مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

    حوار بين الحفيدة والجدة فى سنة 2050

    شاطر
    avatar
    ebsa3ed
    عضو جديد
    عضو جديد

    ذكر
    السرطان
    عدد الرسائل : 17
    العمر : 43
    مزاجك ايه النهرده :
    نقاط : 0
    تاريخ التسجيل : 26/10/2008
    السٌّمعَة : 0

    حوار بين الحفيدة والجدة فى سنة 2050

    مُساهمة من طرف ebsa3ed في الخميس يناير 01, 2009 1:26 am

    حفيدة في سن المراهقة (12 سنوات) تجلس مع جدتها (70 سنة) ويدور بينهما هذا الحوار:
    الحفيدة: تينته ميرو إزيك..بقى لي زمان ما قعدتش معاكي
    الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية
    حاجة تسليني
    الحفيدة: ومابتفتحيش الدش ليه يا تيته
    الجدة: التليفزيون بقى ممل خالص مافيهوش غير 9700 محطة بس!.وأنا كمان ما
    بعرفش أغير المحطات!
    الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة
    قوي ياتيته !
    الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب
    التقاليد القديمة بتاعتنا
    الحفيدة : أيوه بس مش حاسة إنك مخنوقة وانتي لابساه؟
    الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين
    أيام زمان لما كنا نلبس البادي اللي مبين البطن والظهر بس، مع البنطلون
    السترتش الجلد ...كانت حاجة آخر روشنة
    الحفيدة : ياه يا تيته.. ده انتوا كان ليكم تقاليد غريبة خالص !
    الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها
    إلا ربنا .. فين أيام سنة 2008، هي الواحدة فينا كانت تستجري تشرب سيجارة
    البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها
    وما تتعدلش .. أمال إيه .. كان فيه حاجة اسمها أخلاق
    الحفيدة: معقول يا تيته؟ للدرجة الفظيعة دي!!؟
    الجدة: أمال انتي فاكرة إيه .. وبعدين كانت الست من دول ما تلبسش اللبس الخليع
    بتاع اليومين دول..يعني الجيبة كان ما يقلش طولها عن شبر وربع .. وكانوا
    الستات يلبسوا فوقيها بلوزة باستمرار ..مش زي دلوقتي! حسبي الله ونعم الوكيل!
    الحفيدة : يا خبر .. وإيه كمان ياتيته
    الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب
    الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء
    "شاكيرا"، وكانت الأغنية مدتها أكثر من دقيقتين متواصلين من الطرب الأصيل
    والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل!
    الحفيدة : وبعدين ياتيته
    الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس
    كان ليها طعم عن دلوقتي، يا سلام لما كنا نحطها في الووكمان ونعلقها في حزام
    البنطلون كده ونمشي في الشارع كده، كانت أيام جميلة. حسبي الله ونعم الوكيل!
    الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي
    فى المدرسة لأنه بايت معايا في الأودة من امبارح ..أصل الإنسان الآلي بتاع
    الصحيان بايظ ولازم نصلحه النهاردة
    الجدة: طيب ياحبيبتي روحي
    (بعد عدة دقائق)
    الحفيدة: هيه يا تيته.. وبعدين
    الجدة : أحلى أيام بقى كانت أيام الدراسة، الفصل كان على أيامنا رايق وعدد
    التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس
    كويس مش زي دلوقتي، وكانت الشوارع أيامها فاضية يعني كانت إشارة المرور تقعد
    ساعة إلا ربع بس لأن مصر كلها كان تعدادها 70 مليون مش أكثر، تخيلي بقى
    الروقان اللي كنا فيه؟ حسبي الله ونعم الوكيل!
    الحفيدة : 70 مليون بس؟!!
    الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة
    يوم ما يضربه الدم كان يبقى بتلاتين او خمسة وتلاتين جنيه، وكان أتخن جوز
    جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان
    الدولار بخمسة جنيه بس تخيلي بقى؟
    الحفيدة : ما هو علشان كده الجواز على أيامكم كان سهل خالص، إحنا بقى خلصنا من
    العُقد دي
    الجدة : أُمال إيه .. ده احنا الواحدة مننا كانت بمجرد ما توصل سن 17 سنة
