مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه

انضم إلى المنتدى ، فالأمر سريع وسهل

مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

+2
tomy
7ob El-7iah
6 مشترك

    احترت قولت استشير

    7ob El-7iah
    7ob El-7iah
    نائب المدير
    نائب المدير


    ذكر
    الثور
    عدد الرسائل : 2011
    العمر : 33
    مزاجك ايه النهرده : احترت قولت استشير 5510
    نقاط : 1424
    تاريخ التسجيل : 25/10/2008
    السٌّمعَة : 38

    احترت قولت استشير Empty احترت قولت استشير

    مُساهمة من طرف 7ob El-7iah السبت سبتمبر 25, 2010 11:01 pm

    بسم الله الرحمن الرحيم
    والصلاة والسلام على احب الخلق اجمعين وأشرفهم وأطهرهم ..... المبعوث رحمة للعالمين سيدنا وحبيبنا وشفيعنا محمد الهادي الأمين وعلى آله صحبه أجمعين

    بداية السلام عليكم ورحمة الله وبركاته ....... ازيكم يا احسن ناس واكتر ناس فعلا حسيت معاهم بأجمل معاني نقية وخالصة كلها لله
    بجد مفتقدكم جامد أوي ونفسي نقدر نتجمع زي الأول بس أكيد الوضع دلوقتي بقا صعب شوية نظرا لظروفنا المختلفه وانشغالاتنا الكتييييييييييييييير ...... وكلنا أكيد كده ربنا يكون في عوننا كلنا ياااااااااااااااااارب

    وعشان ربنا يكون في عوننا لازم نكون في عون بعضنا ..... وبصراحة انا قولت مش هلاقي حد عرفني أوي كويس زي أخواتي وحابب الاقي عندكم من المساعدة الطيبة

    اعذروني جداااااااااااااا ان غصب عني هآخد من وقتكم شوية ..... بس انا متأكد ان الشوية دول عمركم ما هتستخسروهم فيا ... أو في غيري أكيد

    اصحاب النفوس الطيبة بيحافظوا دايما على مبادئهم الجميلة اوي

    طيب ابدأ كلامي معاكم
    الفضل والشكر لله وحده انه في يوم من الأيام خلاني اعرف سكة الجمعية الخيرية وأنتم كنتم فيها لأن بكل بساطة كان ليكم سبب كبير بعد ربنا سبحانه وتعالى اني استمر في الشغل الخيري فترة يارب تشهدلي يوم القيمة يااااااااااااااااااااااااااااااارب

    بس زي منتم عارفيني انا مش بحب افضل ثابت كتير في حالة واحده وبجد بدعي ربنا كتيييييييييييير اوي انه يشغلني عنده في حاجة اكبر من اللي انا فيها
    وطبعا ده مش معناه ان اللي انا فيه شئ بسيط بالعكس ربنا يارب يقدر اللي شغالين فيه ومتابعين فيه انهم يكونوا قده ونحسبهم كذلك

    وبعد تفكير عمييييق اوي واستشارات لناس احسبهم ذوي خبره في الحياة اكتر مني كتيييييييييييير والحمد لله وصلت اني اعرف اكتبلكم شوية الكلام ده

    بداية انا مش قادر احدد اولوياتي بصورة واضحة او بصورة كاملة الوضوح
    وده اللي نفسي تساعدوني فيه


    لما بدأت افكر انا ممكن اعمل ايه في الفترة اللي انا فيها لقيت قدامي 3 حجات الحمد لله اساسا اني عرفت احصرها في ال3 دول بجد دا ببركة دعائكم ليا ... وانا بقول الكلام ده عن ثقة

    اولا: فكرت اني لو مسكت امين اتحاد الكلية ده هيكون فرصة كويسة ومناسبة اني اعرف اشتغل اكتر داخل حدود الكلية واقدر اتكلم بجرأه اكبر مع اصحابي وزمايلي اننا نشتغل ويكون الموضوع بالنسبة لينا قانوني او شرعي زي ما بيسموه

