى حب الله)

    مُساهمة من طرف حور الدنيا في الثلاثاء مارس 24, 2009 12:35 am

    ربنا يعزك ياشيماء يارب

    بصي ياشوشو هو طبعا انا مقدرش اقول ان ربنا بياخر عن اي مخلوق شئ لان ببسطه كل شئ بيصيب الانسان من خير او شر ليه اجل مكتوب وموعد للنزول ودا بيكون لحكمه لا يعلمها الا هو
    وان ربنا سبحانه وتعالي ادري بالنعمه من العبد وادري بفضلها عنه
    يعني لما ربنا يرزقني بزوج صالح ( اسال الله لي ولكم الزواج الصالح ) بيكون في وقته وموعده مش ينفعش اقول وقتها دا بدري او متاخر ومينفعش اقول يارب انا كبرت وفات الاوان بقي والكلام دا لا طبعا دا غلط كبير وذمب لاني وقتها مش بيكون عندي يقين في الله سبحانه وتعالي وهو القادر علي كل شئ
    طيب يعني ايه القادر علي كل شئ يعني يقول للشئ كن فيكون يعني ايه بردوا
    يعني الخير ليه موعده والموعد دا اللي ربنا فيه بيامر الخير بالنزول ومش هينزل ولا هيتاخر عن الموعد دا
    فانا وكل انسان لازم يكون عندنا يقين بالله سبحانه وتعالي ان الخير جاي جاي وان كل شئ ربنا بيقدره للانسان مهما كان صعب بيكون خير لان الخير لا يصنع الا الخير ولله المثل الاعلي



    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 32
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: فضفضة..........(فى حب الله)

    مُساهمة من طرف shimaa في الأربعاء أبريل 01, 2009 10:20 pm

    نكمل فضفضة وبجد النهاردة نفسى افضفض اوى

    ياترى فاكر آخر هديه ربنا بعتهالك؟؟؟؟؟؟؟؟؟؟؟

    هديه!!!!!!!!!!!!!!!!!!!!
    ازاى يعنى...............أيوه ربنا بيبعتلك هدايا لان ربنا (وهاب)
    طيب ياترى احنا فى الدنيا ليه بنحاول ندى حد هديه مثلا؟؟؟؟؟؟؟؟

    كنت سمعت قبل كده انك بتدى حد هديه لسببين:
    اما انك بتحبه اوى لانه طيب وبيعملك حاجات حلوة كتير وفطرته سليمه

    واما انه بعيد عنك شويه وانت عايز تقربه وتاخد بأيديه علشان يحبك




    ولله المثل الاعلى

    فى مننا ناس ربنا بيحبها علشان كده بيبعت لها هدايا
    وناس بعيد شويه عنه وعلشان هو بيحبها برده وحابب يقربهم منه وحابب ليهم الخير بيبعتلهم الهدايا دى


    طيب ايه صحيح الهدايا اللى بتكلم عليها من الصبح دى

    انتو عارفين ان فى فرق بين الرزاق والوهاب
    الرزق ده بتبقى حاجه خلاص اتعودت عليها اما الهبه حاجه كده هديه غير متوقعه

    الرزق كده بيبقى زى المرتب مثلا بيجى كل شهر لكن تخيل بقى........فى شهر من الشهور جم قالولك ده مدير الشركه بعت لك الهديه دى

    ياااااااااااااااااااه مدير الشركه بعت لى انا هديه حاجه مش متوقعه نهائى

    ولله المثل الاعلى
    وطبعا هدايا ربنا كتير اوى علينا

    يعنى احيانا كتير الواحد بيكون بيفكر فى حاجه ومش عارف يعمل فيها ايه او حاسس انه ماشى غلط بس مش عارف الطريق الصح منين
    فجأه كده يلاقى اللى بيدله على الخير وعلى الطريق الصح
    وكتير اوى حاجات بيبقى مش مترتب ليها نهائى وتلاقى الوهاب كده بيحطها فى طريقك علشان يقولك انا جنبك ماتخافش وبحبك كمان

    واحيانا كتير ربنا يبعتلك حاجه وبقوانين البشر استحاله انها تحصل وتقعد تحسبها كده وكده

    لالالالالالالالالالا مش نافعه

    وتلاقى سبحان الله ربنا بيرتب لك امورك ويبعتهالك فى الوقت المناسب

    صح ولا ايه؟؟؟؟؟؟؟؟؟

    انتو معايا.........مش كلنا بيحصل لنا المواقف دى


    وأحيانا كتير ربنا بيبعت لينا رسايل كده على لسان حد او من خلال كلمه سمعتها فى برنامج وانت بتفتح اصلا التليفزيون بالصدفه وتلاقى اللى بيتكلم ده بيوصلك انت حاجه