    تبتدي تفكر في الجواز العرفى على طول، وما كانش عندنا الأفكار الغريبة اللي
    بتعملوها دلوقتي، أنا شخصياً شايفة إن ده أوفر شوية، ده احنا يا بنتي على
    أيامنا كان لا يمكن البنت تتأخر بره البيت عن الساعة أربعة صباحاً، طب ده
    باباها كان ممكن ساعتها يخاصمها !
    الحفيدة : ياي! ده انتوا كنتوا متزمتين خالص ياتيته !!!
    الجدة : يا بنتي إحنا اتربينا على الأخلاق والفضيلة والعادات والتقاليد . يعنى
    كان أهل الفن محتشمين جداً وكانوا دايماً يطلعوا بالمايوهات البيكيني،
    والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه
    الله يرحم دي أيام.. فكرتيني بالذي مضى حبي الله ونعم الوكيل!
    (تمسك الجدة بتليفون محمول في حجم علبة الكبريت)
    الحفيدة : ح تكلمي مين يا تيته
    الجدة : الحقيقة أنا كنت موصية الجزار على اتنين كيلو لحمة و اديته 600 دولار
    عربون وعايزة أطلبه أشوف إذا كانت اللحمة وصلت ولا لأ ..
    الحفيدة: (تنهض من مكانها) تشاو سي يو تيته!
    الجدة: سي يو
    وبعد مرور عدة ساعات انتابت الجدة خلالها غيبوبة بسبب الشيخوخة
    و في المساء دار هذا الحوار بين الجدة والحفيدة:
    الجدة: إنتي كنتي فين يا فتفت؟
    الحفيدة :أصل إحنا أخدنا الولد من الحضانة ..
    الجدة : ولد !! ولد إيه اللي أخدتوه من الحضانة؟
    الحفيدة : آه صحيح أنا نسيت أقول لك .. أصل أنا جبت ولد من سمسم صاحبي
    الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!
    الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي
    يمنع نخلف من غير جواز أنا شخصياً عملتها ونفعت
    الجدة : مشكلتي إني ما باعرفش أزعل منك يا فتفت يا عكروتة ..وسميتوا المحروس
    إيه بقى
    الحفيدة : سميناه (دوت كوم) ..
    الجدة : نعم .. دوت كوم؟ نظام هاي تك بقى؟ يعني لما تعوزي تنادي له تدوسي
    (إنتر) ولا إيه بالضبط ؟
    الحفيدة : ها ها ها ها .. إيه الخفة دي يا تيته .. والله فكرة .. لما أعوز
    أنده له أدوس إنتر .. ولما أحب أقول له روح أودتك أدوس (ألت و إف4)
    الجدة: وأخدتوه من الحضانة وديتوه فين بقى؟
    الحفيدة : وديناه النادي الصهيوني بتاع الحي
    الجدة : النادي الصهيوني بتاع الحي؟
    الحفيدة : أيوه .. ده نادي جميل معمول برعاية كبار رجال الأعمال .. وتحت رعاية
    وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين
    الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل
    (ميدو يوسف والي) وزير الزراعة ده راجل متفتح قوي. هه، أفتح لك التليفزيون يا
    تيته عشان تشوفي نشرة الأخبار
    الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر
    صوت مذيعة مصحوبا بلقطات للأنباء تقول:
    المذيعة : هاي شلة! إليكم عناوين الأخبار
    - أمريكا ترصد 25 مليار دولار لرأس تامر بن محمد بن أسامة بن لادن المتهم
    الأول في تفجير قصر السفير الأمريكي في أفغانستان
    - واشنطن تتهم ليبيا بتفجير سفينة فضاء فوق كوكب المريخ
    - وزير الاقتصاد د. فريد يوسف بطرس غالي يصرح: إعدام الفقراء هو الحل
    لخروجنا من عنق الزجاجة
    - موافقة مجلس الشعب أخيرا على خصخصة معبد الكرنك
    أخبار عربية:
    - زهوة ياسر عرفات تطالب بانسحاب إسرائيل حتى حدود عام 2030، وإعلان
    الدولة الفلسطينية في مايو المقبل
    - سيريلانكا والفلبين تطرد خمسة آلاف خادمة كويتية
    - إسرائيل ترفض الإنسحاب من البصرة إلا بعد ضمان أمن مستوطناتها في
    بغداد
    - اشتباكات على الحدود الإسرائيلية المغربية
    أخبار الفن
    - زفاف المطربة صباح على حفيد الفنان الراحل راغب علامة
    - رئيس قطاع الإنتاج لم يستقر بعد على بطلة فوازير رمضان ويعقد إجتماع مع
    السيدة توتي محمد صفوت الشريف وزيرة الإعلام الجديدة لمناقشة هذه القضية
    - الفنان محمد هنيدي يهاجم نجوم الكوميديا الجدد
    المذيعة: فينيش باي
    الجدة: لأ بقى حسبي الله ونعم الوكيل فيكم فعلا! (يغمى عليها)
    avatar
    malak el- donia
    مشرف
    مشرف