    بس لقيت قدامي شوية معوقات
    اولهم اني لما بدأ اسأ في الموضوع طبعا لقيت ناس بتشجعني وكمان مستعده تساعدني بكل حماس اني ازاي هعرف امسك المنصب ده
    بس في المقابل لقيت ناس يمكن شايفين الصورة اوضح واكثر واقعية بيبعدوني عن ده جدا وخصوصا ان مجلس ادارة الكلية من العميد والوكيل واعضاء رعاية الشباب الحاليين ناس مش بتشجع على الشغل او بمعنى تاني هيخلوني ويسمحولي اعمل الشغل الصح اللي على مزاجهم هما .... ان المكان ده منظر اكثر منه شغل بجد


    طب ليه بقا انا محتار مدام الموضوع واضح كده وانا متخوف منه لسبب بسيط جدااااا وهوا اني خايف استسلم لنفسي واقول مهي خلاص واضح انها مش هتمشي كويس واكنسل الموضوع من دماغي وفجأه الاقي ان اللي طلع ومسك اشتغل وعمل شغل حلو
    ساعتها بجد انا هكون خايف اوي من حساب ربنا ليا وبيني وبين نفسي هكون زعلان اوييييييي



    طيب دي كانت اول فكرة

    التانية اني مثلا قادر اني اشتغل على منتدى د/عمرو خالد وطبعا وبإذن الله والحمد لله ثقتي في نفسي والناس الطيبين اللي دايما حواليا هقدر اوصل لمكانه كويسة جدا في المنتدى او في الموقع عموما ويمكن ساعتها اقدر احقق الأمنية اللي نفسي فيها اني اشتغل بصورة أكبر شوية
    وطبعا انا عارف ان موضوع زي ده هيآخد وقت كتييييييييييير اوي بس (فصبر جميل والله المستعان)

    طيب الفكرة دي واضح انها كده حلوة ومتبروزة ومتفصلة صح ايه بقا المشكلة هنا
    ان برده بعد استشارة لقيت ناس وكانوا فعلا ماسكين مناصب على المنتدى في وقت من الأوقات يعني اكبد هما ادرى بأرض المنتدى ووضع الشغل هناك .... كان رد الناس دي عليا اني كده هكون بضيع وقتي فعلا ولو مكنتش صاحي اويييييييي هلاقي نفسي دخلت في دوامه من الكلام اكثر بكتير من الفعل لأنه ببساطة زيه زي اي منتدى تاني وبعدين كل ما مثلا هكبر في المنتدى هدخل كده في اني هكون من اصحاب الكلام يعني الناس اللي كلامهم بيتسمع وده مسأولية كبيرة اوي وخصوصا اني واحد في هندسة يعني اساسا فعلا وقتي مش واسع زي غيري مع احترامي وتقديري الكامل لغيري


    معلش انا آسف اني كده هكون صدعت دماغكم بس معلش استحملوني فاضل واحده بس

    الفكرة الثالثة كانت حلوة جدا ..... بما اني وبفضل الله وتوفيقه في الأول والآخر دخلت الفرقة التالتة واتخصصت تحكم فدي فرصة رائعة جدا اني ادخل مسابقة الروبوكون العالمية ودي مسابقة ان كل كلية بتعمل روبوت بيعمل مهمة معينه بتتحدد من قبل منظمة عاملية وكليات مصر مثلا بتتنافس عشان تطلع احسن كلية عندها عشان تشارك في المسابقة العالمية بقا مع بقية دول العالم ..... دي هتكون فرصة رائعة ان الواحد فعلا يحس انه انسان ناجح في حياته وانه حد عرف يأثر في مجتمعه

    بس دي غصب عني بحس ان فيها انانية ...... انا كده بفيد نفسي ومش باصص لغيري .. وفي نفس الوقت جوايا صوت بيكدب الشعور ده وبيقولي اني لسة لازم اتعلم كتييييييييييير اوي عشان اعرف اساعد فعلا غيري صح
    بس هوا معنى كده اني مساعدش غيري طول منا بتعلم؟؟؟
    بصوا هيا الأخيرة دي عملالي لخبطة شوية

