قول لا اله الا الله كلمات

يوم حظك منك تاه .............................. وتعبت من الجرى وراه

أوعى فى يوم تفقد إمانك .......................... قول لا اله الا الله

لو رجليك تعبوك م اللف ......................... لو فى عنيك دمعة ما بتخف

لو حسيت جواك بالضعف ............................ قول لا اله الا الله

لو مش قادر تسعد ولدك ............................ لو حسيت بالغربة فى بلدك

أتذليت ومحدش سندك .............................. قول لا اله الا الله

لو حسيت إنى انت وحيد ........................... سهران تبكى فى ليلة العيد

لا أب وام لا لبس جديد ........................... قول لا اله الا الله

لو سهران وحدك باليل .......................... بتفكر والحمل تقيل

لو دمعك حرق المنديل ......................... قول لا اله الا الله

لو عينك ع الحاجة بصيرة ........................ وف نفسك واليد قصيرة

لو فرشك ع الارض حصيرة ................... قول لا اله الا الله

لو إللى فكرهم بيحبوك ....................... كانوا بيقولوا محال ينسوك

قفلو الباب أول ما شفوك ...................... قول لا اله الا الله

لو قاعد ايدك على خدك .......................... ودموع طوفان بيهدك

لا جار ولا صاحب بيودك ......................... قول لا اله الا الله

........................................... قول لا اله الا الله .......................................
اهداء
محمود عويضة