    ذكر
    القوس
    عدد الرسائل : 1344
    العمر : 25
    مزاجك ايه النهرده :
    نقاط : 1162
    تاريخ التسجيل : 25/10/2008
    السٌّمعَة : 41

    رد: حوار بين الحفيدة والجدة فى سنة 2050

    مُساهمة من طرف malak el- donia في الخميس يناير 01, 2009 1:37 am

    هههههههههههههههههههههه

    هههههههههههههههههههههه

    ههههههههههههههههههههههه

    والله جامده جدااا جداا جدااا يا استاذ ابراهيم

    ده الواحد بقي علي كده يحمد ربنا في اللي بيحصل الايام دي

    يعني بقي الواحد يقول بقي علي الناس بتوع المجمع آآآآآآخر احتشام وانضباط وان اللي عندنا في الكليه دول بقي يعني مش عايشين اصلااا

    طب احجزلي بقي تذكره ل 2050 يلا يا عم الحاج سيبك من الكلام الفاضي بتاع 2009 و2008 و2010

    يلا يا عم الحاج



    الغصن كم يهوي المياه فاتم لي نصف الحياه يا مالك امري وحالي
    avatar
    7ob El-7iah
    نائب المدير
    نائب المدير

    ذكر
    الثور
    عدد الرسائل : 2011
    العمر : 27
    مزاجك ايه النهرده :
    نقاط : 1424
    تاريخ التسجيل : 25/10/2008
    السٌّمعَة : 38

    رد: حوار بين الحفيدة والجدة فى سنة 2050

    مُساهمة من طرف 7ob El-7iah في الخميس يناير 01, 2009 5:56 pm

    اقل ما يقال عنها راااااااااااااااااااااااااااااااااااااااااااااااااااااااااائعة الجماااااال

    ايه الحجات الجامدة مووووووووووووووووت دي يا أستاذ ابراهيم

    امال بين الحجات دي من زمان

    وعلى فكرة انا اتحمست اكتر للسنة دي

    يلا اهو الواحد يتكه على الصبر شوية

    هههههههههههههه

    ماشاء الله جميله جدا جدا



    بس ياقلبى هقولك سر................... خلاص الحيرة لأت لها بر
    والخوف مبأش جوايه ................والحب حكايته معيه
    إستن ياقلبى كمان.................. شوف النور والأمان
    شوف لما بتباء معه ...............شوف لما تعيش جواه
    القلب بيرجع تانى .....................
    avatar
    حور الدنيا
    مراقبة الأقسام
    مراقبة الأقسام

    انثى
    السمك
    عدد الرسائل : 2313
    العمر : 30
    مزاجك ايه النهرده :
    نقاط : 1305
    تاريخ التسجيل : 26/10/2008
    السٌّمعَة : 49

    رد: حوار بين الحفيدة والجدة فى سنة 2050

    مُساهمة من طرف حور الدنيا في الجمعة يناير 02, 2009 9:34 pm

    يعني الجيبة كان ما يقلش طولها عن شبر وربع .. وكانوا
    الستات يلبسوا فوقيها بلوزة باستمرار ..مش زي دلوقتي! حسبي الله ونعم الوكيل


    هههههههههههههههههههههههههههههههههه
    هههههههههههههههههههه
    طيب ودلوقتي بيلبسوا ايه