    ............................................................................
    انا كده خلصت اللي عندي
    طبعا انا حبيت اكتب الموضوع هنا لأسباب كتير كدا
    منها حبنا للمكان ده
    واني حاولت اتكلم مع ناس منكم بس الظروف كانت اقوى مني ومنهم
    فملقتش احسن من اني اطرح الموضوع وانا واثق اني هلاقي من ردودكم اللي يريحني ويسعدني

    ويدخل السرور على قلبي ويكون جزائة الجنة بإذن الله

    جزاكم الله جوار النبي في الجنة واياي يااااااااااااااااااااااااااااااااااااااااااااااااااااارب
    7ob El-7iah
    7ob El-7iah
    نائب المدير
    نائب المدير


    ذكر
    الثور
    عدد الرسائل : 2011
    العمر : 33
    مزاجك ايه النهرده : احترت قولت استشير 5510
    نقاط : 1424
    تاريخ التسجيل : 25/10/2008
    السٌّمعَة : 38

    احترت قولت استشير Empty رد: احترت قولت استشير

    مُساهمة من طرف 7ob El-7iah السبت سبتمبر 25, 2010 11:20 pm

    يا جماعة اتمنى ان اللي يرد

    ميكونش في رده اي نوع من المجاملة

    ولو حابب ينقد كلامي كله اهلا وسهلا انا مرحب جدا بالنقد البناء

    بس في اللآخر اوصل لحاجة مفيده
    tomy
    tomy
    عضو جديد
    عضو جديد


    ذكر
    الدلو
    عدد الرسائل : 4
    العمر : 34
    نقاط : 7
    تاريخ التسجيل : 04/03/2010
    السٌّمعَة : 13

    احترت قولت استشير Empty رد: احترت قولت استشير

    مُساهمة من طرف tomy الأحد سبتمبر 26, 2010 12:48 am

    بسم الله الرحمن الرحيم

    بص بقي يا سيدي
    اولا: احب اعرف اي حد قبل ما يرد انه يكون عارف ان فعلان هندسة السنه دي مش زي اي سنه من اللي فاتت لان الواحد بدأ التخصص و دا طبعا بيرمي علينا عاتق كبير جدا لانك دلوقتي بتاخد معلومات و تنمي نفسك علشان دا اللي هتحاول انك تشتغل بيه و دا في حد ذاته مجهود كبير لانك مش بتذاكر علشان تنجح زي كل سنه
    لا دلوقتي انته بتذاكر علشان تعرف تشتغل بعد كدا و دا بياخد وقت كتير.