    انتو عارفين ان فى فرق بين البصر والبصيرة
    يعنى ممكن يكون حد قاعد قدام برنامج معين وبيسمع درس مثلا اهو قاعد كده وخلاص يمكن يتعلم حاجه

    وواحد تانى قاعد بيسمع ويفكر ياترى ايه اللى خلى ربنا يقعدنى انا بالذات فى الوقت ده علشان اسمع الكلام ده
    هو ربنا حابب يوصلى ايه على لسان المتكلم ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


    اظن بقى دلوقتى لازم تسأل نفسك هو ايه اللى خلى ربنا يجرى الكلام ده على لسانى دلوقتى وسمح لى انى اكتبه علشان انت تقرأه دلوقتى

    يارب تكون فكرت كده وانت بتقرأ دلوقتى يارب


    وياترى ليه ربنا رزقنى بصحبه صالحه
    وياترى ليه ربنا بيدلنى على اماكن كويسه علشان اروحها وبيبعدنى عن اماكن تانيه ممكن تكون مش كويسه

    والله بيحبك

    والله بيحبك

    حبه انت كمان بقى


    والله بتحصل كتير يكون الواحد بيفكر فى حاجه معينه ومحتار ياترى انا ماشى صح ولا غلط
    يارب انا مش عارف اروح فين دلنى على الطريق الصح يارب

    وسبحان الله تسمع كلمه من حد يكون فيها الجواب عن كل اللى بيدور فى دماغك


    واحيانا تانيه تكون بعدت عنه شويه ويبعتلك حد فى الوقت المناسب يفوقك ويقولك كفايه كده بقى يالا ارجعلى
    يااااااااااااااااه يارب على كرمك وعظمتك والله بنحبك اوى ونتمنى انت كمان تكون بتحبنا يااااااااااااااااااااارب

    يعنى بعد الهدايا والرسايل اللى ربنا بيبعتهالك دى ولسه بعيد عنه ولسه مش قادر تقوم تصلى الفجر

    معلش يعنى عيب عليك بقى

    اصلا ربنا مش محتاج لنا فى حاجه واى طاعه احنا بنعملها هو اللى وفقنا لطاعته دى مش شطاره مننا
    وما توفيقى الا بالله
    وكل الطاعات والمعاصى لا تزيد ولا تنقص من ملكه شئ

    ياعبادى انكم لن تبلغوا ضرى فتضرونى ولن تبلغوا نفعى فتنفعونى

    يعنى كله ليك انت وعلشان مصلحتك انت
    من عمل صالحا فلنفسه ومن أساء فعليها

    ياه يارب والله الواحد مش عارف يقول ايه على كرمك وحبك لينا ده كله
    ياترى ياجماعه وصلكم الاحساس ده حسيتوا بربنا الوهاب بجد

    يارب يدخل لقلبكم على طول وتحسوا بيه اوى وتشوفوا ربنا فى كل حاجه بتحصل لكم
    لانه بجد احساس حلو اوى ان ربنا معاك وبيحبك وحابب يقربك دايما منه

    يارب احنا عرفنا مقامك لاننا عرفنا مقامنا

    يارب مش عارفين نشكرك ازاى على كل هدياك اللى بتبعتهالنا يارب
    يارب احنا ضعفاء قوى وكلنا ذنوب ومعاصى وبرده بتسترنا بسترك الخفى
    يارب احنا بنغلط كتييييييييييييييييير اوى بس احنا مالناش غيرك انت ارحم بينا من نفسنا

    يارب كل واحد يقرأ الكلام ده يحسه اوى ويدخل لقلبه على طول
    والله ياجماعه دى مش شطاره منى ده كله من فضل الله ثم طبعا فضل الناس اللى ليهم فضل عليا كتير اوى

    انسوا خالص مين اللى كاتب الكلام ده عايزه بجد الاحساس يوصلكوا

    يارب ساعدنا اننا نعرفك علشان لما نعرفك اكتر هانحبك اكتر

    يارب تب علينا لنتوب

    ها افتكرت آخر هديه ربنا بعتهالك ولا لسه؟؟؟؟؟؟؟؟؟؟؟؟؟؟

    ربنا يحبكم ويرضى عنكم
    ويرزقنا جميعا الاخلاص فى القول والعمل

    بس بالله عليكم اللى يدخل يقول هو حس بأيه ولو كلمه واحده يقولها لربنا


    وللفضفضة بقيه ان شاء الله



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: فضفضة..........(فى حب الله)

    مُساهمة من طرف الملاك الحائر في الأربعاء أبريل 01, 2009 10:39 pm


    سبحان ربي الأعلى
    يا ما انت كريم ياربي
    الله أكبر

    والله العظيم وكأن الكلام ده كله متوجهلي
    لسه ربنا سبحانه وتعالى باعتلي هدية غير متوقعة النهارده بالتحديد، ووالله العظيم طول الطريق عماله أقول لازم أفتح موضوع الفضفضة وأكتب شكر كبييييييييييييييييييييييييييير لربنا