    جميله اوي



    اللهم انى استودعك جنينى الذى فى رحمى اللهم احفظه من كل سوء ورده الى عند مولده سالما معافى كامل الخلقة والخلق
    بدون زيادة او نقصان سبحانك يا من لا تضيع ودائعك ولا خاب من استودعك اللهم اجعله سعيدا تقى ولا تجعله جبار شقى اللهم امين يارب العالمين
    avatar
    بتول
    عضو فعال
    عضو فعال

    انثى
    الحمل
    عدد الرسائل : 650
    العمر : 34
    العمل/الترفيه : مهندسة شبكات
    الموقع : http://forum.amrkhaled.net/showthread.php?t=235523
    مزاجك ايه النهرده :
    نقاط : 396
    تاريخ التسجيل : 08/11/2008
    السٌّمعَة : 9

    رد: حوار بين الحفيدة والجدة فى سنة 2050

    مُساهمة من طرف بتول في الجمعة يناير 02, 2009 10:42 pm

    انا متحفظة على الموضوع
    انا اسفة يا استاذ ابراهيم
    انا قرأته قبل كده
    حولوا تفكروا فيها
    هل لو الرسول عليه وعلى اله الصلاة والسلام قراه وقلناله انه من باب الهزار هيكون رد فعله ايه عليه الصلاة والسلام
    avatar
    malak el- donia
    مشرف
    مشرف

    ذكر
    القوس
    عدد الرسائل : 1344
    العمر : 25
    مزاجك ايه النهرده :
    نقاط : 1162
    تاريخ التسجيل : 25/10/2008
    السٌّمعَة : 41

    رد: حوار بين الحفيدة والجدة فى سنة 2050

    مُساهمة من طرف malak el- donia في الجمعة يناير 02, 2009 10:59 pm

    السلام عليكم اولا

    تاني حاجه لو استاذ ابراهيم وحضرتك تسمحولي اني اعقب بس علي ردك ورايك

    اولا الموضوع هو مش هزار ابداا ابداا ابداا

    ده من اجمل المواضيع اللي بتعتبر ه هادفه جداا والاستفاده منها بتبقي كبيره اوي
    وده لان استاذ ابراهيم نقض مشاكل واوضاع في المجتمع او في المجتمعات بس باسلوب ساخر
    وهو اكيد انه كان يقصد كده مش موضوع زي ماحضرتك فهمتيه
    بس انا بارجوكي انك ترجعي وتقري الموضوع تاني

    اكيد هتغيري رايك

    وتقبلي تعقيبي علي راي حضرتك



    الغصن كم يهوي المياه فاتم لي نصف الحياه يا مالك امري وحالي
    avatar
    7ob El-7iah
    نائب المدير
    نائب المدير

    ذكر
    الثور
    عدد الرسائل : 2011
    العمر : 27
    مزاجك ايه النهرده :
    نقاط : 1424
    تاريخ التسجيل : 25/10/2008
    السٌّمعَة : 38

    رد: حوار بين الحفيدة والجدة فى سنة 2050

    مُساهمة من طرف 7ob El-7iah في الجمعة يناير 02, 2009 11:05 pm

    تحية طبة وبعد

    هوا الكلام اللي جاي مش اعتراض ولا حتى مناقشة....انا لسه اقل من كده مع حضرتك

    بس اكيد كلنا فاهمين وجهة نظر الأستاذ ابراهيم..... يمكن قصده ياترى هل هيكون ده هوا حالنا فعلا بعد السنين البسيطة دي؟؟

    يعني يغيب كل حاجة من حياتنا........حتى الأخلاق غابت

    وبعدين لولا الكلمة اللي موجوده في أخر الحوار..

    وديناه النادي الصهيوني بتاع الحي

    مكنتش خليت الموضوع يعدي من غير اي وجه نقد

    اكيد مش هيحصل حاجة من اللي فوق ده كله غير مع ناس زي اليهود

    امة الإسلام مهما خصل فيها ان شاء الله هيكون فيها ناس كويسه وكتيييييييير اوي بإذن الله

    اما بقا بالنسبة لحتة لو الرسول شافه.....اظن لو الرسول عليه افضل الصلاة والسلام

    مش عاجبة اصلا الحال اللي وصلت ليه الأمة....مش القصد اني اقول"مجتش من موضوع يعني"