    ثانيا: نيجي بقي للرد>>>>>>

    بص بقي>> انا من مؤيدي قول "صاحب بالين كداب و صاحب تلاته منافق"
    يعني لو شغلت نفسك بموضوعين تبقي شتت نفسك و لو قلت انك تقدر توفق نفسك بينهم تبقي كداب و بتكدب علي نفسك قبل اللي قدامك,
    و لو شغلت نفسك بتلت مواضيع تبقي بتنافق نفسك طبعا لان دا مستحيل, و دة علشان النفس البشرية ليها طاقه مش ينفع تحمل عليها اكتر من طاقتها "لا يكلف الله نفسا الا وسعها" صح ولا انا غلطان.
    *يبقي بدام الموضع كدا يبقي انته كتبت تلت حجات يبقي لازم نختار حاجه واحده بس يبقي كدا احنا سهلنا الموضوع
    دلوقتي نختار ايه بالظبط؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!؟
    بص بقي>> انته دلوقتي طالب ومحدش يقدر يقول غير كدا و الطالب كل شغلة انو بيذاكر و بيقبض كل اخر تيرم (بياخد النتيجة)
    و النتيجة دي بيكون فيها خصم اللي هوه التقدير حسب متجيب امتياز او جيد جدا او مقبول
    او فيها تحذير بالرفد انك تشيل مادة او اتنين و تطلع بيهم
    او تكون فيها الرفد يا باشا و هوه انك تعيد السنه و تبقي بسم الله ما شاء الله معيد أد الدنيا هههههههههههههههه
    يعني من الاخر ايه؟؟؟؟
    وظيفتك هيه الدراسة و ربنا من رحمته بينا مخلي دا في حد ذاته عبادة يعني انته لما تكون بتذاكر و بتنجح وانته في نيتك انك بتعمل كدا علشان تبقي حاجه كبيرة في البلد دا كدا انته بتاخد الثواب لانك عاوز تكبر و يبقي كلمتك مسموعه اكتر من اي منتدي .
    صح ولا لا؟
    و طبعا انته كدا فهمت انا قصدي ايه!!!!!!؟
    ايوة بالظبط هوه الشيطان بعينو و غبوته هوه اللي عمال يقولك انك لو اجتهدت و بقيت شاطر انته كدا اناني و مش بتحب غير نفسك بس و مش عاوز تخدم الناس
    عارف ليه؟؟؟؟
    فكر كدا كويس ......................!؟
    صح زي مبتقول هوه الشيطان علشان لو كبرت هتكون عبئ عليه علشان هتخدم دينك لكن لو شتتك من دلوقتي و خلاك تروح المنتدي و تضيع شويه وقت، و تروح الروبوكون و تعمل شغل بردو و تضيع الوقت الاكبر لان الروبوكن وقته كتيييييييييييير ، و تروح الكليه و تعمل شويه شغل في الاتحاد، و يدحك عليك بشويه حجات مهاش لازمه كدا ياا باشا مش في وقت اصلا للمحاضرات.
    بقي هيبقي في وقت للمذاكرة؟؟؟؟ لو قلت اه تبقي اكبر كدااااااااااااااااااااااااااااااااااب.
    زي كدا لما يقولك هتكون كلمتك مسموعه و الكل هيعرفك و انك هتخدم صحابك و علشان متكونشي اناني و تخدم نفسك بس و لازم تخدم اصحابك دا كلو علشان يشتتك و يخليك مش تكبر، ولان مهما كان كلمتك مسموعه انا عاوز اعرف هتكون مسموعه لحد فين؟؟ الدكتور ولا العميد ولا مين رأيس الجامعه !!! ولا حاجه ولا هتستفيد بحاجه بعد كدا لكن لما تنمي نفسك الأول و تبقي كلمتك مسموعه لاكبر من كدا ساعتها هتخدم الكل صح !!؟

    يبقي لو عملت اللي بتقول عليه او حتي اتنين منهم تبقي اضمنلك بكل امانه انك تشيل السنه دي


    يبقي كدا مفضلشي قدمنا غير اختيار واحد بس
    يا تري ايه هوه!!!!!!!!!!!؟
    طبعا عرفتو
    اولا: اولاثم اولا ثم اولا الدراسة علشان تبقي كلمتك مسموعه بجد في بلدك مش في حته منتدي زيو زي اي حد لا راح ولا جيه صح ولا لا!!؟؟؟؟
    ثانيا: و لو ربنا قدرنا ان شاء الله و ربنا يقوينا كلنا علي كدا نفكر في الروبوكون دن يعني الروبوكون دا تاني حاجه بعد الدراسة

    *يعني الخلاصه :

    1- انا معترض تماما علي المنتدي لانو ملوش لازمه .

    2- الاتحاد شايف انة مش هوه دا اللي هتقدر تخدم بيه زي منته عاوز او حتي لو هتقدر تخدم بيه جزء صغير لانك عارف كويس اوي سياسة الكليه و اللي شغال فيها فمش هيبقي زي متخدم لما تكبر و تكون حاجه فعلان كبيرة .

    3- اخيرا الروبوكن و دا اللي انا ااؤيده طبعا لانو جزء من الدراسة و مهما كان في مجال دراستك يعني هينمي عقلك و هيخليك تفرق عن غيرك كتيير فنا رايي متشتتشي نفسك و تخليك في الروبوكون بس علشان تعرف تتميز في الدراسه و في نفس الوقت تتميز في حياتك .