    بجد أنا لسه داخلة البيت دلوقتي حالا وكالعادة قبل ما أعمل أي حاجة لازم أفتح المنتدى الأول
    ومصدقتش لما لقيت شيمو حبيبتي اللي هي بجد من أجمل الهدايا اللي بعتهالي ربنا ربنا يعزها ويحفظها

    عالعموم جزاكي الله خيرا وأنا هتغدى بسرعة واستريح حبة صغنتنين وأجي أكمل بإذن الله

    "رب أوزعني أن أشكر نعمتك التي أنعمت علي وعلى والديّ وأن أعمل صالحاً ترضاه وأدخلني برحمتك في عبادك الصالحين"

    [/size]
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 32
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: فضفضة..........(فى حب الله)

    مُساهمة من طرف shimaa في الأربعاء أبريل 01, 2009 11:35 pm

    ربنا يحبك ويرضى عنك يارب

    ومستنينك علشان نعرف ايه الهديه اللى ربنا بعتهالك



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: فضفضة..........(فى حب الله)

    مُساهمة من طرف الملاك الحائر في الخميس أبريل 02, 2009 12:37 am


    معلش هجاوب بس في عجالة شديدة لأني مرهقة جدااااااااا
    بصي عالسريع كده

    بفضل الله كنت ناوية أطلع مبلغ معين من مرتب الشهر ده في سبيل الله

    وسبحان الله

    رحت النهارده لقيت في زيادة في المرتب قيمتها ضعف المبلغ اللي كنت هطلعه بالظبط !!!!!!!!!!!!!!!

    سبحان الله
    اللهم لك الحمد والشكر

    ياااااااااااااااااااااااااااه مين زي ربنا
    فييييييييييييييييييييين بيحصل كده

    أنوي أطلع حاجة.... مجرد نية....ألآقي الكريم بيضاعفهالي؟؟؟!!!!! سبحانك يا سيدي ويامولاي
    بجد يارب أنا بحببببببببببببببببببببببببببببببببببببببببببببببببببببببببببببببببببببببببببببببببببببببك قوووووووووووووووووووووووووووووووووووووووووووووي

    والله الحياة بكل مافيها ماتساوي لحظة واحدة من القرب منك ياودود
    اللهم لك الحمد أنك أنت الله
    لا أحصي ثناء عليك أنت كما أثنيت على نفسك

    يارب الصدق والإخلاص يااااااااااارب

    [/size]
    avatar
    سرور المنتدى
    عضو مبتدأ
    عضو مبتدأ

    ذكر
    عدد الرسائل : 113
    نقاط : 121
    تاريخ التسجيل : 31/01/2009
    السٌّمعَة : 8

    رد: فضفضة..........(فى حب الله)

    مُساهمة من طرف سرور المنتدى في الخميس أبريل 02, 2009 1:18 am

    الكلمات لن تعبر عن رحمة وفضل ربنا علينا

    سبحان الله....كل ذرة فى الكون ده تدل على عظمة الله وعلى رحمته بنا

    وبإذن الله هبقى أعمل موضوع نتكلم فيه عن فضل ربنا علينا

    الفضل ده كبييييييييييييييييييير جدا...بس احنا كل ما نسمع عن فضل ربنا...نقول ان ربنا جعل لنا عين وجعل لنا يد وهكذا

    ولكن الفضل عظييييييييييييييييييييييييييييييييييييييييييييم جدا

    ورغم هذا...للأسف الشديد...كما نعصى الله.....الواحد لما بينظر لمعصية بيعملها ويفتكر عظمة وستر ربنا....بيشعر انه المفروض مش يعيش على الأرض دى....لأننا كأننا ساكنين فى بيت واحد((ولله المثل الأعلى)) وقاعد أعنف فى أولاده واحبابه...واتلف المكان

    اللهم ارحمنا.....ولا تؤاخذنا بخطايانا

    ولفتة جميله جدا جدا حكايه الزيادة فى المرتب دى.....ومن نعم الله على الانسان انه جعله يفكر فى انه السبب فى ذلك....اكرمكم واعزكم الله

    لأن الزيادة دى ممكن تيجى لحد تانى وميفكرشى فى ده خالص....يقول دى صدفة...او عشان انا تعبت شويه فى الشغل....ولكن ربنا أكرمكم وجعلكم تشعرون بفضله عليه....وهذا فضل كبير جدا ..لأنه بيجعل الواحد يقرب أكتر من ربنا