    للمرة التانية انا مش بعترض مع وجهة نظر حضرتك للموضوع...بالعكس خالص

    بس بوضح الصورة العامة اللي خلتني مش اعترض على الموضوع



    بس ياقلبى هقولك سر................... خلاص الحيرة لأت لها بر
    والخوف مبأش جوايه ................والحب حكايته معيه
    إستن ياقلبى كمان.................. شوف النور والأمان
    شوف لما بتباء معه ...............شوف لما تعيش جواه
    القلب بيرجع تانى .....................
    avatar
    بتول
    عضو فعال
    عضو فعال

    انثى
    الحمل
    عدد الرسائل : 650
    العمر : 34
    العمل/الترفيه : مهندسة شبكات
    الموقع : http://forum.amrkhaled.net/showthread.php?t=235523
    مزاجك ايه النهرده :
    نقاط : 396
    تاريخ التسجيل : 08/11/2008
    السٌّمعَة : 9

    رد: حوار بين الحفيدة والجدة فى سنة 2050

    مُساهمة من طرف بتول في الجمعة يناير 02, 2009 11:50 pm

    اولا جزاك الله الف خير
    بس انا عايزة اقول لحضرتك ان جملة وديناه النادي الصهيوني بتاع الحي
    المقصود بيها انه مش هيكون فيه عروبة ولا دفاع عن المبادئ وليهامعنى تاني انه احنا هنكون محتلين اما فكريا وثقافيا او احتلال الارض
    اما اعتراضي الرئيسي ان في جمل بتوحي ايحائات سيئة
    ومنهم االجملتين اللي ذكرتهم دينا
    انا محبش اكررهم تاني
    المهم ده من اسوء مايكون
    ربنا يهدينا للرشاد
    اللهم انا نعوذ بك ان نشرك بك شيئا نعلمه ونستغفرك لما لا نعلمه
    avatar
    7ob El-7iah
    نائب المدير
    نائب المدير

    ذكر
    الثور
    عدد الرسائل : 2011
    العمر : 27
    مزاجك ايه النهرده :
    نقاط : 1424
    تاريخ التسجيل : 25/10/2008
    السٌّمعَة : 38

    رد: حوار بين الحفيدة والجدة فى سنة 2050

    مُساهمة من طرف 7ob El-7iah في الجمعة يناير 02, 2009 11:56 pm

    كده الكلام اختلف

    انا بقدم اعتذار حار جدا

    انا والله مش وصلت للتفكير في الكلمة بالطريقة اللي حضرتك وصلتيلها

    ويمكن فعلا انا متفق مع حضرتك في حته الكلام الزايد عن اللزوم الل ملوش لازة مذكر في منتدانا

    فياريت دلوقتي الآنسة شيماء او اي حد من مشرفي القسم يتخذ اللازم

    وللمرة التانية انا بقدم اري على فهمي الغلط للموضوع...ثم التدخل دون تفكير

    بس والل مش كنت اقصد حاجة



    بس ياقلبى هقولك سر................... خلاص الحيرة لأت لها بر
    والخوف مبأش جوايه ................والحب حكايته معيه
    إستن ياقلبى كمان.................. شوف النور والأمان
    شوف لما بتباء معه ...............شوف لما تعيش جواه
    القلب بيرجع تانى .....................
    avatar
    بتول
    عضو فعال
    عضو فعال

    انثى
    الحمل
    عدد الرسائل : 650
    العمر : 34
    العمل/الترفيه : مهندسة شبكات
    الموقع : http://forum.amrkhaled.net/showthread.php?t=235523
    مزاجك ايه النهرده :
    نقاط : 396
    تاريخ التسجيل : 08/11/2008
    السٌّمعَة : 9

    رد: حوار بين الحفيدة والجدة فى سنة 2050

    مُساهمة من طرف بتول في السبت يناير 03, 2009 12:05 am

    جزاك الله الف خير
    الحمد لله اني قدرت اوصل لحضرتك وجهة نظري
    وانا مع حضرتك انه يتحذف
    avatar
    shimaa
    نائبة المدير
    نائبة المدير

    انثى
    الحمل
    عدد الرسائل : 2031
    العمر : 31
    مزاجك ايه النهرده :
    نقاط : 984
    تاريخ التسجيل : 25/10/2008
    السٌّمعَة : 52