    و اخير احب اعرف كل اللي هيرد بعد كدا انو لازم يحط نفسو مكانه يمكن انا حاسس بيه شويه لاني في هندسة لكن اي حد تاني لازم يبقي عارف ان هندسة فعلان شغلها كتير اوي اوي
    و تحياتي للجميع

    ENG.TOMY TOMORROW
    e ahmed
    e ahmed
    Admin
    Admin


    ذكر
    العذراء
    عدد الرسائل : 933
    العمر : 38
    العمل/الترفيه : مهندس تحكم ((مستني الجيش))
    الموقع : www.ra7maa.alafdal.net
    مزاجك ايه النهرده : احترت قولت استشير 3asheq11
    نقاط : 919
    تاريخ التسجيل : 25/10/2008
    السٌّمعَة : 29

    احترت قولت استشير Empty رد: احترت قولت استشير

    مُساهمة من طرف e ahmed الأحد سبتمبر 26, 2010 4:55 am

    حبيبي محمود لو عايز نصيحيتي ....

    شوف انت تقدر توفق في ايه واعمله اذا تقدر توفق في كل الي انت قولته فوق ليه لا؟؟؟؟


    بس ده هيكون على حساب الكليه ؟؟؟ وعقتقد انها هي الأهم في الفتره الي جايه وانك تقدر تعمل كل ده بعد الكليه او حتى في الأجازه ....القرار قرارك
    حياتي لله
    حياتي لله
    عضو جديد
    عضو جديد


    ذكر
    عدد الرسائل : 49
    مزاجك ايه النهرده : احترت قولت استشير Yragb11
    نقاط : 65
    تاريخ التسجيل : 18/02/2009
    السٌّمعَة : 8

    احترت قولت استشير Empty رد: احترت قولت استشير

    مُساهمة من طرف حياتي لله الإثنين سبتمبر 27, 2010 3:32 am

    بص عشان ادخل انام
    من الاخر انت معلم وهتفضل معلم
    وهفضل اتعلم منك على طول
    بس انا بفا هختار حاجة رابعة ابقى اقولهالك بعدين
    اما الليلة دي نبقى نكلم فيها مع بعض ان شاء الله
    وربنا امر بالستر
    7ob El-7iah
    7ob El-7iah
    نائب المدير
    نائب المدير


    ذكر
    الثور
    عدد الرسائل : 2011
    العمر : 33
    مزاجك ايه النهرده : احترت قولت استشير 5510
    نقاط : 1424
    تاريخ التسجيل : 25/10/2008
    السٌّمعَة : 38

    احترت قولت استشير Empty رد: احترت قولت استشير

    مُساهمة من طرف 7ob El-7iah الثلاثاء سبتمبر 28, 2010 7:46 am

    والله شكرا جداااااااا لكل واحد رد

    عزت كتب موضوع انشا بس الحمد لله كان فيه فايدة كبيرة

    واحمد شعبان كالعادة جاب الزتونة

    ومروان اللي لسة مش فاهم منه اي حاجة ولا عارف هوا عاوز اي

    بس شكرا للكل

    وربنا يجزيكم كل خييييييييييييييييييييير يارب
    malak el- donia
    malak el- donia
    مشرف
    مشرف


    ذكر
    القوس
    عدد الرسائل : 1344
    العمر : 32
    مزاجك ايه النهرده : احترت قولت استشير 4510
    نقاط : 1162
    تاريخ التسجيل : 25/10/2008
    السٌّمعَة : 41

    احترت قولت استشير Empty رد: احترت قولت استشير

    مُساهمة من طرف malak el- donia الثلاثاء سبتمبر 28, 2010 8:47 pm


    سلام عليكم جميعااا

    هو انا اتكلمت مع محمود في الموضوع ده بس برضه قولت ارد

    هو قبل اي حاجه انا مش هينفع اخترلك ايه المجال اللي ممكن تخش فيه ولا ايه هو

    لأن كل واحد فيهم ليه مميزاته وليه عيوبه وكل واحد منهم مجال كويس ممكن تستفيد منه

    وممكن يضرك

    بس قبل ما تختار اي حاجه من دول

    انت كنت قولتلي ان الناس اللي بتكبر لازم بتتحدي الدنيا كلها عشان تحقق حلمها

    ورديت عليك وقولتلك ايوه فعلا هما بيتحدوا الدنيا كلها لأنهم عايشين جوا حلمهم اصلا من

