مرحبا بك عزيزي الزائر اذا كنت تريد ان ترضي الله وتعمل الخير انضم الى الصحبه الحلوه في جمعية الرحمه الخيريه وشعارنا نلتقي على باب الجنه
شبابنا قدموا أروع انجاز حصل في قرية العراقية في القافلة الطبية الخامسة
ملاحظة/ المنتدي يحتاج الي المتصفح الموزيلا حتي يعمل بشكل صحيح ..... للتحميل اضغط هنا

    حب مصر ميت ألف فرصه عشان أسيب مصر

    شاطر
    avatar
    eidoooooooo
    عضو مبتدأ
    عضو مبتدأ

    ذكر
    الدلو
    عدد الرسائل : 85
    العمر : 33
    نقاط : 79
    تاريخ التسجيل : 25/10/2008
    السٌّمعَة : 2

    حب مصر ميت ألف فرصه عشان أسيب مصر

    مُساهمة من طرف eidoooooooo في الأحد فبراير 07, 2010 8:53 pm

    ميت ألف فرصه عشان أسيب مصر
    ولا عمري سبتها


    علشان هى بلادي اللي بجد بحبها
    بحبها بكدبها وصدقها


    بحب فيها أصالة وندالة أهلها
    بحب فيها السهر

    بحب
    زيفها وأصلها


    بحب فيها طلعه الشمس
    تنور وشها


    بحب فيها القمر طالع
    يغازل حسنها


    بحب فيها المشي علي شط
    نيلها وبحرها


    بحب فيها بناتها
    راسمين ملامح شعبها


    دي بنت مايصه وحاطه
    ورده فـ شعرها


    ودي بنت جد ونازله
    جري لشغلها


    هتلاقي فين بلد
    فيها الكنايس والجوامع
    بتحضن بعضها


    مسلم مسيحي إخوات
    راضعين طيبة من صدرها
    نبع الحنان ويناموا حاضنين
    أرضها


    هتلاقي فين تاني بلد
    كل حاجه فيها
    تخليك تحبها


    هتقولي ظالمه هقولك
    برضو بحبها
    هتقولي ضالمه
    مهو ده سواد شعرها


    هتقولي زحمه هقولك
    علشان بنعشق أرضها


    هتقو لي فيها فساد
    هقولك ده من طيبه شعبها


    جرب كده تسهر ولو وحدك
    علي ضف نيلها وحبها
    جرب تشوف بنت حلوه
    مع شاب واقف جمبها


    بيحبها شايل في قلبه
    هموم الدنيا كلها
    وبرضو بيحبها


    جرب كده تاكل دره وترمس
    علي شطها


    وتشوف وشوش الناس
    وإضحك زيها


    طب وإنت ماشي لوحدك
    ووقعت في مشكله
    مش بتلاقي ألف واحد
    جمبك بيحلها


    لا تعرفهم ولا يعرفوك
    بس جمعكم حبها


    اهي هي دي مصر
    زاحمه ظالمه
    فاسده ضالمه مش مهم
    ده كفايه خفت دمها
    هأفضل لمصر أقول وأعيد
    أنا أصلي عاشق أرضها

    وطبعا ده كله كلام في الهوا
    أنا لو تجيني نص فرصة هقول لها
    بالسلامه يا مصر
    ومش عايز أشوف وشها
    وهي دي بقى ندالة أهلها
    avatar
    HAWK OF ISLAM
    مشرف
    مشرف

    ذكر
    القوس
    عدد الرسائل : 134
    العمر : 27
    العمل/الترفيه : طالب فى كليه الهندسة الالكترونية / كرة القدم
    الموقع : ra7maa.alafdal.net
    مزاجك ايه النهرده :
    نقاط : 143
    تاريخ التسجيل : 29/10/2008
    السٌّمعَة : 5

    رد: حب مصر ميت ألف فرصه عشان أسيب مصر

    مُساهمة من طرف HAWK OF ISLAM في الإثنين فبراير 08, 2010 2:22 am

    لا حول ولا قوة الا بالله

    مالك يا بشمهندس يخبر شكلك شايل منها

    تلاقى كام موقف جنبك دفعك ما تحبها

    بس فى الاول والآخر هى بلدك ومسيرك ترجعلها



    avatar
    الملاك الحائر
    مشرفه
    مشرفه

    انثى
    عدد الرسائل : 501
    مزاجك ايه النهرده :
    نقاط : 598
    تاريخ التسجيل : 18/02/2009
    السٌّمعَة : 32