    رد: حوار بين الحفيدة والجدة فى سنة 2050

    مُساهمة من طرف shimaa في السبت يناير 03, 2009 1:07 am

    ازيكم ياجماعة

    انا بصراحة مع رأى رشا ربنا يكرمك انك بدأتى بالفكرة

    واكيد طبعا استاذ ابراهيم مش هايزعل لانه فى الاخر يهمه المصلحة العامة

    وبما ان احنا ادارة ديمقراطية منتظرين رأى باقى الناس

    وطبعا رد استاذ ابراهيم على الكلام ده وتوضيح وجهة نظره

    جزاكم الله خيرا



    لو مهما طال بيا الطريق هامشيه ......وافتح ببانى للامل واناديه وانسى اللى عشته من سنين قبليه تايه ما بين اليأس والاحزان
    اوعاك تقول ان الطريق مقفول ......اصبر وبكره بالامل هاتنول وارمى تكالك على الكريم على طول يزرع فى قلبك من الرضا بستان
    يمكن صحيح العمر بيعدى لكنى حاضن حلمى بتحدى......ليوم هاسيبه يموت ولا يصدى ولا يبقى ليه حدوته كان ياما كان
    avatar
    بتول
    عضو فعال
    عضو فعال

    انثى
    الحمل
    عدد الرسائل : 650
    العمر : 34
    العمل/الترفيه : مهندسة شبكات
    الموقع : http://forum.amrkhaled.net/showthread.php?t=235523
    مزاجك ايه النهرده :
    نقاط : 396
    تاريخ التسجيل : 08/11/2008
    السٌّمعَة : 9

    رد: حوار بين الحفيدة والجدة فى سنة 2050

    مُساهمة من طرف بتول في السبت يناير 03, 2009 1:18 am

    جزاك الله الف خير يا شيماء
    طيب ياريت ده يكون بسرعة وميطولش كتير
    معلش انا منفعلة شوية بس بجد حسة ان في حاجة غلط ومش عارفة اعديها
    avatar
    rehan
    مشرفه
    مشرفه

    انثى
    عدد الرسائل : 1246
    نقاط : 576
    تاريخ التسجيل : 25/10/2008
    السٌّمعَة : 40

    رد: حوار بين الحفيدة والجدة فى سنة 2050

    مُساهمة من طرف rehan في السبت يناير 03, 2009 2:12 am



    ربنا يكرمكم

    بس أنا لا أتفق مع رأى رشا وشيماء

    الموضوع فعلا بيعكس واقع حقيقى وموجود والكل بيشاهده
    وده بيدينا مؤشر ان علينا دور كبير جدااااااااااااااا

    احنا مش مجرد جاين نقضى وقت ونعمل خير فى اننا ندى كل أسرة مبلغ شهرى وخلاص
    لأ دورنا أكبر من كده بكتير

    والمسئولية كبيرة
    كل اللى أنت شايفة ده محتاج تغيرة
    محتاج تغير فكر وثقافة كانت يوما ما غريبة عن ديارنا والأن أصبحت معتادة لكل من يسمعها ويراها

    مش صح انى أعرف الغلط وأسكت علية ......

    لازم اشير لية وأقول علية غلط
    بس ده لوحده طبعا مش كفاية لازم أسعى لتغيرة

    حالنا صعب وواقعنا مؤلم لكن برده فيه خير
    الكلام ده بيقولنا ان بلدنا محتاجة لكل واحد فينا
    والواحد لوحدة مش هيعمل حاجة ومش هيغير


    و مش هجمع كل ده على دماغى وأقول لازم أغير ه كله دلوقت لأ طبعا
    هبدأ خطوة خطوة وهبدأ بنفسى



    هو بس مش لازم أذكر كل شىء عشان الصورة متبقاش سوده يعنى
    زى مبقول فية سلبيات لازم أذكر الايجابيات

    هى الفكرة كلها أنا بقول الكلام ده ليه ؟؟؟؟؟؟؟؟

    هل ذكرتة كده عشان أعرف الناس وخلاص ؟؟؟؟؟وبعدين ما هى الناس كلها عارفة
    والا بقول عشان الكل ينتبة ويبدأ يحدد دوره؟؟؟؟؟؟؟