    قبل ما يبدأوا ينفذوه فلو طلع من حلمه ده هيموت لأنه بقي زي السمكه اللي في الميه

    وتخيل كمية التضحيات اللي هما ضحوها عشان يحققوا حلمهم يعني ممكن تلاقي حد منهم

    ضحي بانه مايتجوزشي عشان يحقق حلمه وواحد تاني ضحي بدراسته وتالت ضحي بماله كله وهكذا يعني
    فانت طالما لقيت هدفك اكيد اكيد من غير حاجه هتضحي عشانه لأنه ده حياتك
    لكن انت دلوقتي فاتح قدامك 3 ابواب ومحتار تخش فين فيهم
    وده لأنك كل ما تيجي تخش واحد تلاقي سلبيات تقول لأ اشوف التاني وهكذا في التاني والتالت
    طيب ماتجرب يابن الناس خش هنا وشوف النظام وخش هنا وجرب في كل حته اكيد في مره من المرات هتلاقي نفسك اتشديت لحاجه وبقت هي دي اللي بتدور عليها
    وهتعرف انها هي لما تلاقيك بتضحي بكل حياتك وجهدك ومالك واي حاجه في ايدك عشانها
    وهتلاقيك انك انت اللي بتكبرها وبتكبر معاها
    ممكن حلمك ده يتاخر او يجي علطول مش مهم يجي امتي بس شتغل انت واسعي وان شاء الله ربنا هيكرمك وتلاقيه ودايما زي ما قولتلك خليك عايش دور المنتصر دايما يعني اي حاجه تحصلك سواء شوفتها حلوه او وحشه اعرف دايما ان انت اللي كسبان علطول
    لأن الرسول عليه الصلاة والسلام قال " عجبالأمر المؤمن ان امره كله خير وليس ذلك لأحد الا المؤمن ان اصابته سراء شكر فكان خيرا له وان اصابته ضراءراء صبر فكان خيرا له "
    ياحبيبي الدنيا دلوقتي فعلا فتنه كبيييييييييره اوي لكل واحد فينا وبجد احنا في فتنه عكبيييره اوي وربنا يصبرنا دي وينجينا من الفتنه دي
    يعني مشكلتك انك بتتعجل الامور شويه لأنك شايف ان الناس اللي جنبك كلها وصلت لطريقها وانت لسه بس صدقني انت ليك حاجه جامده اوي
    وجرب في الاتحاد والروبوكون ومنتدي عمرو خالد انت مش هتخسر حاجه ومش دول بس دور في كل حته وان شاء الله ربنا هيرشدك للطريق الصح طول ما انت معاه مش هيضيعك ابدا



    purerose_omi@yahoo.com
    purerose_omi@yahoo.com
    عضو جديد
    عضو جديد


    انثى
    الميزان
    عدد الرسائل : 3
    العمر : 32
    العمل/الترفيه : طالبة
    مزاجك ايه النهرده : احترت قولت استشير 6310
    نقاط : 3
    تاريخ التسجيل : 30/03/2011
    السٌّمعَة : 10

    احترت قولت استشير Empty رد: احترت قولت استشير

    مُساهمة من طرف purerose_omi@yahoo.com الأربعاء مارس 30, 2011 4:29 am

    السلام عليكم :
    انا شايفة انك المفروض تركز اكتر فى دراستك وكليتك ودا الاهم ومش تشغل نفسك باى حاجة تانية خالص من خلال ده هتخلص وتشتغل ومن خلال شغلك اكيد هتفيد الجمعية وهيبقى قدامك مجالات اوسع وحلول اكتر ده رايى وربنا يوفقك

      الوقت/التاريخ الآن هو الخميس مارس 28, 2024 4:25 pm