    جزاكم الله خيرا جميعا وجمعكم فى الفردوس الأعلى......وهدانى الله واياكم

    سلام
    avatar
    بتول
    عضو فعال
    عضو فعال

    انثى
    الحمل
    عدد الرسائل : 650
    العمر : 35
    العمل/الترفيه : مهندسة شبكات
    الموقع : http://forum.amrkhaled.net/showthread.php?t=235523
    مزاجك ايه النهرده :
    نقاط : 396
    تاريخ التسجيل : 08/11/2008
    السٌّمعَة : 9

    رد: فضفضة..........(فى حب الله)

    مُساهمة من طرف بتول في الخميس أبريل 02, 2009 9:16 pm

    جزاكم الله خيرا
    طبعا العبرة في مين اللي يفهم ان دي هدية من الوهاب
    انا لما قريت كلامك افتكرت الازمة اللي وقعنا فيها من سنتين مع المحافظ
    وازاي ان كل الدنيا كانت علينا
    واتذكر كلمة والد الدكتورة اسلام لما كان يقولنا
    لما حد يقولكوا الموضوع كبير قولوا الله اكبر
    وفعلا مكنش في ايدينا حاجة نعملها وكانت مسدودة من كل ناحية
    وسبحانك ياربي يامنجي
    الحل جه بطريقة عجيبة ولم يكن لنا ادنى دخل فيها
    وبعد ماكان المحافظ قالب الدنيا علينا احنا روحناله ولقيناه عايز يتصور معانا
    ساعتها قولتلهم اصل الجمعية دي مش بتاعتنا دي لربنا وهو اللي بيوفقنا عشان نقدر نكمل
    وكمان من كلامك يا شيماء افتكرت دار الايتام وازاي كانت مقفولة في وشنا
    وبرده ربنا اللي حلها من عنده
    واصبحت الدار زي مهيا موجودة دلوقتي
    اما يمكن على المستوى الشخصي لما كنت حامل كنت دايما افكر هجيب حاجات المولود منين
    بس كنت سايباها على ربنا واقول هو مش بيسيب عبد من عباده من غير رزق
    وسبحان الله ربنا رزقني شغل لمدة شهر وبعديها سبت الشغل لاني اكتشفت ان صاحب الشركة مرتشي
    ودي كامن هدية اني عرفت في الوقت المناسب انه محبوس مش مسافر زي مراته مكانت بتقول
    المهم بعد الشهر قدرت بالمرتب جبت كل حاجات عمرو
    بعد الولادة بقيت اقول ازاي هنصرف ومنين
    وسبحان الله بعدها ربنا رزقني بالشغل بتاع دلوقتي
    وهدية كمان حصلت وهي حاصلة في الشركة بنسبة واحد في المية
    اني لما اشتغلت كنت لسة تعبانة بعد الولادة ومش قادرة ع الشغل
    تروح المستشفى يحصل فيها ترميمات ويتوقف الشغل واروح اعمل تقارير خفيفة والمرتب هو هو
    ربنا لك الحمد كما ينبغي لجلال وجهك وعظيم سلطانك
    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 31
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: فضفضة..........(فى حب الله)

    مُساهمة من طرف حور الدنيا في السبت أبريل 04, 2009 5:40 pm

    يا رب أنت خلقتني وخلقت لي وخلقت مني
    سبحانك اللهم عـا لم كل غيـب مستكـنّ
    ما لي بشكرك طاقةٌ يا سيـدي إن لـم تُعنّي



    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    avatar
    7ob El-7iah
    نائب المدير
    نائب المدير

    ذكر
    الثور
    عدد الرسائل : 2011
    العمر : 28
    مزاجك ايه النهرده :
    نقاط : 1424
    تاريخ التسجيل : 25/10/2008
    السٌّمعَة : 38

    رد: فضفضة..........(فى حب الله)

    مُساهمة من طرف 7ob El-7iah في الأحد أبريل 05, 2009 8:25 am

    يامن هو اعلم بحالي مني

    يااااااااااااااارب ياربي اسألك النجاح في قولي وعملي

    والإخلاص في حياتي ...........يارب انت عارف باللي جوايا اكتر مني انا نفسي ومحدش هيقدر يفهمني غيرك يارب

    بس انت من يقول للشئ كن فيكون ياقديييييييير اهديني واهدي بي واجعلني سببا لمن اهتدى

    يارب منفسيش ابدا تتطلع على ما نفسي وتلاقي مالا يسرك ويرضيك

    يارب....اعني على قضاء حوائج الناس بالخير

    ويسر لي ولكل المسلمين في كل صعب هوا آتيهم انك على كل شئ قدير



    بس ياقلبى هقولك سر................... خلاص الحيرة لأت لها بر
    والخوف مبأش جوايه ................والحب حكايته معيه
    إستن ياقلبى كمان.................. شوف النور والأمان
    شوف لما بتباء معه ...............شوف لما تعيش جواه
    القلب بيرجع تانى .....................

      الوقت/التاريخ الآن هو الأحد ديسمبر 16, 2018 5:50 pm