    يلا ياجماعة سوا ندور على الحل.........
    ونقول المفروض على كل واحد فينا يعمل اية؟؟؟؟؟؟


    يعنى أنتو شايفين ان الموضوع كله عيوب
    يلا نحوله الى مميزات



    من قبل منفتح عنينا للحياة..قال الرسول لصحابة أنه حبنا
    لما عرفت انى كنت واحشة ..هعيش حياتى بحبة وكأنة هنا
    عشانا سافر.. ساب ناسه.. ساب أهله وبيتة.. وراح مهاجر
    ياريتة كان بينا ياريتة.........
    [b]
    avatar
    بتول
    عضو فعال
    عضو فعال

    انثى
    الحمل
    عدد الرسائل : 650
    العمر : 34
    العمل/الترفيه : مهندسة شبكات
    الموقع : http://forum.amrkhaled.net/showthread.php?t=235523
    مزاجك ايه النهرده :
    نقاط : 396
    تاريخ التسجيل : 08/11/2008
    السٌّمعَة : 9

    رد: حوار بين الحفيدة والجدة فى سنة 2050

    مُساهمة من طرف بتول في السبت يناير 03, 2009 2:22 am

    جزاك الله الف خير ياريهان
    مبدئيا انا متفقة معاكى اننا مش لازم نسكت على السلبيات واننا لازم نعالجها
    بس الفكرة نعالجها ازاي
    اصل الغاية لا تبرر الوسيلة
    avatar
    malak el- donia
    مشرف
    مشرف

    ذكر
    القوس
    عدد الرسائل : 1344
    العمر : 25
    مزاجك ايه النهرده :
    نقاط : 1162
    تاريخ التسجيل : 25/10/2008
    السٌّمعَة : 41

    رد: حوار بين الحفيدة والجدة فى سنة 2050

    مُساهمة من طرف malak el- donia في السبت يناير 03, 2009 11:52 pm

    انا اولا باقدم احترامي لكل الاراء اللي اتقالت قبلي بس انا ليا اعتراض
    " معلشي انا باعترض كتير الايام دي بس استحملوني شويه الامتحانات ماثره شويتين "
    اولا يا بشمهندسه رشا حضرتك معترضه علي بعض الجمل في الموضوع طب حضرتك جربي كده وشيلي الجمل واقري الموضوع بعد ما تحذيفيها
    هتلاقي ان الموضوع احسنله انه يتحذف صح هيبقي موضوع معلشي في الكلمه تافه .
    نيجي بقي لنقطه تانيه وهو كلام الانسه ريهان واللي بصراحه انا معجب بيه جدااا واللي انا عملتله اقتباس خصوصا الجملتين دول :

    rehan كتب:


    محتاج تغير فكر وثقافة كانت يوما ما غريبة عن ديارنا والأن أصبحت معتادة لكل من يسمعها ويراها

    مش صح انى أعرف الغلط وأسكت علية ......

    لازم اشير لية وأقول علية غلط
    بس ده لوحده طبعا مش كفاية لازم أسعى لتغيرة

    حالنا صعب وواقعنا مؤلم لكن برده فيه خير
    الكلام ده بيقولنا ان بلدنا محتاجة لكل واحد فينا
    والواحد لوحدة مش هيعمل حاجة ومش هيغير


    و مش هجمع كل ده على دماغى وأقول لازم أغير ه كله دلوقت لأ طبعا
    هبدأ خطوة خطوة وهبدأ بنفسى




    من الكلام ده اكيد ان احنا خلاص ده واقع بقي عندنا يعني استاذ ابراهيم اساسا ماكنشي بيتكلم في سنة 2050
    ده كان بيتكلم في سنة 2009
    ولا ايه
    يعني الموضوع بيرصد حاله احنا بنعيشها اساسا ولو كانت الجمل دي اللي ولو كان فيها كلام جارح الا انه ده الواقع امال ازاي هاعالج المشكله الا اذا ما عشتش الواقع بتاع المشكله اصلا يبقي انا كده بادور في حلقه مفرغه
    مواجهتنا للواقع هي بداية حل المشكله وكل مشكله علشان تحلها لازم تواجه صعوبات والا ماكنتشي تتسمي مشكله اصلااا
    اكيد وجهة نظري وصلت لحضرتك وللانسه شيماء
    علشان انتوا كنتوا معترضين علي كده
    بس ياريت برضه هاكرر طلبي لحضرتك وتقري الموضوع تاني بس تاخديه من وجهة النظر دي بلاش من الوجهه اللي حضرتك باصاله بيها لان احنا بكده يبقي بنقول اقعدوا احسن وبلاش تصليح في المجتمع لان احنا هنقابل حاجات تجرحنا واحنا ما بنتقبلشي الكلام الجارح ده.