    رد: حب مصر ميت ألف فرصه عشان أسيب مصر

    مُساهمة من طرف الملاك الحائر في الإثنين فبراير 08, 2010 5:02 pm



    بقى "بالسلامة" هتقولها؟
    وتقول بتعشق أرضها؟؟!
    طب فين ممكن تلاقي
    طيبة وأصل شعبها
    صحيح ممكن ساعات
    بتبخل علينا بقرشها
    بس العيب عمره ما كان منها
    العيب فينا يا اخويا
    سبناه يمص في دمها
    ويذل ناسها وأهلها
    طاغي اتفرعن وزاد
    ونهب خير البلاد
    ما هو من شر العباد
    يبقى هي ايه ذنبها
    ليه بس سكت عيالها
    فين راح لسان شعبها؟
    مش كانوا يدافعوا عنها؟؟
    عمي الشهيد
    دفع روحه تمن
    عشان يرد أرضها
    ويصون ماضيها ومجدها
    ويسيبك انت تعيش
    تتهنى بكل خيرها ورزقها
    لكن وبكل حسرة
    سبنا الدفة لثلة
    تنهب فيها وفي عزها
    لو بس نفوق شوية
    ونقول للظلم لأ
    كانت هتبقى أحلى
    ونعيش ويسودنا الحق

    لو جاتلي فرصة، هسافر
    بس عشان أرجع وأعمر
    وأبني واصلح أرضها
    وأبر أهلي وأهلها

    محروسة يا مصر دايما
    بارك يارب في شعبها



    [img]
    avatar
    rehan
    مشرفه
    مشرفه

    انثى
    عدد الرسائل : 1246
    نقاط : 576
    تاريخ التسجيل : 25/10/2008
    السٌّمعَة : 40

    رد: حب مصر ميت ألف فرصه عشان أسيب مصر

    مُساهمة من طرف rehan في الإثنين فبراير 08, 2010 8:21 pm

    هى الوحيدة فى قلبى ومفيش غيرها بشتقالها
    مهما أشرق وأغرب بردوا لازم أرجعلها
    فية كتير مشاكل ونكد وهم بس بردوا بحبها
    ومن غيرنا يفكرفيها ويخطط للمستقبل ويشيل همها
    بحلم بيوم أرجع ليكى رافع راسك وأقول دا أنا ابنها
    اعوض اللى فاتك وبايدينا تانى نرجع مجدها
    وأشوفك فى السما عالية وأحسن بلد فى الدنيا كلها



    من قبل منفتح عنينا للحياة..قال الرسول لصحابة أنه حبنا
    لما عرفت انى كنت واحشة ..هعيش حياتى بحبة وكأنة هنا
    عشانا سافر.. ساب ناسه.. ساب أهله وبيتة.. وراح مهاجر
    ياريتة كان بينا ياريتة.........
    [b]
    avatar
    ahmed elsawy
    عضو جديد
    عضو جديد

    ذكر
    الدلو
    عدد الرسائل : 37
    العمر : 31
    مزاجك ايه النهرده :
    نقاط : 57
    تاريخ التسجيل : 19/01/2010
    السٌّمعَة : 12

    رد: حب مصر ميت ألف فرصه عشان أسيب مصر

    مُساهمة من طرف ahmed elsawy في الإثنين فبراير 08, 2010 8:30 pm

    اظاهر انك مش عارف قيمة مصر؛وعارف لو جتلك فرصة وسبتها ؛هتعرف قيمتها فى الوقت ده ؛ لما هتكون فى غربه وساعة لما تتالم او تكون مهموم مش هتلاقى حد جمبك
    مش هتلاقى ابوك وامك بيحضنوك ويخففوا عنك ومش هتلاقى اخوك واختك بيحموك ومش هتلاقى اصحابك الى بيحبوك بجد ؛ مش عشان مصلحة.
    ساعتها مش هتقول كدا هتقول ياريت تلاقى نص فرصة وارجع ليها .
    غلط الى قال مصر ام الدنيا لان مصر الدنيا كلها
    avatar
    ahmed elsawy
    عضو جديد
    عضو جديد

    ذكر
    الدلو
    عدد الرسائل : 37
    العمر : 31
    مزاجك ايه النهرده :
    نقاط : 57
    تاريخ التسجيل : 19/01/2010
    السٌّمعَة : 12