    وياريت يعني حضرتك لو ليكي برضه تعقيب توضحيه



    الغصن كم يهوي المياه فاتم لي نصف الحياه يا مالك امري وحالي
    avatar
    rehan
    مشرفه
    مشرفه

    انثى
    عدد الرسائل : 1246
    نقاط : 576
    تاريخ التسجيل : 25/10/2008
    السٌّمعَة : 40

    رد: حوار بين الحفيدة والجدة فى سنة 2050

    مُساهمة من طرف rehan في الأربعاء فبراير 11, 2009 9:56 pm

    بصو ياجماعة بقى

    ده الواقع اللى احنا عايشينة

    اية رايكم نفكر مع بعض فى حلول؟؟؟
    ونحدد ياترى احنا ممكن نعمل اية عشان نعالج ولو جزء بسيط ؟؟؟؟

    وياترى كل واحد فينا يعمل اية عشان يغير؟؟؟؟


    قصدى ياجماعة نفكر كلنا حى لو كانت حاجات وهمية

    يعنى نحاول نشغل دماغنا وأكيد من بين كلامنا وأفكارنا هنخرج بحاجة نقدر كلنا ننفذها

    وده بيسموه فى التنمية البشرية.........العصف الذهنى

    هاااااااااا اية رأيكم؟؟؟؟؟؟؟؟



    من قبل منفتح عنينا للحياة..قال الرسول لصحابة أنه حبنا
    لما عرفت انى كنت واحشة ..هعيش حياتى بحبة وكأنة هنا
    عشانا سافر.. ساب ناسه.. ساب أهله وبيتة.. وراح مهاجر
    ياريتة كان بينا ياريتة.........
    [b]
    avatar
    malak el- donia
    مشرف
    مشرف

    ذكر
    القوس
    عدد الرسائل : 1344
    العمر : 25
    مزاجك ايه النهرده :
    نقاط : 1162
    تاريخ التسجيل : 25/10/2008
    السٌّمعَة : 41

    رد: حوار بين الحفيدة والجدة فى سنة 2050

    مُساهمة من طرف malak el- donia في الأربعاء فبراير 11, 2009 11:33 pm

    انا موفق جداا ونعتبره حوار شبابي يبين الحلول الشبابيه المستقبليه لمواجهة اي حاجه ممكن تحصل زي الكلام ده



    الغصن كم يهوي المياه فاتم لي نصف الحياه يا مالك امري وحالي
    avatar
    rehan
    مشرفه
    مشرفه

    انثى
    عدد الرسائل : 1246
    نقاط : 576
    تاريخ التسجيل : 25/10/2008
    السٌّمعَة : 40

    رد: حوار بين الحفيدة والجدة فى سنة 2050

    مُساهمة من طرف rehan في الأربعاء فبراير 11, 2009 11:43 pm

    ربنا يكرمك يابشمهندس

    ده أول المؤيدين.........


    أحنا فى انتظار الباقى...........


    الفكرة كلها ياجماعة
    ان ده متنفس لأفكارنا وأحلامنا اللى بنحلم نحققها

    حتى ان شا الله تقول أنك لو وزير ولا مسئول هتعمل اية؟؟؟؟؟؟؟

    أو بتتمنى تغير اية؟؟؟؟؟؟؟



    من قبل منفتح عنينا للحياة..قال الرسول لصحابة أنه حبنا
    لما عرفت انى كنت واحشة ..هعيش حياتى بحبة وكأنة هنا
    عشانا سافر.. ساب ناسه.. ساب أهله وبيتة.. وراح مهاجر
    ياريتة كان بينا ياريتة.........
    [b]

      الوقت/التاريخ الآن هو الإثنين سبتمبر 25, 2017 7:18 am