    رد: حب مصر ميت ألف فرصه عشان أسيب مصر

    مُساهمة من طرف ahmed elsawy في الإثنين فبراير 08, 2010 8:33 pm

    rehan كتب:هى الوحيدة فى قلبى ومفيش غيرها بشتقالها
    مهما أشرق وأغرب بردوا لازم أرجعلها
    فية كتير مشاكل ونكد وهم بس بردوا بحبها
    ومن غيرنا يفكرفيها ويخطط للمستقبل ويشيل همها
    بحلم بيوم أرجع ليكى رافع راسك وأقول دا أنا ابنها
    اعوض اللى فاتك وبايدينا تانى نرجع مجدها
    وأشوفك فى السما عالية وأحسن بلد فى الدنيا كلها
    بجد هى دى مصر؛ جزاكى الله خير
    avatar
    eidoooooooo
    عضو مبتدأ
    عضو مبتدأ

    ذكر
    الدلو
    عدد الرسائل : 85
    العمر : 33
    نقاط : 79
    تاريخ التسجيل : 25/10/2008
    السٌّمعَة : 2

    رد: حب مصر ميت ألف فرصه عشان أسيب مصر

    مُساهمة من طرف eidoooooooo في الثلاثاء فبراير 09, 2010 1:21 pm

    سلام عليكم الكلام ده مش بيعبر عن حالى لا والله انا من اشد الناس اللى بيحبوا مصر امنا الغاليه بس ضيقنى كتير من شباب اليومين دول فعلا لو جت ليهم فرصه يسيبوها فعلا هيسيبوها وهما فعلا اللى خسرانين وبجد اللى يعرف الخير اللى فى البلد دى مش هيسبها
    avatar
    eidoooooooo
    عضو مبتدأ
    عضو مبتدأ

    ذكر
    الدلو
    عدد الرسائل : 85
    العمر : 33
    نقاط : 79
    تاريخ التسجيل : 25/10/2008
    السٌّمعَة : 2

    رد: حب مصر ميت ألف فرصه عشان أسيب مصر

    مُساهمة من طرف eidoooooooo في الثلاثاء فبراير 09, 2010 1:25 pm

    ظاهر انك مش عارف قيمة مصر؛وعارف لو جتلك فرصة وسبتها ؛هتعرف قيمتها فى الوقت ده ؛ لما هتكون فى غربه وساعة لما تتالم او تكون مهموم مش هتلاقى حد جمبك
    مش هتلاقى ابوك وامك بيحضنوك ويخففوا عنك ومش هتلاقى اخوك واختك بيحموك ومش هتلاقى اصحابك الى بيحبوك بجد ؛ مش عشان مصلحة.
    ساعتها مش هتقول كدا هتقول ياريت تلاقى نص فرصة وارجع ليها .
    غلط الى قال مصر ام الدنيا لان مصر الدنيا كلها
    لا انا مش معاك فى انك تحكم عليا كده لانى فعلا جربت الغربه مش بعيد عن مصر لاعن بلدى وقريتى وعرفت اد ايه البعد صعب واد ايه الفرقه مره وتقول ايه لو بعدت عن اهلها وشعبها
    فعلا ربنا يقويك ويرجعك بالسلامه ان شاء الله لبلدك
    avatar
    nagat
    عضو مبتدأ
    عضو مبتدأ

    انثى
    العذراء
    عدد الرسائل : 100
    العمر : 29
    العمل/الترفيه : لسه متخرجه السنه دى
    الموقع : اللهم ارزقنا الثبات في الدنيا والاخرة
    مزاجك ايه النهرده :
    نقاط : 130
    تاريخ التسجيل : 19/12/2009
    السٌّمعَة : 11

    رد: حب مصر ميت ألف فرصه عشان أسيب مصر

    مُساهمة من طرف nagat في الأربعاء فبراير 10, 2010 6:27 pm

    السلام عليكم
    انا كنت في الاول زي اي بنت مش فارقة معاها بلدها ايه ولا حتي فين
    بس الحمد لله بعد انضمامي للجمعية حسيت انه لا اكييييييييييييد طبعا
    في فرق وكبيييييييير اوي
    هوه ان احنا شعب طيب جدا وكمان مسالم وزي ما كله اتكلم انه كل لما
    بيبعد عنها بيشتقلها وبيرجعلها ويوطي علي ترابها
    احنا بلد الفراعنة اللي عملو حضارة مش موجودة عند اي حد
    ودلوقتي نفسي اعملها حاجه واني اشرفها زي ماانا متشرفة بيها
    ونفسي اعلي رايتها ...............
    هقول في الختام .....
    ((انا مصرية)) I love you

      الوقت/التاريخ الآن هو السبت أغسطس 18, 2018 8:11 am